ຂ່າວສານ ແຈ້ງເຊີນເຂົ້າຮ່ວມຍື່ນຊອງປະມູນລາຄາທໍາຄວາມສະອາດສະຖານທີ່ເຮັດວຽກ

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນປະມູນ

ເຖິງ : ບັນດາບໍລິສັດ ແລະ ວິສາຫະກິດ ທໍາຄວາມສະອາດ ທີ່ນັບຖື.

ເລື່ອງ : ແຈ້ງເຊີນເຂົ້າຮ່ວມຍື່ນຊອງປະມູນລາຄາທໍາຄວາມສະອາດສະຖານທີ່ເຮັດວຽກ.

ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍຖືເປັນກຽດແຈ້ງເຊີນມາຍັງບັນດາ ບໍລິສັດ ແລະ ວິສາຫະກິດ ທໍາຄວາມສະອາດ ກ່ຽວກັບການສະເໜີເງື່ອນໄຂ ແລະ ຂັ້ນຕອນໃນການປະກອບເອກະສານຍື່ນຊອງປະມູນລາຄາທໍາຄວາມສະອາດສະຖານທີ່ເຮັດວຽກຂອງ ທຄຕລ ຢູ່ພາຍໃນນະຄອນຫຼວງວຽງຈັນ ດັ່ງລາຍລະອຽດລຸ່ມນີ້:

ລາຍການໜ້າວຽກປະກອບມີ

ລ/ດ	ລາຍການໜ້າວຽກ	ໄລຍະເວລາໃນການຈັດຕັ້ງປະຕິບັດ			ໝາຍເຫດ
ລ/ດ	ລາຍການໜ້າວຽກ	ປະຈໍາວັນ	ປະຈໍາອາທິດ	ປະຈໍາເດືອນ	ໝາຍເຫດ
	ປັດກວາດ, ຖູປຽກ-ແຫ້ງ ພື້ນຫ້ອງເຮັດວຽກ ດ້ວຍນໍ້າຢາສະເພາະ ແລະ ດູດຝຸ່ນດ້ວຍເຄື່ອງຈັກ	ü
	ເຊັດຝຸ່ນຕາມແວ່ນ, ໂຕະ, ຕັ່ງ, ຕູ້, ຄອມພິວເຕີ, ເຄົາເຕີ, ບານປະຕູແກ້ວ ແລະ ເຄື່ອງເຟີນິເຈີ້ ດ້ວຍນໍ້າຢາສະເພາະ	ü
	ເກັບຂີ້ເຫຍື້ອທຸກໆຫ້ອງເອົາໄປຖີ້ມຕາມຈຸດທີ່ກໍານົດ ພ້ອມທັງລ້າງກະຕ່າ ແລະ ຖັງໃສ່ຂີ້ເຫຍື້ອ	ü
	ສຽບ-ຖອດ ສາຍໄຟໝໍ້ຕົ້ມນໍ້າ ແລະ ເຕີມນໍ້າ	ü
	ຂັດລ້າງຊັກໂຄກ ແລະ ໂຖປັດຊະວະດ້ວຍນໍ້າຢາຂ້າເຊື້ອ	ü
	ລ້າງອ່າງລ້າງມື, ເຄົາເຕີ້ ແລະ ກ໊ອກນໍ້າໃນຫ້ອງນໍ້າ ດ້ວຍນໍ້າຢາຂ້າເຊື້ອ	ü
	ຂັດລ້າງ ແລະ ຖູພື້ນຫ້ອງນໍ້າ ດ້ວຍນໍ້າຢາຂ້າເຊື້ອ	ü
	ເຊັດແວ່ນພາຍໃນຫ້ອງນໍ້າ ແລະ ເຊັດ-ຂັດລ້າງ ຕາມຝາຫ້ອງນໍ້າດ້ວຍນໍ້າຢາຂ້າເຊື້ອ	ü
	ກວດກາ ແລະ ເຕີມເຄື່ອງໃຊ້ພາຍໃນຫ້ອງນໍ້າເຊັ້ນ: ເຈ້ຍທິດຊູ, ນໍ້າຢາລ້າງມື, ນໍ້າຫອມດັບກິ່ນ/ກ້ອນດັບກິ່ນ, ຖົງຮອງກະຕ່າຂີ້ເຫຍື້ອ	ü
	ລ້າງກະຕ່າ ແລະ ຖັງຂີ້ເຫຍື້ອ ພາຍໃນຫ້ອງນໍ້າ	ü
	ເກັບຂີ້ເຫຍື້ອຢູ່ຫ້ອງນໍ້າໄປຖິ້ມຕາມຈຸດທີ່ກໍານົດ	ü
	ປັດກວາດ, ເຊັດຖູຕາມຂັ້ນໄດ ພາຍໃນ-ພາຍນອກ, ລະບຽງດ້ານໜ້າ ແລະ ດ້ານຫຼັງ	ü
	ລ້າງຈອກ, ຈານ, ຖ້ວຍ ແລະ ບ່ວງ ສໍາລັບຮັບແຂກ ແລະ ພະນັກງານ	ü
	ຫົດນໍ້າດອກໄມ້ພາຍໃນອາຄານຂອງຫ້ອງຮັບແຂກ ແລະ ພະນັກງານ	ü
	ປັດຝຸ່ນ, ແລະ ອະນາໄມໄຍແມງມູມ ແລະ ເພດານ		ü
	ປັດຝຸ່ນຕາມປະຕູ, ປ່ອງຢ້ຽມ, ເຫຼັກກັນຂະໂມຍ, ສະວິດໄຟ, ປັກໄຟ, ຖັງດັບເພີງ, ເຄື່ອງດູດອາກາດພາຍໃນຫ້ອງເຮັດວຽກ ແລະ ຫ້ອງນໍ້າ		ü
	ລ້າງພື້ນດ້ວຍເຄື່ອງຈັກ ກໍລະນີມີຄາບດໍາ ແລະ ຄາບເປື້ອນຝັງແໜ້ນ			ü

ສະຖານທີ່ ແລະ ບໍລິມາດ

ຕຶກ A ຊັ້ນ 2 ຕັ້ງຢູ່ ບ້ານຊຽງຍືນ, ເມືອງຈັນທະບູລີ, ນະຄອນຫຼວງວຽງຈັນ, ເນື້ອທີທັງໝົດ 363 ຕາແມັດ ມີຫ້ອງນໍ້າ 2 ຫ້ອງ;
ຫຼັງຕຶກ A ຊັ້ນ 1, ຊັ້ນ 2 ແລະ ຊັ້ນ 3 ຕັ້ງຢູ່ ບ້ານຊຽງຍືນ, ເມືອງຈັນທະບູລີ, ນະຄອນຫຼວງວຽງຈັນ, ເນື້ອທີທັງໝົດ 125 ຕາແມັດ ມີຫ້ອງນໍ້າ 1 ຫ້ອງ;
ຕຶກ C ຊັ້ນ 2 ຕັ້ງຢູ່ ບ້ານຊຽງຍືນ, ເມືອງຈັນທະບູລີ, ນະຄອນຫຼວງວຽງຈັນ, ເນື້ອທີທັງໝົດ 500 ຕາມແມັດ ມີຫ້ອງນໍ້າ 2 ຫ້ອງ;
ຕຶກຕະຫຼາດຫຼັກຊັບ ຊັ້ນ 1 ຕັ້ງຢູ່ບ້ານໂພນທັນເໜືອ, ເມືອງໄຊເສດຖາ, ນະຄອນຫຼວງວຽງຈັນ ເນື້ອທີທັງໝົດ 178 ຕາແມັດ;
ຕຶກໜ່ວຍບໍລິການຮ່ອງແກ ຊັ້ນ 2 ແລະ ຊັ້ນ 3 ຕັ້ງຢູ່ບ້ານຮ່ອງແກ ເມືອງໄຊເສດຖາ ນະຄອນຫຼວງວຽງຈັນ ເນື້ອທີທັງໝົດ 266 ຕາແມັດ ມີຫ້ອງນໍ້າ 4 ຫ້ອງ.

ເງື່ອນໄຂການປະກອບເອກະສານການປະມູນ

ເອກະສານຊອງທີ 1 (ບໍ່ປິດຊອງ)

1) ປະກອບເອກະສານໃນນາມນິຕິບຸກຄົນ ທີ່ດໍາເນີນທຸລະກິດ (ສໍາເນົາໃບທະບຽນວິຫາສາຫະກິດ, ໃບຢັ້ງຢືນການເສຍອາກອນ ປີ 2024/2025);

2) ເອກະສານກ່ຽວກັບມາດຕະຖານໃຫ້ລະບຸຄົບຖ້ວນກ່ຽວກັບ ວິທີການປະຕິບັດວຽກ, ວັດສະດຸ, ຍີ່ຫໍ້/ລຸ້ນ ເຊິ່ງບໍລິສັດຕ້ອງຮັບຜິດຊອບເອງທັງໝົດ ເປັນຕົ້ນແມ່ນ ອຸປະກອນຮັບໃຊ້ທໍາຄວາມສະອາດ, ນໍ້າຢາທໍາຄວາມສະອາດ, ຜ້າແພທີ່ນໍາໃຊ້ ໃຫ້ຄົບຖ້ວນ ແລະ ພຽງພໍໃນການນໍາໃຊ້ຕົວຈິງ ລວມເຖິງຮັບຜິດຊອບພາຫະນະເດີນທາງໄປແຕ່ລະຈຸດເອງ. ສໍາລັບເຈ້ຍທິດຊູ ແລະ ຖົງຢາງໃສ່ຂີ້ເຫຍື້ອແມ່ນ ທຄຕລ ຈະປະກອບໃຫ້. ເຊິ່ງ ທຄຕລ ຈະບໍ່ໄດ້ຄັດເລືອກເງື່ອນໄຂລາຄາພຽງຢ່າງດຽວ.

3) ຄຸນວຸດທິຂອງບໍລິສັດ ແລະ ປະສົບການທີ່ເຮັດວຽກດັ່ງກ່າວ ຫຼື ວຽກທີ່ຄ້າຍຄືລັກສະນະດຽວກັນ;

4) ກໍານົດຍື່ນຊອງມາດຕະຖານເຕັກນິກ ຈະປິດຮັບວັນທີ 07/08/2026 ເວລາ 15:30 ໂມງ ທີ່ພະແນກຫ້ອງການບໍລິຫານ-ການເງິນ ທຄຕລ ສໍານັກງານໃຫຍ່ ທີ່ປ່ອງຂາອອກ-ຂາເຂົ້າ ອາຄານ C ຊັ້ນ 4.

ເອກະສານຊອງທີ 2 (ປິດຊອງ)

1) ໃບສະເໜີລາຄາຕ້ອງລະບຸເປັນລາຄາລວມທັງໝົດ 5 ຈຸດ ທີ່ເປັນລາຄາຕໍ່ເດືອນ, ຕໍ່ 01 ປີ ແລະ 02 ປີ ພ້ອມທັງສະແດງລາຄາທີ່ລວມອາກອນມູນຄ່າເພີ່ມທັງໝົດເປັນສະກຸນເງິນກີບໃຫ້ຄົບຖ້ວນ;

2) ໃນວັນທີ 11/08/2026 ເວລາ 13:30 ໂມງ ແມ່ນມື້ເປີດຊອງລາຄາປະມູນ ແຈ້ງໃຫ້ບໍລິສັດຈະຕ້ອງຖືຊອງລາຄາມາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມອາຄານ C ຊັ້ນ 5 ຫ້ອງ 5/2;

3) ຜູ້ເຂົ້າຮ່ວມຍື່ນຊອງປະມູນ ຕ້ອງວາງເງິນຄໍ້າປະກັນການປະມູນຕໍ່າສຸດ 10% ຂອງມູນຄ່າທັງໝົດຕໍ່ 02 ປີ ໂດຍໜັງສືຄໍ້າປະກັນທີ່ອອກໃຫ້ໂດຍທະນາຄານພາຍໃນ (ວັນໝົດອາຍຸໜັງສືຄໍ້າປະກັນຕ້ອງເຖິງວັນທີ 30/11/2026) ຫຼື ແຊັກທີ່ວີຊ່າແລ້ວ (ທຄຕລ ບໍ່ຮັບເງິນສົດ) ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນ ສໍາລັບຜູ້ຊະນະການປະມູນແມ່ນຈະສົ່ງຄືນພາຍຫຼັງເຊັນສັນຍາສໍາເລັດ.

ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ຊະນະການປະມູນ

ຖ້າຜູ້ຊະນະການປະມູນປະຕິເສດການໃນເຊັນສັນຍາກັບ ທຄຕລ, ຜູ້ຊະນະການປະມູນຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ;
ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ໄລຍະເວລາ 02 ປີ ແລະ ຄ່າທໍານຽມໃນການຈົດທະບຽນສັນຍາ ແມ່ນຄວາມຮັບຜິດຊອບຂອງຜູ້ຮັບເໝົາ;
ການປະຕິບັດວຽກແມ່ນເລີ່ມແຕ່ເວລາ 7:00-17:00 ໂມງ ວັນຈັນ-ສຸກ ກໍລະນີມີຄວາມຈໍາເປັນແມ່ນໃຫ້ເຂົ້າມາປະຕິບັດວຽກໃນ ວັນເສົາ-ອາທິດ ຕື່ມເພື່ອເຮັດໃຫ້ສະຖານທີ່ສະອາດ;
ການຊໍາລະຄ່າບໍລິການແມ່ນເປັນລາຍເດືອນລວມອາກອນມູນຄ່າເພີ່ມ ດ້ວຍສະກຸນເງິນກີບ.

ດັ່ງນັ້ນ, ຈຶ່ງອອກແຈ້ງເຊີນມາຍັງທ່ານທີ່ມີຄວາມສົນໃຈເຂົ້າຮ່ວມຍື່ນຊອງປະມູນໃນຄັ້ງນີ້ດ້ວຍ.

ຜູ້ອໍານວຍການ

ຜູ້ປະສານງານ:

ນ. ຫຼ້າໄພວັນ ປັນນະວົງ 020 22233419