ຊື່ ​ຜະລິດ​ຕະພັນ

ບັນຊີ ​ເງິນ​ຝາກ​ປະຢັດ

ຄຸນລັກສະນະ

  • ບັນຊີ​ເງິນ​ຝາກ​ປະ​ເພດ​ນີ້​ເໝາະ​​ສຳລັບ​ບຸກຄົນ​​ທີ່​ມີ​ລາຍ​ຮັບ​ປະຈຳ ຫຼື ນິຕິບຸກຄົນທີ່ຕ້ອງການ​ສະ​ສົມ​ເງິນ​ໄວ້​ໄລຍະ​ສັ້ນ ​ເພື່ອ​ຄວາມ​ສະດວກ​ໃນ​ການ​ຝາກ-ຖອນ​​ໄດ້​ຕະຫຼອດ​ເວລາ ດ້ວຍ​ປຶ້ມ, ບັດ ATM, ບັດ Visa Debit.  
  • ນອກ​ນັ້ນ, ​ຍັງ​ສາມາດ​ໃຊ້​​​ເພື່ອ​​ໂອນ​ຊຳລະ​ຄ່າສິນຄ້າ ​​ແລະ ຄ່າ​ບໍລິການ​ຕ່າງ​ໆ, ມອບ​ພັນທະ​ອາກອນ​​ໃຫ້​ລັດ, ຊຳລະຄ່າ​ສາທາລະນະ​ປະ​ໂພ​ກ​ເຊັ່ນ: ຄ່າ​ໄຟຟ້າ, ຄ່າ​ນ້ຳ​ປະປາ, ຄ່າ​ໂທລະ​ສັບ, ຄ່າອິນ​ເຕີ​ເນັດ.

ຜົນປະໂຫຍດ ທີ່ໄດ້ຮັບ

  • ເປັນ​ບັນຊີ​ທີ່​ໃຊ້​ໃນ​ການ​ປະຢັດ ​ແລະ ທ້ອນ​ເງິນ​​, ມີ​ຄວາມ​ສະດວກ​ໃນ​ການ​ຝາກ, ຖອນ,​ໂອນ, ​​ແລກປ່ຽນ​ໄດ້​ທຸກ​ສາຂາ ​ແລະ ໜ່ວຍ​ບໍລິການ​ຂອງ ທຄຕລ ​​ໃນ​ທົ່ວ​ປະ​ເທດ ຫຼື ​ໂອນ​​ໄປ​​ເຂົ້າ​ບັນຊີ​ເງິນ​ຝາກ​ຢູ່​ທະນາຄານ​ທຸລະ​ກິດ​ອື່ນ ຫຼື ສາຂາຂອງ​ທະນາຄານ​ຕ່າງປະ​ເທດ​ລາວ ມະ​ຫາ​ຊົນ ຢູ່ ສປປ ລາວ​.
  •  ສາມາດ​​ສະ​ເໜີ​ອອກ​ບັດ ATM ​ແລະ ບັດ VISA Debit ​ເພື່ອນຳ​ໃຊ້​ບໍລິການຈາກ​ບັນຊີ​ເງິນ​ຝາກ​​ຜ່ານ​ຕູ້ ATM, ​ເຄື່ອງ EDC, ​ແລະ​ ຜ່ານຜະລິດ​ຕະພັນ BCEL One ດ້ວຍໂທລະສັບ​ມື​ຖື Smart phone & computer ​ໃນ​ການ​ເຮັດ​ທຸລະ​ກຳ​ຕ່າງໆ​ເຊັ່ນ: ການ​ກວດກາ​ຍອດ​ເງິນ​ຝາກ, ກວດ​ອັດ​ຕາ​ແລັກ​ປ່ຽ​ນ, ການ​ໂອນ​ເງິນ​ລະຫວ່າງ​ບັນຊີ, ການ​ຊຳລະ​ຄ່າ​ສາທາລະ​ນຸປະ​ໂພ​ກ (ພາຍ​ໃນ​ເຂດ​ນະຄອນຫຼວງວຽງ​ຈັນ), ການ​ເຕີມ​ເງິນ​ເຂົ້າ​ບັດ​ໂທລະສັບ.
  • ​ໄດ້​ຮັບ​ປຶ້ມ​ເງິນ​ຝາກ​ໄວ້​ເປັນ​ຫຼັກ​ຖານ​ເພື່ອ​ຕິດຕາມ​ການ​ເຄື່ອນ​ໄຫວ​​ເງິນ​ເຂົ້າ-ອອກ ບັນຊີ.
  • ສາມາດ​ນຳ​ໃຊ້​ເພື່ອ​ຢັ້ງຢືນ​ຖານະ​ການ​ເງິນ.
  • ສາມາດ​ຕິດຕາມ​ລາຍການ​ເຄື່ອນ​ໄຫວ​​ ແລະ​ ຍອດ​ເງິນ​​ເຫຼືອ​ໃນ​ບັນຊີ​ຜ່ານຜະລິດ​ຕະພັນ Internet Banking ​,SMS Banking ແລະ BCEL One

ເງື່ອນໄຂ ການໃຊ້ບໍລິການ

  • ວົງ​ເງິນ​ເປີດ​ບັນຊີ​​ ແລະ​ ຍອດ​ເຫຼືອ​ຕໍ່າ​ສຸດ​ໃນ​ບັນຊີ​ 50,000 ກີບ, 500 ບາດ, 10 ​ໂດ​ລາ .
  • ກໍ​ລະ​ນີປິດ​ບັນຊີ​ເງິນ​ຝາກ​ປະຢັດກ່ອນ 3 ​ເດືອນ ​ຫຼັງ​ຈາກ​ມື້​ທີ່ເປີດ​ບັນຊີ ຈະ​ຖືກ​ ເກັບ​ຄ່າ​ທຳ​ນຽມ​ປິດ​ກ່ອນ​ກຳ​ນົດ ​ຕາມ​ລະບຽບ​ ທີ່​ ທຄຕລ ແຈ້ງ​ອອກ​ໃນ​ແຕ່ລະ​ໄລຍະ.

ຄ່າບໍລິການ

  • ຄ່າ​ທຳນຽມເປີດ​ບັນຊີ​ໃໝ່: 10,000 ກີບ, 2 ​ໂດ​ລາ, 50 ບາດ ຕໍ່​ບັນຊີ​ ຕໍ່​ຄັ້ງ
  • ຂໍອອກ​ປຶ້ມ​ເງິນ​ຝາກ​ຫົວ​ໃໝ່​​​ໃນກໍລະນີ​ແຈ້ງປື້​ມ​​ເສຍ​​ເກັບ​ຄ່າ​ທຳນຽມ: 20,000ກີບ,  3 ໂດ​ລາ, 90ບາດ ຕໍ່ບັນຊີ​ຕໍ່ຄັ້ງ.
  • ການ​ໂອນ​ເງິນ​ເຂົ້າ-ອອກ​ Online ລະຫວ່າງ​ສາຂາ ​ຫຼື​ ໜ່ວຍບໍລິການ​ພາຍ​ໃນ​ເຄື່ອຂ່າ​ຍ ທຄຕລ ພາຍ​ໃນ​ແຂວງ​ດຽວ​ກັນ ​
    ຫຼື​ ໂອນ​ຜ່ານ​ລະບົບ ATM ບໍ່​ເກັບຄ່າ​ທຳນຽມ.
  • ການ​ຝາກ, ຖອນ, ​ແລກປ່ຽນ ​ແລະ ໂອນ​ເງິນ​ເຂົ້າ-ອອກ​ Online ຢູ່ສາຂາ ​ຫຼື​ ໜ່ວຍບໍລິການ​ຕ່າງ​ແຂວງ ພາຍ​ໃນ​ເຄື່ອຂ່າ​ຍ ທຄຕລ ​ແມ່ນ​ເກັບ​ຄ່າ​ທຳນຽມ 10,000 ກີບ, 2 ​ໂດ​ລາ, 70 ບາດ​ຕໍ່​ລາຍການ.
  • ການ​ໂອນ​ເງິນ​ເຂົ້າ-ອອກ​ ຜ່ານ​ BCEL One ​ເກີນວົງ​ເງິນ 10 ລ້ານ ກີບ ຂຶ້ນ​ໄປ ​ເກັບ 2,000ກີ​ບ ຕໍ່​ ລາຍການ.
  • ກໍລະນີ​ໂອນ​ລອຍ​ຫັກຈາກ​ບັນຊີ​ເພື່ອ​ຈ່າຍ​ເງິນສົດ​ໃຫ້​ລູກ​ຄ້າ​ທີ່​ບໍ່​ມີ​ບັນຊີ​ເງິນ​ຝາກ​ຢູ່​ນຳ ທຄຕລ ​ແມ່ນ​ເກັບ​ຄ່າ​ທຳນຽມ : 15,000ກີບ, 2​ໂດ​ລາ, 70ບາດ ​ຕໍ່​ລາຍການ.
  • ການ​ດັດ​ແກ້​ລາຍການ​ໂອນລອຍ​ລະຫວ່າງ​ເຄື່ອຂ່າ​ຍ ທຄຕລ ​ເກັບ​ຄ່າ​ທຳນຽມ: 15,000ກີບ, 2​ໂດ​ລາ, 70ບາດ ​ຕໍ່​ລາຍການ.
  • ການ​ໂອນ​ເງິນ​ເຂົ້າ-ອອກ ທີ່​ ພົວພັນ​ກັບ​ທະນາຄານ​ອື່ນ​ພາຍ​ໃນ​ແຂວງ​ດຽວ​ກັນ (ດ້ວຍ​ອາ​ວີ ຫຼື ​ແຊັກ​ອື່ນໆ​) ​ເກັບ​ຄ່າ​ທຳນຽມ: 15,000 ກີບ, 2 ​ໂດ​ລາ, 70 ບາດ ຕໍ່​ລາຍການ.

ລະບຽບເງິນຝາກປະຢັດ

  • ທຸກໆ​ຄັ້ງ​ທີ່​ມີ​ການ​ຝາກ​ ຫຼື ຖອນ ຜູ້​ຝາກ​ຕ້ອງ​ໄດ້​ເອົາ​ປຶ້ມ​ເງິນ​ຝາກ​ມາພ້ອມ​ທຸ​ກໆ​ຄັ້ງ.
  • ​ໃນ​ກໍລະນີ​ເຈົ້າ​ຂອງ​ບັນຊີ​ບໍ່​ສາມາດ​ມາ​ຖອນ​ເງິນ​ໄດ້​ດ້ວຍ​ຕົນ​ເອງ​ ຕ້ອງ​ມອບ​ສິດ​ໃຫ້​ຜູ້​ທີ່​ໄວ້​ໃຈ​ໄດ້ ຢ່າງ​ເປັນ​ລາຍ​ລັກ​ອັກ ສອນ ​ໂດຍ​ຕ້ອງ​ລະບຸ​ເນື້ອ​ໃນ​​ໃຫ້ຄົບ​ຖ້ວນ​ເຊັ່ນ: ວັນ​ທີ, ຊື່​ຜູ້​ຖືກ​ມອບ​ສິດ, ຈຳນວນ​ເງິນ​ທີ່​ຕ້ອງການ​ໃຫ້​ຖອນ, ຊື່ ​ແລະ ​ເລກ​ບັນຊີ​ທີ່​ອະນຸຍາດ​ໃຫ້​ຖອນ ພ້ອມ​ທັງ​ລາຍເຊັນ​ເຈົ້າ​ຂອງ​ບັນຊີ​ຄົບ​ຖ້ວນ​ຕາມ​ເງື່ອນ​ໄຂ​ທີ່​ຝາກ​ໄວ້​ກັບ​ທະນາຄານ. ນອກ​ນັ້ນ​ເຈົ້າ​ຂອງ​ບັນຊີ​ຈະ​ຕ້ອງ​ມອບ​ປຶ້ມ​ເງິນ​ຝາກ ​ແລະ ບັດປະຈຳຕົວ / passport ​ໃຫ້​ຜູ້​ຖືກ​ມອບ​ສິດ​ຖື​ມາ​ພ້ອມ.
  • ​ເຈົ້າ​ຂອງ​ບັນຊີ​ຕ້ອງ​ຮັກສາ​ປຶ້ມ​ເງິນ​ຝາກ​ໄວ້​ທີ່​ປອດ​ໄພ, ຖ້າ​ປຶ້ມ​ເສຍ​ຫາຍ ຕ້ອງ​ແຈ້ງ​ໃຫ້​ທະນາຄານ​ຊາບ​ໂດຍ​ດ່ວນ.
  • ​ໃນ​ກໍລະນີ​ຂໍ​ອອກ​ຫົວ​ໃໝ່ (ປຶ້ມ​ເປື້ອນ,ຈີກ​ຂາດ​ ແລະ ​ເສຍ​ຫາຍ)ທະນາຄານ​ຈະ​ເກັບ​ຄ່າ​ທຳນຽມ​ຕາມ​ລະບຽບ​ທີ່​ປະກາດ​ໃຊ້​ໃນ​ແຕ່ລະ​ໄລຍະ.
  • ປຶ້ມ​ບັນຊີ​ເງິນ​ຝາກ​ໃຊ້​ໄດ້​ສະ​ເພາະ​ເຈົ້າ​ຂອງ​ບັນຊີ​ເທົ່າ​ນັ້ນ, ບໍ່​ສາມາດ​ປ່ຽນ​ມື​ໄດ້ .
  • ທະນາຄານ​ຈະ​ຈ່າຍ​ດອກ​ເບັ້ຍ 4 ຄັ້ງ​ຕໍ່​ປີ​ຄື: ​ໃນວັນ​ທີ 30 ມີນາ (3), 30ມິຖຸນາ (6), 30 ກັນຍາ (9), ​ແລະ 30 ທັນວາ (12) ຂອງ​ແຕ່ລະ​ປີຕາມ​ອັດຕາ​ດອກ​​ເບັ້ຍ​ເງິນ​ຝາກ​ທີ່ ທຄຕລ ປະກາດ​ໃຊ້​ໃນ​ແຕ່ລະ​ໄລຍະ.
  • ​ໃນ​ການ​ຝາກ​-ຖອນ​ແຕ່​ລະ​ຄັ້ງ ​ເຈົ້າ​ຂອງ​ບັນຊີ​ຕ້ອງ​ກວດ​ສອບ​ເບິ່ງ​ຈຳນວນ​ເງິນ ​ແລະ ຍອດ​ເຫຼືອ​ໃນ​ບັນຊີ​ຢ່າງ​ລະອຽດ, ຖ້າ​ມີ​ສິ່ງ​ຜິດພາດ​ຕ້ອງ​ແຈ້ງ​ໃຫ້​ເຈົ້າ​ໜ້າ​ທີ່​ທະນາຄານ​ຊາບ​ທັນ​ທີ ​ເພື່ອ​ແກ້​ໄຂ​ໃຫ້​ຖືກຕ້ອງ.