ຂ່າວສານ ແຈ້ງເຊີນປະເມີນລາຄາເຄື່ອງໃຊ້ຫ້ອງການ.

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນ

ເຖິງ: ບັນດາບໍລິສັດ, ຫ້າງຮ້ານທີ່ຜະລິດ ແລະ ສະໜອງເຄື່ອງໃຊ້ຫ້ອງການ.

ເລື່ອງ: ແຈ້ງເຊີນປະເມີນລາຄາເຄື່ອງໃຊ້ຫ້ອງການ.

ທະນາຄານການຄ້າຕ່າງປະເທດລາວ ມະຫາຊົນ ຂໍແຈ້ງມາຍັງບັນດາບໍລິສັດ ແລະ ຫ້າງຮ້ານຕົວແທນຈຳໜ່າຍ

ເຄື່ອງໃຊ້ຫ້ອງການທີ່ມີຄວາມຕ້ອງການເຂົ້າຮ່ວມສະໜອງເຄື່ອງໃຊ້ຫ້ອງການ ຈຳນວນ 143 ລາຍການ(ລາຍການແມ່ນຕິດຄັດໃຫ້ດ້ານຫຼັງ ) , ເພື່ອມານໍາໃຊ້ເຂົ້າໃນວຽກງານວິຊາສະເພາະຂອງ ທຄຕລ ຈຶ່ງໄດ້ແຈ້ງເຊີນມາຍັງທ່ານເພື່ອເຂົ້າຮ່ວມປະມູນດັ່ງມີເງື່ອນໄຂລຸ່ມນີ້:

ເງື່ອນໄຂຂອງຜູ້ສະໜອງທີ່ຕ້ອງການຍື່ນຊອງປະມູນຕ້ອງປະກອບເອກະສານ ດັ່ງນີ້:

ເອກະສານ ຊອງທີ 01

ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດຈໍາໜ່າຍເຄື່ອງໃຊ້ຫ້ອງການ, ດຳເນີນທຸລະກິດ ຢ່າງໜ້ອຍ 02 ປີຂຶ້ນໄປ, ສໍາເນົາໃບທະບຽນວິສາຫະກິດ, ໃບຢັ້ງຢືນການເສຍອາກອນປີ 2023-2024 ຮ່າງແບບຟອມຂອງ ທຄຕລ ທີ່ຄັດຕິດມາພ້ອມນີ້
ກຳນົດຍື່ນລາຍລະອຽດຂ້າງເທິງ ສາມາດຍື່ນໄດ້ນັບຈາກ ວັນນີ້ ເຖິງ ວັນຄານ ວັນທີ 11/08/2025 ກ່ອນເວລາ 11:00 ໂມງ ໂດຍການສົ່ງຟາຍສະແກນເປັນ PDF ເຂົ້າມາທີເມວ: procurement@bcel.com.la

ເອກະສານຊອງທີ 02 (ປິດຊອງ):

ທຄຕລ ຈະແຈ້ງສະເພາະຜູ້ທີ່ຜ່ານເງື່ອນໄຂ ຮອບທີ 01 ເທົ່ານັ້ນ ເພື່ອເຂົ້າມາຍື່ນຊອງລາຄາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າມາຮ່ວມໃນວັນຄານ, ທີ 20/08/2025 ເວລາ 09:00 ໂມງ. ແມ່ນມື້ເປີດຊອງປະມູນ ສະນັ້ນໃຫ້ຜູ້ສະໜອງທີ່ຜ່ານການຄັດເລືອກຈາກເອກະສານຊອງທີ 1 ມາຍື່ນຊອງລາຄາມາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມຊັ້ນ 5 ອາຄານ C ຫ້ອງປະຊຸມ 5/2.
ໃບສະເໜີລາຄາໃຫ້ລະບຸລາຄາຫົວໜ່ວຍ ແລະ ລວມມູນຄ່າອາກອນທັງໝົດເປັນສະກຸນເງິນກີບໃຫ້ຄົບຖ້ວນ.
ຜູ້ສະໜອງຕ້ອງກໍານົດສະເປັກ ພ້ອມທັງລະບຸເງື່ອນໄຂຕ່າງໆ ມາໃຫ້ຄົບຖ້ວນ ແລະ ໃຫ້ກົງກັບຄວາມຕ້ອງການຕາມຕາຕະລາງຄັດຕິດຊ້ອນທ້າຍ.
ການພິຈາລະນາຄັດເລືອກຜູ້ສະໜອງແມ່ນ ທຄຕລຈະຄັດຈາກຫຼາຍເງື່ອນໄຂ(ບໍ່ໄດ້ຄັດຈາກລາຄາພຽງຢ່າງດຽວ).

ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

ຜູ້ທີ່ຊະນະການປະມູນຈະໄດ້ເຊັນສັນຍາເປັນຜູ້ສະໜອງເຄື່ອງໃຊ້ຫ້ອງການໃຫ້ ທຄຕລ ສຳນັກງານໃຫຍ່ ໃນໄລຍະ 1 ປີ ແລະ ຮັບຜິດຊອບຄ່າທຳນຽມໃນການຈົດທະບຽນສັນຍາ.
ມີສີນຄ້າພ້ອມສົ່ງ ແລະ ຈັດເຄື່ອງສົ່ງ ທຄຕລ ເປັນລາຍເດືອນ ຫຼື ຕາມການສັ່ງຊື້ຍ່ອຍ.
ທຄຕລ ຈະຊຳລະເງີນ 100 % ຂອງມູນຄ່າສັ່ງຊື້ແຕ່ລະເດືອນ, ພາຍໃນ 15 ວັນລັດຖະການ ນັບຈາກມື້ທີ່ໄດ້ຮັບເອກະສານຄົບຖ້ວນ ແລະ ຈັດສົ່ງເຄື່ອງຖືກຕ້ອງ.