ຄຸນລັກສະນະ:

            ເປັນ ​ບໍລິການ​ໂອນ​ເງິນ​ລະຫວ່າງ​ບັນຊີ​ພາຍ​ໃນ​ເຄືອ​ຂ່າຍ​ຂອງ​ ທຄຕລ ຕອບ​ສະໜ​ອງຄວາມ​ຕ້ອງການ​ຂອງ​ທ່ານ​ເພື່ອ​ໂອນ​ຊຳລະ​ຄ່າ​ສິນຄ້າ ​ແລະ​ບໍລິການ ​ໂອນ​ເງິນ​ໃຫ້​ກັບ​ພີ່ນ້ອງ, ໝູ່​ເພື່ອນ,...ທ່ານ ​ສາມາດ​ໂອນເງິນເຖິງຜູ້ຮັບປາຍທາງໄດ້ຢ່າງວ່ອງໄວ ແລະປອດໄພ, ພຽງແຕ່ລະບຸເລກບັນຊີ ແລະຊື່ບັນຊີ ຂອງຜູ້ຮັບເງິນ ທ່ານກໍ່ສາມາດໂອນເງິນໄດ້ພາຍໃນ 1 ນາທີເທົ່ານັ້ນ.

ຜົນປະໂຫຍດທີ່ໄດ້ຮັບ:

  • ຂັ້ນ​ຕອນ​ການ​​ໂອ​ນ​ງ່າຍ ​ແລະ​ສະດວກ, ທ່ານສາມາດໂອນໄດ້ 24 ຊົ່ວໂມງດ້ວຍບັດເອທີເອັມ ແລະອິນເຕີເນັດແບັງຄິງ.
  • ທ່ານ​ສາມາດ​ໂອນ​ເງິນ​ຜ່ານ​ໜ່ວຍ​ບໍລິການ ​ແລະ​ສາຂາ​ທີ່ຢູ່​ໃກ້​ທ່ານ.
  • ວົງ​ເງິນ​ໃນ​ການ​ໂອນທັງ​ເງິນ​ກີບ, ສະກຸ​ນ​ເງິນ​ບາດ ​ແລະ​ສະກຸນ​ເງິນ​ໂດ​ລາ.
  • ຜູ້​ຮັບ​​ໂອນ​ໄດ້​ຮັບ​ເງິນ​ທັນທີ.
  • ຮັບປະກັນ​ຄວາມ​ປອດ​ໄພ.

ປະເພດສະກຸນເງິນ: 

          ທ່ານ​ສາມາດ​ໂອນ​ເປັນ​ສະກຸນເງິນ​ກີບ, ສະກຸ​ນ​ເງິນ​ບາດ, ສະກຸນເງິນຢວນ ​ແລະ​ສະກຸນ​ເງິນ​ໂດ​ລາ.

ເງື່ອນໄຂການໃຊ້ບໍລິການ:

  • ທ່ານ​ຕ້ອງ​ມີ​ບັນຊີ​ເງິນ​ຝາກ​ປະຢັດ ຫຼື​ກະ​ແສ​ລາຍ​ວັນ​ຢູ່​ ທຄຕລ.
  • ທ່ານ ​ຕ້ອງ​ເປັນ​ເຈົ້າ​ຂອງ​​ທີ່​ມີ​ສິດ​ສັ່ງຈ່າຍ ຫຼື​ໄດ້​ຮັບ​ການ​ມອບ​ສິດ​ຈາກ​ເຈົ້າ​ຂອງ​ບັນຊີ​ທີ່​ມີ​ສິດ​ສັ່ງ ຈ່າຍ​ໃນ​ບັນຊີ​ຂອງ​ທ່ານ​ເທົ່າ​ນັ້ນ.

ຄຸນລັກສະນະ:

       ທ່ານ​ສາມາດ​ໂອນ​ເງິນສົດ ຫຼື​ເງິນ​ໃນ​ບັນ​ຊີ​ເງິນ​ຝາກ​ປະຢັດ ​ແລະ​ກະ​ແສ​ລາຍ​ວັນ​ຈາກ​ສາ​ຂາ​ໄປ​ຫາ​ສາ​ຂາ​​ແລະ​ໜ່ວຍ​ບໍລິການອື່ນໆ​ຂອງ ທຄຕລ ​ໄດ້​ຢ່າງ​ສະດວກ, ວ່ອງ​ໄວ ​ແລະ​ປອດ​ໄພ​ດ້ວຍ​ລະບົບ On-line ຂອງ​ທະນາຄານ​ການ​ຄ້າຕ່າງປະ​ເທດ​ລາວ.

ຜົນປະໂຫຍດທີ່ໄດ້ຮັບ:

  • ທ່ານ​ທີ່​ມີ​ບັນຊີ​ກັບ ທຄຕລ ສາມາດ​ໂອນ ​ແລະ​ຮັບ​ໂອນ​ເງິນ​ໄດ້​ທຸກ​ສາຂາ​ຂອງ ທຄຕລ​ໄດ້​ຢ່າງ​ສະ ດວກ​ແລະ​ປະຢັດ​ຄ່າ​ໃຊ້​ຈ່າຍ.
  • ຂັ້ນ​ຕອນ​ການ​​ໂອ​ນ​ງ່າຍ ​ແລະ​ສະດວກ.
  • ທ່ານ​ສາມາດ​ໂອນ​ເງິນ​ຜ່ານ​ໜ່ວຍ​ບໍລິການ ​ແລະ​ສາຂາ​ທີ່ຢູ່​ໃກ້​ທ່ານ.
  • ວົງ​ເງິນ​ໂອນ​ສູງ.
  • ຮັບປະກັນ​ຄວາມ​ປອດ​ໄພ​ສູງ.

ປະເພດສະກຸນເງິນ: 

       ທ່ານ​ສາມາດ​ໂອນ​ເປັນ​ສະກຸນເງິນ​ກີບ, ສະກຸ​ນ​ເງິນ​ບາດ ​ແລະ​ສະກຸນ​ເງິນ​ໂດ​ລາ.

ເງື່ອນໄຂການໃຊ້ບໍລິການ:

        ທຸກ​ຄົນ​ທີ່​ເປັນ​ຄົນ​ລາວ ຫຼື​ຄົນ​ຕ່າງປະ​ເທດ​ທີ່​ກຳລັງ​ດຳລົງ​ຊີວິດ ​ແລະ​ເຮັດວຽກ​ຢູ່ ສ​ປປ ລາວທີ່​ມີ​ບັນຊີ ​ແລະ​ບໍ່​ທັນ​ມີ​ບັນຊີ​ຢູ່ ທຄຕລ.

ຄຸນລັກສະນະ:

    ເປັນການບໍລິການໃຫ້ທຸກທ່ານທີ່ມີບັນຊີ ຫຼືບໍ່ມີບັນຊີກັບ ທຄຕລ ​ສາມາດ​ໂອນ​ເງິນ​ໃຫ້​ກັບ​ພີ່ນ້ອງ, ໝູ່ຄູ່ ​ແລະ ຄູ່​ຄ້າ ຂອງ​ທ່ານທີ່​ມີ​ບັນ​ຊີ ຫຼື ບໍ່​ມີ​ບັນ​ຊີ​ເງິນ​ຝາກກັບ​ທະນາ​ອື່ນທີ່​ມີ​ຢູ່ ສ​ປປລາວທີ່ຢູ່​ພາຍ​ໃນ​ແຂວງ​ດຽວ​ກັນ.

ຜົນປະໂຫຍດທີ່ໄດ້ຮັບ:

  • ເພີ່ມ​ຄວາມ​ສະດວກ ​ແລະ​ວ່ອງ​ໄວ​ໃນ​ການ​ໂອນ​ເງິນ.
  • ທ່ານ​ສາມາດ​ໂອນ​​ເງິນສົດ ຫຼື​ຫັກ​ຈາກ​ບັນຊີ​ຂອງ​ທ່ານ ຢູ່ທຄຕລກໍ່​ໄດ້.    
  • ບໍ່​ຈຳ​ເປັນ​ຕ້ອງ​ເສຍ​ເວລາ​ໄປ​ຫາ​ສາຂາ ​ແລະ​ໜ່ວຍ​ບໍລິການ​ຂອງ​ທະນາຄານ​ປາຍ​ທາງ​ທີ່ຢູ່​ຫ່າງ​ໄກ.
  • ຜູ້​ຮັບ​​ເງິນປາຍທາງ​ໄດ້​ຮັບ​ເງິນ​ທັນທີ.
  • ຮັບປະກັນ​ຄວາມ​ປອດ​ໄພສູງ.

ປະເພດສະກຸນເງິນ​ໂອນ:

          ທ່ານ​ສາມາດ​ໂອນ​​​ໄດ້​: ສະກຸ​ນ​ເງິນກີບ, ສະກຸ​ນ​ເງິນບາດ ​ແລະ ສະກຸ​ນ​ເງິນໂດ​ລາ.

ຄ່າ​ທຳນຽມ​​ໃນ​ການ​​ໂອນ:  15,000 LAK ຫຼື 2 USD ຫຼື 60 THB ຕໍ່​ລາຍການ/ລາຍການ.

ເງື່ອນໄຂການໃຊ້ບໍລິການ:

  • ທ່ານ​ສາມາດ​ໃຊ້​ບໍລິການ​ພ້ອມ​ກັບ​ລົງ​ນາມ​ຂໍ້​ຕົກລົງ​ການ​ໃຊ້​ບໍລິການ​ກັບ​ທະນາຄານ.
  • ປະກອບ​ຂໍ້​ມູນ​ການ​ໂອນ​ເງິນຕາ​ມຮູບ​ແບບ​ທີ່​ທາງ​ທະນາຄານ​ໄດ້​ກຳໜົດ​ໃຫ້.
  • ກໍລະນີ​ໂອນ​ເງິນ​ຈາກ​ບັນຊີ​: ທ່ານ​ຕ້ອງ​​ໃຫ້​ຂໍ້​ມູນ​ລາຍ​ລະອຽດ​ບັນຊີ​ຂອງ​ທ່ານໃນ​ການປະກອບ​ແບບ​ຟອມ​ໂອນ​ເງິນ.
  • ກໍລະນີ ​ໂອນ​ເງິນ​ສົດ: ທ່ານ​ຕ້ອງ​​ໃຫ້​ຂໍ້​ມູນ​ລາຍ​ລະອຽດ​ບັນຊີ​ຂອງ​ທ່ານໃນ​ຟອມມອບ​ເງິນສົດ ​ແລະ​ມອບ​ເງິນສົດ ​ໃຫ້​ກັບ​ພະນັກງານ​ທະນາຄານ​ທີ່​ຈະ​ໂອນ​ເງິນ​ໃຫ້​ທ່ານ.
  • ທ່ານ​ຕ້ອງ​​ໃຫ້​ຂໍ້​ມູນ​ຂອງ​ຜູ້​ຮັບ​ໂອນຄົບ​ຖ້ວນ​ ​ແລະ​ຊັດ​​ເຈນ​ໃນ​ຟອມມ​ອບ​ເງິນສົດ​ເຊັ່ນ:
  • ຊື່ ​ແລະ​ນາມສະກຸນ, ​ເລກ​ບັດປະຈຳຕົວ, ​ເລກ​ໂທລະສັບ​ຂອງ​ຜູ້​ຮັບ ​ແລະ​ຂໍ້​ມູນ​ທະນາຄານ​ຂອງ​ຜູ້ ຮັບ(ຖ້າ​ຜູ້​ຮັບ​ບໍ່​ມີ​ບັນຊີ​ກັບ​ທະນາຄານ​ຂອງ​ຜູ້​ຮັບ).
  • ຊື່ ​ແລະ​ນາມສະກຸນ, ​ເລກ​ບັນຊີ ​​ແລະ​ຂໍ້​ມູນ​ທະນາຄານ​ຂອງ​ຜູ້ຮັບ(ຖ້າ​ຜູ້​ຮັບ​ມີ​ບັນຊີ​ກັບ​ທະນາຄານ​ຂອງ​ຜູ້​ຮັບ).

ຄຸນລັກສະນະ:

    ທ່ານ​ສາມາດ​ໂອນ​ເງິນໃນ​ບັນ​ຊີ​ເງິນ​ຝາກ​ປະຢັດ​ແລະ​ ກະ​ແສ​ລາຍ​ວັນ ​ຈາກ​ບັນຊີ​ຂອງ​ທ່ານໄປ​ຫາ​ບັນຊີອື່ນ​ທີ່​ເປັນ​​ບັນຊີເງິນ​ຝາກ​ປະຢັດຫຼື​ ເງິນ​ຝາກ​ກະ​ແສ​ລາຍ​ວັນ ​ຢູ່ ທຄຕລ ​ໄດ້​ຢ່າງ​ສະດວກ, ວ່ອງ​ໄວແລະ​ ປອດ​ໄພ​ດ້ວຍ​​ເຄື່ອງ ATM ຂອງ​ທະນາຄານ​ການ​ຄ້າຕ່າງປະ​ເທດ​ລາວ.

ຜົນປະໂຫຍດທີ່ໄດ້ຮັບ:

  • ສະດວກ ພຽງ​ແຕ່​ທ່ານ​ນໍາໄຊ້​ບັດ ATM ຂອງ ທຄຕລ.
  • ປະຢັດ​ເວລາ ແລະ ບໍ່​ມີຄ່າ​ທໍານຽມ​ໃນ​ການ​ໂອນ​ແຕ່​ລະ​ຄັ້ງ. 
  • ທ່ານ​ສາມາດ​ໂອນ​ຜ່ານ​ຕູ້ ATM ຂ​ອງ ທຄຕລ ທົ່ວ​ລະບົບທີ່​ຕັ້ງ​ຢູ່​ໃກ້​ທ່ານ.
  • ວົງ​ເງິນ​ໃນ​ການ​ໂອນພາຍ​​ໃນ​ມື້​ທ່ານ​ສາມາດ​ໂອນ​ໄດ້ສູງ​ສຸດ 99,000,000 ​ກີບ ຫຼື 300,000.00 ​THB ​ຫຼື 10,000.00 USD.
  • ຜູ້​ຮັບ​​ເງິນປາຍທາງ​ໄດ້​ຮັບ​ເງິນ​ທັນທີ.
  • ຮັບປະກັນ​ຄວາມ​ປອດ​ໄພ.

ປະເພດສະກຸນເງິນ​ໂອນ: 

 ທ່ານ​ສາມາດ​ໂອນ​​​ໄດ້​ດ້ວຍ​ຮູ​ບການ​: ​     

  • ສະກຸ​ນ​ເງິນກີບ ຫາ ສະກຸ​ນ​ເງິນກີບ.
  • ສະກຸ​ນ​ເງິນບາດ ຫາ ສະກຸ​ນ​ເງິນບາດ.
  • ສະກຸ​ນ​ເງິນໂດ​ລາ ຫາ ສະກຸ​ນ​ເງິນໂດ​ລາ.

ເງື່ອນໄຂການໃຊ້ບໍລິການ:

       ທຸກທ່ານທີ່ນໍາ​ໃຊ້ບັດ ATM ຂອງທະນາຄານການຄ້າຕ່າງປະເທດລາວ (ສໍາ​ລັບ​ຜູ້​ຮັບ​​ເງິນ​ປາຍທາງ​ອາດ​ມີ​ບັດ ATM ຫຼື ບໍ່​ມີ​ກໍ່​​ໄດ້)

ຄຸນລັກສະນະ:

    ເປັນການບໍລິການ​ໂອນ​ເງິນ​ໃຫ້​ຜູ້​ໂອນ​​ມີບັນຊີ ຫຼື​ບໍ່​ມີ​ບັນຊີກັບ ທຄຕລ ​ສາມາດ​ໂອນ​ເງິນ​ໃຫ້​ກັບ​ພີ່ນ້ອງ, ໝູ່ຄູ່ ​ແລະ ຄູ່​ຄ້າ ຂອງ​ທ່ານທີ່​ບໍ່​ມີ​ບັນ​ຊີ​ເງິນ​ຝາກກັບ ທຄຕລທີ່ຢູ່ສາ​ຂາ ຫຼື​ໜ່ວຍ​ບໍລິການ​ຢູ່​ພາຍ​ໃນ​ແຂວງ​ດຽວ​ກັນ ​ແລະ​ຕ່າງ​ແຂວງ ​ໃນ​ທົ່ວ​ປະ​ເທດ.

ຜົນປະໂຫຍດທີ່ໄດ້ຮັບ:

  • ​ເພີ່ມ​ຄວາມ​ສະດວກ ​ແລະ​ວ່ອງ​ໄວ​ໃນ​ການ​ໂອນ​ເງິນ.
  • ທ່ານ​ສາມາດ​ໂອນ​​ເງິນສົດ ຫຼື​ຫັກ​ຈາກ​ບັນຊີ​ຂອງ​ທ່ານ ຢູ່ທຄຕລກໍ່​ໄດ້.    
  • ປະຢັດ​ເວລາ ​ແລະ​ຄ່າ​ໃຊ້​ຈ່າຍ​ໃນ​ການ​ໂອນ​ເງິນ.
  • ຜູ້​ຮັບ​​ເງິນປາຍທາງ​ໄດ້​ຮັບ​ເງິນ​ທັນທີພາຍ​ໃນ 5 ນາທີ​.
  • ຮັບປະກັນ​ຄວາມ​ປອດ​ໄພສູງ.

ປະເພດສະກຸນເງິນ​ໂອນ: 

 ທ່ານ​ສາມາດ​ໂອນ​​​ໄດ້​: ສະກຸ​ນ​ເງິນກີບ, ສະກຸ​ນ​ເງິນບາດ ​ແລະ ສະກຸ​ນ​ເງິນໂດ​ລາ.

 ຄ່າ​ທຳນຽມ​​ໃນ​ການ​​ໂອນ: 15,000 LAK ຫຼື 2 USD ຫຼື 60 THB  ຕໍ່​ລາຍການ/ລາຍການ.

ເງື່ອນໄຂການໃຊ້ບໍລິການ:

  • ທ່ານ​ສາມາດ​ໃຊ້​ບໍລິການ​ພ້ອມ​ກັບ​ລົງ​ນາມ​ຂໍ້​ຕົກລົງ​ການ​ໃຊ້​ບໍລິການ​ກັບ​ທະນາຄານ.
  • ປະກອບ​ຂໍ້​ມູນ​ການ​ໂອນ​ເງິນຕາ​ມຮູບ​ແບບ​ທີ່​ທາງ​ທະນາຄານ​ໄດ້​ກຳໜົດ​ໃຫ້.
  • ກໍລະນີ​ໂອນ​ເງິນ​ຈາກ​ບັນຊີ​: ທ່ານ​ຕ້ອງ​​ໃຫ້​ຂໍ້​ມູນ​ລາຍ​ລະອຽດ​ບັນຊີ​ຂອງ​ທ່ານໃນ​ການປະກອບ​ແບບ​ຟອມ​ໂອນ​ເງິນ.
  • ກໍລະນີ ​ໂອນ​ເງິນ​ສົດ: ທ່ານ​ຕ້ອງ​​ໃຫ້​ຂໍ້​ມູນ​ລາຍ​ລະອຽດ​ບັນຊີ​ຂອງ​ທ່ານໃນ​ຟອມມອບ​ເງິນສົດ ​ແລະ​ມອບ​ເງິນສົດ ​ໃຫ້​ກັບ​ພະນັກງານ​ທະນາຄານ​ທີ່​ຈະ​ໂອນ​ເງິນ​ໃຫ້​ທ່ານ.
  • ທ່ານ ​ຕ້ອງ​​ໃຫ້​ຂໍ້​ມູນ​ຂອງ​ຜູ້​ຮັບ​ໂອນຄົບ​ຖ້ວນ​ ​ແລະ​ຊັດ​​ເຈນ​ໃນ​ຟອມ​ໂອນ​ເງິນ​ເຊັ່ນ: ຊື່ ​ແລະ​ນາມສະກຸນ, ​ເລກ​ບັດປະຈຳຕົວ, ​ເລກ​ໂທລະສັບ​ຂອງ​ຜູ້​ຮັບ ​ແລະ​ຂໍ້​ມູນ​ສາຂາ ​ແລະ​ໜ່ວຍ​ບໍລິການ​ຂອງ​ຜູ້ຮັບ.

ຊື່ຜະລິດຕະພັນ

  ໃບແຈ້ງມີ (AVIS)

ຄຸນລັກສະນະ

  • ເປັນອີກທາງເລືອກໜຶ່ງທີ່ສ້າງຄວາມສະດວກ ແລະ ປອດໄພໃຫ້ແກ່ລູກຄ້າທີ່ຕ້ອງການໂອນເງິນໄປຕ່າງທະນາຄານ ໂດຍການອອກໃບແຈ້ງມີ, ເຊິ່ງລູກຄ້າບໍ່ຈຳເປັນຕ້ອງຖືເງິນສົດໄປກໍ່ໄດ້.

ຜົນປະໂຫຍດທີ່ໄດ້ຮັບ

  • ລູກຄ້າສາມາດໂອນເງິນໄດ້ທຸກສາຂາ ແລະ ໜ່ວຍບໍລິການທົ່ວລະບົບ ທຄຕລ.
  • ສາມາດໃຊ້ບໍລິການຜ່ານ Internet Banking ໄດ້, ລູກຄ້າບໍ່ຈຳເປັນຖືເງິນສົດໄປທະນາຄານຕ່າງໆ ທີ່ຕ້ອງການ ມອບເງິນເຂົ້າເຊິ່ງອາດສ້າງຄວາມຫຍຸ້ງຍາກ ແລະ ມີຄວາມສ່ຽງ​.
  • ໃບແຈ້ງມີສາມາດນຳໄປຂຶ້ນເງິນໄດ້ທັນທີໂດຍບໍ່ຕ້ອງລໍຖ້າຮຽກເກັບ, ລູກຄ້າສາມາດຖືໃບແຈ້ງມີໄປເອງ ຫຼື ຈະໃຫ້ ທະນາຄານ​ເປັນ​ຜູ້​ຈັດສົ່ງໃຫ້ກໍ່ໄດ້.

​ເງື່ອນໄຂການໃຊ້ບໍລິການ

  • ລູກ​ຄ້າ​ສາມາດ​ສັ່ງ​ໂອນ​ເງິນ​ຈາກ​ບັນຊີ​ເງິນ​ຝາກ ຫຼື ມອບ​ເງິນສົດ​ໄດ້.
  • ລູກ​ຄ້າ​ຕ້ອງ​ປະກອບ​ແບບ​​ຟອມການໂອນ ຫລື ມອບເງິນສົດນຳທະນາຄານ.
  • ຕ້ອງມີລາຍເຊັນຂອງຜູ້ມີສິດອຳນາດໃນການສັ່ງຈ່າຍ​ໃນ​ບັນຊີ (ກໍລະນີ​ມີ​ບັນ​ຊີ​ເງິນ​ຝາກ).
  • ກໍລະນີບໍ່ແມ່ນເຈົ້າຂອງບັນຊີຕ້ອງມີການມອບສິດຢ່າງເປັນລາຍລັກອັກສອນຈາກຜູ້ມີສິດເຊັນສັ່ງຈ່າຍ. ຜູ້ຖືກມອບ ສິດຕ້ອງຖືບັດ​ປະຊາຊົນ, ສຳມະ​ໂນ​ຄົວ ຫລື ໜັງສືຜ່ານ​ແດນ.
  • ຕ້ອງລະບຸ​ຂໍ້​ມູນ​ຜູ້​ຮັບ​ເງິນ​ໃຫ້​ຄົບ​ຖ້ວນ​ເຊັ່ນ: ຊື່ ​ແລະ ​ເລກ​ບັນຊີ​ຜູ້​ຮັບ​ເງິນ, ຊື່ທະນາຄານ​ທີ່ລູກ​ຄ້າ​ຕ້ອງການ​ໂອນ​ເງິນ​ໄປ​ເຂົ້າ​ບັນຊີ​ໃຫ້.
  • ຄ່າ​ທຳ​ນຽມ​ໃນ​ການໂອນ​ລະຫວ່າງ​ທະນາຄານ:  15,000 ກີບ /​​ 2​ ໂດ​ລາ / 60 ບາດ​ ຕໍ່​ລາຍການ.

ຊື່ຜະລິດຕະພັນ

  ໃບ​ແຈ້ງ​ມີ​ທະນາຄານ​ກາງ (AVIS BOL)

ຄຸນລັກສະນະ

  • ເປັນ​ທາງ​ເລືອກ​ທີ່​ດີ​ໃຫ້ລູກ​ຄ້າ​ໃນ​ໂອນ​ເງິນ​ຈາກ​ທະນາຄານ​ອື່ນ​ ຫຼື ທະນາຄານກາງ ມາ​ຫາ​ທະນາຄານ​ການ​ຄ້າ .

ຜົນປະໂຫຍດທີ່ໄດ້ຮັບ

  • ເຮັດ​ໃຫ້​ລູກ​ຄ້າ​ມີ​ຄວາມ​ສະດວກ​ສະບາ​ຍ​ໃນ​ການ​ໂອນ​ເງິນ​ຈາກ​ທະນາຄານໜຶ່ງ ຫາ​ ອີກ​ທະນາຄານ ໜຶ່ງໂດຍປາສະ ຈາກ​ຄວາມສ່ຽງ​ໃນ​ການ​ຖື​ເງິນສົດ.

​ເງື່ອນໄຂການໃຊ້ບໍລິການ

  • ລູກ​ຄ້າ​ນຳ​ໃບ​ແຈ້ງມີ ( AVIS ) ​ເຊິ່ງ​ໃບ​ແຈ້ງ​ມີຕ້ອງ​ລະບຸ​ເລກ​ບັນຊີ, ຊື່​ບັນຊີ​ຂອງ​ຜູ້​ຮັບ​ເງິນ​ຖືກຕ້ອງຕາມ​ໝາຍ​ເລກບັນຊີ​ທີ່​ຝາກ​ໄວ້​ກັບ​ທະນາ​ຄານ​ການ​ຄ້າ​ຕ່າງປະ​ເທດ​ລາວ ມະຫາຊົນ.
  • ຄ່າ​ທຳ​ນຽມ​ໃນ ການ​ໂອນ 15,000 ກີບ, 60 ບາດ , 2 ​ໂດ​ລາ / 1 ​ໃບ.

ຊື່ຜະລິດຕະພັນ

ການໂອນເງິນຜ່ານລະບົບຊຳລະສະສາງ NPS

ຄຸນລັກສະນະ

  • ເປັນລະບົບ​ໃໝ່ທີ່​ທັນ​ສະ​ໄໝ ​​ທີ່​ໃຊ້​ເພື່ອ​ໂອນ​ເງິນ​​ໃຫ້​ແກ່​ລູກ​ຄ້າ​ທີ່​ມີ​ບັນຊີ​ເງິນ​ຝາກ​ຢູ່​ກັບທະນາຄານພາຍ​ໃນປະ​ເທດ ໂດຍຜ່ານລະບົບ NPS ຂອງທະນາຄານແຫ່ງ ສປປ ລາວ ທີ່​ເປີດ Online ສະ​ເພາະ​ບັນດາທະນາຄານ​ທຸລະ​ກິດ​.

ຜົນປະໂຫຍດທີ່ໄດ້ຮັບ

  • ເປັນລະ​ບົບທີ່ສະດວກສະບາຍໃຫ້ແກ່ລູກຄ້າໃນການ​ໂອນເງິນລະ​ຫ່ວາງ​ທະນາ​ຄານໜຶ່ງ​​ໄປ​ຫາ​ອີກ​ທະນາຄານ​ໜຶ່ງ
  • ​ມີຄວາມ​ປອດ​​​ໄພໃນການໂອນເງິນ, ລູກ​ຄ້າ​ບໍ່​ຕ້ອງ​​ເສຍ​ເວລາ​ໃນ​ການ​ໄປ​ສົ່ງ​ໃບ​ແຈ້ງ ຫຼື ​ແຊັກ. 

​ເງື່ອນໄຂການໃຊ້ບໍລິການ

  • ລູກ​ຄ້າ​ຕ້ອງ​ມີ​​ບັນຊີ​ເງິນ​ຝາກ​ໄວ້​ຢູ່​ທະນາຄານ.
  • ລູກ​ຄ້າ​ຕ້ອງ​ໄດ້​ລະບຸ​ທະນາຄານ​ປາຍທາງທີ່ຈະຮັບເງິນ.
  • ລູກຄ້າຕ້ອງສັ່ງຈ່າຍແຊັກຈາກບັນຊີຂອງຕົນເພື່ອ​ໂອນ​ເງິນເຂົ້າ​ບັນຊີຂອງຜູ້ຮັບປາຍທາງ ໂດຍລະບຸວ່າ​ໂອນເງິນຜ່ານ ລະບົບ NPS ແຕ່​​ຕ້ອງ​ລະບຸ​ເງື່ອນ​ໄຂ​ການ​ໂອນ​ເງິນ​ໃຫ້​ພະນັກງານ​ທະນາຄານ​ໃຫ້ລະອຽດ​ ​ເພື່ອ​ປ້ອງ​ກັນ​ຄວາມຜິດພາດ.

ຊື່ຜະລິດຕະພັນ

  ການໂອນເງິນເດືອນ

ຄຸນລັກສະນະ

  • ເປັນທາງເລືອກທີ່ດີສຳລັບລູກ​ຄ້າ​ນິຕິບຸກຄົນ, ກະຊວງ ​ແລະ ອົງການຕ່າງໆທີ່ຕ້ອງຈ່າຍເງິນເດືອນໃຫ້ພະນັກງານທີ່​ມີ​ຄວາມສະດວກ, ໜັ້ນ​ໃຈ, ປ​ອດ​ໄພ ​ໃນ​ການ​ສັ່ງ​ຈ່າຍ​ເງິນ, ປະຢັດແຊັກ, ປະຢັດເວລາໃນການໂອນ.
ຜົນ​ປະ​ໂຫຍ​ດທີ່​ໄດ້​ຮັບ
  • ລູກ​ຄ້າ​ສາມາດ​ສັ່ງ​ຈ່າຍ​ແຊັກ​ໄດ້​​ແບບ​ບໍ່​ຈຳກັດ​ວົງ​ເງິນ​​ ແລະ ສາມາດສັ່ງໂອນຈາກບັນຊີໜຶ່ງເຂົ້າຫາຫຼາຍບັນຊີໄດ້.
  • ລູກຄ້າມີຄວາມສະດວກ, ປອດໄພໃນການໂອນ, ບໍ່ຈຳເປັນຕ້ອງມາຖອນເງິນສົດເປັນຈຳນວນຫຼາຍ ເພື່ອ​ນຳ​ໄປເບີກ ຈ່າຍເງິນເດືອນໃຫ້​ແກ່ພະນັກງານ.
  • ລູກຄ້າ​ຈະໄດ້ຮັບເງິນຄົບ​ຖ້ວນຈຳນວນຄ່າ​ແຮງ​ງານ​ ຫຼື​ ເງິນ​ເດືອນ​ຕົວ​ຈິງທີ່​ບໍລິສັດ​ ຫຼື​ ອົງການ​ຈ່າຍ​ໃຫ້.
  • ມີຄວາມສະດວກ, ປອດໄພໃນການໂອນ-ຖອນໄດ້ທຸກສາຂາ ​ແລະ ໜ່ວຍບໍລິການຂອງ ທຄຕລ ທົ່ວປະເທດ.
  • ສາມາດ​​ໂອນ​ເງິນ​ເດືອນ​ຜ່ານ​ລະບົບ Internet Banking ຂອງ ທຄຕລ​ ໄດ້.
ເງື່ອນ​ໄຂ​ການ​ໃຊ້​ບໍລິການ
  • ລູກ​ຄ້າ​ຜູ້​ສັ່ງ​ຈ່າຍ​ເງິນ​ເດືອນ​ຜ່ານ​ລະບົບ​ທະນາຄານ​ຕ້ອງ​ມີບັນຊີເງິນຝາກກະແສລາຍວັນ ຫຼື ບັນຊີ​ເງິນ ຝາກປະຢັດນຳ ທຄຕລ.
  • ຄ່າທຳນຽມ​ໃນການໂອນເງິນເດືອນຜ່ານ​ລະບົບ ທຄຕລ​ ສະ​ເພາະ​ບັນຊີ​ຂອງ ທຄຕລ ແມ່ນ​ບໍ່​ມີຄ່າ​ທຳນຽມ.
  • ກໍລະນີ​ເປັນແຊັກຕ່າງທະນາຄານຈະ​ເກັບຄ່າທຳນຽມ 15,000 ກີບ/​​ແຊັກ .
  • ກໍລະນີ​ຕ້ອງການ​ໂອນ​ເງິນ​ຈາກ​ບັນຊີ​ເງິນ​ຝາກ​ກະ​ແສ​ລາຍ​ວັນຕ້ອງປະກອບ​ແບບ​​ຟອມມອບແຊັກຂອງ​ ທຄຕລ.
  • ຕ້ອງມີເອກະສານ ​ແລະ file ​ຂໍ້​ມູນລາຍຊື່ ​ແລະ ​ເລກ​ບັນຊີ​ເງິນ​ຝາກຂອງພະນັກງານຜູ້ທີ່​ຈະ​ຮັບເງິນເດືອນ ພ້ອມດ້ວຍລາຍເຊັນຂອງຜູ້ມີສິດເຊັນອະນຸມັດ​ໃນ​ບັນຊີ​ສົ່ງ​ໃຫ້​ທະນາຄານທຸກ​ຄັ້ງ (ກໍລະນີ​ໂອນ​ຜ່ານ​ Counter ບໍລິ ການຂອງ ທະນາຄານ).

ຊື່ຜະລິດຕະພັນ

  ແຊັກ​ເງິນສົ​ດ

ຄຸນລັກສະນະ

  • ສະດວກ​ ໝັ້ນ​ໃຈ ປ​ອດ​ໄພ ​ໃນ​ການ​ສັ່ງ​ຈ່າຍ​ເງິນ.
ຜົນ​ປະ​ໂຫຍ​ດທີ່​ໄດ້​ຮັບ
  • ລູກ​ຄ້າ​ສາມາດ​ສັ່ງ​ຈ່າຍ​ແຊັກ​ໄດ້​​ແບບ​ບໍ່​ຈຳກັດ​ວົງ​ເງິນ.
  • ສາມາດ​ນຳ​​ແຊັກ​​ເງິນສົດ​ໄປ​ຊຳລະ​ສະ​ສາງ​​ໄດ້​ກັບ​ທຸກ​ທະນາຄານພາຍໃນປະເທດ, ສາມາດ​ຊຳລະ​ສະ​ສາງ​ ພາສີ-ອາກອນ​ ​ແລະ ຄັງ​ເງິນ​ແຫ່ງ​ຊາດ​ໄດ້.
  • ສາມາດ​ນຳ​​ໄປ​ໃຊ້​ໃນ​ການ​ຄ້ຳປະກັນ​ການ​ປະມູນຂອງ​ໂຄງການ​ໄດ້.
  • ​ແຊັກ​​​ມີຄວາມ​ປອດ​ໄພ​ໃນ​ການ​ຈ່າຍ​ເງິນ ​​​ໂດຍ​ຜູ້​ສັ່ງ​ຈ່າຍ​ສາມາດ​ລະບຸ​ຊື່, ​ເລກບັນຊີຂ​ອງຜູ້​ຮັບ​ເງິນ​ໃສ່​ໃນ​ແຊັກ ​ເພື່ອ​ຮັບປະກັນ​ວ່າການ​ຈ່າຍ​ເງິນ​ດັ່ງກ່າວ​ຈະ​ເຂົ້າ​ບັນຊີ​ຜູ້​ຮັບ​ເງິນ​ແທ້.
ເງື່ອນ​ໄຂ​ການ​ໃຊ້​ບໍລິການ
  • ລູກ​ຄ້າ​ຕ້ອງປະກອບ​ແບບ​​ຟອມ​ໂອນ​ເງິ​ນພາຍ​ໃນ​ຂອງ ທຄຕລ.
  • ລູກ​ຄ້າ​ສາມາດ​ຊື້​ແຊັກ​ເງິນສົດ​ກັບ​ທະນາຄານ​ໂດຍການ​ຈ່າຍ​ເງິນສົດ ຫລື ຫັກ​ໃນ​ບັນຊີ​​ເງິນ​ຝາກຂ​ອງລູກ​ຄ້າ.
  • ກໍລະນີລູກຄ້າມີເງິນຝາກນຳ ທຄຕລ ແມ່ນເຈົ້າຂອງບັນຊີ ຫຼື ບໍ່ແມ່ນເຈົ້າຂອງບັນຊີ ຕ້ອງປະຕິບັດຕາມເງື່ອນໄຂ ການອອກໃບແຈ້ງມີ (ຢູ່ຂ້າງເທິງນີ້).
  • ຄ່າ​ທຳ​ນຽມ​ໃນ​ການ​ອອ​ກ​ແຊັກ 15,000ກີບ /​​ 2​ໂດ​ລາ / 60ບາດ ​ຕໍ່ແຊັກ.

ຊື່ຜະລິດຕະພັນ

  ແຊັກ​ຕ່າງ​ທະນາຄານ

ຄຸນລັກສະນະ

  • ສຳລັບແຊັກ​ເງິນສົດ​ ຫຼື ແຊັກລູກ​ຄ້າທີ່​ໄດ້​ຢັ້ງຢືນ (VISA) ມາ​ຈາກ​ທະນາຄານ​ທຸລະ​ກິດ​ອື່ນໆພາຍ​ໃນ​ປະ​ເທດ ​ແມ່ນ​ແຊັກທີ່ມີ​ເງິນ​ໃນ​ບັນຊີຖືກຕ້ອງ​ຄົບ​ຖ້ວນ, ​ຊຶ່ງລູກ​ຄ້າ​ສາມາດ​ນຳ​ມາ​ມອບ​ ຫຼື ໂອນເຂົ້າບັນຊີຕາມ​ຂໍ້​ມູນ​ທີ່​ລະບຸ​ຢູ່​ໜ້າ​ແຊັກ​ໄດ້​ໂດຍ​​ບໍ່​ຈຳ​ເປັນຕ້ອງຖືເງິນສົດ​​ເຂົ້າມາມອບຢູ່​ທະນາຄານ, ​​​ມີຄວາມສະດວກ ​ແລະ ​ປອດ​ໄພ​ໃນ​ການ​ສັ່ງຈ່າຍ​ເງິນທຸກ​ຄັ້ງ.
  • ສະ​ເພາະ ວັນ​ສຸກ ​ແລະ ທ້າ​ຍ​ເດືອນ ຈະ​ເກັບ​ຊື້​ເຄິ່ງມື້​ຄື: 8:30 – 12: 00 ຫຼັງ​ຈາກ​ນັ້ນ​ຈະ​ສົ່ງ​ແຊັກ​​ໄປ​ຮຽກ​ເກັບ​ຢູ່​ສູນ​ຊຳລະ​ສະ​ສາງ BOL ​​ເວລາ 1:30.
ຜົນ​ປະ​ໂຫຍ​ດທີ່​ໄດ້​ຮັບ
  • ມີ​ຄວາມສະດວກ, ໜັ້ນ​ໃຈ ​ແລະ ປ​ອດ​ໄພ ​​ໃນ​ການ​ນຳ​ໃຊ້. ​​​
  • ຫຼຸດຜ່ອນ​ການ​​ຖອນເງິນສົດຈາກ​ທະນາຄານ​ໜຶ່ງ ​ເພື່ອ​ນຳ​​ໄປ​ມອບ​ອີກ​ທະນາຄານ​ໜຶ່ງ.
ເງື່ອນ​ໄຂ​ການ​ໃຊ້​ບໍລິການ
  • ລູກ​ຄ້າ​ຕ້ອງ​ຂຽນ​ແບບ​​ຟອມມອບ​​ແຊັກ​​ຂອງ ທຄຕລ ໂດຍໂອນເຂົ້າບັນ​ຊີ​ທີ່​ລະບຸ​ໄວ້​ຕາມໜ້າ​ແຊັກ.
  • ​​ແຊັກ​ມີ​ສະພາບ​ສົມບູນບໍ່​ເປື້ອນ, ບໍ່ຈີກຂາດ, ຈຳນວນ​ເງິນ​ເປັນ​ໂຕໜັງສື ​ແລະ ຈຳນວນ​ເງິນ​ເປັນ​ໂຕ​ເລກ ຕ້ອງ​ຊັດ​ເຈນ, ວັນ​ທີ​ເທິງໜ້າ​ແຊັກຕ້ອງຄົບ​ຖ້ວນ ​ແລະ ບໍ່​ໃຫ້ຂຽນຕົວ​ເລກ​ວັນ​ທີ​ແບບຫຍໍ້, ພາສາ​ທີ່​​ໃຊ້ຂຽນ​ເທິງ​ໜ້າ​​ແຊັກ ຕ້ອງ​ເປັນ​ພາສາ​ລາວ, ພາສາ​ຝຣັ່ງ ​ແລະ ພາສາອັງກິດ​ ຫຼື ຕາມ​ດຳລັດ​ການ​ນຳ​ໃຊ້​ແຊັກ​ພາຍ​ໃນ ​ແລະ ​ແຈ້ງ​ການ​ແຕ່ລະ​ໄລຍະ.
  • ສຳລັບແຊັກສ່ວນຕົວຕ້ອງໄດ້ຮັບການຢັ້ງຢືນຈາກທະນາຄານທີ່ຕົນເອງມີບັນຊີເງິນຝາກນຳ, ຖ້າເປັນແຊັກເງິນສົດທີ່ ທະນາຄານອອກ​ໃຫ້ ສາມາດຮັບໄດ້ໂດຍຕ້ອງກວດລາຍເຊັນທີ່ທະນາຄານນັ້ນໆ ໄດ້ຝາກໄວ້ ນຳ ທຄຕລ.
  • ຄ່າ​ທຳ​ນຽມ​ໃນ​ການມອບ​ແຊັກ (ຕາມ​ລະບຽບ ທຄຕລ  ວາງ​​ອອກ​ໃນແຕ່ລະ​ໄລຍະ).

.