ຂ່າວສານ ເຊີນເຂົ້າຮ່ວມການປະມູນລາຄາ ບໍລິການທ່ອງທ່ຽວ ກຸງເທບ-ພັດທະຍາ 4 ວັນ 3 ຄືນ.

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນ

ເຖິງ: ບັນດາບໍລິສັດ ໃຫ້ບໍລິການທ່ອງທ່ຽວ ຢູ່ໃນນະຄອນຫຼວງວຽງຈັນ.

ເລື່ອງ: ເຊີນເຂົ້າຮ່ວມການປະມູນລາຄາ ບໍລິການທ່ອງທ່ຽວ ກຸງເທບ-ພັດທະຍາ 4 ວັນ 3 ຄືນ.

ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍແຈ້ງມາຍັງບັນດາຜູ້ສະໜອງ ທີ່ມີຄວາມສົນໃຈເຂົ້າຮ່ວມປະມູນລາຄາ ໃຫ້ບໍລິການ ທ່ອງທ່ຽວກຸງເທບ-ພັດທະຍາ 4 ວັນ 3 ຄືນ ສໍາລັບ 17 ທ່ານ, ໄລຍະການເດີນທາງ ວັນທີ 22-25/01/2026, ຕາມລາຍລະອຽດລຸ່ມນີ້:

ພັດທະຍາ: ຊ໋ອບປິ້ງຫ້າງ Terminal 21, ເກາະລ້ານ, The Oxygen Pattaya, Walking street, ເຂົາພະຕຳນັກ, ສວນນົງນຸດ, ເຂົາສີຈັນ.
ກຸງເທບ: ລ່ອງເຮືອ (ອາຫານແລງບຸບເຟ້) ແມ່ນໍ້າເຈົ້າພະຍາ ແລະ ຊ໋ອບປິ້ງຫ້າງ Platinum Fashion Mall.

ລົດຮັບສົ່ງ ນະຄອນຫຼວງວຽງຈັນ-ເດີ່ນບິນອຸດອນ-ນະຄອນຫຼວງວຽງຈັນ.
ປີ້ຍົນໄປ-ກັບ ອຸດອນ-ກຸງເທບ-ອຸດອນ, ຊັ້ນ economy.
ໂຮງແຮມລະດັບ 3 ດາວ 2 ຄົນ/ຫ້ອງ.
ອາຫານທຸກຄາບ (ເຊົ້າ, ສວາຍ, ແລງ) ຕາມໂປຼແກຼມທົວ.
ລົດນໍາທ່ຽວ, ໄກ້ນໍາທ່ຽວ, ຄ່າເຂົ້າຊົມສະຖານທີ່ທ່ອງທ່ຽວ.
ຄ່າປະກັນໄພອຸບັດຕິເຫດ.
ອາກອນມູນຄ່າເພີ່ມ 10%.

ເງື່ອນໄຂຂອງຜູ້ສະໜອງທີ່ຕ້ອງການຍື່ນຊອງປະມູນຕ້ອງປະກອບເອກະສານ ດັ່ງນີ້:

*ເອກະສານຊອງທີ 1:

ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດກ່ຽວກັບການບໍລິການທ່ອງທ່ຽວ: ສໍາເນົາໃບທະບຽນວິສາຫະກິດ, ໃບອະນຸຍາດດຳເນີນທຸລະກິດປະຈຳປີ, ໃບຢັ້ງຢືນການເສຍອາກອນປີ 2022-2024 (ເປັນບໍລິສັດທີ່ເຂົ້າລະບົບອາກອນມູນຄ່າເພີ່ມ), ເອກະສານກ່ຽວກັບຜົນງານຜ່ານມາຂອງບໍລິສັດ ແລະ ລາຍລະອຽດໂປຼແກຼມທົວ.
ສາມາດຍື່ນເອກະສານຂ້າງເທິງໄດ້ ນັບຈາກວັນນີ້ຈົນເຖິງ ວັນພະຫັດ, ທີ 23/10/2025 ກ່ອນເວລາ 11:00 ໂມງ ໂດຍການສົ່ງຟາຍ PDF ເຂົ້າມາທີ່ Email: procurement@bcel.com.la.

*ເອກະສານຊອງທີ 2 (ປິດຊອງ):

ທຄຕລ ຈະແຈ້ງສະເພາະຜູ້ທີ່ຜ່ານເງື່ອນໄຂຮອບທີ 01 ເທົ່ານັ້ນ ເພື່ອເຂົ້າມາຍື່ນຊອງລາຄາ ໃນວັນຄານ,ທີ 11/11/2025 ເວລາ 09:00 ໂມງ. ສະນັ້ນ, ຜູ້ສະໜອງຈະຕ້ອງຖືຊອງລາຄາມາດ້ວຍຕົວເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມຊັ້ນ 05 ຕຶກ C.
ໃບສະເໜີລາຄາໃຫ້ລະບຸ ລາຄາ/ໜ່ວຍ ແລະ ລວມມູນຄ່າອາກອນທັງໝົດເປັນສະກຸນເງິນກີບ ແລະ ໂດລາ.
ຜູ້ສະໜອງຕ້ອງວາງເງິນຄໍ້າປະກັນການປະມູນບໍ່ໃຫ້ຫຼຸດ 10% ຂອງມູນຄ່າທັງໝົດລວມອາກອນ ດ້ວຍໜັງສືຄໍ້າປະກັນທີ່ອອກ ໂດຍທະນາຄານພາຍໃນປະເທດ (ວັນໝົດອາຍຸໜັງສືຄໍ້າປະກັນຕ້ອງເຖິງວັນທີ 30/01/ 2026) ຫຼື ແຊັກທີ່ວີຊ້າແລ້ວ (ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງແຊັກ/ໜັງສື ຄໍ້າປະກັນດັ່ງກ່າວຄືນໃຫ້ຜູ້ສະໜອງທີ່ບໍ່ໄດ້ຮັບການຄັດເລືອກ, ສຳລັບຜູ້ສະໜອງທີ່ໄດ້ຮັບການຄັດເລືອກ ແມ່ນຈະສົ່ງຄືນຫຼັງຈາກເດີນທາງກັບຈາກການທ່ອງທ່ຽວ.
ຖ້າຜູ້ສະໜອງບໍ່ວາງເງິນຄໍ້າປະກັນການປະມູນ ຕາມທີ່ລະບຸໄວ້ໃນຂໍ້ທີ 2.3 ແມ່ນ ທຄຕລ ຈະປະຕິເສດການຮັບຊອງໃບສະເໜີລາຄາ.

ໝາຍເຫດ: ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ, ການຄັດເລືອກຜູ້ສະໜອງແມ່ນຈະຄັດເລືອກຈາກຫຼາຍເງື່ອນໄຂ (ບໍ່ໄດ້ຄັດເລືອກຈາກລາຄາພຽງຢ່າງດຽວ).
ເງື່ອນໄຂການເຊັນສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

ຖ້າຜູ້ຊະນະການປະມູນ ປະຕິເສດການເຊັນສັນຍາ ຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ.
ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ແລະ ຄ່າທຳນຽມໃນການຈົດທະບຽນສັນຍາ ແມ່ນມອບໃຫ້ເປັນຄວາມຮັບຜິດຊອບຂອງບໍລິສັດ.
ການຊໍາລະແມ່ນຈ່າຍເງິນ 02 ງວດ: 50% ພາຍຫຼັງເຊັນສັນຍາທັງ 2 ຝ່າຍສໍາເລັດຄົບຖ້ວນ ແລະ ອີກ 50% ກ່ອນການເດີນທາງ 5 ວັນ.

ດັ່ງນັ້ນ, ຈຶ່ງອອກແຈ້ງເຊີນມາຍັງທ່ານທີ່ມີຄວາມສົນໃຈເຂົ້າຮ່ວມຍືນຊອງປະມູນໃນຄັ້ງນີ້.

ຜູ້ອໍານວຍການ

ຕິດຕໍ່ພົວພັນ ໂມງລັດຖະການ:

021 213200 ຕໍ່ 414

020 5499 7895