ຂ່າວສານ ເຊີນເຂົ້າຮ່ວມຍື່ນຊອງລາຄາ ຮັບຈັດງານເປີດໂຕຜະລິດຕະພັນບັດ

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນ

ເຖິງ: ບັນດາ ບໍລິສັດ ຮັບຈັດງານ (Organizer) ຢູ່ພາຍໃນ ສປປ ລາວ.

ເລື່ອງ: ເຊີນເຂົ້າຮ່ວມການປະມູນລາຄາ ຮັບຈັດງານເປີດໂຕຜະລິດຕະພັນບັດ.

ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍແຈ້ງມາຍັງບັນດາ ບໍລິສັດ ທີ່ມີຄວາມສົນໃຈເຂົ້າຮ່ວມການປະມູນລາຄາ ຮັບເໝົາຈັດງານ ເປີດໂຕຜະລິດຕະພັນບັດ ຂອງ ທຄຕລ.

ມື້ຈັດງານ ວັນສຸກ, ທີ 08/05/2026, ສະຖານທີ່: ໂຮງແຮມແລນມາກ
ການຈັດງານ ຕາມລາຍລະອຽດລຸ່ມນີ້:

ລ/ດ	ໜ້າວຽກ
1	ລະບົບໄຟ, ແສງສີສຽງ, ຕົບແຕ່ງ, ປະດັບປະດາ
2	ວິດີໂອໂຄສະນາ (TVC)
3	ກິດຈະກຳຕ່າງໆ (photo booth)
4	ລະບົບການລົງທະບຽນແຂກ ໃຫ້ເປັນແບບ (Online ຫຼື Electronic)
5	ສື່ສິ່ງພິມ
6	ປ້າຍໂຄສະນາ, Back Drop, ສາກ ແລະ ບັດເຊີນ
7	ກຽມວິດີໂອນັບຖອຍຫລັງເປີດໂຕ ຜະລິດຕະພັນບັດ
8	Create HighLight ຂອງການເປີດໂຕຜະລິດຕະພັນ
9	ເກັບພາບບັນຍາກາດທັງໝົດພາຍໃນງານ
10	ຈັດລະບົບ Live Streaming
11	ພິທິກອນ ດຳເນີນລາຍການ (ພາສາລາວ-ອັງກິດ), ວາລະຂອງງານ
12	ຈັດຫາ Influencer 2 ຄົນ ມາຮ່ວມງານ ແລະ ລົງພາບ ຫຼື ວິດີໂອໂປຣໂໝດງານ
13	ອື່ນໆ

8 ເງື່ອນໄຂຂອງຜູ້ສະໜອງທີ່ຕ້ອງການຍື່ນຊອງປະມູນຕ້ອງປະກອບເອກະສານ ດັ່ງນີ້:

*ເອກະສານຊອງທີ 1:

ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດທີ່ກ່ຽວຂ້ອງ ຢ່າງໜ້ອຍ 3 ປີຂຶ້ນໄປ ແລະ ໃຫ້ສໍາເນົາໃບທະບຽນວິສາຫະກິດ, ໃບຢັ້ງຢືນການເສຍອາກອນປີ 2023, 2024, 2025 ແລະ ເອກະສານກ່ຽວກັບຜົນງານຜ່ານມາຂອງບໍລິສັດ.
ສາມາດຍື່ນເອກະສານຂ້າງເທິງໄດ້ ນັບຈາກວັນນີ້ຈົນເຖິງ ວັນສຸກ, ທີ 17/04/2026 ກ່ອນເວລາ 15:00 ໂມງ ໂດຍການສົ່ງຟາຍສະແກນເປັນ PDF ເຂົ້າມາທີ່ Email: procurement@bcel.com.la.
ຜູ້ສະໜອງຕ້ອງມານໍາສະເໜີຮູບແບບການຈັດງານ ໃນວັນຈັນ, ທີ 20/04/2026 ຕອນບ່າຍ.

*ເອກະສານຊອງທີ 2 (ປິດຊອງ):

ທຄຕລ ຈະແຈ້ງສະເພາະຜູ້ທີ່ຜ່ານເງື່ອນໄຂຮອບທີ 01 ເທົ່ານັ້ນ ເພື່ອເຂົ້າມາຍື່ນຊອງລາຄາ ໃນວັນພະຫັດ,ທີ 23/04/2026 ເວລາ 09:00 ໂມງ. ສະນັ້ນ, ຜູ້ສະໜອງຈະຕ້ອງຖືຊອງລາຄາມາດ້ວຍຕົວເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມຊັ້ນ 5/2 ຕຶກ C ສໍານັກງານໃຫຍ່ ທຄຕລ.
ໃບສະເໜີລາຄາໃຫ້ລະບຸ ລາຄາ/ໜ່ວຍ ແລະ ລວມມູນຄ່າອາກອນທັງໝົດ ເປັນສະກຸນເງິນກີບ.
ຜູ້ສະໜອງຕ້ອງວາງເງິນຄໍ້າປະກັນການປະມູນບໍ່ໃຫ້ຫຼຸດ 10% ຂອງມູນຄ່າທັງໝົດລວມອາກອນ ດ້ວຍໜັງສືຄໍ້າປະກັນທີ່ອອກ ໂດຍ ທຄຕລ (ວັນໝົດອາຍຸໜັງສືຄໍ້າປະກັນຕ້ອງເຖິງວັນທີ 30/05/2026) ຫຼື ແຊັກທີ່ວີຊ້າແລ້ວ (ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງແຊັກ/ໜັງສື ຄໍ້າປະກັນດັ່ງກ່າວຄືນໃຫ້ຜູ້ສະໜອງທີ່ບໍ່ໄດ້ຮັບການຄັດເລືອກ, ສຳລັບຜູ້ສະໜອງທີ່ໄດ້ຮັບການຄັດເລືອກ ແມ່ນຈະສົ່ງຄືນຫຼັງຈາກສຳເລັດວຽກທັງໝົດຕາມສັນຍາ.
ຖ້າຜູ້ສະໜອງບໍ່ວາງເງິນຄໍ້າປະກັນການປະມູນ ຕາມທີ່ລະບຸໄວ້ໃນຂໍ້ທີ 2.3 ແມ່ນ ທຄຕລ ຈະປະຕິເສດການຍື່ນຊອງໃບສະເໜີລາຄາ.

8 ໝາຍເຫດ: ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ, ການຄັດເລືອກຜູ້ສະໜອງແມ່ນຈະຄັດເລືອກຈາກຫຼາຍເງື່ອນໄຂ (ບໍ່ໄດ້ຄັດເລືອກຈາກລາຄາພຽງຢ່າງດຽວ).

8 ເງື່ອນໄຂສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

ຖ້າຜູ້ຊະນະການປະມູນປະຕິເສດການເຊັນສັນຍາ ຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ.
ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ແລະ ຄ່າທຳນຽມໃນການຈົດທະບຽນສັນຍາ ແມ່ນມອບໃຫ້ເປັນຄວາມຮັບຜິດຊອບຂອງບໍລິສັດ.
ການຊໍາລະແມ່ນຈ່າຍເງິນ 02 ງວດ: ພາຍຫຼັງເຊັນສັນຍາທັງສອງຝ່າຍສໍາເລັດ ຊຳລະ 15% ແລະ ສຳ ເລັດວຽກແມ່ນຊຳລະອີກ 85%.

ດັ່ງນັ້ນ, ຈຶ່ງອອກແຈ້ງເຊີນມາຍັງທ່ານທີ່ມີຄວາມສົນໃຈເຂົ້າຮ່ວມຍືນຊອງປະມູນໃນຄັ້ງນີ້.

ຜູ້ອໍານວຍການ

ຕິດຕໍ່ພົວພັນ:

021 213200 ຕໍ່ 414

020 2887 7722