ຂ່າວສານ ແຈ້ງເຊີນເຂົ້າຮ່ວມຍື່ນຊອງປະມູນ ຜະລິດເສື້ອ ທຄຕລ ຈໍານວນ 5.000 ຜືນ.

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນ

ເຖິງ: ເຈົ້າຂອງໂຮງງານຕັດຫຍິບ, ຜູ້ປະກອບການທຸລະກິດກ່ຽວກັບການຜະລິດເສື້ອຜ້າ, ປັກແສ່ວ, ຕັດຫຍິບ ແລະ ພິມລາຍ ທີ່ນັບຖື.

ເລື່ອງ: ແຈ້ງເຊີນເຂົ້າຮ່ວມຍື່ນຊອງປະມູນ ຜະລິດເສື້ອ ທຄຕລ ຈໍານວນ 5.000 ຜືນ.

ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍແຈ້ງເຊີນມາຍັງທ່ານຜູ້ສະໜອງ ທີ່ມີຄວາມສົນໃຈເຂົ້າຮ່ວມປະມູນລາຄາ ຜະລິດເສື້ອ ທຄຕລ ຈໍານວນ 5.000 ຜືນ ເພື່ອນໍາໃຊ້ ສໍາລັບ ພະນັກງານ ຂອງ ທຄຕລ ລາຍລະອຽດສິນຄ້າ ມີດັ່ງຕາຕະລາງລຸ່ມນີ້:

ຮູບແບບ
ເສື້ອໂປໂລ ສີຂາວ-ຊາຍ	ເສື້ອໂປໂລ ສີແດງ-ຊາຍ

ເສື້ອໂປໂລ ສີຂາວ-ຍິງ	ເສື້ອໂປໂລ ສີແດງ-ຍິງ

ລາຍລະອຽດຂອງການຜະລິດ	ລາຍລະອຽດຂອງການຜະລິດ
ເສື້ອຄໍເຊີດສີຂາວ ຕາມຮູບແບບດ້ານເທິງ ຈໍານວນ 2.500 ຜືນ Size ອາຊີ: ຍິງ 1.100 ຜືນ ແລະ ຊາຍ 1.400 ຜືນ	ເສື້ອຄໍເຊີດສີແດງ ຕາມຮູບແບບດ້ານເທິງ ຈໍານວນ 2.500 ຜືນ Size ອາຊີ: ຍິງ 1.100 ຜືນ ແລະ ຊາຍ 1.400 ຜືນ
ເນື້ອຜ້າຝ້າຍ Lacoste, ພ້ອມປັກແສ່ວ BCEL 01 ຈຸດ ຕາມອາດເວີກ. ຜະລິດຕາມ Spec ຜ້າທີ່ ທຄຕລ ກໍານົດ, ສາມາດເຂົ້າມາຮັບຕົວຢ່າງເນື້ອຜ້າໄດ້ທີ່ ທຄຕລ ສໍານັກງານໃຫຍ່, ພະແນກຫ້ອງການບໍລິຫານ-ການເງິນ, ຕຶກ C, ຊັ້ນ 04 (ໃນໂມງລັດຖະການ).

ຮອບທີ 01: (ການປະກອບເອກະສານ)

ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດ ຜະລິດ ແລະ ຈັດຈໍາໜ່າຍ ເສື້ອຜ້າ ແລະ ມີປະສົບການດ້ານທຸລະກິດດັ່ງກ່າວ ຢ່າງໜ້ອຍ 02 ປີ ຂຶ້ນໄປ: ສຳເນົາໃບທະບຽນວິສາຫະກິດ, ໃບຢັ້ງຢືນການເສຍອາກອນ (ຖ້າມີ).
ລະບຸຄຸນສົມບັດຂອງແພເສື້ອຢ່າງລະອຽດ, ກຳນົດເວລາສົ່ງເຄື່ອງ, ເງື່ອນໄຂການຮັບປະກັນສິນຄ້າຂອງຕົນ ແລະ ເງື່ອນໄຂອື່ນໆໃຫ້ລະບຸລະອຽດ (ຖ້າມີ) ຕາມຮ່າງເອກະສານຄັດຕິດມາພ້ອມນັ້ນ ພ້ອມທັງ ເອົາຜ້າຕົວຈິງ ຫຼື ຜະລິດເສື້ອຕາມແບບຂ້າງເທິງມາພ້ອມ.
ກຳນົດຍື່ນລາຍລະອຽດຂ້າງເທິງ ກ່ອນ ວັນຈັນ ວັນທີ 19/09/2022 ກ່ອນເວລາ 16.00 ໂມງ ທີ່ພະແນກຫ້ອງການບໍລິຫານ-ການເງິນ ສຳນັກງານໃຫຍ່ ທີ່ປ່ອງບໍລິການຂາເຂົ້າ-ຂາອອກ ຊັ້ນ 04 ອາຄານ C ຫຼື ສົ່ງຜ່ານຊ່ອງທາງ E-mail: bidcommittee@bcel.com.la (ສໍາລັບການປະກອບເອກະສານ).

ຮອບທີ 2: ກໍານົດຍືນຊອງລາຄາ (ປິດຊອງ)

ທຄຕລ ຈະແຈ້ງສະເພາະຜູ້ທີ່ຜ່ານເງື່ອນໄຂ ຮອບທີ 01 ເທົ່ານັ້ນ ເພື່ອເຂົ້າມາຍື່ນຊອງລາຄາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າມາຮ່ວມ ເປີດຊອງຊ້ອງໜ້າຄະນະກໍາມະການ ໃນ ວັນພຸດ, ທີ 21/09/2022 ເວລາ 10:00ໂມງ ທີ່ ຊັ້ນ 05, ອາຄານ C.
ການສະເໜີລາຄາຕ້ອງເປັນສະກຸນເງິນກີບ ແລະ ລວມອາກອນມູນຄ່າເພີ່ມ 07%, ໃບສະເໜີລາຄາຂອງຜູ້ສະໜອງມີອາຍຸຢ່າງໜ້ອຍ 01 ເດືອນ ຫຼັງຈາກມື້ຍື່ນຊອງປະມູນ.
ຜູ້ສະໜອງຕ້ອງວາງເງິນຄໍ້າປະກັນການປະມູນຢ່າງໜ້ອຍ 2% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກໃຫ້ໂດຍທະນາຄານພາຍໃນ ຫຼື ແຊັກທີ່ວີຊ້າແລ້ວ (ວັນໝົດອາຍຸໜັງສືຄໍ້າປະກັນຕ້ອງເຖິງ ວັນທີ 15/10/2022) ທຄຕລ ບໍ່ຮັບເງິນສົດ, ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນ.

ໝາຍເຫດ: ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ. ການຄັດເລືອກຜູ້ສະໜອງແມ່ນຈະຄັດເລືອກຈາກຫຼາຍເງື່ອນໄຂ (ບໍ່ໄດ້ຄັດເລືອກຈາກລາຄາພຽງຢ່າງດຽວ).

Ø ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

ຜູ້ຊະນະປະມູນຕ້ອງໄດ້ຜະລິດເສື້ອຕົວຈິງມາຜ່ານຕາມ Artwork ທີ່ ທຄຕລ ກໍານົດ.
ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ແລະ ຄ່າທຳນຽມໃນການຈົດທະບຽນສັນຍາ ແມ່ນມອບໃຫ້ເປັນຄວາມຮັບຜິດຊອບຂອງຜູ້ສະໜອງ.
ຖ້າຜູ້ຊະນະການປະມູນປະຕິເສດການເຊັນສັນຍາ ຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 2% ຂອງມູນຄ່າລວມທີ່ສະເໜີປະມູນ.
ການຊຳລະແບ່ງຈ່າຍເປັນ ງວດດຽວ ພາຍຫຼັງໄດ້ຮັບເຄື່ອງ ແລະ ຜ່ານການກວດກາຄວາມຖືກຕ້ອງຈາກຄະນະກຳມະການ ທຄຕລ ພາຍໃນ 30 ວັນລັດຖະການ.

ດັ່ງນັ້ນ, ຈຶ່ງແຈ້ງມາຍັງທ່ານຜູ້ມີຄວາມສົນໃຈ ຍື່ນຊອງເຂົ້າຮ່ວມການປະມູນລາຄາໃນຄັ້ງນີ້ດ້ວຍ.

ຜູ້ອໍານວຍການ