ໄອແບັງ | ທຄຕລ

ຊື່ຜະລິດຕະພັນ

BCEL i-Bank

ຄຸນລັກສະນະ

ເປັນບໍລິການ ທຄຕລ ໄອແບັງເປັນບໍລິການເພື່ອເຮັດໃຫ້ລູກຄ້າສາມາດເຮັດລາຍການທຸລະກຳທາງດ້ານການເງິນຂອງລູກຄ້າຜ່ານທາງອິນເຕີເນັດໄດ້ຕະຫລອດ 24 ຊົ່ວໂມງ.

ຄຸນປະໂຫຍດ

ທຸກໆນາທີຂອງການພັດທະນາ ມີເຕັກໂນໂລຊີເກີດຂຶ້ນຢ່າງຫຼວງຫຼາຍ ແລະ ມື້ນີ້ທະນາຄານການຄ້າຕ່າງປະເທດລາວ ມະຫາຊົນ ເອງກໍ່ເຊັ່ນດຽວກັນ ພວກເຮົາບໍ່ໄດ້ຢຸດຢັ້ງການພັດທະນາ. ມາຮອດມື້ນີ້ ພວກເຮົາໄດ້ພັດທະນາລະບົບ Online Banking ທີ່ມີຊື່ວ່າ BCEL i-Bank version ໃໝ່ ທີ່ຈະເຮັດໃຫ້ທ່ານ ສະດວກ, ວ່ອງໄວ ແລະ ໝັ້ນໃຈຂື້ນຫຼາຍຂຶ້ນຕື່ມອີກ ກັບ ໜ້າຕ່າງການໃຊ້ງ່າຍດາຍ ແລະ ກະທັດຮັດ, ຫຼຸດຂັ້ນຕອນທີ່ຫຍຸ້ງຍາກ, ເຮັດທຸລະກຳໄດ້ຫຼາກຫຼາຍປະເພດເຊັ່ນ: ໂອນເງິນພາຍໃນບັນຊີ BCEL,ໂອນລອຍ, ໂອນເງິນຂ້າມທະນາຄານ, ໂອນເງິນໄປຕ່່າງປະເທດ, ຊຳລະຄ່າສາທາລະນຸປະໂພກ, ຕິດຕາມການນຳໃຊ້ແຊັກ, ຕິດຕາມ statement ບັນຊີ ແລະ ຫຼັງສຳເລັດທຸລະກຳ ມີໃບຢັ້ງຢືນການໂອນໃຫ້ທຸກຄັ້ງ ເຊິ່ງມາພ້ອມກັບລະບົບຄວາມປອດໄພທີ່ໄດ້ມາດຕະຖານສາກົນ ທີມີຄວາມປອດໄພສູງ.

ບໍລິການຕ່າງໆ

ທ່ານສາມາດເຮັດການເບີກຈ່າຍເງິນເດືອນໃຫ້ພະນັກງານດ້ວຍຕົວທ່ານເອງ ໄດ້ຢ່າງສະດວກ, ຕິດຕາມງ່າຍ ແລະ ເຫັນເງິນອອກເປັນກ້ອນດຽວ.
ໂອນເງິນໄດ້ຫຼາຍຮູບແບບເຊັ່ນ: ໂອນເງິນຕ່າງປະເທດ, ໂອນເງິນຂ້າມທະນາຄານພາຍໃນປະເທດ, ໂອນເງິນພາຍໃນເຄືອຂ່າຍ ທຄຕລ, ໂອນເງິນເຖິງຜູ້ຮັບທີ່ບໍ່ມີບັນຊີເງິນຝາກນຳທະນາຄານ (ໂອນລອຍ).
ການໂອນເງິນແມ່ນສາມາດຕັ້ງເວລາການໂອນລ່ວງໜ້າໄດ້ເຊັ່ນໂອນຄັ້ງດຽວ, ໂອນເປັນລາຍມື້, ລາຍອາທິດ, ລາຍເດືອນ,ລາຍປີ ແລະ ສາມາດຕິດຕາມ ຫຼື ຍົກເລີກຮອບວຽນທີ່ຕັ້ງໄວ້ໄດ້.
ຊຳລະພາສີອາກອນ,ຄ່າໄຟຟ້າ, ຄ່ານ້ຳປະປາ, ຄ່າໂທລະສັບ, ຄ່າອິນເຕີເນັດ, ເຕີມບັດໂທລະສັບ,ຈ່າຍຄ່າ LDTV ແລະ ອື່ນໆ ພ້ອມທັງສາມາດກວດເບິ່ງປະຫວັດການຊຳລະທີ່ຜ່ານມາ.
ເບິ່ງລາຍລະອຽດການເຄື່ອນໄຫວບັນຊີເຊັ່ນ: ບັນຊີເງິນຝາກປະຢັດ, ບັນຊີເງິນຝາກມີກຳນົດ, ບັນຊີິເງິນຝາກກະແສລາຍວັນ ແລະບັນຊີເງິນກູ້.
ພີມລາຍການບັນຊີສຳຮອງ. ສາມາດສົ່ງລາຍການບັນຊີສຳຮອງເຖິງອີເມລເປັນລາຍອາທິດ, ລາຍເດືອນ.
ຕິດຕາມການເຄື່ອນໄຫວນຳໃຊ້ ແຊັກ.
ກວດເບິ່ງອັດຕາແລກປ່ຽນປະຈຳວັນຂອງທຸກສະກຸນເງິນໄດ້ງ່າຍດາຍ.
ສາມາດເພີ່ມຄວາມປອດໄພ ໂດຍການແຍກສິດທິຜູ້ນຳໃຊ້ ແລະ ເພີ່ມຂັ້ນຕອນໃນການເຮັດທຸກລະກຳ ໃຫ້ມີກົນໄກການອະນຸມັດໄປຕາມສິດທິທີ່ຕັ້ງໄວ້ ແລະ ການເພິ່ມ OTP Token ເຂົ້າໃນທຸກ User ທີ່ເຮັດທຸລະກຳ ເພື່ອໃຫ້ໄດ້ຈົນເຖິງຄວາມປອດໄພທີ່ທ່ານຕ້ອງການ

ສຳລັບລູກຄ້ານິຕິບຸກຄົນ : ອະນຸຍາດໃຫ້ມີຫລາຍ user ໃນການນຳໃຊ້ລະບົບ. ສາມາດເພີ່ມຄວາມປອດໄພ ໂດຍການແຍກສິດທິຜູ້ນຳໃຊ້ແລະ ເພີ່ມຂັ້ນຕອນໃນການເຮັດທຸກລະກຳ ໃຫ້ມີກົນໄກການອະນຸມັດໄປຕາມສິດທິທີ່ ກຳນົດໄວ້ ໂດຍທຸກລາຍການເຄື່ອນໄຫວສາມາດມີ User ຜູ້ກວດສອບ ແລະ ຜູ້ອານຸມັດ.ທຸກໆທຸລະກຳດ້ານການເງິນໄດ້ນຳໃຊ້ລະຫັດ One time password ໃນການຢືນຢັນທຸລະກຳທຸກຄັ້ງ. ທີ່ສຳຄັນທຸກໆການເຄື່ອນໄຫວລ້ວນແຕ່ມີລະບົບລາຍງານໃຫ້ຜູ້ບໍລິຫານກວດສອບໄດ້ຕະຫລອດເວລາ.

ເງື່ອນໄຂການໃຊ້ບໍລິການ

ທ່ານຕ້ອງມີບັນຊີເງິນຝາກປະຢັດ ຫຼືບັນຊີເງິນຝາກກະແສລາຍວັນຢູ່ ທຄຕລ.
ທ່ານຕ້ອງເປັນເຈົ້າຂອງທີ່ມີສິດສັ່ງຈ່າຍຫຼືໄດ້ຮັບການມອບສິດຈາກເຈົ້າຂອງບັນຊີທີ່ມີສິດສັ່ງຈ່າຍໃນບັນຊີ.
ຍອມຮັບເງື່ອນໄຂແລະຂໍ້ກໍາໜົດໃນການໃຊ້ບໍລິການພ້ອມທັງໃຫ້ຂໍ້ມູນຖືກຕ້ອງແລະຊັດເຈນໃນແບບ ຟອມຂໍນຳໃຊ້ບໍລິການຂອງທະນາຄານ.
ກໍລະນີເຈົ້າຂອງບັນຊີທີ່ມີສິດສັ່ງຈ່າຍມອບໃຫ້ຜູ້ຕ່າງໜ້າມາພົວພັນຂໍນຳໃຊ້ບໍລິການ ແມ່ນຕ້ອງມີໃບມອບສິດຈາກເຈົ້າຂອງບັນຊີ.
ສໍາເນົາບັດປະຈໍາຕົວຂອງເຈົ້າຂອງບັນຊີ, ສໍາເນົາບັດປະຈໍາຕົວຂອງຜູ້ມອບສິດແລະຜູ້ທີ່ຖືກມອບສິດ
(ໃນກໍລະນີມອບສິດໃຫ້ບຸກຄົນອື່ນໃຊ້ບໍລິການນີ້) ສໍາເນົາເອກະສານທັງໝົດຕ້ອງບໍ່ໝົດອາຍຸ.

ຟອມລົງທະບຽນ

ທ່ານສາມາດສະໝັກແລະປະກອບແບບຟອມໄດ້ທີ່ສໍານັກງານໃຫຍ່, ໜ່ວຍບໍລິການ ແລະສາຂາຂອງທຄຕລ

ຫຼື ທ່ານສາມາດດາວໂຫລດ ແບບຟອມສະໝັກ ແລະເອກະສານປະກອບການຂໍນຳໃຊ້ບໍລິການໄດ້ທີ່

ເວບໄຊ້ http://www.bcel.com.la

ໂທລະສັບ:

(856-21) 264959, ສາຍດ່ວນ 1555 ອີເມວ e-banking@bcel.com.la

BCEL ໄອແບັງ

ທັນຍຸກ ທັນສະໄໝ

ໃຊ້ ໄອແບັງ

ແຊໜ້ານີ້