News invite to bid maintanance of UPS for 09 units

News Careers Forms Activities & Promotions Land and House Email LA

ໜັງສືແຈ້ງເຊີນ

ເຖິງ: ບັນດາບໍລິສັດ ແລະ ຫ້າງຮ້ານຕົວແທນຈໍາໜ່າຍ ໃນນະຄອນຫຼວງວຽງຈັນ.

ເລື່ອງ: ແຈ້ງເຊີນເຂົ້າຮ່ວມຍືນຊອງປະມູນລາຄາບຳລຸງຮັກສາ ໝໍ້ເກັບໄຟ UPS ຈຳນວນ 09 ເຄື່ອງ.

ທະນາຄານການຄ້າຕ່າງປະເທດລາວ ມະຫາຊົນ ຂໍແຈ້ງມາຍັງທ່ານຊາບບັນດາບໍລິສັດ ແລະ ຫ້າງຮ້ານຕົວແທນຈຳໜ່າຍ, ເພື່ອເຂົ້າຮ່ວມປະມູນລາຄາໃນການບໍລິການຮັບເໝົາ ບຳລຸງຮັກສາໝໍ້ເກັບໄຟ UPS ຂອງ ທຄຕລ ເພື່ອຮັບປະກັນການໃຊ້ງານອຸປະກອນໄຟຟ້າສໍາຮອງ. ດັ່ງນັ້ນ, ຈຶ່ງໄດ້ແຈ້ງເຊີນມາຍັງທ່ານເພື່ອຍືນຊອງເຂົ້າຮ່ວມປະມູນລາຄາ ດັ່ງມີລາຍລະອຽດຂ້າງລຸ່ມນີ້:

ລໍາດັບ	ລາຍການ	ສະຖານທີ່ຕັ້ງ
	APC Smart-UPS VT 30kVA	ສຳນັກງານໃຫຍ່ ຕຶກ A
	APC Smart-UPS VT 40kVA	ສຳນັກງານໃຫຍ່ ຕຶກ A
	APC Symmetra PX 160kVA (96kVA)	ສຳນັກງານໃຫຍ່ ຕຶກ A
	APC Smart-UPS VT 40kVA	ສຳນັກງານໃຫຍ່ ຕຶກ D
	APC Galaxy VS 80kVA	ສຳນັກງານໃຫຍ່ ຕຶກ A
	APC Galaxy VS 80kVA	ສຳນັກງານໃຫຍ່ ຕຶກ A
	APC Smart-UPS VT 40kVA	Call Center (ສາຂານະຄອນຫຼວງຕະຫຼາດທົ່ງຂັນຄໍາ)
	APC Symmetra PX 48kVA	ສຳນັກງານໃຫຍ່ ຕຶກ A
	APC Symmetra PX 48kVA	ສຳນັກງານໃຫຍ່ ຕຶກ A

ໝາຍເຫດ: ບໍລິສັດສາມາດເຂົ້າມາສຳຫລວດ ແລະ ສອບຖາມຂໍ້ມູນໄດ້ ນັບຕັ້ງແຕ່ ວັນທີ 27/04/2026 ເຖິງ 22/05/2026 ໃນວັນເວລາໂມງລັດຖະການ.

ເງື່ອນໄຂ ແລະ ໜ້າທີ່ຂອງຜູ້ໃຫ້ບໍລິການໃນການບໍາລຸງຮັກສາ ໝໍ້ເກັບໄຟ UPS ມີດັ່ງນີ້:

ຕ້ອງເປັນບໍລິສັດທີ່ມີປະສົບການ, ມີຜົນງານການຕິດຕັ້ງ ແລະ ບຳລຸງຮັກສາໃຫ້ບັນດາອົງກອນ ຫຼື ໂຄງການຢ່າງໜ້ອຍ 03 ປີຂຶ້ນໄປ;
ຕ້ອງມີພະນັກງານຊັບພອດແກ້ໄຂບັນຫາເຕັກນິກຂອງບໍລິສັດເອງ ຢ່າງໜ້ອຍ 1 ຄົນຂຶ້ນໄປ;
ການບຳລຸງຮັກສາໃນແຕ່ລະຄັ້ງຕ້ອງມີຊ່ຽວຊານສະເພາະດ້ານຈາກ Schneider Electric ເຂົ້າຮ່ວມນໍາທຸກຄັ້ງ;
ສາມາດໃຫ້ການຊັບພອດແກ້ໄຂບັນຫາຜ່ານທາງ Online ແລະ On site.(ໃຫ້ບໍລິສັດກໍານົດມາ)
ຕ້ອງເປັນບໍລິສັດທີ່ສາມາດເປີດ Ticket ນຳບໍລິສັດຜູ້ຜະລິດ ຫຼື Global Support ໄດ້.
ຕ້ອງຕິດຄັດມາດຖານເຕັກນິກຂອງໜ້າວຽກທີ່ຕິດພັນກັບການບຳລຸງຮັກສາມາພ້ອມ.
ໃຫ້ການບໍາລຸງຮັກສາ, ຊັບພອດແກ້ໄຂບັນຫາເຕັກນິກ, ລາຍງານສະພາບເຄື່ອງ UPS ແລະ ອຸປະກອນທີ່ຕິດພັນເຊັ່ນ: Battery, ຕູ້ MDB, External Bypass.
ກວດເຊັກໄຟຟ້າຂາເຂົ້າ-ຂາອອກ, ລະບົບສາຍດິນ ຂອງ UPS;
ບັນທຶກລາຍລະອຽດຕ່າງໆທີ່ຕິດພັນກັບຕົວເຄື່ອງ.
ກວດເຊັກພື້ນຖານຂອງເຄື່ອງ ເຊັ່ນ: ການຕັ້ງຄ່າຂອງເຄື່ອງ, ການອັບເກດ Firmware ແລະ ອື່ນໆ ຕາມມາດຕະຖານເຕັກນິກ.
ກວດ Log ຍ້ອນຫຼັງ;
ກວດອຸປະກອນ Power Module, Bypass, Battery ແລະ ອຸປະກອນອື່ນໆຂອງເຄື່ອງ UPS.
ທຳການ Self-Test ຕົວເຄື່ອງ, Battery ແລະ ບໍາລຸງຮັກສາອານາໄມພາຍໃນ ແລະ ພາຍນອກຕົວເຄື່ອງ.
ບຳລຸງຮັກສາອານາໄມພາຍໃນ (Power Module, Bypass, Battery) ແລະ ພາຍນອກຕົວເຄື່ອງ.
ສະຫຼຸບລາຍງານໃຫ້ ທຄຕລ ໃນການບຳລຸງຮັກສາແຕ່ລະຄັ້ງ.
ການເຂົ້າມາບຳລຸງຮັກສາຢ່າງໜ້ອຍ 4 ຄັ້ງ/1ປີ ລວມ 8ຄັ້ງ/2ປີ ເຖິງວ່າຈະມີບັນຫາ ຫຼື ບໍ່ມີບັນຫາກໍ່ຕາມ.
ໜ້າວຽກອື່ນໆທີ່ຈຳເປັນໃນການບຳລຸງຮັກສາ UPS ໃຫ້ບໍລິສັດລະບຸມາ.

Training: ຄ່າໃຊ້ຈ່າຍໃນການບຳລຸງຮັກສາທັງໝົດໃນຄັ້ງນີ້ ແມ່ນລວມຄ່າຝຶກອົບຮົມການນຳໃຊ້ໃຫ້ແກ່ພະນັກງານ ເພື່ອໃຫ້ສາມາດນຳໃຊ້ອຸປະກອນໄດ້ຢ່າງຖືກຕ້ອງ ແລະ ມີປະສິດທິພາບ

ຫ້າງຮ້ານຕົວແທນຈຳໜ່າຍອຸປະກອນດັ່ງກ່າວມີຄວາມຕ້ອງການຍື່ນຊອງປະມູນລາຄາຕ້ອງປະກອບເອກະສານໃຫ້ຄົບຖ້ວນດັ່ງລຸ່ມນີ້:

ເອກະສານ ຊອງທີ1 (ບໍ່ປິດຊອງ):

ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດຈໍາໜ່າຍເຄື່ອງອຸປະກອນໄອທີ ຫຼື ໄຟຟ້າ, ດຳເນີນທຸລະກິດ ຢ່າງໜ້ອຍ 03 ປີຂຶ້ນໄປ, ສໍາເນົາໃບທະບຽນວິສາຫະກິດ, ໃບອະນຸຍາດດໍາເນີນທຸລະກິດປີ 2025 ຫຼື 2026, ໃບຢັ້ງຢືນການເສຍອາກອນປີ 2024 ຫຼື 2025.
ໃບຢັ້ງຢືນການເປັນຕົວແທນຈໍາໜ່າຍຈາກບໍລິສັດຜູ້ສະໜອງຍີ່ຫໍ້ APC ປະເທດລາວ ແລະ ຍັງບໍ່ໝົດອາຍຸຂອງສັນຍາ.
ເອກະສານລາຍລະອຽດປະສົບການ ແລະ ຂໍ້ມູນຕ່າງໆ ຕາມ format ທີ່ຕິດຄັດມາພ້ອມນີ້.
ເອກະສານຂ້າງເທິງແມ່ນໃຫ້ຍື່ນກ່ອນ ວັນສຸກ, ວັນທີ 08/05/2026 ເວລາ 15:30 ໂມງ ທີ່ພະແນກຫ້ອງການບໍລິຫານ ແລະ ການເງິນ ຊັ້ນ 04 ຕຶກ C ແລະ ສົ່ງທາງອີເມລ: inspect-it@bcel.com.la

ເອກະສານ ຊອງທີ2: (ປິດຊອງ)

ໃບສະເໜີລາຄາຕ້ອງເປັນສະກຸນເງີນກີບ ແລະ ລວມອາກອນມູນຄ່າເພີ່ມ 10%.
ຜູ້ສະໜອງຕ້ອງວາງເງິນຄໍ້າປະກັນການປະມູນຕໍ່າສຸດ 10% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກໂດຍທະນາຄານພາຍໃນ (ວັນໝົດອາຍຸໜັງສືຄໍ້າປະກັນຕ້ອງເຖິງ ວັນທີ 26/07/2026.) ຫຼື ແຊັກທີ່ວີຊ້າແລ້ວ/ແຊັກເງິນສົດ (ທຄຕລ ບໍ່ຮັບເງິນສົດ), ຜູ້ບໍ່ຊະນະການປະມູນພາຍຫຼັງປະກາດຜົນປະມູນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນ, ສໍາລັບຜູ້ຊະນະການປະມູນແມ່ນຈະສົ່ງຄືນພາຍຫຼັງເຊັນສັນຍາ.
ໃນວັນອັງຄານ ວັນທີ 26/05/2026 ຕອນບ່າຍ ເວລາ 13:30 ໂມງ ແມ່ນມື້ເປີດຊອງປະມູນ ສະນັ້ນ, ໃຫ້ຜູ້ສະໜອງທີ່ຜ່ານການຄັດເລືອກຈາກເອກະສານຊອງທີ 1 ມາຍື່ນຊອງລາຄາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມຊັ້ນ 5 ອາຄານ C;
ລາຄາທີ່ສະເໜີມາຕ້ອງເປັນລາຄາທີ່ສາມາດບໍລິການບໍາລຸງຮັກສາເອງ ແລະ ບໍ່ໃຫ້ເປັນການປະມູນ ໃນນາມນາຍໜ້າ ຫຼື ຂາຍຕໍ່ໃຫ້ບໍລິສັດອື່ນ.

ໝາຍເຫດ:

ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ, ການຄັດເລືອກຜູ້ສະໜອງແມ່ນຈະຄັດເລືອກຈາກຫລາຍເງື່ອນໄຂ (ບໍ່ໄດ້ຄັດເລືອກຈາກລາ ຄາພຽງຢ່າງດຽວ).

ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ໃນໄລຍະ 02ປີ ແລະ ຮັບຜິດຊອບຄ່າທໍານຽມໃນການຈົດທະບຽນສານ.
ຖ້າຜູ້ຊະນະການປະມູນປະຕິເສດການເຊັນສັນຍາ ແມ່ນຕ້ອງຮັບຜິດຊອບຄ່າເສຍຫາຍທັງໝົດໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ (ທຄຕລ ຈະບໍ່ສົ່ງເງິນຄໍ້າປະກັນການປະມູນ 10% ຄືນ).

ການຊໍາລະແມ່ນແບ່ງອອກເປັນ 04 ງວດ/01ປີ ດັ່ງລຸ່ມນີ້:

ງວດທີ 1: ຊໍາລະ 25% ຂອງມູນຄ່າ ພາຍໃນ 15 ວັນ ພາຍຫຼັງທີ່ເຂົ້າມາບຳລຸງຮັັັັກສາຄັ້ງທີ 01 ແລະ ກວດກາຄວາມຖືກຕ້ອງຈາກພາກສ່ວນກ່ຽວຂ້ອງ.
ງວດທີ 2: ຊໍາລະ 25% ຂອງມູນຄ່າ ພາຍໃນ 15 ວັນ ພາຍຫຼັງທີ່ເຂົ້າມາບຳລຸງຮັັັັກສາ ຄັ້ງທີ 02 ແລະ ກວດກາຄວາມຖືກຕ້ອງຈາກພາກສ່ວນກ່ຽວຂ້ອງ.
ງວດທີ 3: ຊໍາລະ 25% ຂອງມູນຄ່າ ພາຍໃນ 15 ວັນ ພາຍຫຼັງທີ່ເຂົ້າມາບຳລຸງຮັັັັກສາ ຄັ້ງທີ 03 ແລະ ກວດກາຄວາມຖືກຕ້ອງຈາກພາກສ່ວນກ່ຽວຂ້ອງ.
ງວດທີ 4: ຊໍາລະ 25% ຂອງມູນຄ່າ ພາຍໃນ 15 ວັນ ພາຍຫຼັງທີ່ເຂົ້າມາບຳລຸງຮັັັັກສາຄັ້ງທີ 04 ແລະ ກວດກາຄວາມຖືກຕ້ອງຈາກພາກສ່ວນກ່ຽວຂ້ອງ.
- , ຈຶ່ງອອກແຈ້ງເຊີນມາຍັງທ່ານທີ່ມີຄວາມສົນໃຈເຂົ້າຮ່ວມຍືນຊອງປະມູນໃນຄັ້ງນີ້.

ຜູ້ອໍານວຍການ

ສອບຖາມຂໍ້ມູນເພີ່ມຕື່ມ:

020 77467722

020 23598956

invite to bid maintanance of UPS for 09 units

27/04/2026

(Soft copy)

invite to bid maintanance of UPS for 09 units

27/04/2026

Related link

Share