ຂ່າວສານ ແຈ້ງເຊີນເຂົ້າຮ່ວມຍື່ນຊອງປະມູນລາຄາເຊົ່າຈັກອັດເອກະສານ

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນປະມູນ

ເຖິງ : ບັນດາບໍລິສັດ ແລະ ວິສາຫະກິດ ຈັດຈໍາໜ່າຍອຸປະກອນໄອທີ ທີ່ນັບຖື.

ເລື່ອງ: ແຈ້ງເຊີນເຂົ້າຮ່ວມຍື່ນຊອງປະມູນລາຄາເຊົ່າຈັກອັດເອກະສານ.

ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍຖືເປັນກຽດແຈ້ງເຊີນມາຍັງບັນດາບໍລິສັດ ແລະ ວິສາຫະກິດ ຈັດຈໍາໜ່າຍອຸປະກອນໄອທີ ກ່ຽວກັບການສະເໜີເງື່ອນໄຂ ແລະ ຂັ້ນຕອນໃນການປະກອບເອກະສານ ຍື່ນຊອງປະມູນລາຄາເຊົ່າຈັກອັດເອກະສານ ຈໍານວນ 20 ເຄື່ອງ ນໍາໃຊ້ຢູ່ ທຄຕລ ສໍານັກງານໃຫຍ່ ຕັ້ງຢູ່ບ້ານຊຽງຍືນ, ເມືອງຈັນທະບູລີ, ນະຄອນຫຼວງວຽງຈັນ ດັ່ງລາຍລະອຽດລຸ່ມນີ້

ລາຍການສະເປັກເຄື່ອງ

ຈັກອັດເອກະສານ ທີ່ສາມາດຮອງຮັບການສັ່ງພີມຜ່ານທາງຄອມພິວເຕີໄດ້ທັງລະບົບ Windows ແລະ Ubuntu;
ສາມາດສະແກນ/ພີມໄດ້ສອງໜ້າ;
Copy/Scanner/Print Speed 45ppm | 55pm;
First output: 3.1 secs, Warmup: 30 secs;
Print Resolutions: 2400 dpi or equivalent x 600 dpi;
Memory | Hard Disk: 4GB | 160GB;
Paper Tray | Bypass Tray: 4 x 500 sheets | 1 x 95 sheets;
Paper Size: A3-A6 and B4-B7;
Printer/Scanner: Built-in PCL, Mono print, colors scan;
Dimensions: W 640 x D 699 x H 1136mm (With Two Tray Module).

ເງື່ອນໄຂການປະກອບເອກະສານການປະມູນ

ເອກະສານຊອງທີ 1 (ບໍ່ປິດຊອງ)
ປະກອບເອກະສານໃນນາມນິຕິບຸກຄົນ ທີ່ດໍາເນີນທຸລະກິດ (ສໍາເນົາໃບທະບຽນວິຫາສາຫະກິດ, ໃບຢັ້ງຢືນການເສຍອາກອນ ປີ 2024/2025, ໃບຢັ້ງຢືນຕົວແທນຈັດຈໍາໜ່າຍ);
ເອກະສານລາຍລະອຽດສະເປັກສິນຄ້າ, ການຮັບປະກັນ, ໄລຍະຈັດສົ່ງ, ການອັບເດດ Software, ການຝຶກອົບຮົມການໃຊ້ງານໃຫ້ພະນັກງານ ທຄຕລ, ລະບຸປີຜະລິດ-ປະເທດຜະລິດສິນຄ້າ, ການບຳລຸງຮັກສາການບໍລິການຫຼັງການຂາຍ, ການຮັບປະກັນການເຄຼມຄືນ ໃນກໍລະນີບໍ່ສາມາດສະໜອງເຄື່ອງຈັກໃຫ້ຕາມຈໍານວນ ແລະ ເງື່ອນໄຂອື່ນໆຢ່າງລະອຽດຕາມ Format ຄັດຕິດມາພ້ອມນີ້;
ຄຸນວຸດທິຂອງບໍລິສັດ ແລະ ປະສົບການທີ່ເຮັດວຽກດັ່ງກ່າວ ຢ່າງໜ້ອຍ 2 ປີ ຫຼື ວຽກທີ່ຄ້າຍຄືລັກສະນະດຽວກັນ;
ກໍານົດຍື່ນຊອງມາດຕະຖານເຕັກນິກ ຈະປິດຮັບວັນທີ 19/06/2026 ເວລາ 15:30 ໂມງ ທີ່ພະແນກຫ້ອງການບໍລິຫານ-ການເງິນ ທຄຕລ ສໍານັກງານໃຫຍ່.
ເອກະສານຊອງທີ 2 (ປິດຊອງ)

ບໍລິສັດຕ້ອງແຈ້ງລາຄາເປັນ 02 ທາງເລືອກ ໃຫ້ລະບຸເປັນສະກຸນເງິນກີບ ຄື: ລາຄາຕໍ່ເດືອນ, ລາຄາຕໍ່ 1 ປີ ແລະ ລາຄາຕໍ່ 2 ປີ ທີ່ລວມອາກອນມູນຄ່າເພີ່ມ ດັ່ງນີ້:

ສະເໜີລາຄາທີ່ສາມາດນໍາໃຊ້ແບບຈໍາກັດມິເຕີ, ລາຄາເກີນຕໍ່ມິເຕີ (ລະບຸຈໍານວນເພດານມິເຕີທີ່ນໍາໃຊ້);
ສະເໜີລາຄາທີ່ນໍາໃຊ້ແບບບໍ່ຈໍາກັດມິເຕີ.

ໃນວັນທີ 23/06/2026 ເວລາ 13:00 ໂມງ ແມ່ນມື້ເປີດຊອງລາຄາປະມູນ ແຈ້ງໃຫ້ບໍລິສັດ ຕ້ອງຖືຊອງລາຄາມາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ ທຄຕລ ສໍານັກງານໃຫຍ່, ອາຄານຕຶກ C ຊັ້ນ 5 ຫ້ອງປະຊຸມ 5/2;
ຜູ້ເຂົ້າຮ່ວມຍື່ນຊອງປະມູນ ຕ້ອງວາງເງິນຄໍ້າປະກັນການປະມູນຕໍ່າສຸດ 10% ຂອງມູນຄ່າຕໍ່າສຸດ ໃນໃບສະເໜີລາຄາທີ່ຍື່ນຕໍ່ 2 ປີ. ໂດຍໜັງສືຄໍ້າປະກັນທີ່ອອກໃຫ້ໂດຍທະນາຄານພາຍໃນ (ວັນໝົດອາຍຸໜັງສືຄໍ້າປະກັນຕ້ອງເຖິງວັນທີ 30/09/2026) ຫຼື ແຊັກທີ່ວີຊ່າແລ້ວ (ທຄຕລ ບໍ່ຮັບເງິນສົດ) ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນ;
ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ. ການຄັດເລືອກຜູ້ສະໜອງແມ່ນຈະຄັດເລືອກຈາກຫຼາຍເງື່ອນໄຂ (ບໍ່ໄດ້ຄັດເລືອກຈາກລາຄາພຽງຢ່າງດຽວ).

ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ຊະນະການປະມູນ

ຖ້າຜູ້ຊະນະການປະມູນປະຕິເສດການເຊັນສັນຍາກັບ ທຄຕລ, ຜູ້ຊະນະການປະມູນຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ;
ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ໄລຍະເວລາ 2 ປີ ແລະ ຄ່າທໍານຽມໃນການຈົດທະບຽນສັນຍາ ແມ່ນຄວາມຮັບຜິດຊອບຂອງຜູ້ຮັບເໝົາ;
ຕ້ອງມີພະນັກງານຊັບພອດແກ້ໄຂບັນຫາເຕັກນິກຂອງບໍລິສັດເອງ ພາຍໃນ 1-2 ຊົ່ວໂມງ ວັນຈັນ-ວັນສຸກ ເວລາ 8:00-17:00 ໂມງ;
ບໍລິສັດຕ້ອງຮັບຜິດຊອບນໍ້າມຶກ ແລະ ອາໄຫຼ່ຂອງເຄື່ອງຈັກ, ສ່ວນ ທຄຕລ ມີໜ້າທີ່ອໍານວຍຄວາມສະດວກສະຖານທີ່ຕັ້ງ, ເຈ້ຍ, ໄຟຟ້າ ແລະ ສາຍອິນເຕີເນັດ;
ການຊໍາລະຄ່າບໍລິການແມ່ນເປັນລາຍເດືອນລວມອາກອນມູນຄ່າເພີ່ມ ດ້ວຍສະກຸນເງິນກີບ.

ດັ່ງນັ້ນ, ຈຶ່ງອອກແຈ້ງເຊີນມາຍັງທ່ານທີ່ມີຄວາມສົນໃຈເຂົ້າຮ່ວມຍື່ນຊອງປະມູນໃນຄັ້ງນີ້ດ້ວຍ.

ຜູ້ອໍານວຍການ

ຜູ້ປະສານງານ:

ທ່ານ ພູວອນ ສໍອິນໄຊ 020 5955 9889

ທ້າວ ຄໍາຫຼ້າ ເພັດມີໄຊ 020 7777 7096