News Invitation to participate in bidding for publications

News Careers Forms Activities & Promotions Land and House Email LA

ເຖິງ: ບໍລິສັດ ບໍລິການສິ່ງພິມ ແລະ ບັນດາໂຮງພິມ ທີ່ນັບຖື.

ເລື່ອງ: ແຈ້ງເຊີນເຂົ້າຮ່ວມຍື່ນຊອງປະມູນສິ່ງພິມ.

ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍແຈ້ງເຊີນມາຍັງທ່ານຜູ້ສະໜອງ ທີ່ມີຄວາມສົນໃຈເຂົ້າຮ່ວມປະມູນລາຄາ ຜະລິດ ສິ່ງພິມ ເພື່ອນໍາໃຊ້ ເຂົ້າໃນວຽກງານ ຂອງ ທຄຕລ ລາຍລະອຽດສິນຄ້າ ມີດັ່ງຕາຕະລາງລຸ່ມນີ້:

ລາຍການ	ຈຳນວນ	ລາຍລະອຽດ
1. ເຊືອກແດງມັດເງິນ	1.700 ກໍ້	ເຊືອກສີແດງມັດເງິນ, ກວ້າງ 9 ມມ ໜາ0,9 ມມ, ພິມໜັງສື (BCEL) ສີຂາວ, ໜັກ 08 ກລ/ກໍ້, ແກນໄດ້ມາດຕະຖານ ທຄຕລ, ການຫຸ້ມຫໍ່: 02ກໍ້/ແພັກ ແລະ ລະບຸລາຍລະອຽດສິນຄ້າ ແລະ ຈໍານວນ, ສິນຄ້າ ຮັບປະກັນ 01 ປີ. ໝາຍເຫດ : ການຈັດສົ່ງເຄື່ອງແມ່ນເປັນ 02 ຮອບ, ຮອບລະ 850 ກໍ້ ຫ່າງກັນ 05 ເດືອນ ຫຼັງຈາກສົ່ງຄັ້ງທີ 01 ແລະ ການຊຳລະເງິນແມ່ນຕາມການຈັດສົ່ງແຕ່ລະຮອບ.
2. ໃບມອບເງິນສົດ 3P	4.000 ຫໍ່	ຂະໜາດ 1618,8 ຊມ, ໃຊ້ເຈ້ຍເຄມີ 3 ໃບ/ຊຸດ (ຍີ່ຫໍ້ OJI ເກດ A) ພິມ 4 ສີ, ເຂົ້າເຫຼັ້ມດ້ວຍກາວແຍກຊຸດ ການຫຸ້ມຫໍ່: 500 ຊຸດ/ຫໍ່. 5 ຫໍ່/ແພັກ ແລະ ຕິດຕົວຢ່າງໃສ່ທຸກຫໍ່ ພ້ອມລະບຸລາຍອຽດຂອງສິນຄ້າ, ສິນຄ້າຮັບປະ ກັນ 1 ປີ ໝາຍເຫດ : ການຈັດສົ່ງເຄື່ອງແມ່ນເປັນ* 02 ຮອບ, ຮອບລະ 2.000 ຫໍ່ ຫ່າງກັນ 05 ເດືອນ ຫຼັງຈາກສົ່ງຄັ້ງທີ 01 ແລະ ການຊຳລະເງິນແມ່ນຕາມການຈັດສົ່ງແຕ່ລະຮອບ.
ໝາຍເຫດ: ຜູ້ສະໜອງສາມາດເຂົ້າຮ່ວມປະມູນທຸກລາຍການ ຫຼື ລາຍການໃດໜຶ່ງ ກໍ່ໄດ້, ສ່ວນການພິຈາລະນາແມ່ນ ທຄຕລ ຈະຄັດເລືອກເປັນແຕ່ລະລາຍການ, ຄັດເລືອກຈາກຫຼາຍເງື່ອນໄຂ, ບໍ່ໄດ້ພິຈາລະນາພຽງແຕ່ມູນຄ່າພຽງຢ່າງດຽວ.

ເງື່ອນໄຂຂອງບໍລິສັດ, ໂຮງພິມພາກລັດ ແລະ ເອກະຊົນ ມີຄວາມຕ້ອງການຍື່ນຊອງປະມູນຕ້ອງປະກອບດັ່ງນີ້:

ເອກະສານ ຊອງທີ 01:

ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດດ້ານສິ່ງພິມສະໜອງເຄື່ອງໃຊ້ຫ້ອງການ, ດຳເນີນທຸລະກິດ ຢ່າງໜ້ອຍ 02 ປີຂຶ້ນໄປ, ສໍາເນົາໃບທະບຽນວິສາຫະກິດ, ໃບຢັ້ງຢືນການເສຍອາກອນປີ 2023 ແລະ ຮ່າງແບບຟອມຂອງ ທຄຕລ ທີ່ຄັດຕິດມາພ້ອມນີ້ .
ກຳນົດຍື່ນລາຍລະອຽດຂ້າງເທິງ ສາມາດຍື່ນໄດ້ນັບຈາກ ວັນນີ້ ເຖິງ ວັນຈັນ ວັນທີ 15 /07/20214 ກ່ອນເວລາ 11:00 ໂມງ ໂດຍການສົ່ງຟາຍສະແກນເປັນ PDF ເຂົ້າມາທີ່ E-mail: procurement-@bcel.com.la ແລະ ສົ່ງສິນຄ້າຕົວຢ່າງ ທີ່ພະແນກຫ້ອງການບໍລິຫານ-ການເງິນ ຊັ້ນ 4 ຕຶກ C.

ເອກະສານ ຊອງທີ 02 (ປິດຊອງ):

ທຄຕລ ຈະແຈ້ງສະເພາະຜູ້ທີ່ຜ່ານເງື່ອນໄຂ ຮອບທີ 01 ເທົ່ານັ້ນ ເພື່ອເຂົ້າມາຍື່ນຊອງລາຄາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າມາຮ່ວມ ໃນວັນພຸດ, ທີ 24/07/2024 ເວລາ 9:00 ໂມງ ທີ່ ຊັ້ນ 05, ອາຄານ C.
ໃບສະເໜີລາຄາໃຫ້ລະບຸລາຄາຫົວໜ່ວຍ ແລະ ລວມມູນຄ່າອາກອນທັງໝົດເປັນສະກຸນເງິນກີບໃຫ້ຄົບຖ້ວນ ພ້ອມທັງລະບຸມື້ໝົດກຳນົດເວລາໃນໃບສະເໜີລາຄາດັ່ງກ່າວພ້ອມ (Expire date) ຢ່າງໜ້ອຍ 20 ວັນລັດຖະການ.
ຜູ້ສະໜອງຕ້ອງວາງເງິນຄໍ້າປະກັນການປະມູນຕໍ່າສຸດ 2% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກ ໂດຍທະນາຄານພາຍໃນປະເທດ ( ວັນໝົດອາຍຸໜັງສືຄໍ້າປະກັນຕ້ອງເຖິງ ວັນທີ 30/09/2024 ) ຫຼື ແຊັກທີ່ວີຊ້າແລ້ວ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນ.

ໝາຍເຫດ:

ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ.
ການຊໍາລະແມ່ນ ຈ່າຍເງິນ ຕາມມູນຄ່າສັ່ງຊື້ແຕ່ລະລາຍການ ພາຍຫຼັງໄດ້ຮັບເຄື່ອງຄົບຖ້ວນ ພ້ອມທັງໄດ້ຮັບການຢັ້ງຢືນຈາກພາກສວ່ນກ່ຽວຂ້ອງ ແລະ ກວດກາຄວາມຖືກຕ້ອງຈາກທັງສອງຝ່າຍ ພາຍໃນໄລຍະ 30 ວັນລັດຖະການ.

ດັ່ງນັ້ນ, ຈຶ່ງແຈ້ງມາຍັງທ່ານຜູ້ມີຄວາມສົນໃຈ ຍື່ນຊອງເຂົ້າຮ່ວມການປະມູນລາຄາໃນຄັ້ງນີ້ດ້ວຍ.

ຜູ້ອໍານວຍການ

Invitation to participate in bidding for publications

03/07/2024

(Soft copy)

Invitation to participate in bidding for publications

03/07/2024

Related link

Share