ຂ່າວສານ Invitation to submit bids for Cash movement insurance

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນ

ເຖິງ: ທ່ານ ຜູ້ອໍານວຍການ ບັນດາບໍລິສັດປະກັນໄພ ທີ່ນັບຖື.

ເລື່ອງ: ເຊີນເຂົ້າຮ່ວມປະມູນ ເຮັດປະກັນໄພການເຄື່ອນຍ້າຍເງິນສົດ.

ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍແຈ້ງເຊີນມາຍັງທ່ານ ທີ່ມີຄວາມສົນໃຈເຂົ້າຮ່ວມປະມູນເຮັດປະກັນໄພ ການເຄື່ອນຍ້າຍເງິນສົດ ໃຫ້ ທຄຕລ ປະຈຳປີ 2026-2027, ເຊິ່ງມີລາຍລະອຽດລຸ່ມນີ້:

ປະກັນໄພເງິນເຄື່ອນຍ້າຍເງິນສົດ (Money In Transit Insurance)

ການເຄື່ອນຍ້າຍເງິນສົດ (ໄປ-ກັບ) ລະຫວ່າງຫົວໜ່ວຍທຸລະກິດຂອງ ທຄຕລ ທົ່ວປະເທດ.
ການເຄື່ອນຍ້າຍເງິນສົດ (ໄປ-ກັບ) ລະຫວ່າງສຳນັກງານຫົວໜ່ວຍທຸລະກິດຂອງ ທຄຕລ ໄປຫາຕູ້ ATM, CDM, CRM, CXM, MCA ທົ່ວປະເທດ. (ລາຍລະອຽດເພີ່ມຕື່ມແມ່ນຢູ່ ຂໍ້ 1.8)

ເງື່ອນໄຂຂອງບໍລິສັດ ທີ່ຈະເຂົ້າຮ່ວມຍື່ນຊອງປະມູນຕ້ອງປະກອບມີລາຍການດັ່ງນີ້:

ເອກະສານທີ່ຕ້ອງປະກອບໃນຊອງທີ 1 (ຄຸນວຸດທິ ແລະ ປະສົບການຜ່ານມາ):
1. ປະກອບເອກະສານໃນນາມນິຕິບຸກຄົນ ໂດຍສໍາເນົາເອກະສານ: j ໃບທະບຽນວິສາຫະກິດ, kໃບອະ ນຸຍາດດໍາເນີນທຸລະກິດດ້ານການປະກັນໄພ, l ໃບມອບພັນທະອາກອນ ປະຈໍາປີ 2023,2024,2025.
2. ເອກະສານອະນຸຍາດດຳເນີນທຸລະກິດປະກັນໄພຜ່ານມາຢ່າງໜ້ອຍ 05 ປີຂຶ້ນໄປ ແລະ ມີວິຊາການຊໍານານງານສະເພາະດ້ານ.
3. ສໍາເນົາໃບຢັ້ງຢືນຜົນງານ ແລະ ປະສົບການຜ່ານມາ (ເຄີຍໃຫ້ບໍລິການວຽກງານປະກັນໄພກັບທະນາ ຄານທຸລະກິດໃດໜື່ງໃນ ສປປ ລາວ ມາກ່ອນ ໃນວຽກງານປະກັນການເຄື່ອນຍ້າຍເງິນສົດ) .
4. ເອກະສານຢັ້ງຢືນຜ່ານການກວດສອບຈາກ ບໍລິສັດກວດສອບພາຍນອກ ຄື: ບໍລິສັດ PWC, ບໍລິສັດ Deloitte, ບໍລິສັດ EY ແລະ ບໍລິສັດ KPMG ໃນປີ 1 ຫຼື 2 ປີຍ້ອນຫຼັງ.
5. ຕ້ອງມືທຶນຈົດທະບຽນຕາມທີ່ກົດໝາຍກຳນົດ ນັບແຕ່ 30 ຕີື້ກີບຂຶ້ືນໄປ.
6. ທຄຕລ ຈະບໍ່ໄດ້ມີການສົມທົບໃນເວລາທົດແທນຄ່າເສຍຫາຍຈາກເຫດການໃດໜຶ່ງ ໃນການຄຸ້ມຄອງຂອງປະກັນໄພ (Deductible).
7. ທຄຕລ ມີຕາຕະລາງລາຍການເງື່ອນໄຂຂອງສັນຍາປະກັນໄພເບື້ອງຕົ້ນ ໃຫ້ບໍລິສັດທີ່ເຂົ້າຮ່ວມປະມູນພິ ຈາລະນາ ໝາຍ þ ໃສ່ຫ້ອງຄຸ້ມຄອງ ຖ້າເຫັນວ່າບໍລິສັດມີເງື່ອນໄຂຄຸ້ມຄອງ (ເປັນເງື່ອນໄຂທີ່ປະຕິບັດໄດ້ຈິງ), ຖ້າບໍລິສັດໃດບໍ່ມີເງື່ອນໄຂຄຸ້ມຄອງລາຍການໃດກໍ່ບໍ່ໃຫ້ໝາຍຫຍັງໃສ່ ພ້ອມທັງຂໍ້ຍົກເວັ້ນຖ້າມີກໍລະນີໃດກໍ່ໃຫ້ລະບຸໃສ່ລະອຽດ ພ້ອມລົງລາຍເຊັນຢັ້ງຢືນ ແລະ ປະທັບຕາໃສ່ເອກະສານ (ມີເອກະສານຄັດຕິດໃບແຈ້ງເຊີນມາພ້ອມນີ້).
8. ບໍລິສັດປະກັນໄພຕ້ອງທົດແທນຜົນເສຍຫາຍຕາມຈຳນວນເງິນສົດທີ່ເສຍຫາຍຕົວຈິງ ໃນຂະນະທີ່ທຳການເຄື່ອນຍ້າຍເງິນສົດທຸກກໍລະນີ ຫຼື ໃນຂໍ້ມູນຕົວເລກຕິດຕາມຢູ່ລະບົບບັນຊີ ຫຼື ຕາມຕົວເລກທົດແທນຄືນໃຫ້ທະນາຄານສູງສຸດຕໍ່ປີ ທີ່ລະບຸໃນສັນຍາ ໂດຍບໍ່ນັບຈຳນວນຄັ້ງທີ່ເກີດເຫດຂື້ນພາຍໃນ 5 ວັນລັດຖະການ.
9. ເອກະສານ 1.1 ເຖິງ 1.6 ແມ່ນສົ່ງຟາຍ pdf ເຂົ້າ E-mail: procurement@bcel.com.la, ໂດຍສົ່ງກ່ອນວັນ ພະຫັດ, ທີ 25/06/2026 ເວລາ 14:00 ໂມງ.
10. ຖ້າບໍລິສັດທີ່ເຂົ້າຮ່ວມຍື່ນຊອງປະມູນ ຫາກຜ່ານການກວດກາເອກະສານ ແລະ ເງື່ອນໄຂໃນຊອງປະ ມູນທີ 1 ຕາມທີ່ກຳນົດ ທຄຕລ ຈະແຈ້ງເຊີນມາຮັບຊາບຂໍ້ມູນລາຍລະອຽດເງື່ອນໄຂການຄຸ້ມຄອງ ແລະ ສົ່ງຂໍ້ມູນຕົວເລກພື້ນຖານໃຫ້ ບໍລິສັດນຳໄປຄິດໄລ່ຄ່າທໍານຽມໃນຂັ້ນຕໍ່ໄປ ພ້ອມນີ້ ກໍ່ຕ້ອງໄດ້ເຊັນສັນຍາບໍ່ເປີດເຜີຍຂໍ້ມູນທີ່ ທຄຕລ ສົ່ງໃຫ້ (NDA) (ຮ່າງເອກະສານ ແມ່ນ ທຄຕລ ຈະສະໜອງໃຫ້ພາຍຫຼັງ).
ເອກະສານຊອງທີ 2 (ຊອງປະມູນລາຄາ):
1. ທຄຕລ ຈະແຈ້ງສະເພາະ ບໍລິສັດທີ່ຜ່ານເງື່ອນໄຂໃນຊອງປະມູນທີ 01 ເທົ່ານັ້ນ ເພື່ອເຂົ້າຮ່ວມຍື່ນຊອງລາຄາ ໃນວັນອັງຄານ, ທີ 28/07/2026 ເວລາ 14:00 ໂມງ ໂດຍຜູ້ສະໜອງຈະຕ້ອງຖືຊອງຄິດໄລ່ລາຄາຄ່າທຳນຽມມາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມຊັ້ນ 5/2 ຕຶກ C.
2. ໃບສະເໜີລາຄາຄ່າທຳນຽມ ໃຫ້ລະບຸອັດຕາຄ່າທໍານຽມເປັນສ່ວຍຮ້ອຍ (%), ຄ່າຈົດທະບຽນ ແລະ ມູນຄ່າລວມອາກອນທັງໝົດ ເປັນສະກຸນເງິນກີບເທົ່ານັ້ນ.

ກຳນົດອັດຕາຄ່າທຳນຽມ, ວິທີການຄິດໄລ່ ແລະ ວົງເງິນສິນທົດແທນຄືນສູງສຸດຕໍ່ປີ ກໍລະນີເກີດເຫດເສຍຫາຍ;
ການກຳນົດອັດຕາແລກປ່ຽນໃນການຄິດໄລ່ຄ່າທຳນຽມ ແລະ ສີນທົດແທນກໍລະນີເກີດເຫດ;
1. ຜູ້ສະໜອງຕ້ອງວາງເງິນຄໍ້າປະກັນການປະມູນຢ່າງໜ້ອຍ 10% ຂອງມູນຄ່າທັງໝົດລວມອາກອນ (ຕາມໃບສະເໜີລາຄາ) ດ້ວຍໜັງສືຄໍ້າປະກັນທີ່ອອກໂດຍ ທຄຕລ (ວັນໝົດອາຍຸໜັງສືຄໍ້າປະກັນຕ້ອງສິ້ນສຸດວັນທີ 30/10/2026) ຫຼື ແຊັກເງິນສົດ/ແຊັກບໍລິສັດທີ່ວີຊ້າແລ້ວ (ບໍ່ຮັບເງິນສົດ), ພາຍຫຼັງປະ ກາດຜົນ ທຄຕລ ຈະສົ່ງແຊັກ ຫຼື ໜັງສືຄໍ້າປະກັນດັ່ງກ່າວຄືນ ໃຫ້ຜູ້ສະໜອງທີ່ບໍ່ໄດ້ຮັບການຄັດເລືອກ, ສໍາລັບຜູ້ສະໜອງທີ່ໄດ້ຮັບການຄັດເລືອກແມ່ນຈະສົ່ງຄືນຫຼັງຈາກສໍາເລັດການເຊັນສັນຍາ.
2. ຖ້າຜູ້ສະໜອງບໍ່ວາງເງິນຄໍ້າປະກັນການປະມູນ ຕາມທີ່ລະບຸໄວ້ໃນຂໍ້ທີ 2.3 ທຄຕລ ແມ່ນຈະປະຕິເສດການຮັບຊອງໃບສະເໜີລາຄາ.

ໝາຍເຫດ:

ທຄຕລ ຂໍສະຫງວນສິດ ປະຕິເສດບໍລິສັດທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ.
ທຄຕລ ຈະພິຈາລະນາຄັດເລືອກຜູ້ສະໜອງຈາກຫຼາຍເງື່ອນໄຂ: ອັດຕາຄ່າທໍານຽມ, ເງື່ອນໄຂການຄຸ້ມຄອງ, ວົງເງິນທົດແທນຜົນເສຍຫາຍ ແລະ ການບໍລິການອື່ນໆ (ຈະບໍ່ໄດ້ພິຈາລະນາດ້ານລາຄາພຽງຢ່າງດຽວ).

ເງື່ອນໄຂຂອງສັນຍາລະຫວ່າງ ທຄຕລ ແລະ ບໍລິສັດທີ່ຊະນະການປະມູນ:

ບໍລິສັດຊະນະການປະມູນຕ້ອງເຊັນສັນຍາກັບ ທຄຕລ ແລະຮັບຜິດຊອບຄ່າທຳນຽມໃນການຈົດທະບຽນສັນຍາ;
ເອກະສານເງື່ອນໄຂໃນຊອງທີ 1 ແມ່ນຈະຖືວ່າເປັນເງື່ອນໄຂສ່ວນໜຶ່ງຂອງສັນຍາ.
ສັນຍາຕ້ອງໃຊ້ພາສາລາວເປັນຫຼັກ ແລະ ນໍາໃຊ້ກົດໝາຍລາວ ໃນການກໍານົດແກ້ໄຂຂໍ້ຂັດແຍ່ງ, ສໍາລັບພາສາຕ່າງປະເທດໃຫ້ຖືເປັນສະບັບຄັດຕິດ ( ຖ້າມີ ) ແລະ ຕ້ອງສົ່ງຮ່າງໃຫ້ ທຄຕລ ພິຈາລະນາຮ່ວມກ່ອນການເຊັນສັນຍາ.
ຖ້າຜູ້ຊະນະການປະມູນປະຕິເສດການເຊັນສັນຍາ ແມ່ນຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 10 % ຂອງມູນຄ່າລວມທີ່ສະເໜີປະມູນ.
ທຄຕລ ຈະຊໍາລະຄ່າທໍານຽມປະກັນໄພໃຫ້ ບໍລິສັດ ພາຍຫຼັງສຳເລັດຂະບວນການດຳເນີນເອກະສານສັນຍາວ່າຈ້າງທັງ ໝົດ ແລະ ຜ່ານການກວດກາຄວາມຖືກຕ້ອງຈາກທັງສອງຝ່າຍ ໂດຍຈະຈ່າຍເງິນໃນງວດດຽວ 100% ຕາມສັນຍາ ພາຍໃນໄລຍະ 15 ວັນລັດຖະການ.

ດັ່ງນັ້ນ, ຈຶ່ງອອກແຈ້ງເຊີນມາຍັງທ່ານ ທີ່ມີຄວາມສົນໃຈເຂົ້າຮ່ວມຍື່ນຊອງປະມູນໃນຄັ້ງນີ້.

ຜູ້ອໍານວຍການ