ໜັງສືແຈ້ງເຊີນ

                   ເຖິງ:    ບັນດາຜູ້ສະໜອງຢູ່ພາຍໃນ ສປປ ລາວ.

                   ເລື່ອງ: ​​​ ​​​ເຊີນເຂົ້າຮ່ວມການປະມູນລາຄາ ຮັບເໝົາໃຫ້ບໍລິການທ່ອງທ່ຽວປະເທດເກົາຫຼີ.

ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍ​​​ແຈ້ງມາຍັງບັນດາຜູ້ສະໜອງ ທີ່ມີຄວາມສົນໃຈເຂົ້າຮ່ວມການປະມູນລາຄາ ໃຫ້ບໍລິການຮັບເໝົາທ່ອງທ່ຽວປະເທດເກົາຫຼີ ດັ່ງມີລາຍການໜ້າວຽກລຸ່ມນີ້:

• ລູກທົວ ຈຳນວນ 20 ທ່ານ.
• ໄລຍະເວລາທ່ອງທ່ຽວ 05 ວັນ 04 ຄືນ.
• ໄລຍະເວລາເດີນທາງຕົວຈິງແມ່ນຊ່ວງ ເດືອນ 03/2025.
• ເດີນທາງດ້ວຍຍົນ ສາຍການບິນ Lao Airlines (ປີ້ໄປ-ກັບ) ທີ່ນັ່ງຊັ້ນ Economy, ນໍ້າໜັກກະເປົາ 20 ກິໂລ.
• ໂຮງແຮມລະດັບ 4 ດາວ (2 ຄົນ/ຫ້ອງ).
• ຄ່າອາຫານທຸກຄາບ, ຄ່າເຂົ້າຊົມສະຖານທີ່ຕ່າງໆຕາມໂປຣແກມທົວ, ຄ່າວີຊ່າ, ລົດ ແລະ ໄກ້ນໍາທ່ຽວ.
• ຄ່າປະກັນໄພທ່ອງທ່ຽວ.
• ສະຖານທີ່ເຂົ້າຢ້ຽມຊົມ:

• ໝູ່ບ້ານແຫ່ງເທບນິຍາຍ, ໝູ່ບ້ານໄຊນ້າທາວ-ເກາະນາມິ-Shopping ຮົງແດ.
• Shopping ເຄື່ອງສຳອາງ-ສວນສະໜຸກເອເວີ້ແລນ-ຫໍຄອຍກຸງໂຊວ-ຄ້ອງກະແຈຄູ່ຮັກ-ສູນໂສມ-ຮ້ານພອຍ.
• ຊົມຜະລິດຕະພັນນ້ຳມັນສົນເຂັມແດງ-ຜະລິດຕະພັນສາລ່າຍ-ພະລາດຊະວັງ-Shopping ຖະໜົນໄວໜຸ່ມຮົງແດ.

• ເງື່ອນໄຂຂອງຜູ້ສະໜອງທີ່ຕ້ອງການຍື່ນຊອງປະມູນຕ້ອງປະກອບເອກະສານ ດັ່ງນີ້:

*ເອກະສານຊອງທີ 1 (ບໍ່ປິດຊອງ):

1. ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດກ່ຽວກັບການບໍລິການທ່ອງທ່ຽວ, ດຳເນີນທຸລະກິດຢ່າງໜ້ອຍ 3 ປີຂຶ້ນໄປ ແລະ ໃຫ້ສໍາເນົາໃບທະບຽນວິສາຫະກິດ, ໃບອະນຸຍາດດຳເນີນທຸລະກິດປະຈຳປີ, ໃບຢັ້ງຢືນການເສຍອາກອນ 2021-2023, ປະກອບຂໍ້ມູນຕາມຟອມ ທຄຕລ, ເອກະສານກ່ຽວກັບຜົນງານຜ່ານມາຂອງບໍລິສັດ, ລາຍລະອຽດໂປຼແກຼມທົວ.
2. ສາມາດຍື່ນເອກະສານຂ້າງເທິງໄດ້ ນັບຈາກວັນນີ້ຈົນເຖິງ ວັນພະຫັດ, ທີ 19/12/2024 ກ່ອນເວລາ 11:00 ໂມງ ໂດຍການສົ່ງຟາຍ pdf ເຂົ້າມາທີ່ Email: procurement@bcel.com.la.

*ເອກະສານຊອງທີ 2 (ປິດຊອງ):

1. ທຄຕລ ຈະແຈ້ງສະເພາະຜູ້ທີ່ຜ່ານເງື່ອນໄຂ ຮອບທີ 01 ເທົ່ານັ້ນ ເພື່ອເຂົ້າມາຍື່ນຊອງລາຄາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າມາຮ່ວມໃນ ວັນຄານ, ທີ 14/01/2025 ເວລາ 09:00 ໂມງ ທີ່ຫ້ອງປະຊຸມຊັ້ນ 5/2 ຕຶກ C ສໍານັກງານໃຫຍ່.
2. ໃບສະເໜີລາຄາໃຫ້ລະບຸລາຄາ/ໜ່ວຍ ແລະ ມູນຄ່າລວມທັງໝົດເປັນ ສະກຸນເງິນກີບ ແລະ ໂດລາ.
3. ຜູ້ສະໜອງຕ້ອງວາງເງິນຄໍ້າປະກັນການປະມູນຕໍ່າສຸດ 20% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກໂດຍທະນາຄານພາຍໃນ  ສປປ ລາວ (ວັນໝົດອາຍຸໜັງສືຄໍ້າປະກັນຕ້ອງເຖິງວັນທີ 30/04/2024) ຫຼື ແຊັກທີ່ວີຊ້າແລ້ວ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນໃຫ້ຜູ້ທີ່ບໍ່ຜ່ານການຄັດເລືອກ.

*ໝາຍເຫດ: ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ; ການຄັດເລືອກຜູ້ສະໜອງແມ່ນຈະຄັດເລືອກຈາກຫຼາຍເງື່ອນໄຂ (ບໍ່ໄດ້ຄັດເລືອກຈາກລາຄາພຽງຢ່າງດຽວ).

*ເງື່ອນໄຂສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

• ຖ້າຜູ້ຊະນະການປະມູນປະຕິເສດການເຊັນສັນຍາ ຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ.
• ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ແລະ ຄ່າທຳນຽມໃນການຈົດທະບຽນສັນຍາ ແມ່ນມອບໃຫ້ເປັນຄວາມຮັບຜິດຊອບຂອງຜູ້ສະໜອງ.
• ການຊໍາລະແມ່ນຈ່າຍເປັນ 02 ງວດ: ງວດທີ 1 ຊຳລະ 50% ພາຍຫຼັງເຊັນສັນຍາຕາມລະບຽບ ແລະ ງວດທີ 2 ຊຳລະ 50% ກ່ອນເດີນທາງ 01 ອາທິດ.

ດັ່ງນັ້ນ, ຈຶ່ງອອກແຈ້ງເຊີນມາຍັງທ່ານທີ່ມີຄວາມສົນໃຈເຂົ້າຮ່ວມຍືນຊອງປະມູນໃນຄັ້ງນີ້.

                                                                                              ຜູ້ອໍານວຍການ

ຕິດ​ຕໍ່​ພົວ​ພັນ:

021 213200 ຕໍ່ 0