ພະແນກຄຸ້ມຄອງຄວາມສ່ຽງ ແລະ ຕ້ານການຟອກເງິນ

ພະ​ແນ​ກຄຸ້ມ​ຄອງ​ຄວາມ​ສ່ຽງ  ​ແລະຕ້ານ​ການ​ຟອກ​ເງິນ ​ແມ່​ນພະ​ແນ​ກໜຶ່ງທີ່​ສັງກັດ​ໃນ​ໂຄງ​ປະກອບ​ການຈັດ​ຕັ້ງ​ຂອງ​ ທະນາຄານ​ການ​ຄ້າ​ຕ່າງປະ​ເທດ​ລາວມະ​ຫາ​ຊົນ​ ແລະ ​ເກີດ​ມາ​ຈາກ​ການ​ລວມ​ເຂົ້າກັນ ​ຂອງ​ຂະ​ແໜງຄຸ້ມ​ຄອງ​ຄວາມ​ສ່ຽງ ​ແລະ ຂະ​ແໜງຕ້ານ​ການ​ຟອກ​ເງິນ.

ມີ​ພາລະ​ບົດບາດ​ເປັນ "​ເສນາ​ທິການ​ໃຫ້​ກັບ​ຄະນະ​ອໍານວຍ​ການ ແລະ ຄະນະ​ກໍາມະການ​ຄຸ້ມ​ຄອງ​ຄວາມ​ສ່ຽງ" ​​ໃນ​ການຈັດ​ຕັ້ງ​ປະຕິບັດ​ວຽກງານຄຸ້ມ​ຄອງ​ຄວາມ​ສ່ຽງ ແລະ ວຽກງານ​​ຕ້ານສະກັດ​ກັ້ນ ການ​ຟອກ​ເງິນ ແລະ ການສະໜອງທຶນ​ໃຫ້​ແກ່​ການ​ກໍ່​ການ​ຮ້າຍຢ່າງຮອບ​ດ້ານ​ ຂອງທຄຕລທົ່ວ​ລະບົບ, ​ເປັນ​ໃຈກາງ​ປະສານ​ງານ ​ແລ​ະ ​ແກ້​ໄຂ​ບັນຫາ​ຕ່າງໆ ​ກ່ຽວກັບວຽກງານ​​ຕ້ານ ສະກັດ​ກັ້ນ ການ​ຟອກ​ເງິນ ແລະ ການສະໜອງທຶນ​ໃຫ້​ແກ່​ການ​ກໍ່​ການ​ຮ້າຍ ​ແລະ ວຽກງານ FATCA ພາຍ​ໃນ ທຄຕລ ລວມທັງ​ພາກສ່ວນ​ກ່ຽວຂ້ອງ ທັງ​ພາຍ​ໃນ ​ແລ​ະ ຕ່າງປະ​ເທດ ​ເພື່ອ​ປ້ອງ​ກັນ​ບໍ່​ໃຫ້ ທຄຕລ ຕົກ​ເປັນ​ເຄື່ອງມື​ໃນ​ການ​ຟອກ​ເງິນ ​ແລະ ສະໜອງທຶນ​ໃຫ້​ແກ່​ກາ​ນກໍ່​ການ​ຮ້າຍ​ຂອງ​ກຸ່ມ​ຄົນ​ທີ່​ບໍ່​ດີ.

ພະ​ແນ​ກຄຸ້ມ​ຄອງ​ຄວາມ​ສ່ຽງ  ​ແລະ ຕ້ານ​ການ​ຟອກ​ເງິນ​ ເຮັດໜ້າທີ່ຢ່າງ​ເອກະລາດ​ ເພື່ອ​ສະໜັບສະໜູນຍຸດ​ທະ​ສາດ​ບໍລິຫານ​ຄວາມ​ສ່ຽງ​ ເພື່ອ​ສ້າງ​ຄວາມ​ເຂັ້ມ​ແຂງ​ ທາງ​ດ້ານ​ການ​ເງິນ​ແກ່​ທະນາຄານ ​ເພື່ອ​ຮັກສາ​ຜົນ​ປະ​ໂຫຍ​ດຂອງ​ຜູ້ຖື​ຮຸ້ນ ​ແລະ ຜູ້​ຝາກ​ເງິນ.