BCEL I-Bank
(Soft copy)
ໜັງສືແຈ້ງເຊີນປະມູນ
ເຖິງ: ບັນດາບໍລິສັດ ແລະ ວິສາຫະກິດ ຮັບເໝົາກໍ່ສ້າງ, ຕົບແຕ່ງ ແລະ ຜະລິດປ້າຍ ທີ່ນັບຖື.
ເລື່ອງ : ແຈ້ງເຊີນເຂົ້າຮ່ວມຍື່ນຊອງປະມູນລາຄາຜະລິດເຮືອນແດງຕູ້ ATM ແລະ CRM.
ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍຖືເປັນກຽດແຈ້ງເຊີນມາຍັງບັນດາບໍລິສັດ ແລະ ວິສາຫະກິດ ຮັບເໝົາກໍ່ສ້າງ, ຕົບແຕ່ງ ແລະ ຜະລິດປ້າຍ ກ່ຽວກັບການສະເໜີເງື່ອນໄຂ ແລະ ຂັ້ນຕອນໃນການປະກອບເອກະສານຢື່ນຊອງປະມູນລາຄາວຽກຜະລິດເຮືອນແດງ ATM ຈໍານວນ 43 ຫຼັງ ແລະ ເຮືອນແດງ CRM ຈໍານວນ 13 ຫຼັງ ຂອງ ທຄຕລ ລວມທັງໝົດ 56 ຫຼັງ. ພາຍຫຼັງຜະລິດສໍາເລັດ ແມ່ນນໍາສົ່ງຢູ່ ສາງໂພນທັນຂອງ ທຄຕລ ຕັ້ງຢູ່ບ້ານໂພນທັນ, ເມືອງໄຊເສດຖາ, ນະຄອນຫຼວງວຽງຈັນ ໂດຍມີລາຍລະອຽດດັ່ງລຸ່ມນີ້:
- ລາຍການ ແລະ ສະເປັກ
- 1 ໂຄງສ້າງພື້ນຖານເຮືອນແດງ
- ຂະໜາດທັງໝົດຂອງເຮືອນແດງ 265h*140w*260d ເຮັດດ້ວຍແຜ່ນຄອມໂພສິດ Altex VS-022 ໜາ 04ມມ, ສີສັນຕາມເຕັກນິກ ແລະ ຄວາມຕ້ອງການຂອງ ທຄຕລ (ເຊິ່ງທຸກພາກສ່ວນຂອງໂຄງສ້າງພື້ນຕູ້ ແມ່ນເຊື່ອມຈອດກັນເປັນຊິ້ນສ່ວນດຽວກັນ;
- ປູພື້ນດ້ວຍແຜ່ນວີວ້າບອດ ໜາ 20ມມ ທັບດ້ວຍແຜ່ນອາລູມີນ້ຽມລາຍຕີນໄກ່ ໜາ 02ມມ ຮັບນໍ້າໜັກ 200kg/m2 ຂະໜາດ 120ຊມ*140ຊມ ພັບລົງລຸ່ມດ້ານໜ້າ;
- ເຮັດຢ່ວງຫິ້ວໃສ່ຫຼັງຄາເຮືອນແດງ ຈໍານວນ 02 ອັນ ເພື່ອຍຶດເວລາເຄື່ອນຍ້າຍ ແລະ ຕິດຕັ້ງ.
- 2 ສ່ວນຂອງຕູ້
- ເສົາສູງ 200ຊມ ທັງ 04 ດ້ານ ເຮັດດ້ວຍແຜ່ນເຫຼັກສາກ ໜາ 02ມມ ຂະໜາດ 20ຊມ*20ຊມ;
- ປະຕູດ້ານໜ້າ ເຮັດດ້ວຍແຜ່ນຄອມໂພສິດ Altex VS-022 ໜາ 04ມມ ຂະໜາດ 110ຊມ*200ຊມ, ເຈາະປ່ອງເຮັດຂອບບົວສີຂາວດ້ວຍເຫຼັກແຜ່ນໂຕນ ໜາ 02ມມ ຂະໜາດຂອບບົວ ໜາ 04ຊມ ພ້ອມທັງຕິດແຜ່ນສະຕິກເກີໃສ່ດ້ານໜ້າເຮືອນແດງຕາມແບບ ມີກຸນແຈລ໋ອກ ຈໍານວນ 02 ຊຸດ;
- ປະຕູດ້ານຫຼັງ ເຮັດດ້ວຍແຜ່ນຄອມໂພສິດ Altex VS-022 ໜາ 04ມມ ຂະໜາດ 110ຊມ*200ຊມ ມີກຸນແຈລ໋ອກ ຈໍານວນ 02 ຊຸດ;
- ຝາດ້ານຂ້າງຊ້າຍ ແລະ ຂວາ ເຮັດດ້ວຍແຜ່ນຄອມໂພສິດ Altex VS-022 ໜາ 04ມມ ຂະໜາດ 110ຊມ*200ຊມ ພ້ອມເຮັດເປັນສະຕິກເກີຕິດໃສ່ແຜ່ນອາຄີລິກກັນນໍ້າ ແລະ ກັນຄວາມຮ້ອນ ໜາ 03ມມ ໃສ່ທັງ 02 ຂ້າງ;
- ຝາກັ້ນດ້ານຂ້າງເຮັດດ້ວຍແຜ່ນອາຄີລິກໃສ ໜາ 10ມມ ຂະໜາດ 110ຊມ*197ຊມ ຂອບເຮັດດ້ວຍໂຄງໂລສີຂາວ, ດ້ານລຸ່ມໃຫ້ມີປ່ອງລະບາຍອາກາດ 03 ຊມ ແລະ ໃສ່ໄລກອນເທິງ ແລະ ລຸ່ມ ສາມາດເປີດ-ປິດໄດ້;
- ຕິດສະໜວນກັນຄວາມຮ້ອນອ້ອມຮອບພາຍໃນເຮືອນແດງ;
- ເຈາະຮູວົງມົນເພື່ອແລ່ນສາຍໄຟເຂົ້າໃນເຮືອນແດງ 01 ຮູ ຂະໜາດເສັ້ນຜ່າກາງ 04 ຊມ;
(ທັງໝົດນີ້ແມ່ນປະກອບກັນເປັນ 01 ຊິ້ນສ່ວນ)
- ຜະລິດປ້າຍຫົວດ້ານໜ້າ ຂະໜາດ 50ຊມ*140ຊມ ເຮັດດ້ວຍແຜ່ນຄອມໂພສິດ SA-001 (Pure White) ໜາ 04ມມ ເປັນມູມໂຄ້ງເທິງ ແລະ ລຸ່ມ (ມູມໂຄ້ງ R=08ຊມ) ພ້ອມທັງເຮັດຮ່ອງກັນນໍ້າຝົນໄຫຼເຂົ້າໃນ ກວ້າງ 1.5ຊມ, ເລິກ 01ຊມ ແລະ ຕິດສະຕິກເກີສີແດງທັບ ສໍາລັບໂລໂກ BCEL ແລະ ໂຕໜັງສື ATM 24/7 ເຮັດເປັນນູນດ້ວຍແຜ່ນອາຄີລິກໜາ 03ມມ ຂອບຊິ້ງ ແລ່ນໄຟໃສ່ທາງໃນ;
- ຜະລິດປ້າຍຫົວດ້ານຂ້າງທັງສອງຂ້າງ ຂະໜາດ 50ຊມ*240ຊມ ເຮັດດ້ວຍແຜ່ນຄອມໂພສິດ SA-001 (Pure White) ໜາ 04ມມ ແລະ ຕິດສະຕິກເກີສີແດງທັບ ສໍາລັບໂລໂກ BCEL ແລະ ໂຕໜັງສື ATM 24/7 ເຮັດເປັນນູນດ້ວຍແຜ່ນອາຄີລິກໜາ 03ມມ ຂອບຊິ້ງ ແລ່ນໄຟໃສ່ທາງໃນ;
(ທັງໝົດນີ້ແມ່ນປະກອບກັນເປັນ 01 ຊິ້ນສ່ວນ)
- ເຮັດຖ້ານເຫຼັກຢອງອຸປະກອນໄວ້ໃນເຮືອນຕູ້ ຂະໜາດ 30ຊມ*50ຊມ ຈອດຕິດກັບເຮືອນແດງຕູ້;
- ເຮັດຕັ່ງເກ້ເຫຼັກ 03 ຊັ້ນ ຂະໜາດ 30ຊມ*50ຊມ ແລະ ສູງ 100ຊມ.
- ວຽກກລະບົບໄຟ
- ລູກ CB Schneider 2P 63A ຈໍານວນ 05 ລູກ;
- ຕູ້ໂຫຼດ Schneider 2P 04 ຊ່ອງ ຈໍານວນ 01 ໜ່ວຍ
- ກ່ອງລອຍ 4*4 ຍີ່ຫໍ້ PANASONIC ຈໍານວນ 01 ກ່ອງ;
- ບອກແຈກ 4*4 ຈໍານວນ 01 ອັນ;
- ສາຍ VCT 2*1.5 ຍີ່ຫໍ້ BANKKOK ຈໍານວນ 30M;
- ສາຍ VCT 2*4.0 ຍີ່ຫໍ້ BANKKOK ຈໍານວນ 6M;
- ສະວິກແສງ ຈໍານວນ 01 ອັນ;
- ໜ້າກາກ 6T ຍີ່ຫໍ້ PANASONIC ຈໍານວນ 01 ອັນ;
- ປັກກາວຄູ່ PANASONIC ແທ້ ຈໍານວນ 02 ລູກ;
- ສາຍໄຟ THW 1*4 ສີຂຽວ ຈໍານວນ 06M;
- ດອກໄຟມົນ LED ຍີ່ຫໍ້ PANASONIC 13W ຈໍານວນ 02 ຊຸດ;
- TIMER 220V ຈໍານວນ 01 ຊຸດ ແລະ Room Thermometer ຈໍານວນ 01 ຊຸດ;
- ພັດລົມດູດອາກາດ ຂະຫນາດ 06 ນິ້ວ ຈໍານວນ 04 ໜ່ວຍ.
- ເງື່ອນໄຂການປະກອບເອກະສານການປະມູນ
- 1 ເອກະສານຊອງທີ 1 (ບໍ່ປິດຊອງ)
- ປະກອບເອກະສານໃນນາມນິຕິບຸກຄົນ ທີ່ດໍາເນີນທຸລະກິດຖືກຕ້ອງຕາມກົດໝາຍຂອງ ສປປ ລາວ ແລະ ບໍ່ມີຄະດີ (ສໍາເນົາໃບທະບຽນວິຫາສາຫະກິດ, ໃບຢັ້ງຢືນການເສຍອາກອນ ປີ 2024/2025 ແລະ ໃບອະນຸຍາດດໍາເນີນທຸລະກິດ);
- ເອກະສານກ່ຽວກັບມາດຕະຖານເຕັກນິກ ແມ່ນໃຫ້ລະບຸຄົບຖ້ວນກ່ຽວກັບວັດສະດຸທີ່ຈະຜະລິດ, ສະຖານທີ່ຜະລິດສິນຄ້າ, ກໍານົດເວລາສົ່ງເຄື່ອງ ແລະ ການຮັບປະກັນສິນຄ້າ;
- ຄຸນວຸດທິຂອງບໍລິສັດ ແລະ ປະສົບການທີ່ເຮັດວຽກດັ່ງກ່າວ ຫຼື ວຽກທີ່ຄ້າຍຄືລັກສະນະດຽວກັນຢ່າງໜ້ອຍ 03 ໂຄງການ;
- ກໍານົດຍື່ນຊອງມາດຕະຖານເຕັກນິກ ຈະປິດຮັບວັນທີ 26/08/2026 ເວລາ 15:30 ໂມງ ທີ່ພະແນກຫ້ອງການບໍລິຫານ-ການເງິນ ທຄຕລ ສໍານັກງານໃຫຍ່ ທີ່ປ່ອງຂາອອກ-ຂາເຂົ້າ ອາຄານ C ຊັ້ນ 4;
- 2 ເອກະສານຊອງທີ 2 (ປິດຊອງ)
- ໃບສະເໜີລາຄາໃຫ້ລະບຸລາຄາລວມອາກອນມູນຄ່າເພີ່ມ ທັງໝົດເປັນສະກຸນເງິນກີບ ໃຫ້ຄົບຖ້ວນ;
- ໃນວັນທີ 01/09/2026 ເວລາ 13:30 ໂມງ ແມ່ນມື້ເປີດຊອງປະມູນ ແຈ້ງໃຫ້ບໍລິສັດ ແລະ ວິສາຫະກິດ ຕ້ອງຖືຊອງລາຄາມາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມອາຄານ C ຊັ້ນ 5 ຫ້ອງ 5/2;
- ຜູ້ສະໜອງ ຕ້ອງວາງເງິນຄໍ້າປະກັນການປະມູນຕໍ່າສຸດ 10% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກໃຫ້ໂດຍທະນາຄານພາຍໃນ (ວັນໝົດອາຍຸໜັງສືຄໍ້າປະກັນຕ້ອງເຖິງວັນທີ 31/12/2026) ຫຼື ແຊັກທີ່ວີຊ່າແລ້ວ (ທຄຕລ ບໍ່ຮັບເງິນສົດ) ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນ, ສໍາລັບຜູ້ຊະນະການປະມູນແມ່ນຈະສົ່ງຄືນພາຍຫຼັງເຊັນສັນຍາສໍາເລັດ.
- ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ຊະນະການປະມູນ
- ຖ້າຜູ້ຊະນະການປະມູນ ຫາກປະຕິເສດການເຊັນສັນຍາ ຜູ້ຊະນະການປະມູນຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ;
- ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ແລະ ຄ່າທໍານຽມໃນການຈົດທະບຽນສັນຍາ, ທະບຽນຊັບສິນ ແມ່ນຄວາມຮັບຜິດຊອບຂອງຜູ້ສະໜອງ;
- ພາຍຫຼັງຜະລິດສໍາເລັດແມ່ນໃຫ້ຫຸ້ມຫໍ່ດ້ວຍຜ້າຢາງ ຮັບປະກັນບໍ່ໃຫ້ຖືກນໍ້າຝົນ;
- ຜູ້ຊະນະການປະມູນຕ້ອງຮັບປະກັນສິນຄ້າໄລຍະເວລາ 01 ປີ ກໍລະນີມີບັນຫາຕ້ອງຮັບຜິດຊອບສ້ອມແປງແກ້ໄຂຄືນໃຫ້ ທຄຕລ ພາຍໃນໄລຍະເວລາຄໍ້າປະກັນ (ທຄຕລ ມີແຜນຈັດສົ່ງໃຫ້ທຸກສາຂາທົ່ວປະເທດ).
- ການຜະລິດ ແລະ ການຊໍາລະ
- 1ການຜະລິດແບ່ງເປັນ 02 ຄັ້ງ (ທຄຕລຈະເຮັດໜັງສືສັ່ງວຽກໃຫ້ແຕ່ລະຄັ້ງ)
- ຄັ້ງທີ 01 ຜະລິດຈໍານວນ 28 ຫຼັງ;
- ຄັ້ງທີ 02 ຜະລິດຈໍານວນ 28 ຫຼັງ.
- 2 ການຊໍາລະແບ່ງເປັນ 03 ງວດ/ຄັ້ງ
- ງວດທີ 01: ຊໍາລະ 50% ຂອງມູນຄ່າ ຈໍານວນ 28 ຫຼັງ ພາຍຫຼັງປະຕິບັດວຽກສໍາເລັດ 50% ຂອງຈໍານວນ 28 ຫຼັງ ໂດຍໄດ້ຮັບການກວດວຽກຈາກຄະນະກໍາມະການຕິດຕາມກວດກາ ຫຼື ຄະນະກໍາມະການກ່ຽວຂ້ອງ ທຄຕລ;
- ງວດທີ 02: ຊໍາລະ 40% ຂອງມູນຄ່າ ຈໍານວນ 28 ຫຼັງ ພາຍຫຼັງປະຕິບັດວຽກ 100% ຂອງຈໍານວນ 28 ຫຼັງ ໂດຍໄດ້ຮັບການກວດວຽກຈາກຄະນະກໍາມະການຕິດຕາມກວດກາ ຫຼື ຄະນະກໍາມະການກ່ຽວຂ້ອງ ທຄຕລ ແລະ ຈັດສົ່ງສິນຄ້າຮອດສາງຂອງ ທຄຕລ ສໍາເລັດ;
- ງວດທີ 03: ຊໍາລະເງິນຄໍ້າປະກັນຄຸນນະພາບ ທີ່ຫັກໄວ້ 10% ຂອງມູນຄ່າທັງໝົດ ຈໍານວນ 28 ຫຼັງ ໄລຍະ 01 ປີ ນັບແຕ່ມື້ມອບ-ຮັບ ສິນຄ້າເປັນຕົ້ນໄປ.
ດັ່ງນັ້ນ, ຈຶ່ງອອກແຈ້ງເຊີນມາຍັງທ່ານທີ່ມີຄວາມສົນໃຈເຂົ້າຮ່ວມຍື່ນຊອງປະມູນໃນຄັ້ງນີ້.
ຜູ້ອໍານວຍການ
ຜູ້ປະສານງານ:
- ທ່ານ ພູວອນ ສໍອິນໄຊ 020 5955 9889
- ທ່ານ ສັນຍາໄຊ ພັນຍະວົງ 020 2222 4446
- ທ. ຄໍາຫຼ້າ ເພັດມີໄຊ 020 7777 7096
(Soft copy)
Related link
Invite to submit price bids for the design of the BCEL build...
15/07/2026
Invitation to participate in the bidding Toner...
08/07/2026
