ຂ່າວສານ ເລື່ອນໄລຍະເວລາການຮັບຊອງປະມູນວຽກງານ Data center phase2

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງການ

ຮຽນ: ບັນດາບໍລິສັດຜູ້ໃຫ້ບໍລິການ ກໍ່ສ້າງ, ສ້ອມແປງ ແລະ ຕົບແຕ່ງ ອາຄານ.

ບັນດາບໍລິສັດຜູ້ໃຫ້ບໍລິການ ແລະ ບຳລຸງຮັກສາ ສູນເກັບກຳຂໍ້ມູນ-ຂ່າວສານໄອທີ.

ເລື່ອງ: ເລື່ອນໄລຍະເວລາການຮັບຊອງປະມູນວຽກງານ Data center phase2

ອີງຕາມໜັງສືແຈ້ງເຊີນປະມູນວຽກ data hall ເລກທີ 4130/ທຄຕລ.2024, ວັນທີ 06/12/2024;
ອີງຕາມໜັງແຈ້ງເຊີນປະມູນວຽກຕົບແຕ່ງ utility ເລກທີ 4198/ທຄຕລ.2024, ວັນທີ 13/12/2024.

ທະນາຄານການຄ້າຕ່າງປະເທດລາວ ມະຫາຊົນ ຂໍຖືເປັນກຽດແຈ້ງມາຍັງທ່ານຊາບວ່າ ທຄຕລ ຈະເລື່ອນໄລຍະເວລາການຮັບຊອງປະມູນວຽກງານ Data center phase2 ທັງວຽກ data hall ແລະ ວຽກຕົບແຕ່ງ utility ດັ່ງລາຍລະອຽດລຸ່ມນີ້:

ວຽກ data hall ຈາກວັນທີ 24/01/2025 ເປັນ ວັນທີ 28/02/2025 ສໍາລັບເວລາຢື່ນຊອງປະມູນບໍລິສັດຕ້ອງຍື່ນຊອງເອກະສານປະມູນ ທີ່ຫ້ອງການອຳນວຍການ ທຄຕລ (ຊັ້ນ 5 ຕຶກ C) ສຳນັກງານໃຫຍ່ ພາຍໃນອາທິດສຸດທ້າຍ ກ່ອນປິດການປະມູນ ຄື ວັນທີ 24-28 ກຸມພາ 2025 ປິດຮັບເວລາ: 15:30ໂມງ;
ວຽກຕົບແຕ່ງ utility ຈາກວັນທີ 03/02/2025 ເປັນ ວັນທີ 28/02/2025 ສໍາລັບເວລາຢື່ນຊອງປະມູນບໍລິສັດຕ້ອງຍື່ນຊອງເອກະສານປະມູນ ທີ່ຫ້ອງການອຳນວຍການ ທຄຕລ (ຊັ້ນ 5 ຕຶກ C) ສຳນັກງານໃຫຍ່ ພາຍໃນອາທິດສຸດທ້າຍ ກ່ອນປິດການປະມູນ ຄື ວັນທີ 24-28 ກຸມພາ 2025 ປິດຮັບເວລາ: 15:30ໂມງ;
ຈະແຈ້ງຜົນການຄັດເລືອກບໍລິສັດບໍ່ເກີນວັນທີ 28/03/2025.

ດັ່ງນັ້ນ, ຈື່ງແຈ້ງມາຍັງທ່ານເພື່ອຮັບຊາບດ້ວຍ.

ຜູ້ອໍານວຍການ