ຂ່າວສານ ແຈ້ງເຊີນເຂົ້າຮ່ວມຍື່ນຊອງປະມູນລາຄາອອກແບບຕຶກອາຄານຂອງ ທຄຕລ (ຂະຫຍາຍໄລຍະເວລາ).

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນປະມູນ

ເຖິງ : ບັນດາບໍລິສັດອອກແບບກໍ່ສ້າງ ແລະ ຕົບແຕ່ງ

ເລື່ອງ : ແຈ້ງເຊີນເຂົ້າຮ່ວມຍື່ນຊອງປະມູນລາຄາອອກແບບຕຶກອາຄານຂອງ ທຄຕລ (ຂະຫຍາຍໄລຍະເວລາ).

ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍຖືເປັນກຽດແຈ້ງເຊີນມາຍັງບັນດາບໍລິສັດອອກ ແບບກໍ່ສ້າງ ແລະ ຕົບແຕ່ງ ກ່ຽວກັບການສະເໜີເງື່ອນໄຂ ແລະ ຂັ້ນຕອນໃນການປະກອບເອກະສານຢື່ນຊອງປະ ມູນລາຄາອອກແບບຕຶກອາຄານຂອງ ທຄຕລ ໂດຍມີເນື້ອໃນດັ່ງນີ້:

ເງື່ອນໄຂການປະກອບເອກະສານການປະມູນດັ່ງນີ້:

ຊອງທີ 01 (ບໍ່ປິດຊອງ):

ໃບທະບຽນວິສາຫະກິດ;
ໃບອະນຸຍາດດຳເນີນທຸລະກິດປີ 2025 ຫຼື 2026;
ທຶນຈົດທະບຽນວິສາຫະກິດ 1 ຕື້ກີບຂຶ້ນໄປ;
ໃບຢັ້ງຢືນການເສຍອາກອນປີ 2024 ຫຼື 2025;
ໃບຢັ້ງຢືນຜົນງານ ແລະ ປະສົບການທາງດ້ານການອອກແບບກໍ່ສ້າງ ແລະ ຕົບແຕ່ງອາຄານທະນາຄານ ຫຼື ອາຄານສໍານັກງານຫ້ອງການ 3 ຊັ້ນ ຢ່າງໜ້ອຍ 3 ໂຄງການ.

ເອກະສານຊອງທີ 01 ແມ່ນໃຫ້ສົ່ງກ່ອນວັນທີ 27/07/2026 ເວລາ 08:30-15:30 ໂມງ ທີ່ພະ ແນກຫ້ອງການບໍລິຫານ ແລະ ການເງິນ ຊັ້ນ 04 ຕຶກ C ສໍານັກງານໃຫຍ່.

ຊອງທີ 02 (ປິດຊອງ):

ໃບສະເໜີລາຄາ 2 ຊຸດ:
1. ໃບສະເໜີລາຄາ 1 ຊຸດ ໂດຍສະເໜີເປັນເປີເຊັນ (%) ຂອງມູນຄ່າລາຄາກາງ ຫຼື ລາຄາຮັບເໝົາ ຂອງ ວຽກທີ່ອອກແບບໃໝ່ທັງໝົດ ໂດຍເອົາມູນຄ່າຕໍ່າກວ່າມາຄິດໄລ່ເປັນຄ່າອອກແບບ ລວມອາກອນ ມູນຄ່າເພີ່ມ;
2. ໃບສະເໜີລາຄາ 1 ຊຸດ ໂດຍສະເໜີເປັນເປີເຊັນ (%) ຂອງມູນຄ່າລາຄາກາງ ຫຼື ລາຄາຮັບເໝົາ ໂດຍ ສະເໜີລາຄາທີ່ນໍາໃຊ້ແບບອາຄານເດີມ ຫຼື ແບບທີ່ເຄີຍອອກແບບມາແລ້ວ ແຕ່ອອກແບບເພີ່ມບາງ ລາຍການເຊັ່ນ: ຮາກຖານ, ຮົ້ວ-ກໍາແພງ, ເດີ່ນ, ເຮືອນພັກ, ຫ້ອງນໍ້າ ຮ່ອງລະບາຍນໍ້າ, ວຽກອື່ນໆ ທີ່ໄດ້ເກີດຂຶ້ນຕົວຈິງ ແລະ ຈັດສັນພື້ນທີ່ໃຊ້ສອຍພາຍໃນຕອນດິນ ໂດຍເອົາມູນຄ່າຕໍ່າກວ່າມາຄິດໄລ່ ເປັນຄ່າອອກແບບ ລວມອາກອນມູນຄ່າເພີ່ມ;
ໜັງສືຄໍ້າປະກັນການປະມູນ: ຜູ້ຮັບເໝົາຕ້ອງວາງເງິນຄໍ້າປະກັນການປະມູນຕໍ່າສຸດ 20,000,000 ກີບ ດ້ວຍໜັງສືຄໍ້າປະກັນທີ່ອອກໂດຍທະນາຄານພາຍໃນ (ວັນໝົດອາຍຸໜັງສືຄໍ້າປະກັນຕ້ອງເຖິງວັນທີ 18/ 10/2026) ຫຼື ແຊັກທີ່ວີຊາແລ້ວ/ແຊັກເງິນສົດ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນປະມູນ ທຄຕລ ຈະສົ່ງໜັງສືຄໍ້າປະກັນ ຫຼື ແຊັກດັ່ງກ່າວຄືນ, ສໍາລັບຜູ້ຊະນະການປະມູນແມ່ນຈະສົ່ງຄືນພາຍຫຼັງ ເຊັນສັນຍາ.

ວັນອັງຄານ, ວັນທີ 18/08/2026, ເວລາ 14:00 ໂມງ ແມ່ນມື້ເປີດຊອງປະມູນຊ່ອງໜ້າຄະນະກໍາ ມະການ ທຄຕລ, ບໍລິສັດຕ້ອງຍື່ນຊອງດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມເປີດຊອງປະມູນທີ່ ຫ້ອງປະຊຸມຊັ້ນ 05 ຕຶກ C;
ລາຄາທີ່ສະເໜີມາຕ້ອງເປັນລາຄາທີ່ສາມາດເປັນຜູ້ອອກແບບເອງ ແລະ ບໍ່ໃຫ້ເປັນການປະມູນໃນ ນາມ ນາຍໜ້າ ຫຼື ຂາຍຕໍ່ໃຫ້ບໍລິສັດອື່ນ;

ເງື່ອນໄຂດ້ານການອອກແບບ

ໄລຍະເວລາການອອກແບບ: ທຄຕລ ຈະເຊັນສັນຍາກັບຜູ້ຊະນະປະມູນເທື່ອລະ 02ປີ ຕະຫຼອດ ໄລຍະ ເວລາຕາມສັນຍາລາຄາຈະບໍ່ມີການປ່ຽນແປງ;
ໜ້າວຽກທີ່ຕ້ອງອອກແບບ ແລະ ຄິດໄລ່: ແບບ 3D ພາຍນອກ ແລະ ຕົບແຕ່ງພາຍໃນ ແລະ ແບບ 2D ທີ່ໃຊ້ກໍ່ສ້າງເຊິ່ງປະກອບມີ: ວຽກບຸກເບີກ, ຖົມດິນ, ຕີຜັງ, ຮາກຖານ, ເສົາ, ຄານ, ພື້ນ, ຝາ, ເພ ດານ, ຫຼັງຄາ, ວຽກສຸຂະພິບານ, ລະບົບໄຟຟ້າ, ລະບົບກັນຟ້າຜ່າ, ລະບົບປ້ອງກັນໄຟ ກະຊາກ, ລະບົບ ດັບເພີງ, ລະບົບແອເຢັນ, ລະບົບລະບາຍອາກາດ, ເຟີນີເຈີຕິດຕັ້ງ, ເຟີນີເຈີລອຍ, ວຽກ ເດີ່ນໃນຮົ້ວ ແລະ ນອກຮົ້ວ, ວຽກກໍາແພງ, ວຽກປະຕູຮົ້ວ, ວຽກຮ່ອງລະບາຍນໍ້າ, ວຽກທາສີ, ວຽກກັນຂະໂມຍ, ວຽກ ປ້າຍ, ວຽກລະບົບ network, Alarm, ກ້ອງວົງຈອນປິດ, Access control, ວຽກແລ່ນສາຍໂທລະ ສັບ ແລະ ວຽກອື່ນໆທີ່ກ່ຽວຂ້ອງ.
ອອກແບບກໍ່ສ້າງ ແລະ ຕົບແຕ່ງ + ຄິດໄລ່ BOQ ແລະ ລາຄາກາງ: ສາຂາ, ໜ່ວຍບໍລິການ, ຫ້ອງແລກ ປ່ຽນ ແລະ ຫ້ອງບໍລິການຕ່າງໆ;
ອອກແບບສ້ອມແປງ ແລະ ຕົບແຕ່ງ + ຄິດໄລ່ BOQ ແລະ ລາຄາກາງ: ໜ່ວຍບໍລິການ, ຫ້ອງແລກປ່ຽນ ແລະ ຫ້ອງບໍລິການຕ່າງໆ;
ສໍາຫຼວດສະຖານທີ່ໃນການສ້ອມແປງ + ຄິດໄລ່ BOQ: ສໍານັກງານໃຫຍ່, ສາຂາ, ໜ່ວຍບໍລິການ, ຫ້ອງແລກປ່ຽນ ແລະ ຫ້ອງບໍລິການຕ່າງໆ;

ການພົວພັນ ແລະ ໄລຍະເວລາການປະຕິບັດວຽກ

ສາມາດສອບຖາມລາຍລະອຽດເພີ່ມເຕີມກ່ຽວກັບລາຍລະອຽດການອອກແບບ ຈາກວັນທີ 15/07/2026-07/08/2026, ໃນຊ່ວງເວລາ 08:30-11:30 ໂມງ ແລະ 13:30-16:00 ໂມງ ທີ່ໝາຍ ເລກໂທລະສັບ 021 213200-414 ນອກຈາກເວລາດັ່ງກ່າວແລ້ວ ທຄຕລ ຈະຂໍສະຫງວນສິດໃນການ ຕອບຄໍາຖາມໃດໆ ທັງໝົດ.

ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ໃຫ້ບໍລິການທີ່ຊະນະການປະມູນ:

ຖ້າຜູ້ຊະນະການປະມູນປະຕິເສດການເຊັນສັນຍາ ທຄຕລ ຈະບໍ່ສົ່ງເງິນຄໍ້າປະກັນການປະມູນຄືນ.
ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ, ຄ່າທໍານຽມຈົດທະບຽນສານຂອງສັນຍາແມ່ນ ມອບໃຫ້ເປັນຄວາມຮັບຜິດຊອບຂອງບໍລິສັດອອກແບບທີ່ຊະນະການປະມູນ.
ຊໍາລະຄ່າອອກແບບ 100% ພາຍຫຼັງ ທຄຕລ ໄດ້ຜູ້ຮັບເໝົາໃນແຕ່ລະໂຄງການ.
ໃນການປະຕິບັດສັນຍາໃນໄລຍະ 02ປີ ເຊິ່ງ ທຄຕລ ອາດຈະມີໂຄງການທີ່ມີລັກສະນະສະເພາະ ຫຼື ມີວັດຖຸປະສົງອັນສະເພາະຂອງ ທຄຕລ ເອງ ແມ່ນ ທຄຕລ ສາມາດມີການແຈ້ງເຊີນປະມູນບໍລິສັດອອກ ແບບຕ່າງຫາກ ເພື່ອໃຫ້ໄດ້ຕາມວັດຖຸປະສົງຂອງ ທຄຕລ;
ການປະຕິບັດສັນຍາໃນໄລຍະ 02ປີ ທຄຕລ ຈະມີການປະເມີນການປະຕິບັດວຽກຂອງຜູ້ໃຫ້ບໍລິການ ກໍ ລະນີການປະຕິບັດວຽກມີປະສິດທິພາບ ຫຼື ບໍ່ມີປະສິດທິພາບ ທຄຕລ ສາມາດພິຈາລະນາຕໍ່ສັນຍາ ຫຼື ຍົກ ເລີກສັນຍາບໍລິການໄດ້.

ດັ່ງນັ້ນ, ຈຶ່ງແຈ້ງເຊີນມາຍັງບັນດາບໍລິສັດເພື່ອຢື່ນຊອງປະມູນຕາມທີ່ກ່າວມາຂ້າງເທິງນັ້ນດ້ວຍ.

ຜູ້ອໍານວຍການ