ຂ່າວສານ ແຈ້ງເຊີນເຂົ້າຮ່ວມຍື່ນຊອງປະມູນສິ່ງພິມ

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນ

ເຖິງ: ບັນດາໂຮງພິມ ແລະ ບໍລິສັດທີ່ດຳເນີນທຸລະກິດບໍລິການສິ່ງພິມ ໃນນະຄອນຫຼວງວຽງຈັນ.

ເລື່ອງ: ແຈ້ງເຊີນເຂົ້າຮ່ວມຍື່ນຊອງປະມູນສິ່ງພິມ.

ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍແຈ້ງເຊີນມາຍັງທ່ານຜູ້ສະໜອງ ຜູ້ທີ່ມີຄວາມສົນໃຈເຂົ້າຮ່ວມປະມູນລາຄາ ບໍລິການຜະລິດ ແບບຟອມ-ສິ່ງພິມ ເພື່ອນໍາໃຊ້ເຂົ້າໃນວຽກງານບໍລິການ ຂອງ ທຄຕລ, ດັ່ງມີລາຍການລຸ່ມນີ້:

ລ/ດ	ລາຍການ	ຈຳນວນ	ລາຍລະອຽດ
	ຟອມໃບຢັ້ງຢືນທຸລະກໍາ	15,000 ຫໍ່	ຂະໜາດ: 17.5*21 ຊມ, ເຈ້ຍເຄມີ 55 gsm_2 ໃບ/ຊຸດ (ເກຼດ A), ພິມ 4 ສີທຸກໜ້າ, ເຂົ້າເຫຼັ້ມດ້ວຍກາວແຍກຊຸດ. ການຫຸ້ມຫໍ່: 500 ຊຸດ/ຫໍ່, 5 ຫໍ່/ມັດ, ຕິດລາຍລະອຽດສິນຄ້າດ້ານນອກຫໍ່. ສິນຄ້າຕ້ອງຮັບປະກັນ 01 ປີ.
	ຟອມໃບມອບເງິນສົດ 3P	6,000 ຫໍ່	ຂະໜາດ 16*19 ຊມ, ເຈ້ຍເຄມີ 55 gsm_3 ໃບ/ຊຸດ (ເກຼດ A), ພິມ 4 ສີທຸກໜ້າ, ເຂົ້າເຫຼັ້ມດ້ວຍກາວແຍກຊຸດ. ການຫຸ້ມຫໍ່: 500 ຊຸດ/ຫໍ່, 5 ຫໍ່/ມັດ, ຕິດລາຍລະອຽດສິນຄ້າດ້ານນອກຫໍ່. ສິນຄ້າຕ້ອງຮັບປະກັນ 01 ປີ.
	ປື້ມບັນຊີເງິນຝາກປະຢັດ (ຫົວສີຟ້າ)	5,800 ແພັກ	ຂະໜາດ 13*7.7 ຊມ, 28 ໜ້າ, ພິມສີດ້ວຍເຈ້ຍປອນ 100 ແກຼມ, ປົກພິມ 4 ສີ ດ້ວຍເຈ້ຍລາຍຜ້າ OPALE 160 ແກຼມ, ເຄືອບ PVC, ຫຍິບດ້າຍ+ກາວເຢັນ (ຕິດປົກ). ການຫຸ້ມຫໍ່ : 100 ຫົວ/ຫໍ່, 10 ຫໍ່/ແກັດ, ຕິດລາຍລະອຽດສິນຄ້າໃສ່ໜ້າແກັດ. ສິນຄ້າຕ້ອງຮັບປະກັນ 01 ປີ.
	ກໍ້ເຈ້ຍຮູດ EDC	56,000 ກໍ້	ຂະໜາດ: ກວ້າງ 5.7 * 3.7 ຊມ, ຮູແກນ 1.2 ຊມ. ເຈ້ຍເທີມໍ 54 gsm ພິມ 1 ສີ. ການຫຸ້ມຫໍ່: 10 ກໍ້/ແພັກ, 10 ແພັກ/ແກັດ, ຕິດລາຍລະອຽດສິນຄ້າດ້ານນອກແກັດ. ສິນຄ້າຕ້ອງຮັບປະກັນ 01 ປີ.
	ເຊືອກແດງ ມັດເງິນ	2,500 ກໍ້	ເຊືອກສີແດງມັດເງິນ, ກວ້າງ 9 ມມ ໜາ0,9 ມມ, ພິມໜັງສື (BCEL) ສີຂາວ, ນໍ້າ ໜັກ 08 kg/ກໍ້, ແກນໄດ້ມາດຕະຖານ ທຄຕລ. ການຫຸ້ມຫໍ່: 2 ກໍ້/ແພັກ, ຕິດລາຍລະອຽດສິນຄ້າດ້ານນອກຫໍ່. ສິນຄ້າຕ້ອງຮັບປະກັນ 01 ປີ.
	ໝາຍເຫດ: ຜູ້ສະໜອງສາມາດເຂົ້າຮ່ວມປະມູນທຸກລາຍການ ຫຼື ລາຍການໃດໜຶ່ງ ກໍ່ໄດ້, ສ່ວນການພິຈາລະນາແມ່ນ ທຄຕລ ຈະຄັດເລືອກເປັນແຕ່ລະລາຍການ, ຄັດເລືອກຈາກຫຼາຍເງື່ອນໄຂ, ບໍ່ໄດ້ພິຈາລະນາພຽງແຕ່ມູນຄ່າພຽງຢ່າງດຽວ. ແຕ່ລະລາຍການແມ່ນຈະໄດ້ຈັດສົ່ງໃຫ້ ທຄຕລ 3 ຄັ້ງ: ຫ່າງກັນ 05 ເດືອນ ຫຼັງຈາກສົ່ງຄັ້ງທີ 01-02 ຕາມລຳດັບ ແລະ ການຊຳລະເງິນແມ່ນ ຕາມການຈັດສົ່ງແຕ່ລະຮອບ. Artwork ແຕ່ລະໄລຍະອາດມີການປ່ຽນແປງ. ສາມາດເຂົ້າມາເບີ່ງຕົວຢ່າງແທ້ ຫຼື ຫາກຕ້ອງການ File ຮູບເພີ່ມຕື່ມ ສາມາດພົວພັນໄດ້ທີ່ ພະແນກຫ້ອງການບໍລິຫານ-ການເງິນ ທຄຕລ ສຳນັກງານໃຫຍ່ ຊັ້ນ 4 ຕຶກ C ແຕ່ວັນນີ້ ຈົນເຖິງ 05/06/2025 ໃນໂມງລັດຖະການ.

ເງື່ອນໄຂຂອງບໍລິສັດ, ໂຮງພິມ ມີຄວາມຕ້ອງການຍື່ນຊອງປະມູນຕ້ອງປະກອບເອກະສານດັ່ງນີ້:

ເອກະສານ ຊອງທີ 01:

ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດບໍລິການຜະລິດສິ່ງພິມ, ດຳເນີນທຸລະກິດ ຢ່າງໜ້ອຍ 02 ປີຂຶ້ນໄປ, ສໍາເນົາໃບທະບຽນວິສາຫະກິດ, ໃບຢັ້ງຢືນການເສຍອາກອນປີ 2021, 2022, 2023 ແລະ ຮ່າງແບບຟອມຂອງ ທຄຕລ ທີ່ຄັດຕິດມາພ້ອມນີ້ .
ກຳນົດຍື່ນລາຍລະອຽດຂ້າງເທິງ ສາມາດຍື່ນໄດ້ນັບຈາກ ວັນນີ້ ເຖິງ ວັນສຸກ, ທີ 06/06/20214 ກ່ອນເວລາ 11:00 ໂມງ ໂດຍການສົ່ງຟາຍ PDF ເຂົ້າມາທີ່ E-mail: procurement@bcel.com.la ພ້ອມທັງສົ່ງສິນຄ້າຕົວຢ່າງໃຫ້ ທຄຕລ ທົດລອງນຳໃຊ້ (Test) ທີ່ພະແນກຫ້ອງການບໍລິຫານ-ການເງິນ ຊັ້ນ 4 ຕຶກ C.

ເອກະສານ ຊອງທີ 02 (ປິດຊອງ):

ທຄຕລ ຈະແຈ້ງສະເພາະຜູ້ທີ່ຜ່ານເງື່ອນໄຂ ຮອບທີ 01 ເທົ່ານັ້ນ ເພື່ອເຂົ້າມາຍື່ນຊອງລາຄາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າມາຮ່ວມ ໃນວັນພະຫັດ, ທີ 19/06/2025 ເວລາ 9:00 ໂມງ ທີ່ ຊັ້ນ 05 ອາຄານ C.
ໃບສະເໜີລາຄາໃຫ້ລະບຸລາຄາ/ໜ່ວຍ ແລະ ມູນຄ່າລວມອາກອນທັງໝົດ ເປັນສະກຸນເງິນກີບໃຫ້ຄົບຖ້ວນ.
ຜູ້ສະໜອງຕ້ອງວາງເງິນຄໍ້າປະກັນການປະມູນຕໍ່າສຸດ 10% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກໂດຍທະນາຄານພາຍໃນປະເທດ (ວັນໝົດອາຍຸໜັງສືຄໍ້າປະກັນຕ້ອງເຖິງ ວັນທີ 30/08/2025) ຫຼື ແຊັກທີ່ວີຊ້າແລ້ວ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນ.

ໝາຍເຫດ: ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ.

Ø ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

ຜູ້ຊະນະການປະມູນຕ້ອງໄດ້ຜະລິດສິນຄ້າຕົວຈິງ 1-2 ອັນ ທີ່ຖືກຕ້ອງຕາມ Spec/Artwork ທີ່ ທຄຕລ ລະ ບຸມາຜ່ານ ພາຍໃນ 14 ວັນ ແລະ ຕ້ອງມີຄວາມສາມາດຈັດສົ່ງສິນຄ້າສໍາເລັດພາຍໃນ 45 ວັນ/ງວດ ນັບຈາກມື້ຮອງຮັບແບບ ແລະ ໄດ້ຮັບໜັງສືສັ່ງຊື້.
ຖ້າຜູ້ຊະນະການປະມູນປະຕິເສດການເຊັນສັນຍາ, ຜູ້ຊະນະການປະມູນຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ.
ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ແລະ ຄ່າທຳນຽມໃນການຈົດທະບຽນສັນຍາ ແມ່ນມອບໃຫ້ເປັນຄວາມຮັບຜິດຊອບຂອງຜູ້ສະໜອງ.

ດັ່ງນັ້ນ, ຈຶ່ງອອກແຈ້ງເຊີນມາຍັງທ່ານທີ່ມີຄວາມສົນໃຈເຂົ້າຮ່ວມຍືນຊອງປະມູນໃນຄັ້ງນີ້.

ຜູ້ອໍານວຍການ