ຂ່າວສານ ແຈ້ງເຊີນເຂົ້າຮ່ວມຍື່ນຊອງປະມູນສິ່ງພິມ

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນ

ເຖິງ: ບັນດາໂຮງພິມ ທີ່ດຳເນີນທຸລະກິດບໍລິການສິ່ງພິມ ໃນນະຄອນຫຼວງວຽງຈັນ.

ເລື່ອງ: ແຈ້ງເຊີນເຂົ້າຮ່ວມຍື່ນຊອງປະມູນສິ່ງພິມ.

ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍແຈ້ງເຊີນມາຍັງທ່ານຜູ້ສະໜອງ ຜູ້ທີ່ມີຄວາມສົນໃຈເຂົ້າຮ່ວມປະມູນລາຄາ ບໍລິການຜະລິດ ແບບຟອມ-ສິ່ງພິມ ເພື່ອນໍາໃຊ້ເຂົ້າໃນວຽກງານບໍລິການ ຂອງ ທຄຕລ, ດັ່ງມີລາຍການລຸ່ມນີ້:

ລ/ດ	ລາຍການ	ຈຳນວນ	ລາຍລະອຽດ
	ຂາຕັ້ງ One pay:	130,000 ຊຸດ	ຖ້ານຕັ້ງໄມ້ 12(W) * 3(H) * 6(D) cm + Laser 1 ຈຸດ ແຜ່ນອະຄີຣິກໃສສອງດ້ານ ສາມາດສອດເຈ້ຍໄດ້ ໜາ 2 mm / 1219.5 cm ຢາງສິລິໂຄນ ພິມເຈ້ຍອາດມັນ 160gsm ພິມ 4 ສີ 1 ດ້ານ/ 1219.5 cm ແຜ່ນສະຕິກເກີ້ໃສ ຕິດບາໂຄດ 1010 cm ການຫຸ້ມຫໍ່: 50 ຊຸດ/ແກັດ, ພ້ອມລະບຸຕົວຢ່າງສິນຄ້າດ້ານນອກແກັດ ຈັດສົ່ງ 03 ຄັ້ງ 1: 50,000 ຊຸດ, ຄັ້ງ 2: 50,000 ຊຸດ; ຄັ້ງ 2: 30,000 ຊຸດ; ຫ່າງກັນ 3-5 ເດືອນ ຫຼື ຕາມ ທຄຕລ ແຈ້ງ (Artwork* ແຕ່ລະໄລຍະອາດມີການປ່ຽນແປງ)
	ປ້າຍຫ້ອຍ One pay:	50,000 ຊຸດ	ແຜ່ນ Plastic PVC 1mm ພິມສີສອງດ້ານ / 1117.8 cm ສາຍໂສ້ເຫຼັກໜາເຄືອບກັນໝ້ຽງສູງ 8 cm + ແຜ່ນຕິດ ແຜ່ນສະຕິກເກີ້ໃສ ຕິດບາໂຄດ 1010 cm (2 ແຜ່ນ/ຊຸດ) ການຫຸ້ມຫໍ່: 100 ຊຸດ/ແພັກ, 05 ແພັກ/ແກັດ, ພ້ອມລະບຸຕົວຢ່າງສິນຄ້າດ້ານນອກແກັດ. ຈັດສົ່ງ 02 ຄັ້ງ: ຄັ້ງລະ 25,000 ຊຸດ, ຫ່າງກັນ 3-5 ເດືອນ.
	ເຈ້ຍ receipt ATM	1,000 ກໍ້	ເຈ້ຍເທີມໍ (Thermal paper) 65gsm_80*180mm, ພິມ 4 ສີ, ແກນຮອບໃນ 2,6 cm ການຫຸ້ມຫໍ່ : 8ກໍ້/ແກັດ ພ້ອມລະບຸຕົວຢ່າງສິນຄ້າດ້ານນອກແກັດ
	ເຈ້ຍກົດບັດຄິວ	2,500 ກໍ້	ເຈ້ຍເທີມໍ (Thermal paper) 54 gsm_80*80 mm, ຮູແກນຮອບໃນ 1,5 ຊມ ການຫຸ້ມຫໍ່ : 50ກໍ້/ 1ແກັດ ພ້ອມລະບຸຕົວຢ່າງສິນຄ້າດ້ານນອກແກັດ
	ເຈ້ຍພິມລະຫັດບັດ ATM	30,000 ຊຸດ	ເຈ້ຍເຄມີຕໍ່ເນື່ອງ 4" * 8,5" 2 ໃບ/ຊຸດ, ພິມ 4 ສີ, ເຈ້ຍລຸ່ມສີຂາວ 1 ສີ, ຕິດຊອງ 4 ດ້ານ, ພິມເລກທີ 1ແຖວ 8 ຕົວເລກ (ພິມເລກຕໍ່ກັນເລີຍ) ການຫຸ້ມຫໍ່ : 3,000ຊຸດ/ແກັດ, ພ້ອມລະບຸຕົວຢ່າງສິນຄ້າດ້ານນອກແກັດ
	ແບບຟອມໂອນເງິນດ່ວນ Moneygram (ຮັບ)	370,000 ຊຸດ	ຂະໜາດ 17 x 21 cm, 2 ໃບ/ຊຸດ, ເຈ້ຍເຄມີ ( OJI ) 55 gsm, ຂາວເທິງ ,ຂາວລຸ່ມ , ພິມສີ 1 ດ້ານ, ຂາວດຳ 1 ດ້ານ,ກາວຂ້າງ ,ຈີກເປັນຊຸດ ການຫຸ້ມຫໍ່ : 500ຊຸດ/ຫໍ່ ,5 ຫໍ່/ ມັດ ພ້ອມລະບຸຕົວຢ່າງສິນຄ້າດ້ານນອກແກັດ
	ໝາຍເຫດ: ຜູ້ສະໜອງສາມາດເຂົ້າຮ່ວມປະມູນທຸກລາຍການ ຫຼື ລາຍການໃດໜຶ່ງ ກໍ່ໄດ້, ສ່ວນການພິຈາລະນາແມ່ນ ທຄຕລ ຈະຄັດເລືອກເປັນແຕ່ລະລາຍການ, ຄັດເລືອກຈາກຫຼາຍເງື່ອນໄຂ, ບໍ່ໄດ້ພິຈາລະນາພຽງແຕ່ມູນຄ່າພຽງຢ່າງດຽວ. Artwork ແຕ່ລະໄລຍະອາດມີການປ່ຽນແປງ. ສາມາດເຂົ້າມາເບີ່ງຕົວຢ່າງແທ້ ຫຼື ຫາກຕ້ອງການ File ຮູບເພີ່ມຕື່ມ ສາມາດພົວພັນໄດ້ທີ່ ພະແນກຫ້ອງການບໍລິຫານ-ການເງິນ ທຄຕລ ສຳນັກງານໃຫຍ່ ຊັ້ນ 4 ຕຶກ C ແຕ່ວັນນີ້ ຈົນເຖິງ 04/02/2026 ໃນໂມງລັດຖະການ.

ເງື່ອນໄຂຂອງ, ໂຮງພິມ ທີ່ຕ້ອງການຍື່ນຊອງປະມູນຕ້ອງປະກອບເອກະສານດັ່ງນີ້:

ເອກະສານ ຊອງທີ 01:
1. ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດບໍລິການຜະລິດສິ່ງພິມ, ດຳເນີນທຸລະກິດ ຢ່າງໜ້ອຍ 02 ປີຂຶ້ນໄປ, ສໍາເນົາໃບທະບຽນວິສາຫະກິດ, ໃບຢັ້ງຢືນການເສຍອາກອນປີ 2023,2024 ແລະ ຮ່າງແບບຟອມຂອງ ທຄຕລ ທີ່ຄັດຕິດມາພ້ອມນີ້ .
2. ກຳນົດຍື່ນລາຍລະອຽດຂ້າງເທິງ ສາມາດຍື່ນໄດ້ນັບຈາກ ວັນນີ້ ເຖິງ ວັນສຸກ, ທີ 06/02/2026 ກ່ອນເວລາ 11:00 ໂມງ ໂດຍການສົ່ງຟາຍ PDF ເຂົ້າມາທີ່ E-mail: procurement@bcel.com.la ພ້ອມທັງສົ່ງສິນຄ້າຕົວຢ່າງໃຫ້ ທຄຕລ ທົດລອງນຳໃຊ້ (Test) ທີ່ພະແນກຫ້ອງການບໍລິຫານ-ການເງິນ ຊັ້ນ 4 ຕຶກ C.
ເອກະສານ ຊອງທີ 02 (ປິດຊອງ):
1. ທຄຕລ ຈະແຈ້ງສະເພາະຜູ້ທີ່ຜ່ານເງື່ອນໄຂຮອບທີ 01 ເທົ່ານັ້ນເພື່ອເຂົ້າມາຍື່ນຊອງລາຄາ ໃນວັນພຸດ ທີ 18/02/2025 ເວລາ 09:00 ໂມງ. ສະນັ້ນ, ຜູ້ສະໜອງຈະຕ້ອງຖືຊອງລາຄາມາດ້ວຍຕົວເອງ ຫຼື ສົ່ງຜູ້ຕາງ ໜ້າເຂົ້າຮ່ວມທີ່ຫ້ອງປະຊຸມຊັ້ນ 05 ຕຶກ C.
2. ໃບສະເໜີລາຄາໃຫ້ລະບຸ ລາຄາ/ໜ່ວຍ ແລະ ລວມມູນຄ່າອາກອນທັງໝົດເປັນສະກຸນເງິນກີບ.
3. ຜູ້ສະໜອງຕ້ອງວາງເງິນຄໍ້າປະກັນການປະມູນບໍ່ໃຫ້ຫຼຸດ 10% ຂອງມູນຄ່າທັງໝົດລວມອາກອນ ດ້ວຍໜັງສືຄໍ້າປະກັນທີ່ອອກ ໂດຍ ທຄຕລ (ວັນໝົດອາຍຸໜັງສືຄໍ້າປະກັນຕ້ອງເຖິງວັນທີ 30/04/2026) ຫຼື ແຊັກທີ່ວີຊ້າແລ້ວ (ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງແຊັກ/ໜັງສື ຄໍ້າປະກັນດັ່ງກ່າວຄືນໃຫ້ຜູ້ສະໜອງທີ່ບໍ່ໄດ້ຮັບການຄັດເລືອກ, ສຳລັບຜູ້ສະໜອງທີ່ໄດ້ຮັບການຄັດເລືອກ ແມ່ນຈະສົ່ງຄືນຫຼັງຈາກສົ່ງສິນຄ້າໃຫ້ ທຄຕລ ຖືກຕ້ອງຄົບຖ້ວນ.
4. ຖ້າຜູ້ສະໜອງບໍ່ວາງເງິນຄໍ້າປະກັນການປະມູນ ຕາມທີ່ລະບຸໄວ້ໃນຂໍ້ທີ 2.3 ແມ່ນ ທຄຕລ ຈະປະຕິເສດການຍື່ນຊອງໃບສະເໜີລາຄາ.

ໝາຍເຫດ: ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ.

Ø ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

ຜູ້ຊະນະການປະມູນຕ້ອງມີຄວາມສາມາດຈັດສົ່ງສິນຄ້າ ຈໍານວນທັງໝົດສໍາເລັດພາຍໃນ 50 ວັນ ນັບຈາກມື້ຮອງຮັບແບບ ແລະ ໄດ້ຮັບໜັງສືສັ່ງຊື້.
ຖ້າຜູ້ຊະນະການປະມູນປະຕິເສດການເຊັນສັນຍາ ແມ່ນຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ.
ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ແລະ ຄ່າທຳນຽມໃນການຈົດທະບຽນສັນຍາ ແມ່ນມອບໃຫ້ເປັນຄວາມຮັບຜິດຊອບຂອງຜູ້ສະໜອງ.
ການຊໍາລະແມ່ນຈ່າຍເງິນງວດດຽວ 100% ຕາມມູນຄ່າສັ່ງຊື້ ຈັດສົ່ງສິນຄ້າພາຍຫຼັງໄດ້ຮັບເຄື່ອງຄົບຖ້ວນ, ພ້ອມທັງໄດ້ຮັບການຢັ້ງຢືນຈາກພາກສ່ວນກ່ຽວຂ້ອງ ແລະ ກວດກາຄວາມຖືກຕ້ອງຈາກທັງສອງຝ່າຍ ພາຍໃນ 30 ວັນລັດຖະການ.

ດັ່ງນັ້ນ, ຈຶ່ງອອກແຈ້ງເຊີນ ມາຍັງທ່ານທີ່ມີຄວາມສົນໃຈເຂົ້າຮ່ວມຍືນຊອງປະມູນໃນຄັ້ງນີ້.

ຜູ້ອໍານວຍການ