BCEL I-Bank
Invitation to submit bids for BCEL's property insurance system-wide for the years 2026 - 2027
26/05/2026
(Soft copy)
ແຈ້ງເຊີນປະມູນ
ເຖິງ : ທ່ານ ຜູ້ອໍານວຍການ ບໍລິສັດປະກັນໄພ ທີ່ນັບຖື.
ເລື່ອງ: ແຈ້ງເຊີນເຂົ້າຮ່ວມຍື່ນຊອງປະມູນລາຄາ ເຮັດປະກັນໄພຊັບສິນຂອງ ທຄຕລ ທົ່ວລະບົບ ປະຈໍາປີ 2026 – 2027.
ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍແຈ້ງເຊີນມາຍັງທ່ານ ທີ່ມີຄວາມສົນໃຈເຂົ້າຮ່ວມປະມູນເຮັດປະກັນໄພຊັບສິນ ຂອງ ທຄຕລ ທົ່ວລະບົບ, ເຊິ່ງມີລາຍການລຸ່ມນີ້:
- ການປະກັນໄພຄວາມສ່ຽງຊັບສິນ (Property All Risks Insurance)
- ຕຶກອາຄານ (ລວມໂຄງສ້າງ ແລະ ຊັບສິນພາຍໃນອາຄານ).
- ຕູ້ ATM, CDM ,CRM ແລະ ຕູ້ແລກປ່ຽນເງິນ TA24 Slim Device.
- ອຸປະກອນໄອທີ Server.
- ເຮືອນແດງຄອບຕູ້ ATM.
(ລາຍລະອຽດເພີ່ມຕື່ມ ແມ່ນຂໍ້ 1.7)
Ø ເງື່ອນໄຂຂອງຜູ້ສະໜອງທີ່ຕ້ອງການຮ່ວມຍື່ນຊອງປະມູນຕ້ອງປະກອບເອກະສານ ດັ່ງນີ້:
- ເອກະສານຊອງທີ 01 (ຄຸນວຸດທິ ແລະ ປະສົບການ):
- ປະກອບເອກະສານໃນນາມນິຕິບຸກຄົນ ໂດຍສຳເນົາເອກະສານ: ໃບທະບຽນວິສາຫະກິດ, ໃບອະນຸ ຍາດດໍາເນີນດ້ານການປະກັນໄພ, ໃບຢັ້ງຢືນການເສຍອາກອນປະຈຳປີ 2023, 2024, 2025.
- ບໍລິສັດຕ້ອງດຳເນີນທຸລະກິດປະກັນໄພ ຢ່າງໜ້ອຍ 05 ປີຂຶ້ນໄປ ແລະ ມີວິຊາການຊໍານານງານສະເພາະດ້ານ.
- ສໍາເນົາໃບຢັ້ງຢືນຜົນງານ ແລະ ປະສົບການທີ່ຜ່ານມາ (ໃຫ້ບໍລິການວຽກງານປະກັນກັບທະນາຄານທຸ ລະກິດມາກ່ອນ).
- ບໍລິສັດ ຕ້ອງມີການກວດສອບຈາກ ບໍລິສັດກວດສອບພາຍນອກ ເຊັ່ນ: ບໍລິສັດ PWC, ບໍລິສັດ Deloitte, ບໍລິສັດ EY ແລະ ບໍລິສັດ KPMG ຢ່າງໜ້ອຍ 02 ປີຜ່ານມາ.
- ທຄຕລ ຈະມີຕາຕະລາງລາຍການເງື່ອນໄຂຂອງສັນຍາປະກັນໄພ ໃຫ້ບໍລິສັດທີ່ເຂົ້າຮ່ວມປະມູນ ໝາຍໃສ່ຕາຕະລາງລາຍການ ທີ່ບໍລິສັດເຂົ້າຮ່ວມປະມູນນັ້ນ ສາມາດປະຕິບັດເງື່ອນໄຂປະກັນໄພໄດ້ ພ້ອມດ້ວຍລົງລາຍເຊັນ ແລະ ປະທັບຕາໃສ່ເອກະສານ (Form 2: ເອກະສານແມ່ນແນບທ້າຍໃບແຈ້ງເຊີນ).
- ເອກະສານ ຂໍ້ 1.1 ເຖິງ 1.5 ແມ່ນສົ່ງຟາຍ pdf ເຂົ້າ Email: procurement@bcel.com.la, ໂດຍສົ່ງກ່ອນ ວັນສຸກ, ທີ 29/05/2026 ເວລາ 14:00 ໂມງ.
- ບໍລິສັດທີ່ເຂົ້າຮ່ວມປະມູນ ຫາກຜ່ານການກວດເອກະສານໃນຊອງທີ 1 ສໍາເລັດ ແລະ ຄົບຖ້ວນ ທາງ ທຄຕລ ຈຶ່ງຈະສົ່ງຂໍ້ມູນຕົວເລກໃຫ້ ເພື່ອຄິດໄລ່ຄ່າທຳນຽມໃນຂັ້ນຕອນຕໍ່ໄປ ແລະ ຕ້ອງໄດ້ເຊັນສັນຍາບໍ່ເປີດເຜີຍຂໍ້ມູນ (NDA) ສໍາລັບຮ່າງເອກະສານແມ່ນ ທຄຕລ ຈະສະໜອງໃຫ້.
- ເອກະສານຊອງທີ 02 (ຊອງປະມູນລາຄາ):
- ທຄຕລ ຈະແຈ້ງສະເພາະຜູ້ທີ່ຜ່ານເງື່ອນໄຂຮອບທີ 01 ເທົ່ານັ້ນ ເພື່ອເຂົ້າມາຍື່ນຊອງລາຄາ ໃນວັນອັງຄານ, ທີ 09/06/2026 ເວລາ 09:00 ໂມງ. ສະນັ້ນ, ຜູ້ສະໜອງຈະຕ້ອງຖືຊອງລາຄາມາດ້ວຍຕົວເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມຊັ້ນ 5/2 ຕຶກ C.
- ໃບສະເໜີລາຄາໃຫ້ລະບຸ ລາຄາຄ່າທຳນຽມ, ຄ່າລົງທະບຽນ ແລະ ລວມມູນຄ່າອາກອນທັງໝົດເປັນສະກຸນເງິນກີບ.
- ກຳນົດອັດຕາຄ່າທຳນຽມ, ວິທີການຄິດໄລ່ ແລະ ຍອດສະສົມສູງສຸດຂອງສິນທົດແທນ;
- ການກຳນົດອັດຕາແລກປ່ຽນໃນການຄິດໄລ່ເພື່ອກຳນົດຄ່າທຳນຽມ ແລະ ອັດຕາແລກປ່ຽນໃນການຄິດໄລ່ທົດແທນ;
- ຜູ້ສະໜອງຕ້ອງວາງເງິນຄໍ້າປະກັນການປະມູນບໍ່ໃຫ້ຫຼຸດ 10% ຂອງມູນຄ່າທັງໝົດລວມອາກອນ (ຕາມໃບສະເໜີລາຄາ) ດ້ວຍໜັງສືຄໍ້າປະກັນທີ່ອອກໂດຍ ທຄຕລ (ວັນໝົດອາຍຸໜັງສືຄໍ້າປະກັນຕ້ອງສິ້ນສຸດ ວັນທີ 30/08/2026) ຫຼື ແຊັກທີ່ວີຊ້າແລ້ວ (ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງແຊັກ/ໜັງສືຄໍ້າປະກັນດັ່ງກ່າວຄືນໃຫ້ຜູ້ສະໜອງທີ່ບໍ່ໄດ້ຮັບການຄັດເລືອກ, ສຳລັບຜູ້ສະໜອງທີ່ໄດ້ຮັບການຄັດເລືອກ ແມ່ນຈະສົ່ງຄືນຫຼັງຈາກສຳເລັດການເຊັນສັນຍາ.
- ຖ້າຜູ້ສະໜອງບໍ່ວາງເງິນຄໍ້າປະກັນການປະມູນ ຕາມທີ່ລະບຸໄວ້ໃນຂໍ້ທີ 2.3 ແມ່ນ ທຄຕລ ຈະປະຕິເສດການຮັບຊອງໃບສະເໜີລາຄາ.
- ໝາຍເຫດ:
- ທຄຕລ ຂໍສະຫງວນສິດໃນການປະຕິເສດບໍລິສັດ ທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ.
- ທຄຕລ ຈະພິຈາລະນາຄັດເລືອກຜູ້ສະໜອງ ຈາກຫຼາຍເງື່ອນໄຂ: ອັດຕາຄ່າທໍານຽມ, ການຄຸ້ມຄອງ-ການທົດແທນຜົນເສຍຫາຍ ແລະ ການບໍລິການອື່ນໆ (ຈະບໍ່ໄດ້ພິຈາລະນາດ້ານລາຄາພຽງຢ່າງດຽວ).
- ເງື່ອນໄຂຂອງສັນຍາລະຫວ່າງ ທຄຕລ ແລະ ບໍລິສັດທີ່ຊະນະການປະມູນ:
- ຜູ້ຊະນະການປະມູນຕ້ອງເຊັນສັນຍາກັບ ທຄຕລ ແລະ ຮັບຜິດຊອບຄ່າທຳນຽມໃນການຈົດທະບຽນສັນຍາ;
- ເອກະສານຊອງທີ 1 ແມ່ນຈະຖືວ່າເປັນເງື່ອນໄຂສ່ວນໜຶ່ງຂອງສັນຍາ.
- ສັນຍາຕ້ອງໃຊ້ພາສາລາວເປັນຫຼັກ ແລະ ນຳໃຊ້ກົດໝາຍລາວ ໃນການກຳນົດແກ້ໄຂຂໍ້ຂັດແຍ້ງ, ສຳລັບພາສາຕ່າງປະເທດໃຫ້ຖືເປັນສະບັບຄັດຕິດ (ຖ້າມີ) ແລະ ຕ້ອງສົ່ງຮ່າງໃຫ້ ທຄຕລ.
- ຖ້າຜູ້ຊະນະການປະມູນປະຕິເສດການເຊັນສັນຍາ ແມ່ນຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ.
- ການຊໍາລະຄ່າທໍານຽມປະກັນໄພແມ່ນຈ່າຍເງິນງວດດຽວ 100% ຕາມສັນຍາ ພາຍຫຼັງສຳເລັດການເຊັນສັນຍາວ່າຈ້າງ, ສຳເລັັດຈົດທະບຽນສານ ແລະ ກວດກາຄວາມຖືກຕ້ອງຈາກທັງສອງຝ່າຍ ພາຍໃນໄລຍະ 15 ວັນລັດຖະການ.
ດັ່ງນັ້ນ, ຈຶ່ງອອກແຈ້ງເຊີນມາຍັງທ່ານ ທີ່ມີຄວາມສົນໃຈເຂົ້າຮ່ວມຍື່ນຊອງປະມູນໃນຄັ້ງນີ້.
ຜູ້ອຳນວຍການ
ຜູ້ປະສານງານ:
ນາງ ພຸດທິດາ ດວງມະນີ ໂທ: 020 56656454
021 213201 ຕໍ່ 414
(Soft copy)
Related link
Invitation to submit bids for 1,300 Smart POS card readers...
08/05/2026
Invitation to participate in the bidding Calendar...
08/05/2026
