BCEL I-Bank
BCEL One
(Soft copy)
ແຈ້ງເຊີນປະມຸນ
ຮຽນ: ບັນດາບໍລິສັດ ຈັດຈຳໜ່າຍ ແລະ ສ້ອມແປງແອເຢັນ
ເລື່ອງ : ແຈ້ງເຊີນປະມູນການຮັບເໝົາບໍາລຸງຮັກສາແອເຢັນ ທຄຕລ ສໍານັກງານໃຫຍ່
ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍຖືເປັນກຽດແຈ້ງເຊີນມາຍັງບັນດາທ່ານ ເຂົ້າຮ່ວມ ຢື່ນຊອງປະມູນລາຄາບຳລຸງຮັກສາແອເຢັນ ທຄຕລ ສຳນັກງານໃຫຍ່ ຈໍານວນ 203 ໜ່ວຍ ໂດຍມີລາຍລະອຽດ ດັ່ງນີ້:
- ລາຍລະອຽດໜ້າວຽກ:
- ລ້າງອະນາໄມທຳຄວາມສະອາດ Filter ແລະ ໜ້າກາກ
- ຖອດມໍເຕີ້ລົງລ້າງທຳຄວາມສະອາດ
- ລ້າງທຳຄວາມສະອາດຟິນຄອຍ
- ດູດ ແລະ ເປົ່າທຳຄວາມສະອາດທໍ່ນໍ້າເສຍ (ໂດຍໃຊ້ Blower)
- ກວດເຊັກຈຸດຕໍ່ສາຍໄຟໃນລະບົບ ແລະ ຢືດນ໋ອດສາຍໄຟໃຫ້ແໜ້ນໜາ
- ກວດເຊັກຮອບມໍເຕີຂອງພັດລົມ ແລະ ແຮງດັນລົມ
- ກວດເຊັກສະປີດ, ເທີໂມລູມ ແລະ ອຸນຫະພູມ
- ລ້າງທຳຄວາມສະອາດແຜ່ນຄອຍຄອນແດນຊິງ, ຄອຍປໍ້ານໍ້າແຮງດັນສູງ
- ກວດເຊັກການເຮັດວຽກຂອງມໍເຕີລະບາຍຄວາມຮ້ອນ
- ກວດເຊັກລະບົບຄວາມດັນຂອງລະບົບນໍ້າຢາ ແລະ ກຳລັງອັດຊອງຄອມເພສເຊີ
- ກວດກາຄວາມຄົງທີ່ຂອງກະແສໄຟຟ້າ
- ກວດກາລະດັບສຽງພ້ອມທັງປັບແຕ່ງ
- ກວດກາການເຮັດວຽກຂອງສະວິດຕ່າງໆເຊັ່ນ: ສະວິດ Auto, Manual ແລະ ສະວິດພິເສດ (ຊຸດຄຸມ)
- ກວດລະບົບ, ລ້າງທໍ່ແອ ແລະ ເຮັດຄວາມສະອາດຖາດຮອງນໍ້າ ເພື່ອໃຫ້ນໍ້າແອໄຫຼສະດວກ
- ເຮັດຄວາມສະອາດຄອຍເຢັນ ແລະ ຄອຍຮ້ອນ
- ເຕີມນໍ້າຢາແອ ແລະ ນ້ຳມັນຄອມເພສເຊີ ກໍລະນີຈຳເປັນ
- ເຕີມນໍ້າມັນຫຼໍ່ລື່ນມໍເຕີ ແລະ ລູກປືນພັດລົມກໍລະນີຈຳເປັນ
- ກວດກາລະບົບເຮັດຄວາມເຢັນທັງໝົດລວມທັງການກວດກາຄອມເພສເຊີ, ສະປິງຄອມເພສເຊີ ແລະ ລະບົບນໍ້າຢາທັງຫຼາຍ
- ກວດກາລະບົບໄຟຟ້າທັງໝົດເຊັ່ນ: ຊຸດຄອນໂທນ, ຂົ້ວໄຟຟ້າຂອງອຸປະກອນຕ່າງໆພາຍໃນເຄື່ອງ
- ລ້າງເຮັດຄວາມສະອາດພັດລົມລະບາຍຄວາມເຢັນ ແລະ ພັດລົມລະບາຍຄວາມຮ້ອນ ແລະ ອື່ນໆຕາມຄວາມເໝາະສົມ
- ບຳລຸງຮັກສາ 4 ຄັ້ງ/ປີ
- ລາຍລະອຽດການປະກອບເອກະສານ:
- ເອກະສານ ຊອງທີ 1 (ບໍ່ປິດຊອງ):
- ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດໃຫ້ບໍລິການຈັດຈຳໜ່າຍ ແລະ ບຳລູງຮັກສາເຄື່ອງແອເຢັນ, ມີປະສົບການຢ່າງໜ້ອຍ 4 ປີຂຶ້ນໄປ (ສໍາເນົາໃບທະບຽນ ວິສາຫະກິດ, ໃບອະນຸຍາດດຳເນີນທຸລະກິດ, ໃບຢັ້ງຢືນການເສຍອາກອນ ປະຈຳປີ 2021) ພ້ອມໃບຢັ້ງຢືນຜົນງານ ແລະ ປະສົບການທີ່ຜ່ານມາ.
- ກຳນົດຍື່ນ ຊອງທີ 1 ໃນວັນທີ 18/01/2023 ເວລາ 08:30 - 15:00 ໂມງ ທີ່ພະແນກ ຫ້ອງການບໍລິຫານ-ການເງິນ ສຳນັກງານໃຫຍ່ ທີ່ປ່ອງຂາເຂົ້າ-ຂາອອກ ຊັ້ນ 4 ອາຄານ C.
Ø ເອກະສານ ຊອງທີ 2 (ປິດຊອງ):
- ໃບສະເໜີລາຄາ 1 ຊຸດ ໂດຍລາຄາແມ່ນໃຫ້ ລະບຸລາຄາສະເລ່ຍຕໍ່ໜ່ວຍ/ຄັ້ງ ໂດຍບໍ່ແຍກຍີ່ຫໍ້ ແລະ ຄວາມແຮງຂອງແອ, ການສະເໜີລາຄາຕ້ອງເປັນສະກຸນເງິນກີບ ແລະ ລວມອາກອນ ມູນຄ່າເພີ່ມ 7% ເຊິ່ງລາຄາດັ່ງກ່າວແມ່ນສະເພາະແຕ່ຄ່າແຮງງານ ໂດຍບໍ່ລວມຄ່າອາໄຫຼ່ ໃນການສ້ອມແປງ.
- ຜູ້ສະໜອງຕ້ອງວາງເງິນຄໍ້າປະກັນການປະມູນຕໍ່າສຸດ 2% ຂອງມູນຄ່າທັງໝົດຕາມສັນຍາ (ມູນຄ່າທັງໝົດ = ລາຄາຕໍ່ໜ່ວຍ x ແອຈໍານວນ 203 ໜ່ວຍ x 2 ປີ) ໂດຍໜັງສືຄໍ້າ ປະກັນທີ່ອອກໂດຍທະນາຄານພາຍໃນ (ວັນໝົດອາຍຸໜັງສືຄໍ້າປະກັນຕ້ອງເຖິງ ວັນທີ 25/02/2023) ຫຼື ແຊັກທີ່ວີຊ້າແລ້ວ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນ ດັ່ງກ່າວຄືນ.
- ໃນວັນພຸດ ວັນທີ 25/01/2023 ເວລາ 09:00 ໂມງ ແມ່ນມື້ເປີດຊອງປະມູນ ສະນັ້ນ ໃຫ້ຜູ້ສະໜອງທີ່ຜ່ານການຄັດເລືອກຈາກເອກະສານຊອງທີ 1 ມາຍື່ນຊອງລາຄາດ້ວຍ ຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມຊັ້ນ 5 ອາຄານ C.
ໝາຍເຫດ: ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:
- ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ເປັນເວລາ 2 ປີ ແລະ ຄ່າທໍານຽມໃນການຈົດທະບຽນ ສັນຍາ ແມ່ນມອບໃຫ້ເປັນຄວາມຮັບຜິດຊອບຂອງຜູ້ສະໜອງ.
- ການຊໍາແມ່ນຊຳລະຕາມຈຳນວນແອຕົວຈິງທີ່ບຳລຸງຮັກສາໃນຊຸດນັ້ນ ຊໍາລະພາຍຫຼັງທີ່ສໍາເລັດການກວດວຽກ
- ທຄຕລ ຂໍສະຫງວນສິດໃນການປະຕິເສດຜູ້ສະໜອງໃດທີ່ປະກອບເອກະສານບໍ່ຄົບຖ້ວນ ຫຼື ບໍ່ຖືກຕ້ອງ ຕາມການກຳນົດໃນໜັງສືແຈ້ງເຊີນນີ້.
ດັ່ງນັ້ນ, ຈຶ່ງແຈ້ງເຊີນມາຍັງທ່ານ ທີ່ມີຄວາມສົນໃຈເຂົ້າຮ່ວມຍືນຊອງປະມູນໃນຄັ້ງນີ້ດ້ວຍ.
ຜູ້ອໍານວຍການ
ຜຸ້ປະສານງານ
1. ທ່ານ ພູວອນ ສໍອິນໄຊ ເບີໂທ: 020 59559889
2. ນ. ວິໄລພອນ ຄໍາມະນີວົງ ເບີໂທ: 020 54562466
(Soft copy)
Related link
Invitation to participate in the bidding Program Anti-Virus ...
21/12/2022
bidding printing matter....
12/12/2022
