BCEL i-Bank ເຮັດຫຍັງໄດ້ແດ່?
ອັບເດດລ່າສຸດເມື່ອ: 2015-03-31
BCEL i-Bank ເປັນຜະລິດຕະພັນໜຶ່ງຂອງ ທຄຕລ ມະຫາຊົນ ທີ່ຊ່ວຍໃຫ້ລູກຄ້າຂອງ ທຄຕລ ສາມາດນຳໃຊ້ການບໍລິການຕ່າງໆ ຂອງທະນາຄານ ຜ່ານລະບົບ ອິນເຕີເນັດໄດ້ຕະຫຼອດ 24 ຊົ່ວໂມງ ດ້ວຍຄວາມສະດວກສະບາຍ, ວ່ອງໄວ, ແລະ ປອດໄພ. BCEL i-Bank ໃໝ່ ມາພ້ອມກັບຄວາມສາມາດທີ່ຫຼາກຫຼາຍ ເຊັ່ນ:
- ທ່ານສາມາດເຮັດການເບີກຈ່າຍເງິນເດືອນໃຫ້ພະນັກງານດ້ວຍຕົວທ່ານເອງ ໄດ້ຢ່າງສະດວກ, ຕິດຕາມງ່າຍ ແລະ ເຫັນເງິນອອກເປັນກ້ອນດຽວ.
- ໂອນເງິນໄດ້ຫຼາຍຮູບແບບເຊັ່ນ: ໂອນເງິນຕ່າງປະເທດ, ໂອນເງິນຂ້າມທະນາຄານພາຍໃນປະເທດ, ໂອນເງິນພາຍໃນເຄືອຂ່າຍ ທຄຕລ, ໂອນເງິນເຖິງຜູ້ຮັບທີ່ບໍ່ມີບັນຊີເງິນຝາກນຳທະນາຄານ (ໂອນລອຍ).
- ການໂອນເງິນແມ່ນສາມາດຕັ້ງເວລາການໂອນລ່ວງໜ້າໄດ້ເຊັ່ນໂອນຄັ້ງດຽວ, ໂອນເປັນລາຍມື້, ລາຍອາທິດ, ລາຍເດືອນ,ລາຍປີ ແລະ ສາມາດຕິດຕາມ ຫຼື ຍົກເລີກຮອບວຽນທີ່ຕັ້ງໄວ້ໄດ້.
- ຊຳລະຄ່າໄຟຟ້າ, ຄ່ານ້ຳປະປາ, ຄ່າໂທລະສັບ ແລະ ອື່ນໆ ພ້ອມທັງສາມາດກວດເບິ່ງປະຫວັດການຊຳລະທີ່ຜ່ານມາ.
- ໜັ້ນໃຈເມື່ອເຮັດທຸລະກຳທາງການເງິນຜ່ານ BCEL i-Bank ດ້ວຍໃບຢັ້ງຢືນການເຮັດທຸລະກຳຫຼັງສຳເລັດທຸກຄັ້ງ.
- ເບິ່ງລາຍລະອຽດການເຄື່ອນໄຫວບັນຊີເຊັ່ນ: ບັນຊີເງິນຝາກປະຢັດ, ບັນຊີເງິນຝາກມີກຳນົດ, ບັນຊີິເງິນຝາກກະແສລາຍວັນ ແລະບັນຊີເງິນກູ້.
- ພີມລາຍການບັນຊີສຳຮອງ. ສາມາດສົ່ງລາຍການບັນຊີສຳຮອງເຖິງອີເມລເປັນລາຍອາທິດ, ລາຍເດືອນ.
- ຕິດຕາມການເຄື່ອນໄຫວນຳໃຊ້ ແຊັກ.
- ກວດເບິ່ງອັດຕາແລກປ່ຽນປະຈຳວັນຂອງທຸກສະກຸນເງິນໄດ້ງ່າຍດາຍ.
- ສາມາດເພີ່ມຄວາມປອດໄພ ໂດຍການແຍກສິດທິຜູ້ນຳໃຊ້ ແລະ ເພີ່ມຂັ້ນຕອນໃນການເຮັດທຸກລະກຳ ໃຫ້ມີກົນໄກການອະນຸມັດໄປຕາມສິດທິທີ່ຕັ້ງໄວ້ ແລະ ການເພິ່ມ OTP Token ເຂົ້າໃນທຸກ User ທີ່ເຮັດທຸລະກຳ ເພື່ອໃຫ້ໄດ້ຈົນເຖິງຄວາມປອດໄພທີ່ທ່ານຕ້ອງການ
- ສຳລັບລູກຄ້ານິຕິບຸກຄົນ : ອະນຸຍາດໃຫ້ມີຫລາຍ user ໃນການນຳໃຊ້ລະບົບ. ສາມາດເພີ່ມຄວາມປອດໄພ ໂດຍການແຍກສິດທິຜູ້ນຳໃຊ້ແລະ ເພີ່ມຂັ້ນຕອນໃນການເຮັດທຸກລະກຳ ໃຫ້ມີກົນໄກການອະນຸມັດໄປຕາມສິດທິທີ່ ກຳນົດໄວ້ ໂດຍທຸກລາຍການເຄື່ອນໄຫວສາມາດມີ User ຜູ້ກວດສອບ ແລະ ຜູ້ອານຸມັດ.ທຸກໆທຸລະກຳດ້ານການເງິນໄດ້ນຳໃຊ້ລະຫັດ One time password ໃນການຢືນຢັນທຸລະກຳທຸກຄັ້ງ. ທີ່ສຳຄັນທຸກໆການເຄື່ອນໄຫວລ້ວນແຕ່ມີລະບົບລາຍງານໃຫ້ຜູ້ບໍລິຫານກວດສອບໄດ້ຕະຫລອດເວລາ.
BCEL i-Bank ທຸລະກຳການທະນາຄານແບບ Online banking ຈະເຂົ້າມາຊ່ວຍບໍລິຫານເງິນຂອງທ່ານ
ບໍ່ວ່າຈະເປັນບຸກຄົນທົ່ວໄປ, ອົງກອນຂະໜາດນ້ອຍ ຫຼື ໃຫ່ຍ ເຊັ່ນ : ບັນດາກະຊວງ, ອົງກອນ, ບໍລິສັດ, ວຽກງານໂຄງການ, ທຸລະກິດໂຮງຮຽນ, ແລະ ອີກຫຼາກຫຼາຍໆທຸລະກິດ
ໃຫ້ BCEL i-Bank ເປັນອີກທາງທາງເລືອກໜື່ງເພື່ອມາຊ່ວຍໃນການບໍລິຫານເງິນຂອງທ່ານ
ທັນຍຸກ ທັນສະໄຫມ ໃຊ້ i-Bank (the bank with you)
ຂໍ້ມູນເພີ້ມຕື່ມໂທ: 1555, 021 264959 / Email: e-banking@bcel.com.la
www.bcel.com.la