ຂ່າວສານ ແຈ້ງເຊີນເຂົ້າຮ່ວມຍື່ນຊອງປະມູນສິ່ງພິມ

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

A red and blue rectangular box with white text

AI-generated content may be incorrect.

ໜັງສືແຈ້ງເຊີນ

ເຖິງ: ບັນດາໂຮງພິມ ແລະ ບໍລິສັດທີ່ດຳເນີນທຸລະກິດບໍລິການສິ່ງພິມ ໃນນະຄອນຫຼວງວຽງຈັນ.

ເລື່ອງ: ແຈ້ງເຊີນເຂົ້າຮ່ວມຍື່ນຊອງປະມູນສິ່ງພິມ.

ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍແຈ້ງເຊີນມາຍັງທ່ານຜູ້ສະໜອງ ຜູ້ທີ່ມີຄວາມສົນໃຈເຂົ້າຮ່ວມປະມູນລາຄາ ບໍລິການຜະລິດ ແບບຟອມ-ສິ່ງພິມ ເພື່ອນໍາໃຊ້ເຂົ້າໃນວຽກງານບໍລິການ ຂອງ ທຄຕລ, ດັ່ງມີລາຍການລຸ່ມນີ້:

ລ/ດ	ລາຍການ	ຈຳນວນ	ລາຍລະອຽດ
	ເຈ້ຍກາວປອກຮັດເງິນ	600 ແກັດ	18*155 ມມ ການຫຸ້ມຫໍ່: 40 ກໍ້/ແກັດ
	ເທບກາວຕິດຫົວແຊັກ	800 ຖົງ	ເຈ້ຍສະຕິກເກີ້ ສີແດງກ່ານ 2,5 * 8,5ຊມ, ການຫຸ້ມຫໍ່: 50 ແຜ່ນ/ຖົງນ້ອຍ, 10 ຖົງນ້ອຍ/1ຖົງໃຫຍ່
	ເຈ້ຍເອຕິແກັດ ແບບອ່ອນ	70 ແກັດ	ເຈ້ຍປອນ 55 gsm ຂະໜາດ 6,5 * 10cm, ພິມ 1 ສີ 1ໜ້າ; ການຫຸ້ມຫໍ່: 1.000 ໃບ/ແກັດ
	ເຈ້ຍເອຕິແກັດ (ດ້ານຫຼັງ ຕັດມູມ)	600 ຫໍ່	ເຈ້ຍກ໋ອງແປັງ-ຫຼັງເທົາ 300gsm,ຂະໜາດ 15,6*6,8ຊມ; ການຫຸ້ມຫໍ່: 500 ໃບ/ຫໍ່
	ເຈ້ຍໜີບຫົວເງິນ	10 ແກັດ	ເຈ້ຍປອນ 60gsm, ຂະໜາດ 5*9 ຊມ, ການຫຸ້ມຫໍ່: 30 ກລ/ແກັດ
	ເຈ້ຍພິມ ຫົວຈົດໝາຍ (ມີແຕ່ທ້າຍ-ບໍ່ມີຫົວຂໍ້)	3,000 ໃບ	ຂະໜາດ A4 21*29,7 ຊມ, ເຈ້ຍປອນ 80gsm, ພິມ 1 ສີ 1 ໜ້າ ການຫຸ້ມຫໍ່: 100 ໃບ/ຫໍ່ , 05ຫໍ່/ແພັກ
	ເຈ້ຍພິມຫົວຈົດໝາຍພາສາລາວ (ມີເລກທີ)	25,000 ໃບ	ຂະໜາດ A4 21*29,7 ຊມ, ເຈ້ຍປອນ 80gsm, ພິມ 4 ສີ 1 ໜ້າ ການຫຸ້ມຫໍ່: 100 ໃບ/ຫໍ່ , 05ຫໍ່/ແພັກ
	ເຈ້ຍພິມຫົວຈົດໝາຍພາສາອັງກິດ (ບໍ່ມີເລກທີ)	6,000 ໃບ
	ຊອງຂາວໃສ່ບັດ ATM (ຊອງຕາໜ່າງ)	20,000 ຊອງ	ພິມ 1 ສີ 1 ໜ້າ, 11*20ຊມ ການຫຸ້ມຫໍ່: 50 ຊອງ/ແພັກ , 10ແພັກ/ແກັດ
	ປື້ມຝາກລູກຫຼານ	2,000 ຫົວ	13*7,7 ຊມ 16+4 ໜ້າ, ພິມ 4 ສີ ເຈ້ຍປອນ 100 gsm, ໜ້າປົກເຈ້ຍລາຍຜ້າ OPALE 160gsm ການຫຸ້ມຫໍ່: 100 ຫົວ/ແພັກ, 10 ແພັກ/ແກັດ
	ປື້ມຝາກມິກຳນົດ (ທຸກສະກຸນເງິນ)	25,000 ຫົວ	13*7,8 ຊມ 12+4 ໜ້າ, ພິມ 2 ສີ ເຈ້ຍປອນ 100gsm, ໜ້າປົກເຈ້ຍລາຍຜ້າ APOLE 160gsm ການຫຸ້ມຫໍ່: 100 ຫົວ/ແພັກ, 10 ແພັກ/ແກັດ
	ຊອງເຫຼືອງກາງ A4	120,000 ຊອງ	9" * 12" ພິມ 4 ສີ 1 ໜ້າ
	ໃບແຈ້ງປະເພດເງິນຮັບ-ຟ້າ	2,000 ຫົວ	ເຈ້ຍປອນ 70 gsm, ຂະໜາດ 9*19,5ຊມ ພິມ 1 ສີ 1 ໜ້າ; 100 ໃບ/ຫົວ. ການຫຸ້ມຫໍ່: 10 ຫົວ/ແພັກ, 5 ແພັກ/ມັດ
	ໃບແຈ້ງປະເພດເງິນມອບ-ແດງ	2,000 ຫົວ	ເຈ້ຍປອນ 55 gsm, ຂະໜາດ 9*20,5 ຊມ ພິມ 1 ສີ 1 ໜ້າ; 100 ໃບ/ຫົວ. ການຫຸ້ມຫໍ່: 10 ຫົວ/ແພັກ, 5 ແພັກ/ມັດ
	ໝາຍເຫດ: ຜູ້ສະໜອງສາມາດເຂົ້າຮ່ວມປະມູນທຸກລາຍການ ຫຼື ລາຍການໃດໜຶ່ງ ກໍ່ໄດ້, ສ່ວນການພິຈາລະນາແມ່ນ ທຄຕລ ຈະຄັດເລືອກເປັນແຕ່ລະລາຍການ, ຄັດເລືອກຈາກຫຼາຍເງື່ອນໄຂ, ບໍ່ໄດ້ພິຈາລະນາພຽງແຕ່ມູນຄ່າພຽງຢ່າງດຽວ. ແຕ່ລະລາຍການແມ່ນຈະໄດ້ຈັດສົ່ງໃຫ້ ທຄຕລ 3 ຄັ້ງ: ຫ່າງກັນ 05 ເດືອນ ຫຼັງຈາກສົ່ງຄັ້ງທີ 01-02 ຕາມລຳດັບ ແລະ ການຊຳລະເງິນແມ່ນ ຕາມການຈັດສົ່ງແຕ່ລະຮອບ. Artwork ແຕ່ລະໄລຍະອາດມີການປ່ຽນແປງ. ສາມາດເຂົ້າມາເບີ່ງຕົວຢ່າງແທ້ ຫຼື ຫາກຕ້ອງການ File ຮູບເພີ່ມຕື່ມ ສາມາດພົວພັນໄດ້ທີ່ ພະແນກຫ້ອງການບໍລິຫານ-ການເງິນ ທຄຕລ ສຳນັກງານໃຫຍ່ ຊັ້ນ 4 ຕຶກ C ແຕ່ວັນນີ້ ຈົນເຖິງ 13/11/2025 ໃນໂມງລັດຖະການ.

ເງື່ອນໄຂຂອງບໍລິສັດ, ໂຮງພິມ ມີຄວາມຕ້ອງການຍື່ນຊອງປະມູນຕ້ອງປະກອບເອກະສານດັ່ງນີ້:

ເອກະສານ ຊອງທີ 01:

ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດບໍລິການຜະລິດສິ່ງພິມ, ດຳເນີນທຸລະກິດ ຢ່າງໜ້ອຍ 02 ປີຂຶ້ນໄປ, ສໍາເນົາໃບທະບຽນວິສາຫະກິດ, ໃບຢັ້ງຢືນການເສຍອາກອນປີ 2021, 2022, 2023 ແລະ ຮ່າງແບບຟອມຂອງ ທຄຕລ ທີ່ຄັດຕິດມາພ້ອມນີ້ .
ກຳນົດຍື່ນລາຍລະອຽດຂ້າງເທິງ ສາມາດຍື່ນໄດ້ນັບຈາກ ວັນນີ້ ເຖິງ ວັນພະຫັດ, ທີ 13/11/2025ກ່ອນເວລາ 11:00 ໂມງ ໂດຍການສົ່ງຟາຍ PDF ເຂົ້າມາທີ່ E-mail: procurement@bcel.com.la ພ້ອມທັງສົ່ງສິນຄ້າຕົວຢ່າງໃຫ້ ທຄຕລ ທົດລອງນຳໃຊ້ (Test) ທີ່ພະແນກຫ້ອງການບໍລິຫານ-ການເງິນ ຊັ້ນ 4 ຕຶກ C.

ເອກະສານ ຊອງທີ 02 (ປິດຊອງ):

ທຄຕລ ຈະແຈ້ງສະເພາະຜູ້ທີ່ຜ່ານເງື່ອນໄຂ ຮອບທີ 01 ເທົ່ານັ້ນ ເພື່ອເຂົ້າມາຍື່ນຊອງລາຄາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າມາຮ່ວມ ໃນວັນພະຫັດ, ທີ 20/11/2025 ເວລາ 9:00 ໂມງ ທີ່ ຊັ້ນ 05 ອາຄານ C.
ໃບສະເໜີລາຄາໃຫ້ລະບຸລາຄາ/ໜ່ວຍ ແລະ ມູນຄ່າລວມອາກອນທັງໝົດ ເປັນສະກຸນເງິນກີບໃຫ້ຄົບຖ້ວນ.
ຜູ້ສະໜອງຕ້ອງວາງເງິນຄໍ້າປະກັນການປະມູນຕໍ່າສຸດ 10% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກໂດຍທະນາຄານພາຍໃນປະເທດ (ວັນໝົດອາຍຸໜັງສືຄໍ້າປະກັນຕ້ອງເຖິງ ວັນທີ 30/08/2025) ຫຼື ແຊັກທີ່ວີຊ້າແລ້ວ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນ.

ໝາຍເຫດ: ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ.

Ø ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

ຜູ້ຊະນະການປະມູນຕ້ອງໄດ້ຜະລິດສິນຄ້າຕົວຈິງ 1-2 ອັນ ທີ່ຖືກຕ້ອງຕາມ Spec/Artwork ທີ່ ທຄຕລ ລະ ບຸມາຜ່ານ ພາຍໃນ 14 ວັນ ແລະ ຕ້ອງມີຄວາມສາມາດຈັດສົ່ງສິນຄ້າສໍາເລັດພາຍໃນ 45 ວັນ/ງວດ ນັບຈາກມື້ຮອງຮັບແບບ ແລະ ໄດ້ຮັບໜັງສືສັ່ງຊື້.
ຖ້າຜູ້ຊະນະການປະມູນປະຕິເສດການເຊັນສັນຍາ, ຜູ້ຊະນະການປະມູນຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ.
ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ແລະ ຄ່າທຳນຽມໃນການຈົດທະບຽນສັນຍາ ແມ່ນມອບໃຫ້ເປັນຄວາມຮັບຜິດຊອບຂອງຜູ້ສະໜອງ.

ດັ່ງນັ້ນ, ຈຶ່ງອອກແຈ້ງເຊີນມາຍັງທ່ານທີ່ມີຄວາມສົນໃຈເຂົ້າຮ່ວມຍືນຊອງປະມູນໃນຄັ້ງນີ້.

ຜູ້ອໍານວຍການ