ໜັງສືແຈ້ງເຊີນ

                   ເຖິງ:   ບັນດາ ໂຮງພິມພາກລັດ ແລະ ເອ​ກະ​ຊົນ ຢູ່ພາຍໃນ ສປປ ລາວ.

                   ເລື່ອງ: ​​​​​​ເຊີນເຂົ້າຮ່ວມການປະມູນລາຄາ ຜະລິດປະຕິທິນ ປະຈຳປີ 2026.

ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍ​​​ແຈ້ງມາຍັງບັນດາ ໂຮງພິມພາກລັດ ແລະ ເອ​ກະ​ຊົນ ທີ່ມີຄວາມສົນໃຈເຂົ້າຮ່ວມປະມູນລາຄາຜະລິດປະຕິທິນ ປະຈຳປີ 2026 ໃຫ້ ທຄຕລ ຕາມລາຍລະອຽດລຸ່ມນີ້:

• ເງື່ອນໄຂຂອງຜູ້ສະໜອງທີ່ຕ້ອງການຍື່ນຊອງປະມູນຕ້ອງປະກອບເອກະສານ ດັ່ງນີ້:

*ເອກະສານຊອງທີ 1:

1. ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດກ່ຽວກັບສິ່ງພິມ ແລະ ໃຫ້ສໍາເນົາໃບທະບຽນວິສາຫະກິດ, ໃບຢັ້ງຢືນການເສຍອາກອນ 03 ປີ (2022-2024) ແລະ ເອກະສານກ່ຽວກັບຜົນງານການຜະລິດປະຕິທິນ ຜ່ານມາ.
2. ຕົວຢ່າງເຈ້ຍ ແລະ ຢ່ວງທອງ ຢ່າງໜ້ອຍ 2 ຊຸດ (ແຂວນຝາ 1 ແລະ ຕັ້ງໂຕະ 1), ພ້ອມທັງກຳນົດລາຍລະອຽດຕາມສະເປັກຂ້າງເທິງ (ຕາມ Format ຄັດຕິດມາພ້ອມນີ້).
3. ສາມາດຍື່ນເອກະສານຂ້າງເທິງໄດ້ ໂດຍການສົ່ງຟາຍເປັນ PDF ເຂົ້າ Email: procurement@bcel.com.la ແລະ ສົ່ງສິນຄ້າຕົວຢ່າງທີ່ ພະແນກຫ້ອງການບໍລິຫານ-ການເງິນ, ກ່ອນວັນສຸກ, ທີ 29
4.  
5. /08/2024 ເວລາ 11:00 ໂມງ.

*ເອກະສານຊອງທີ 2 (ປິດຊອງ):

1. ທຄຕລ ຈະແຈ້ງສະເພາະຜູ້ທີ່ຜ່ານເງື່ອນໄຂ ຮອບທີ 01 ເທົ່ານັ້ນ ເພື່ອເຂົ້າມາຍື່ນຊອງລາຄາໃນ ວັນພຸດ, ທີ 10/09/2025 ເວລາ 9:00 ໂມງ, ເຊິ່ງຜູ້ສະໜອງຕ້ອງຖືຊອງລາຄາມາດ້ວຍຕົນເອງ ຫຼື ສົ່ງຜູ້ຕາງໜ້າ ເຂົ້າຮ່ວມທີ່ຫ້ອງປະຊຸມຊັ້ນ 5 ຕຶກ C ສໍານັກງານໃຫຍ່ ທຄຕລ.
2. ຜູ້​ສະໜອງຕ້ອງ​ກໍານົດສະເປັກ ພ້ອມ​ທັງ​ລະບຸ​ເງື່ອນ​ໄຂ​ຕ່າງໆ ມາ​ໃຫ້​ຄົບ​ຖ້ວນ ​ແລະ ​ໃຫ້ກົງ​ກັບ​ຄວາມ​ຕ້ອງ ຂອງ ທຄຕລ ການ​ໃນ​ຕາຕະລາງ​ຂ້າງ​ເທິງ​ນັ້ນ.
3. ໃບສະເໜີລາຄາໃຫ້ລະບຸລາຄາ/ຫົວໜ່ວຍ ແລະ ລວມມູນຄ່າອາກອນທັງໝົດເປັນສະກຸນເງິນກີບໃຫ້ຄົບຖ້ວນ.
4. ຜູ້ສະໜອງຕ້ອງວາງເງິນຄໍ້າປະກັນການປະມູນຕໍ່າສຸດ 10% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກໂດຍທະນາຄານພາຍໃນ  ສປປ ລາວ (ວັນໝົດອາຍຸໜັງສືຄໍ້າປະກັນຕ້ອງເຖິງ ວັນທີ 30/11/2025) ຫຼື ແຊັກທີ່ວີຊ້າແລ້ວ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນ.

*ໝາຍເຫດ:

1. ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ/ສິນຄ້າຕົວຢ່າງ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ, ການຄັດເລືອກຜູ້ສະໜອງແມ່ນຈະຄັດເລືອກຈາກຫຼາຍເງື່ອນໄຂ (ບໍ່ໄດ້ຄັດເລືອກຈາກລາຄາພຽງຢ່າງດຽວ).
2. ການຊໍາລະແມ່ນຈ່າຍເງິນງວດດຽວ 100% ຕາມມູນຄ່າສັ່ງຊື້ ພາຍຫຼັງໄດ້ຮັບເຄື່ອງຄົບຖ້ວນ ພ້ອມທັງໄດ້ຮັບການຢັ້ງຢືນຈາກພາກສ່ວນກ່ຽວຂ້ອງ ແລະ ກວດກາຄວາມຖືກຕ້ອງຈາກທັງສອງຝ່າຍ ພາຍໃນໄລຍະ 30 ວັນລັດຖະການ.

*ເງື່ອນໄຂການປະມູນສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

• ຜູ້ຊະນະການປະມູນຕ້ອງໄດ້ຜະລິດປະຕິທິນຕົວຈິງ 01-02 ຊຸດ ມາຜ່ານຕາມ Artwork ທີ່ ທຄຕລ ກໍານົດ ພາຍໃນ 14 ວັນ, ພ້ອມນັ້ນ ຜູ້ສະໜອງຈະຕ້ອງ ນໍາປະຕິທິນໄປຜ່ານກະຊວງຖະແຫຼງຂ່າວ-ວັດ

ທະນະທໍາ ແລະ ຕ້ອງມີຄວາມສາມາດຈັດພິມຈໍານວນທັງໝົດໃຫ້ສໍາເລັດພາຍໃນ 40 ວັນນັບຈາກມື້ຮອງຮັບແບບ.

• ຖ້າຜູ້ຊະນະການປະມູນປະຕິເສດການເຊັນສັນຍາ ຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ.
• ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ແລະ ຄ່າທຳນຽມໃນການຈົດທະບຽນສັນຍາ ແມ່ນມອບໃຫ້ເປັນຄວາມຮັບຜິດຊອບຂອງຜູ້ສະໜອງ.

    ດັ່ງນັ້ນ, ຈຶ່ງອອກແຈ້ງເຊີນມາຍັງທ່ານທີ່ມີຄວາມສົນໃຈເຂົ້າຮ່ວມຍື່ນຊອງປະມູນໃນຄັ້ງນີ້.

                                                                                            ຜູ້ອໍານວຍການ

ຕິດຕໍ່​ພົວ​ພັນ: ຂະແໜງສະໜອງວັດຖຸເຕັກນິກ

021 213200 ຕໍ່ 414 (ໂມງລັດຖະການ)