ເພື່ອຄົນທີ່ທ່ານຮັກ

ຊື່ຜະລິດຕະພັນ

ບັນຊີ​ເງິນ​ຝາກ​ປະຢັດເພື່ອ​ລູກ​ຫຼານ

ຄຸນລັກສະນະ

• ບັນຊີ​ເງິນ​ຝາກ​ປະ​ເພດ​ນີ້​ເໝາ​ະສຳລັບ​ຜູ້​ປົກຄອງທຸກ​ທ່ານ ​ທີ່​ຕ້ອງ​ສະ​ສົມ​ເງິນ​​ເພື່ອອານາ​ຄົດ​ໃຫ້​ລູກ​ຫຼານ​.

ຜົນປະໂຫຍດທີ່ໄດ້ຮັບ

• ໄດ້​ຮັບ​ອັດຕາ​ດອກ​ເບັ້ຍ​ສູງ​ກວ່າ​​ເງິນ​ຝາກ​ປະຢັດ​ທົ່ວ​ໄປ ​​ໂດຍຄິດ​ໄລ່ເທົ່າ​ກັບ​ອັດຕາ​ເງິນ​ຝາກ​ປະຈຳ 6 ​ເດືອນທີ່​ທະນາ ຄານປະກາດ​ໃຊ້​ໃນ​ແຕ່ລະ​ໄລຍະ​.
• ສາມາດ​ໃຊ້​​​ເພື່ອຢັ້ງຢືນ​ຖານະ​ການ​ເງິນ.
• ສາມາດ​ຕິດຕາມ​ດອກ​ເບັ້ຍ ​ຜ່ານ​ເວ​ບ​ໄຊທ໌​ຂອງ​ ທຄຕລ (www. bcel.com.la)

​ເງື່ອນໄຂການໃຊ້ບໍລິການ

• ຈຳນວນ​ເງິນ​ເປີດ​ບັນຊີ​ໃນ​ເບື້ອງ​ຕົ້ນ 50.000 ກີບ, 10 ​ໂດ​ລາ, 500 ບາດ.
• ຜູ້​ປົກຄອງ​ສາມາດ​ເປີດ​ຂໍບັນຊີ​ປະຢັດເພື່ອ​ລູກ​ຫຼານ​ໄດ້​ສະ​ເພາະ​ເດັກ​ທີ່​ມີ​ອາຍຸ 13 ປີ​ລົງ​ມາ ໂດຍ​ຕ້ອງ​ນຳ​ປຶ້ມສຳມະ​ໂນ​ຄົວ​ມາ​ເປັນ​ຫຼັກ​ຖານຢັ້ງຢືນກ່ຽວ​ກັບຂໍ້​ມູນ​ຂອງ​ເດັກ​ທີ່​ຕ້ອງການເປີດ​ບັນຊີ​ໃຫ້.
• ຜູ້​ປົກຄອງຕ້ອງ​ເປີດ​ບັນຊີ​ເງິນ​ຝາກ​ປະຢັດ ຫຼື ​ບັນຊີເງິນ​ຝາກ​ກະ​ແສ​ລາຍ​ວັນ​​ເປັນ​ບັນຊີ​ຄູ່​ ເພື່ອຮອງ​ຮັບ​ການ​ໂອນ​ດອກ​ເບັ້ຍຈາກ​ບັນຊີ​ເງິນ​ຝາກປະຢັດ​ເພື່ອ​ລູກ​ຫຼານ.
• ໃນ​ການ​ຝາກ​ເງິນ​ເຂົ້າ​ບັນຊີ​ແຕ່​ລະ​ຄັ້ງ, ຜູ້​ຝາກ​​ຕ້ອງ​ນຳ​ປຶ້ມ​ບັນຊີ​​ເງິນ​ຝາກປະຢັດເພື່ອ​ລູກ​ຫຼານມາ​ ​ເພື່ອ​​ໃຫ້​ພະນັກງານ​ທະນາຄານກວດ​ຄືນ​ຍອດ​ເງິນຝາກ ​ແລະ ພິມ​ລາຍການ​ມອບ​ເງິນ​ເຂົ້າ​ໃໝ່ທຸກໆ​ຄັ້ງ.
• ສາມາ​ດຝາກ​ເງິນ​ເຂົ້າ​ບັນຊີ​ໄດ້​ຕະຫຼອດ​ເວລາ ບໍ່​ຈຳກັດ​ຈຳນວນ​ຄັ້ງ ​ແລະ ວົງ​ເງິນ.
• ບັນຊີ​ເງິນ​ຝາກ​ເພື່ອ​ລູກ​ຫຼານ​ສາມາດ​ນຳ​ໃຊ້​ໄດ້​ຈົນ​ກວ່າ​ເດັກ​ຈະ​ມີ​ອາຍຸຄົບ 18 ປີ​ເຕັມ ​ແລະ ​ໄລຍະ​ຝາກ​ຕໍ່າ​ສຸດ 5 ປີ.
• ອັດຕາ​ດອກ​ເບັ້ຍ​ເງິນ​ຝາກ​ປະຢັດເພື່ອ​ລູກ​ຫຼານ​ຈະ​ມີ​ການ​ປ່ຽນ​ແປງ ຕາມ​ແຈ້ງ​ການ​ທີ່​ປະກາດ​ໃຊ້​ໃນ​ແຕ່ລະ​ໄລ​ຍະ ໂດຍ​ ຈະ​ບໍ່​ໄດ້​ແຈ້ງ​ໃຫ້​ເຈົ້າ​ຂອງ​ບັນຊີ​ຊາບ​ລ່ວງໜ້າ.
• ທະນາຄານ​ຈະ​ຈ່າຍ​ດອກ​ເບັ້ຍ​ໃຫ້ 1 ຄັ້ງ​ຕໍ່​ປີ ​ໃນ​ທ້າຍ​ເດືອນ​ທັນວາ ​ໂດຍ​ໂອນ​ເຂົ້າ​ບັນຊີ​ຮອງ​ຮັບ​ດອກ​ເບັ້ຍ.
• ກໍລະນີບັນຊີ​ເງິນ​ຝາກ​ປະຢັດເພື່ອ​ລູກ​ຫຼານ ​ບໍ່ມີ​ລາຍການ​ມອບ​ເງິນ​ເຂົ້າພາຍ​ໃນ 1 ປີ, ທະນາຄານ​ຈະ​ປິດ​ບັນຊີ​ດັ່ງກ່າວ ​​ແລະ ​ໂອນ​ເງິນ​ທີ່​ມີ​ທັງ​ໝົດ​ໃນ​ບັນຊີ​ໄປ​ເຂົ້າ​ບັນຊີ​ຮອງ​ຮັບ​ດອກ​ເບັ້ຍທັນທີ ​ໂດຍບໍ່​ໄດ້​ແຈ້ງ​ໃຫ້​ເຈົ້າ​ຂອງ​ບັນຊີ​ຊາບລ່ວງ​ໜ້າ.
• ກໍລະນີ​ປິດ​ບັນຊີ​​ເງິນ​ຝາກ​ກ່ອນ 3 ​ເດືອນ ນັບ​ແຕ່​ມື້​ເປີດ​ບັນຊີ, ທະນາຄານ​ຈະ​ບໍ່​ຈ່າຍ​ດອກ​ເບັ້ຍ.
• ກໍລະນີ​ປິດ​ບັນຊີ​ຫຼັງ 3 ​ເດືອນ (ນັບ​ແຕ່​ມື້​ເປີດ​ບັນຊີ) ​ແຕ່ ບໍ່​​ເຖິງ 5 ປີ, ທະນາຄານຈະ​ຈ່າຍ​ດອກ​ເບັ້ຍ​ເທົ່າ​ກັບ​ອັດຕາ​ດອກ​ເບັ້ຍ​ເງິນ​ຝາກ​ປະຢັດຕາມ​ສະກຸນ​ເງິນ​ໂດຍ​ອີງ​ຕາມ​ແຈ້ງ​ການ​ຂອງ​ທະນາຄານ​ປະກາດ​ໃຊ້​ໃນ​ມື້​ປິດ​ບັນຊີ ພ້ອມ​ທັງ​ເກັບ​ຄືນດອກ​ເບັ້ຍ​ທີ່​ຈ່າຍ​​ໃຫ້​ແລ້ວ​​ທັງ​ໝົດ.
• ກໍລະນີ​ປິດ​ບັນຊີຫຼັງ 5ປີ (​ນັບ​ຈາກ​ມື້​ເປີດ​ບັນຊີ) ແຕ່​ບໍ່​ຄົບ​ກຳນົດ​ຝາກ (ອາຍຸ​ເດັກ 18ປີ) ທະນາຄານ​ຈະ​ຈ່າຍ​ດອກ​ເບັ້ຍ​ຕາມ​ອັດຕາ​ດອກ​ເບັ້ຍ​ໃນ​ສັນຍາ, ​ແຕ່​ທະນາຄານ​ຈະ​ເກັບ​ຄ່າ​ທຳນຽມ​ປິດ​ບັນຊີ​ກ່ອນ​ກຳນົດ 100.000ກີບ, 12​ໂດ​ລາ ​ແລະ 400 ບາດ.

ຄ່າ​ບໍລິການ

• ເປີດ​ບັນຊີ​ໃໝ່: 10,000ກີບ / 1 ​ໂດ​ລາ / 40ບາດ ຕໍ່​ບັນຊີ​ຕໍ່​ຄັ້ງ.

​ລະບຽບເງິນຝາກທີກຳນົດ

• ຊື່ບັນຊີ​ເງິນ​ຝາກ​ຕ້ອງ​ແມ່ນ ຊື່​​ແລະ​ນາມສະກຸນ​ຂອງ​ລູກ​ຫຼານ(​ເດັກ) ຊຶ່ງ​​ມີ​ຜູ້​ປົກຄອງ​ເປັນ​ຜູ້​ມາເຄື່ອນ​ໄຫວບັນຊີ​ໃຫ້.
• ເຈົ້າ​ຂອງ​ບັນຊີ​ຕ້ອງ​ຮັກສາ​ປຶ້ມ​ເງິນ​ຝາກ​ໄວ້​ທີ່​ປອດ​ໄພ, ຖ້າ​ປຶ້ມ​ເສຍ​ຫາຍ ຕ້ອງ​ແຈ້ງ​ໃຫ້​ທະນາຄານ​ຊາບ​ຢ່າງ​ເປັນ​ລາຍ​ລັກ​ອັກສອນໂດຍ​ດ່ວນ.
• ​ໃນ​ກໍລະນີ​ຂໍ​ອອກ​ປື້​ມບັນຊີຫົວ​ໃໝ່ (ປຶ້ມ​ເປື້ອນ,ຈີກ​ຂາດ​ແລະ​ເສຍ​ຫາຍ) ທະນາຄານ​ຈະ​ເກັບ​ຄ່າ​ທຳນຽມ​ຕາມ​ລະ ບຽບ​ທີ່​ປະກາດ​ໃຊ້​ໃນ​ແຕ່ລະ​ໄລຍະ.
• ປຶ້ມ​ບັນຊີ​ເງິນ​ຝາກ​ໃຊ້​ໄດ້​ສະ​ເພາະ​ເຈົ້າ​ຂອງ​ບັນຊີ​ເທົ່າ​ນັ້ນ, ບໍ່​ສາມາດ​ປ່ຽນ​ມື​ໄດ້.