ຂ່າວສານ ແຈ້ງເຊີນເຂົ້າຮ່ວມຍື່ນຊອງປະມູນລາຄາບໍາລຸງຮັກສາ ຈັກປັ່ນໄຟຟ້າສໍາຮອງ ແລະ ໝໍ້ແປງໄຟ

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນ

ເຖິງ: ບັນດາບໍລິສັດ ແລະ ຫ້າງຮ້ານຕົວແທນຈໍາໜ່າຍ ໃນນະຄອນຫຼວງວຽງຈັນ.

ເລື່ອງ: ແຈ້ງເຊີນເຂົ້າຮ່ວມຍືນຊອງປະມູນລາຄາບຳລຸງຮັກສາ ຈັກປັ່ນໄຟຟ້າສໍາຮອງ ແລະ ໝໍ້ແປງໄຟ.

ທະນາຄານການຄ້າຕ່າງປະເທດລາວ ມະຫາຊົນ ຂໍແຈ້ງມາຍັງທ່ານຊາບບັນດາບໍລິສັດ ແລະ ຫ້າງຮ້ານຕົວແທນຈຳໜ່າຍ, ເພື່ອເຂົ້າຮ່ວມປະມູນລາຄາໃນການບໍລິການ ບຳລຸງຮັກສາ ຈັກປັ່ນໄຟຟ້າສໍາຮອງ (Generator) ແລະ ໝໍ້ແປງໄຟ ຂອງ ທຄຕລ ເພື່ອຮັບປະກັນການໃຊ້ງານອຸປະກອນໄຟຟ້າສໍາຮອງ. ດັ່ງນັ້ນ, ຈຶ່ງໄດ້ແຈ້ງເຊີນມາຍັງທ່ານເພື່ອຍືນຊອງເຂົ້າຮ່ວມປະມູນ ດັ່ງມີລາຍລະອຽດຂ້າງລຸ່ມນີ້:

	ລາຍການ	ຈໍານວນ (ໜ່ວຍ)
	ຈັກປັ່ນໄຟ Cummins Generator 500kVA
	ຈັກປັ່ນໄຟ Cummins Generator 500kVA
	ຈັກປັ່ນໄຟ Cummins Generator 500kVA
	1250 kVA
	1250 kVA
	(ATS)
ໝາຍເຫດ: ບໍລິສັດສາມາດເຂົ້າມາສຳຫລວດ ແລະ ສອບຖາມຂໍ້ມູນໄດ້ ນັບຕັ້ງແຕ່ ມື້ນີ້ ເຖິງ 02/04/2025 ໃນວັນເວລາໂມງລັດຖະການ.

ໜ້າທີ່ຂອງຜູ້ໃຫ້ບໍລິການໃນການບໍາລຸງຮັກສາ ຈັກປັ່ນໄຟຟ້າສໍາຮອງ ແລະ ໝໍ້ແປງໄຟ ມີດັ່ງນີ້:

ຈັກປັ່ນໄຟຟ້າສຳຮອງ (Generator) :

ໃຫ້ການບໍາລຸງຮັກສາ.
ຊັບພອດແກ້ໄຂບັນຫາເຕັກນິກ
ລາຍງານສະພາບເຄື່ອງ Generator ຢ່າງເປັນປະຈຳພາຍຫລັງທີ່ເຮັດ MA ສໍາເລັດ.
ກວດເຊັກໄຟຟ້າຂາເຂົ້າ-ຂາອອກ, ລະບົບສາຍດິນ ຂອງ Generator.
ບັນທຶກລາຍລະອຽດຕ່າງໆທີ່ຕິດພັນກັບຕົວເຄື່ອງ.
ກວດເຊັກພື້ນຖານຂອງເຄື່ອງ ເຊັ່ນ: ການຕັ້ງຄ່າຂອງເຄື່ອງ, ການອັບເກຼດ Firmware ແລະ ອື່ນໆ ຕາມມາດຕະຖານເຕັກນິກ.
ກວດ Log ຍ້ອນຫຼັງ.
ກວດອຸປະກອນອື່ນໆຂອງເຄື່ອງ Generator.
ທຳການ Self-Test ຕົວເຄື່ອງ, ກວດ Battery ແລະ ອື່ນໆ.
ປ່ຽນຖ່າຍກອງ ເຄື່ອງ, ກອງກາຊວນ, ກອງອາກາດ, ນ້ຳມັນເຄື່ອງ ແລະ ນ້ຳຢາຫຼໍ່ເຢັນ.
ບຳລຸງຮັກສາອະນາໄມພາຍໃນ ແລະ ພາຍນອກຕົວເຄື່ອງ.
ສະຫຼຸບລາຍງານໃຫ້ ທຄຕລ ໃນການບຳລຸງຮັກສາແຕ່ລະຄັ້ງ.
ການເຂົ້າມາບຳລຸງຮັກສາຢ່າງໜ້ອຍ 3 ເດືອນ/ຄັ້ງ (4 ຄັ້ງ/ປີ) ເຖິງວ່າຈະມີບັນຫາ ຫຼື ບໍ່ມີບັນຫາກໍ່ຕາມ.
ໜ້າວຽກອື່ນໆທີ່ຈຳເປັນໃນການບຳລຸງຮັກສາ Generator ໃຫ້ບໍລິສັດລະບຸມາ.
ທຳການທົດສອບມອດ-ສະລັບລະບົບໄຟທັງ 2 ແຫຼ່ງ ປີລະ 1 ຄັ້ງ ແລະ ເຮັດແຜນດໍາເນີນການສະລັບລະອຽດ.
ຕ້ອງໃຫ້ຄໍາແນະນໍາແລະເຮັດລາຍການ ອາໄລ່ ສະເພາະທີ່ສໍາຄັນທີ່ ຕ້ອງປ່ຽນຖ່າຍໃຫ້ ທາງ ທຄຕລ ຮັບຊາບ.
ຕ້ອງເປັນບໍລິສັດທີ່ມີປະສົບການ, ມີຜົນງານການຕິດຕັ້ງ ແລະ ບຳລຸງຮັກສາໃຫ້ບັນດາອົງກອນ ຫຼື ໂຄງການຢ່າງໜ້ອຍ 03 ປີຂຶ້ນໄປ.
ຕ້ອງມີພະນັກງານຊັບພອດແກ້ໄຂບັນຫາເຕັກນິກຂອງບໍລິສັດເອງ ຢ່າງໜ້ອຍ 1 ຄົນຂຶ້ນໄປ.
ການບຳລຸງຮັກສາໃນແຕ່ລະຄັ້ງ ຕ້ອງມີຊ່ຽວຊານສະເພາະດ້ານຈາກບໍລິສັດນຳເຂົ້າແບນ Cummins ເຂົ້າຮ່ວມນຳທຸກຄັ້ງ.
ສາມາດໃຫ້ການຊັບພອດແກ້ໄຂບັນຫາຜ່ານທາງ Online ແລະ On Site ບໍ່ເກີນ 1ຊົ່ວໂມງ (ບໍລິສັດກຳນົດມາ).
ຕ້ອງເປັນບໍລິສັດທີ່ສາມາດເປີດ Ticket ນຳບໍລິສັດຜູ້ຜະລິດ ຫຼື Global Support ໄດ້.
ຕ້ອງຕິດຄັດມາດຖານເຕັກນິກຂອງໜ້າວຽກທີ່ຕິດພັນກັບການບຳລຸງຮັກສາມາພ້ອມ.

ໝໍ້ແປງໄຟຟ້າ (Transformer) ແລະ ຕູ້ຄວບຄຸມ (ATS):

ໃຫ້ການບໍາລຸງຮັກສາ.
ຊັບພອດແກ້ໄຂບັນຫາເຕັກນິກ.
ລາຍງານສະພາບເຄື່ອງອຸປະກອນທີ່ຕິດພັນເຊັ່ນ: (ຊຸດໝໍ້ແປງໄຟ ຈຳນວນ 2 Sources, ຕູ້ MCB, ຕູ້ C-BANK, ATS, ຕູ້ Control) ກວດເຊັກສາຍ Input-Output ແລະ ອື່ນໆທີ່ຕິດພັນ.
ກວດເຊັກໄຟເຂົ້າ ອອກໝໍ້ແປງ.
ກວດເຊັກຂໍ້ຕໍ່ແຕ່ລະໂຕ.
ກວດເຊັກກະແສໄຟ.
ກວດເຊັກຈຸດເຊື່ອມຕໍ່ແຕ່ລະຈຸດ.
ປ່ຽນຖ່າຍນ້ຳມັນໝໍ້ແປງ.
ທົດສອບລະບົບການທຳງານຂອງອຸປະກອນອື່ນໆທີ່ຕິດພັນ.
ຕ້ອງໃຫ້ຄໍາແນະນໍາ ແລະ ເຮັດລາຍການ ອາໄຫລ່ ສະເພາະທີ່ສໍາຄັນທີ່ຕ້ອງປ່ຽນຖ່າຍໃຫ້ ທາງ ທຄຕລ ຮັບຊາບ.

ເອກະສານ ຊອງທີ1:

ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດຈໍາໜ່າຍເຄື່ອງອຸປະກອນໄອທີ ຫຼື ໄຟຟ້າ, ດຳເນີນທຸ ລະກິດ ຢ່າງໜ້ອຍ 03 ປີຂຶ້ນໄປ, ສໍາເນົາໃບທະບຽນວິສາຫະກິດ, ໃບຢັ້ງຢືນການເສຍອາກອນ 3 ປີ (ປີ 2021, 2022, 2023).
ໃບຢັ້ງຢືນການເປັນຕົວແທນຈໍາໜ່າຍຈາກບໍລິສັດຜູ້ສະໜອງຍີ່ຫໍ້ Cummins ປະເທດລາວ ແລະ ຍັງບໍ່ໝົດອາຍຸຂອງສັນຍາ (ຖ້າມີ).
ເອກະສານລາຍລະອຽດສະເປັກໜ້າວຽກ, ການຮັບປະກັນ ແລະ ຂໍ້ມູນຕ່າງໆ ຕາມ format ທີ່ຕິດຄັດມາພ້ອມນີ້.
ເອກະສານຂ້າງເທິງແມ່ນໃຫ້ຍື່ນກ່ອນ ວັນພຸດ ວັນທີ 02/04/2025 ເວລາ 15:00 ໂມງ ໂດຍການສົ່ງຟາຍເຂົ້າ E-mail: procurement@bcel.com.la ແລະ inspect-it@bcel.com.la ເພື່ອໃຫ້ ທຄຕລ ໄດ້ກວດສະເປັກ.

ເອກະສານ ຊອງທີ2: (ປິດຊອງ)

ໃບສະເໜີລາຄາຕ້ອງເປັນສະກຸນເງີນກີບ ແລະ ລວມອາກອນມູນຄ່າເພີ່ມ 10%.
ຜູ້ສະໜອງຕ້ອງວາງເງິນຄໍ້າປະກັນການປະມູນຕໍ່າສຸດ 10% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກໂດຍທະນາຄານພາຍໃນ (ວັນໝົດອາຍຸໜັງສືຄໍ້າປະກັນຕ້ອງເຖິງ ວັນທີ 30/06/2025) ຫຼື ແຊັກທີ່ວີຊ້າແລ້ວ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນໃຫ້ຜູ້ບໍ່ໄດ້ຮັບການຄັດເລືອກພາຍໃນ 10 ວັນ.
ໃນວັນພະຫັດ ວັນທີ 10/04/2025 ເວລາ 13:30 ໂມງ ແມ່ນມື້ເປີດຊອງປະມູນ ສະນັ້ນໃຫ້ຜູ້ສະໜອງທີ່ຜ່ານການຄັດເລືອກຈາກເອກະສານຊອງທີ 1 ມາຍື່ນຊອງລາຄາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມຊັ້ນ 5 ອາຄານ C.

ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ, ການຄັດເລືອກຜູ້ສະໜອງແມ່ນຈະຄັດເລືອກຈາກຫລາຍເງື່ອນໄຂ (ບໍ່ໄດ້ຄັດເລືອກຈາກລາຄາພຽງຢ່າງດຽວ).

ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ແລະ ຮັບຜິດຊອບຄ່າທຳນຽມໃນການຈົດທະບຽນສັນຍາ.
ຖ້າຜູ້ຊະນະການປະມູນປະຕິເສດການເຊັນສັນຍາ ແມ່ນຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ.

ການຊໍາລະແມ່ນແບ່ງອອກເປັນ 04 ງວດ/ປີ ດັ່ງລຸ່ມນີ້:

ງວດທີ 1: ຊໍາລະ 25% ຂອງມູນຄ່າ ພາຍໃນ 30 ວັນ ພາຍຫຼັງທີ່ເຂົ້າມາບຳລຸງຮັັັັກສາ ງວດທີ 1 ແລະ ກວດກາຄວາມຖືກຕ້ອງຈາກພາກສ່ວນກ່ຽວຂ້ອງ.
ງວດທີ 2: ຊໍາລະ 25% ຂອງມູນຄ່າ ພາຍໃນ 30 ວັນ ພາຍຫຼັງທີ່ເຂົ້າມາບຳລຸງຮັັັັກສາ ງວດທີ 2 ແລະ ກວດກາຄວາມຖືກຕ້ອງຈາກພາກສ່ວນກ່ຽວຂ້ອງ.
ງວດທີ 3: ຊໍາລະ 25% ຂອງມູນຄ່າ ພາຍໃນ 30 ວັນ ພາຍຫຼັງທີ່ເຂົ້າມາບຳລຸງຮັັັັກສາ ງວດທີ 3 ແລະ ກວດກາຄວາມຖືກຕ້ອງຈາກພາກສ່ວນກ່ຽວຂ້ອງ.
ງວດທີ 4: ຊໍາລະ 25% ຂອງມູນຄ່າ ພາຍໃນ 30 ວັນ ພາຍຫຼັງທີ່ເຂົ້າມາບຳລຸງຮັັັັກສາ ງວດທີ 4 ແລະ ກວດກາຄວາມຖືກຕ້ອງຈາກພາກສ່ວນກ່ຽວຂ້ອງ.