ຂ່າວສານ ແຈ້ງເຊີນເຂົ້າຮ່ວມຍືນຊອງປະມູນລາຄາຈັດຊື້ເຄື່ອງ UPS ຈໍານວນ 01 ໜ່ວຍ ຂອງ ທຄຕລ ສໍານັກງານໃຫຍ່.

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນ

ເຖິງ: ບັນດາບໍລິສັດ ແລະ ຫ້າງຮ້ານຕົວແທນຈໍາໜ່າຍ ພາຍໃນນະຄອນຫຼວງວຽງຈັນ.

ເລື່ອງ: ແຈ້ງເຊີນເຂົ້າຮ່ວມຍືນຊອງປະມູນລາຄາຈັດຊື້ເຄື່ອງ UPS ຈໍານວນ 01 ໜ່ວຍ ຂອງ ທຄຕລ ສໍານັກງານໃຫຍ່.

ທະນາຄານການຄ້າຕ່າງປະເທດລາວ ມະຫາຊົນ ຂໍແຈ້ງມາຍັງທ່ານຊາບວ່າ ທຄຕລ ຕ້ອງການຈັດຊື້ເຄື່ອງ UPS ຈໍານວນ 01 ໜ່ວຍ ຂອງ ທຄຕລ ສໍານັກງານໃຫຍ່ ເພື່ອຮັບໃຊ້ວຽກງານວິຊາສະເພາະຂອງທະນາຄານ, ດັ່ງນັ້ນ ຈຶ່ງແຈ້ງເຊີນມາຍັງທ່ານ ເພື່ອຍືນຊອງປະມູນລາຄາ ດັ່ງມີລາຍລະອຽດຂ້າງລຸ່ມນີ້:

ລ/ດ	ລາຍການ	ຈໍານວນ	ໝາຍເຫດ
1	APC ລຸ້ນ Symmetra PX All-In-One 48kw Scalable to 48kw, 400v (SY48K48H-PD)	1 ເຄື່ອງ	ການຈັດຊື້ແມ່ນພ້ອມການຂົນສົ່ງ, ຕິດຕັ້ງ ລວມອຸປະກອນ, ສາຍໃຫ້ສຳເລັດພ້ອມໃຊ້ງານ ແລະ ຂົນຍ້າຍເຄື່ອງເກົ່າຢູ່ສຳນັກງານໃຫຍ່ໄປໄວ້ສາງໂພນທັນ

ໜ້າວຽກ ແລະ ມາດຖານຂອງບໍລິສັດທີ່ຈະເຂົ້າຮ່ວມປະມູນລາຄາມີດັ່ງນີ້:

ຕ້ອງເປັນບໍລິສັດທີ່ມີປະສົບການໃນການຕິດຕັ້ງເຄື່ອງ UPS ແລະ ບຳລຸງຮັກສາໃຫ້ບັນດາອົງກອນ ຫຼື ໂຄງ ການ ຢ່າງໜ້ອຍ 3 ປີ ຂື້ນໄປ.
ຕ້ອງເປັນຕົວແທນ ຫຼື ພາດເນີ ກັບແບນ APC ຢູ່ ສປປ ລາວ (Schneider).
ຕ້ອງມີເອກະສານຢັ້ງຢືນການມີພະນັກງານຊັບພອດແກ້ໄຂບັນຫາເຕັກນິກຂອງບໍລິສັດເອງ ຢ່າງໜ້ອຍ 1 ຄົນຂຶ້ນໄປ.
ສິນຄ້າຕ້ອງເປັນຂອງແທ້ໄດ້ມາດຕະຖານຈາກໂຮງງານຜູ້ຜະລິດ ແລະ ໃຫ້ການຮັບປະກັນສິນຄ້າຢ່າງໜ້ອຍ 1 ປີ ຂື້ນໄປ.
ບໍລິສັດຕ້ອງລະບຸໄລຍະເວລາການນຳສົ່ງສິນຄ້າ.
ລວມການຂົນສົ່ງ, ຕິດຕັ້ງ, ຄ່າອຸປະກອນ ແລະ ການເດີນສາຍໄຟຕ່າງໆທັງໝົດໃຫ້ຖືກຕ້ອງຕາມເຕັກນິກຂອງລະບົບ,ພ້ອມຂົນຍ້າຍເຄື່ອງເກົ່າຢູ່ສຳນັກງານໃຫຍ່ໄປໄວ້ສາງໂພນທັນ.
ບໍລິສັດສາມາດເຂົ້າສໍາຫຼວດທາງດ້ານເຕັກນິກອຸປະກອນ ແລະ ສະຖານທີ່ຕິດຕັ້ງຕົວຈິງ, ສອບຖາມຂໍ້ມູນເພີ່ມຕື່ມໄດ້ຕັ້ງແຕ່ ວັນທີ 05/10/2026 ຈົນເຖິງວັນທີ 30/10/2026 ໃນໂມງລັດຖະການ.

ເງື່ອນໄຂຂອງຜູ້ສະໜອງທີ່ຕ້ອງການຍື່ນຊອງປະມູນລາຄາ ຕ້ອງປະກອບເອກະສານໃຫ້ຄົບຖ້ວນດັ່ງລຸ່ມນີ້:

ເອກະສານ ຊອງທີ 1:

ໃບທະບຽນວິສາຫະກິດດ້ານໄອທີ ຫຼື ໄຟຟ້າ
ໃບອະນຸຍາດດຳເນີນທຸລະກິດປີ 2025 ຫຼື 2026
ທຶນຈົດທະບຽນວິສາຫະກິດ 500ລ້ານກີບຂຶ້ນໄປ
ໃບຢັ້ງຢືນການເສຍອາກອນປີ 2024 ຫຼື 2025
ເອກະສານລາຍລະອຽດສະເປັກ, ການຮັບປະກັນ, ໄລຍະເວລາຈັດສົ່ງສິນຄ້າ ແລະ ຂໍ້ມູນຕ່າງໆ ຕາມ format ທີ່ຕິດຄັດມາພ້ອມນີ້.

ເອກະສານຂ້າງເທິງ 1. - 5. ແມ່ນໃຫ້ຍື່ນກ່ອນ ວັນຈັນ, ທີ 19/10/2026 ເວລາ 15:30 ໂມງ ທີ່ພະແນກຫ້ອງການບໍລິຫານ ແລະ ການເງິນ ຊັ້ນ 04 ຕຶກ C ແລະ ແລະ ສົ່ງທາງອີເມລ: phetsamon e_s@bcel.com.la

ເອກະສານ ຊອງທີ 2: (ປິດຊອງ)

ໃບສະເໜີລາຄາຕ້ອງເປັນສະກຸນເງີນກີບ ແລະ ລວມອາກອນມູນຄ່າເພີ່ມ 10%.
ຜູ້ສະໜອງຕ້ອງວາງເງິນຄໍ້າປະກັນການປະມູນຕໍ່າສຸດ 10% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກໂດຍທະນາຄານພາຍໃນ (ວັນໝົດອາຍຸໜັງສືຄໍ້າປະກັນຕ້ອງເຖິງ ວັນທີ 04/01/2027) ຫຼື ແຊັກທີ່ວີຊ້າແລ້ວ/ແຊັກເງິນສົດ (ທຄຕລ ບໍ່ຮັບເງິນສົດ), ຜູ້ບໍ່ຊະນະການປະມູນພາຍຫຼັງປະກາດຜົນປະມູນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນ, ສໍາລັບຜູ້ຊະນະການປະມູນແມ່ນຈະສົ່ງຄືນພາຍຫຼັງເຊັນສັນຍາ.
ໃນວັນພຸດ, ວັນທີ 04/11/2026 ເວລາ 14:00 ໂມງ ແມ່ນມື້ເປີດຊອງປະມູນ ສະນັ້ນໃຫ້ຜູ້ສະໜອງທີ່ຜ່ານການຄັດເລືອກຈາກເອກະສານຊອງທີ 1 ມາຍື່ນຊອງລາຄາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມຊັ້ນ 5 ອາຄານ C.
ລາຄາທີ່ສະເໜີມາຕ້ອງເປັນລາຄາທີ່ສາມາດຈັດຊື້-ຕິດຕັ້ງເອງ ແລະ ບໍ່ໃຫ້ເປັນການປະມູນ ໃນນາມນາຍໜ້າ ຫຼື ຂາຍຕໍ່ໃຫ້ບໍລິສັດອື່ນ.

: ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ, ການຄັດເລືອກຜູ້ສະໜອງແມ່ນຈະຄັດເລືອກຈາກຫລາຍເງື່ອນໄຂ (ບໍ່ໄດ້ຄັດເລືອກຈາກລາຄາພຽງຢ່າງດຽວ).

ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ແລະ ຮັບຜິດຊອບຄ່າທຳນຽມໃນການຈົດທະບຽນສານ ແລະ ທະບຽນຊັບສິນ.
ຖ້າຜູ້ຊະນະການປະມູນປະຕິເສດການເຊັນສັນຍາ ແມ່ນຕ້ອງຮັບຜິດຊອບຄ່າເສຍຫາຍທັງໝົດໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ (ທຄຕລ ຈະບໍ່ສົ່ງເງິນຄໍ້າປະກັນການປະມູນ 10% ຄືນ).

ການຊໍາລະຈະແບ່ງຈ່າຍເປັນ 02 ງວດ ລຸ່ມນີ້:

ງວດທີ 1: ຊໍາລະ 90% ຂອງມູນຄ່າ ພາຍໃນ 30 ວັນລັດຖະການ ພາຍຫຼັງໄດ້ຮັບເຄື່ອງ ຫຼື ເຄື່ອງມາຮອດ ສາງໂພນທັນຂອງ ທຄຕລ ໂດຍໄດ້ຮັບການກວດກາຄວາມຖືກຕ້ອງຈາກຄະນະກຳມະການຕິດຕາມກວດ ກາ ແລະ ຕິດຕັ້ງສໍາເລັດ ພ້ອມທົດລອງໃຊ້ງານ ໂດຍໄດ້ຮັບການຢັ້ງຢືນຈາກພາກສ່ວນກ່ຽວຂ້ອງ.
ງວດທີ 2: ຊໍາລະ 10% ຂອງມູນຄ່າ ພາຍຫຼັງຄົບກໍານົດການຄໍ້າປະກັນຄຸນະພາບສິນຄ້າ 12 ເດືອນ.
- , ຈຶ່ງອອກແຈ້ງເຊີນມາຍັງທ່ານທີ່ມີຄວາມສົນໃຈເຂົ້າຮ່ວມຍືນຊອງປະມູນໃນຄັ້ງນີ້.

ຜູ້ອໍານວຍການ

ສອບຖາມຂໍ້ມູນເພີ່ມຕື່ມ:

020 77467722

020 23598956