ຂ່າວສານ ແຈ້ງເຊີນເຂົ້າຮ່ວມຍື່ນຊອງປະມູນລາຄາ ບໍາລຸງຮັກສາ ຈັກກວດນັບຄັດໄຈ້ເງິນ

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນ

ເຖິງ: ບັນດາບໍລິສັດ ແລະ ຫ້າງຮ້ານຕົວແທນຈໍາໜ່າຍ ໃນນະຄອນຫຼວງວຽງຈັນ.

ເລື່ອງ: ແຈ້ງເຊີນເຂົ້າຮ່ວມຍືນຊອງປະມູນລາຄາບຳລຸງຮັກສາ ຈັກກວດນັບຄັດໄຈ້ເງິນ.

ທະນາຄານການຄ້າຕ່າງປະເທດລາວ ມະຫາຊົນ ຂໍແຈ້ງມາຍັງທ່ານຊາບບັນດາບໍລິສັດ ແລະ ຫ້າງຮ້ານຕົວແທນຈຳໜ່າຍ, ເພື່ອເຂົ້າຮ່ວມປະມູນລາຄາໃນການບໍລິການ ບຳລຸງຮັກສາຈັກກວດນັບຄັດໄຈ້ເງິນ ຂອງ ທຄຕລ ເພື່ອຮັບປະກັນການໃຊ້ງານອຸປະກອນເຄື່ອງຈັກໃຫ້ມີປະສິດທິພາບ, ດັ່ງມີລາຍລະອຽດເຄື່ອງຈັກຂ້າງລຸ່ມນີ້:


	G&D BPS C-3	ນະຄອນຫຼວງ 1, ຄໍາມ່ວນ 1, ຊຽງຂວາງ 1, ອຸດົມໄຊ 1
	G&D BPS C4
	ລວມທັງໝົດ
: ບໍລິສັດສາມາດເຂົ້າມາສຳຫຼວດ ແລະ ສອບຖາມຂໍ້ມູນໄດ້ ນັບຕັ້ງແຕ່ ມື້ນີ້ ເຖິງ 22/05/2025 ໃນ ໂມງລັດຖະການ.

ໜ້າທີ່ຂອງຜູ້ໃຫ້ບໍລິການໃນການບໍາລຸງຮັກສາ ຈັກກວດນັບຄັດໄຈ້ເງິນ ມີດັ່ງນີ້:

ກວດເຊັກພື້ນຖານຂອງເຄື່ອງ ເຊັ່ນ: ການຕັ້ງຄ່າຂອງເຄື່ອງ ແລະ ອື່ນໆ ຕາມມາດຕະຖານເຕັກນິກ.
ບັນທຶກລາຍລະອຽດຕ່າງໆທີ່ຕິດພັນກັບຕົວເຄື່ອງ.
ບຳລຸງຮັກສາອະນາໄມພາຍໃນ ແລະ ພາຍນອກຕົວເຄື່ອງ.
ບຳລຸງຮັກສາ: ຈັກ C3 ແມ່ນ 3 ເດືອນ/ຄັ້ງ (4 ຄັ້ງ/ປີ) ແລະ ຈັກ C4 ແມ່ນ 2 ເດືອນ/ຄັ້ງ (6 ຄັ້ງ/ປີ).
ສະຫຼຸບລາຍງານໃຫ້ ທຄຕລ ໃນການບຳລຸງຮັກສາແຕ່ລະຄັ້ງ.
ໜ້າວຽກອື່ນໆທີ່ຈຳເປັນໃນການບຳລຸງຮັກສາເຄື່ອງ (ໃຫ້ບໍລິສັດລະບຸມາຕື່ມ).
ຖ້າເກີດມີບັນຫາໃນຊ່ວງໄລຍະການບໍຳລຸງຮັກສາ ທີ່ມາຈາກການກວດສອບທີ່ບໍ່ຄົບຖ້ວນ ບໍ່ຮອບຄອບຂອງບໍລິສັດ ມີການປ່ອຍປະລະເລີຍ ຫຼື ແກ່ຍາວໃນການແກ້ໄຂບັນຫາ ທຄຕລ ມີສິດປັບໄໝໂດຍຄິດໄລ່ຈາກຄວາມເສຍຫາຍຕົວຈິງ.

ເງື່ອນໄຂຂອງບໍລິສັດທີ່ມີຄວາມຕ້ອງການເຂົ້າຮ່ວມຍື່ນຊອງປະມູນລາຄາ ຕ້ອງປະກອບເອກະ ສານໃຫ້ຄົບຖ້ວນດັ່ງລຸ່ມນີ້:

ເອກະສານ ຊອງທີ 1:

ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດຈໍາໜ່າຍເຄື່ອງອຸປະກອນ ກວດນັບຄັດໄຈ້ເງິນ ຢ່າງໜ້ອຍ 03 ປີຂຶ້ນໄປ: ສໍາເນົາໃບທະບຽນວິສາຫະກິດ, ໃບຢັ້ງຢືນການເສຍອາກອນ 3 ປີ (ປີ 2021, 2022, 2023).
ໃບຢັ້ງຢືນການເປັນຕົວແທນຈໍາໜ່າຍຈາກບໍລິສັດຈຳໜ່າຍຈັກຍີ່ຫໍ້ G&D ທີ່ຍັງບໍ່ໝົດອາຍຸ (ຖ້າມີ).
ເອກະສານລາຍລະອຽດສະເປັກໜ້າວຽກ, ການຮັບປະກັນ ແລະ ຂໍ້ມູນຕ່າງໆຕາມ Format ທີ່ຕິດຄັດມາພ້ອມນີ້.
ເອກະສານຂ້າງເທິງແມ່ນໃຫ້ຍື່ນກ່ອນ ວັນພະຫັດ, ທີ 22/05/2025 ເວລາ 11:00 ໂມງ ໂດຍການສົ່ງຟາຍເຂົ້າ E-mail: procurement@bcel.com.la ແລະ inspect-it@bcel.com.la

ເອກະສານ ຊອງທີ 2: (ປິດຊອງ)

ໃບສະເໜີລາຄາຕ້ອງເປັນສະກຸນເງີນກີບ ແລະ ລວມອາກອນມູນຄ່າເພີ່ມ 10% ແລະ ແຍກລາຄາບໍາລຸງຮັກສາເຄື່ອງຈັກແຕ່ລະລຸ້ນໃຫ້ລະອຽດ. ການສະເໜີລາຄາແມ່ນໃຫ້ສະເໜີເປັນ 2 ຮູບແບບຄື: 1. ແບບລວມອາໄຫຼ່, 2. ແບບບໍ່ລວມອາໄຫຼ່.
ຜູ້ສະໜອງຕ້ອງວາງເງິນຄໍ້າປະກັນການປະມູນຕໍ່າສຸດ 10% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກໂດຍທະນາຄານພາຍໃນ (ວັນໝົດອາຍຸໜັງສືຄໍ້າປະກັນຕ້ອງເຖິງ ວັນທີ 30/08/2025) ຫຼື ແຊັກທີ່ວີຊ້າແລ້ວ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນໃຫ້ຜູ້ບໍ່ໄດ້ຮັບການຄັດເລືອກພາຍໃນ 20 ວັນ.
ວັນອັງຄານ, ທີ 10/06/2025 ເວລາ 09:00 ໂມງ ແມ່ນມື້ເປີດຊອງລາຄາ, ສະນັ້ນ ໃຫ້ຜູ້ສະໜອງທີ່ຜ່ານການຄັດເລືອກຈາກເອກະສານຊອງທີ 1 ມາຍື່ນຊອງລາຄາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມຊັ້ນ 5 ອາຄານ C.

: ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ, ການຄັດເລືອກຜູ້ສະໜອງແມ່ນຈະຄັດເລືອກຈາກຫຼາຍເງື່ອນໄຂ (ບໍ່ໄດ້ຄັດເລືອກຈາກລາ ຄາພຽງຢ່າງດຽວ).
ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ 01 ປີ ແລະ ຮັບຜິດຊອບຄ່າທຳນຽມໃນການຈົດທະບຽນສັນຍາ.
ຖ້າຜູ້ຊະນະການປະມູນ ປະຕິເສດການເຊັນສັນຍາ ແມ່ນຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ.

ການຊໍາລະແມ່ນແບ່ງອອກເປັນ 04 ງວດ/ປີ ດັ່ງລຸ່ມນີ້:

ງວດທີ 1: ຊໍາລະ 25% ຂອງມູນຄ່າ ພາຍໃນ 30 ວັນ ພາຍຫຼັງທີ່ເຂົ້າມາບຳລຸງຮັັັັກສາ ງວດທີ 1 ແລະ ກວດກາຄວາມຖືກຕ້ອງຈາກພາກສ່ວນກ່ຽວຂ້ອງ.
ງວດທີ 2: ຊໍາລະ 25% ຂອງມູນຄ່າ ພາຍໃນ 30 ວັນ ພາຍຫຼັງທີ່ເຂົ້າມາບຳລຸງຮັັັັກສາ ງວດທີ 2 ແລະ ກວດກາຄວາມຖືກຕ້ອງຈາກພາກສ່ວນກ່ຽວຂ້ອງ.
ງວດທີ 3: ຊໍາລະ 25% ຂອງມູນຄ່າ ພາຍໃນ 30 ວັນ ພາຍຫຼັງທີ່ເຂົ້າມາບຳລຸງຮັັັັກສາ ງວດທີ 3 ແລະ ກວດກາຄວາມຖືກຕ້ອງຈາກພາກສ່ວນກ່ຽວຂ້ອງ.
ງວດທີ 4: ຊໍາລະ 25% ຂອງມູນຄ່າ ພາຍໃນ 30 ວັນ ພາຍຫຼັງທີ່ເຂົ້າມາບຳລຸງຮັັັັກສາ ງວດທີ 4 ແລະ ກວດກາຄວາມຖືກຕ້ອງຈາກພາກສ່ວນກ່ຽວຂ້ອງ.