ຂ່າວສານ BCEL ຮ່ວມກັບ OceanBase ຍົກລະດັບດ້ານດິຈິຕອນຂອງທະນາຄານ ສູ່ຄວາມທັນສະໄໝ

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

BCEL ຮ່ວມກັບ OceanBase ຍົກລະດັບດ້ານດິຈິຕອນຂອງທະນາຄານ ສູ່ຄວາມທັນສະໄໝ

ໃນວັນທີ 20 ສິງຫາ 2026 ທະນາຄານການຄ້າຕ່າງປະເທດລາວ ມະຫາຊົນ (BCEL) ແລະ ບໍລິສັດ OceanBase ເຊັນ MOU ຮ່ວມກັນຢ່າງເປັນທາງການ ທີ່ສຳນັກງານໃຫຍ່ BCEL.
ໃຫ້ກຽດລົງນາມໂດຍ ທ່ານ ນັນທະລາດ ແກ້ວປະເສີດ, ຮອງຜູ້ອຳນວຍການ BCEL ແລະ Mr. Alex Fan Shuyu, (SVP & GM of Business Unit, OceanBase Singapore).
ການຮ່ວມມືຄັ້ງນີ້ ເປັນຂີດໝາຍສຳຄັນຕາມແຜນຍຸດທະສາດ 5 ປີ (2025–2029) ຂອງ ທຄຕລ ໃນການຫັນໄປສູ່ທັນສະໄໝ ນຳໃຊ້ເຕັກໂນໂລຊີ Distributed Database ລຸ້ນໃໝ່ ເພື່ອຍົກລະດັບໂຄງລ່າງພື້ນຖານ Core Banking ຮັບປະກັນຄວາມໝັ້ນຄົງ, ປອດໄພ ແລະ ຮອງຮັບການບໍລິການແກ່ລູກຄ້າຕະຫຼອດ 24/7.
ຜ່ານການທົດລອງລະບົບຮ່ວມກັບ OceanBase ແລະ HiSun ໃນຕົ້ນປີ 2026 ເຫັນວ່າລະບົບສາມາດຮອງຮັບທຸລະກຳມະຫາສານໄດ້ຢ່າງວ່ອງໄວ, ການປະມວນຜົນທ້າຍມື້ໄວຂຶ້ນ ແລະ ມີຄວາມສະຖຽນສູງ.
ຮອງຮັບຍຸກເສດຖະກິດດິຈິຕອນ ທັງເປັນການກຽມຄວາມພ້ອມດ້ານສະຖາປັດຕະຍະກຳໄອທີ ເພື່ອສົ່ງມອບປະສົບການທາງການເງິນທີ່ທັນສະໄໝ, ວ່ອງໄວ, ປອດໄພ ແລະ ມີຄວາມໜ້າເຊື່ອຖືທີ່ສຸດໃຫ້ແກ່ລູກຄ້າ.