ໜັງສືແຈ້ງເຊີນປະມູນ

ເຖິງ : ບັນດາບໍລິສັດອອກແບບກໍ່ສ້າງ ແລະ ຕົບແຕ່ງ

ເລື່ອງ  :  ​ແຈ້ງເຊີນເຂົ້າຮ່ວມຍື່ນຊອງປະມູນລາຄາແຕ້ມແບບຜັງພື້ນທີ່ໃຊ້ສອຍອາຄານປັດຈຸບັນຕຶກ A, B, C ແລະ D ສໍານັກງານໃຫຍ່

            ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍຖືເປັນກຽດແຈ້ງເຊີນມາຍັງບັນດາບໍລິສັດອອກ ແບບກໍ່ສ້າງ ແລະ ຕົບແຕ່ງ ກ່ຽວກັບການສະເໜີເງື່ອນໄຂ ແລະ ຂັ້ນຕອນໃນການປະກອບເອກະສານຢື່ນຊອງປະ ມູນລາຄາແຕ້ມແບບຜັງອາຄານປັດຈຸບັນ ຕຶກ A, B, C ແລະ D ສໍານັກງານໃຫຍ່ ເຊິ່ງສະຖານທີ່ຕອນດິນຕັ້ງຢູ່ ບ້ານ ຊຽງຍືນ ເມືອງ ຈັນທະບູລີ ນະຄອນ ຫຼວງວຽງຈັນ ໂດຍມີເນື້ອໃນດັ່ງນີ້:

1. ເງື່ອນໄຂການປະກອບເອກະສານການປະມູນ\ດັ່ງນີ້:

1. ຊອງທີ 01 (ບໍ່ປິດຊອງ):

1. ໃບທະບຽນວິສາຫະກິດ;
2. ໃບອະນຸຍາດດຳເນີນທຸລະກິດປີ 2024 ຫຼື 2025;
3. ທຶນຈົດທະບຽນວິສາຫະກິດ 1 ຕື້ກີບຂຶ້ນໄປ;
4. ໃບຢັ້ງຢືນການເສຍອາກອນປີ 2023 ຫຼື 2024;
5. ໃບຢັ້ງຢືນຜົນງານ ແລະ ປະສົບການທີມງານທີ່ມີສີມືທາງດ້ານການອອກແບບ ຫຼື ກໍ່ສ້າງ ແລະ ຕົບແຕ່ງ ອາຄານທະນາຄານ ຫຼື ອາຄານສໍານັກງານຫ້ອງການ 3 ຊັ້ນ ຢ່າງໜ້ອຍ 3 ໂຄງການ.

• ເອກະສານຊອງທີ 01 ແມ່ນໃຫ້ສົ່ງກ່ອນວັນທີ 11/07/2025 ເວລາ 08:30-15:30 ໂມງ ທີ່ພະ ແນກຫ້ອງການບໍລິຫານ ແລະ ການເງິນ ຊັ້ນ 04 ຕຶກ C ສໍານັກງານໃຫຍ່.

2. ຊອງທີ 02 (ປິດຊອງ):

1. ໃບສະເໜີລາຄາ 1 ຊຸດ ເປັນສະກຸນເງິນກີບ ລວມອາກອນມູນຄ່າເພີ່ມ;
2. ໄລຍະເວລາການແຕ້ມແບບ;
3. ໜັງສືຄໍ້າປະກັນການປະມູນ: ຜູ້ຮັບເໝົາຕ້ອງວາງເງິນຄໍ້າປະກັນການປະມູນຕໍ່າສຸດ 10% ຂອງມູນຄ່າທີ່ ສະເໜີ ດ້ວຍໜັງສືຄໍ້າປະກັນທີ່ອອກໂດຍທະນາຄານພາຍໃນ (ວັນໝົດອາຍຸໜັງສືຄໍ້າປະກັນຕ້ອງເຖິງວັນ ທີ 23/09/2025) ຫຼື ແຊັກທີ່ວີຊາແລ້ວ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນປະມູນ ທຄຕລ ຈະສົ່ງໜັງສືຄໍ້າປະກັນ ຫຼື ແຊັກດັ່ງກ່າວຄືນ, ສໍາລັບຜູ້ຊະນະການປະມູນແມ່ນຈະສົ່ງຄືນພາຍຫຼັງເຊັນສັນ ຍາ.

• ວັນພຸດ, ວັນທີ 23/07/2025, ເວລາ 09:00 ໂມງ ແມ່ນມື້ເປີດຊອງປະມູນຊ່ອງໜ້າຄະນະກໍາ ມະການ ທຄຕລ, ບໍລິສັດຕ້ອງຍື່ນຊອງດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມເປີດຊອງປະມູນທີ່ ຫ້ອງປະຊຸມຊັ້ນ 05 ຕຶກ C;
• ລາຄາທີ່ສະເໜີມາຕ້ອງເປັນລາຄາທີ່ສາມາດເປັນຜູ້ແຕ້ມແບບເອງ ແລະ ບໍ່ໃຫ້ເປັນການປະມູນໃນ ນາມ ນາຍໜ້າ ຫຼື ຂາຍຕໍ່ໃຫ້ບໍລິສັດອື່ນ;

2. ໜ້າວຽກທີ່ຕ້ອງການ

1. ເນື້ອທີ່ອາຄານທັງໝົດ ຕຶກ A, B, C ແລະ D = 5,496 ຕາແມັດ;
2. ແຜນຜັງນໍາໃຊ້ຕຶກ A, B, C ແລະ D ປັດຈຸບັນແຜນຜັງຕ້ານອັກຄີໄພພ້ອມສັນຍາລັກປ້າຍຊີ້ບອກທາງ ໜີໄຟ ແລະ ແຜນຜັງລະບົບໄຟສຸກເສີນ (ເປັນປຶ້ມແບບ 01 ຊຸດ);
3. ໄຟລ dwg ແລະ PDF ແບບທັງໝົດ;

3. ການພົວພັນ ແລະ ໄລຍະເວລາການປະຕິບັດວຽກ

1. ສາມາດສອບຖາມລາຍສະອຽດເພີ່ມເຕີມກ່ຽວກັບລາຍລະອຽດການແຕ້ມແບບ ຫຼື ລົງສໍາຫຼວດສະຖານທີ່ ຕົວຈິງ ຈາກວັນທີ 01/07/2025-21/07/2025, ໃນຊ່ວງເວລາ 08:30-11:30 ໂມງ ແລະ 13:30-16:00 ໂມງ ທີ່ໝາຍເລກໂທລະສັບ 021 213200-414 ນອກຈາກເວລາດັ່ງກ່າວແລ້ວ ທຄຕລ ຈະ ຂໍສະຫງວນສິດໃນການຕອບຄໍາຖາມໃດໆ ທັງໝົດ.

4. ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

1. ຖ້າຜູ້ຊະນະການປະມູນປະຕິເສດການເຊັນສັນຍາ ທຄຕລ ຈະບໍ່ສົ່ງເງິນຄໍ້າປະກັນການປະມູນ 10% ຄືນ.
2. ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ, ຄ່າທໍານຽມຈົດທະບຽນສານ ແລະ ຈົດທະບຽນ ຊັບສິນຂອງສັນຍາແມ່ນມອບໃຫ້ເປັນຄວາມຮັບຜິດຊອບຂອງບໍລິສັດອອກແບບທີ່ຊະນະການປະມູນ.
3. ການຊໍາລະຄ່າອອກແບບ 100% ພາຍຫຼັງ ທຄຕລ ໄດ້ຮັບແບບແຕ້ມສະບັບຄົບຖ້ວນສົມບູນ.

ດັ່ງນັ້ນ, ຈຶ່ງແຈ້ງເຊີນມາຍັງບັນດາບໍລິສັດເພື່ອຢື່ນຊອງປະມູນຕາມທີ່ກ່າວມາຂ້າງເທິງນັ້ນດ້ວຍ.

                                                                                                                                                                                                ປະທານຄະນະກໍາມະການ

ຈັດຊື້, ກໍ່ສ້າງ-ສ້ອມແປງ-ບໍລິການອື່ນໆ ທຄຕລ

ຜູ້ປະສານງານ:

1. ທ່ານ ນາງ ວຽງແກ້ວ ອິນສີມີໄຊ 020 59 594 236
2. ທ່ານ ເພັດສະໝອນ ແສງຕະກຸນ 020 77467722