Toggle navigation
ຈຸດເດັ່ນ ແລະ ຄວາມປອດໄພ
ອັບເດດລ່າສຸດເມື່ອ: 2015-03-31
ຈຸດເດັ່ນ:
ປັບໜ້າຕ່າງການໃຊ້ງ່າຍ, ກະທັດຮັດ, ຫຼຸດຂັ້ນຕອນທີ່ຫຍຸ້ງຍາກ ແລະ ມີສອງພາສາ ລາວ ແລະ ອັງກິດ.
ປະຢັດເວລາໃນການໂອນເງິນ ແລະ ໂອນໄດ້ຫຼາຍຮູບແບບເຊັ່ນ: ໂອນເງິນພາຍໃນເຂືອຄ່າຍ ທຄຕລ, ໂອນລອຍ, ໂອນເງິນຂ້າມທະນາຄານພາຍໃນ, ໂອນເງິນຕ່າງປະເທດ.
ສາມາດຕັ້ງເວລາການໂອນເງິນລ່ວງໜ້າໄດ້ເປັນ ຄັ້ງດຽວ, ລາຍມື້, ລາຍອາທິດ, ລາຍເດືອນ ແລະ ເປັນລາຍປີ.
ບໍລິຫານຈັດການ ການເບີກຈ່າຍເງິນເດືອນ Online ໃຫ້ພະນັກງານ ຫຼື ໂອນເງິນໃຫ້ຫຼາຍໆບັນຊີພ້ອມກັນ ໄດ້ດ້ວຍຕົວຂອງທ່ານເອງ ປອດໄພ, ຕິດຕາມງ່າຍ ແລະ ເຫັນເງິນອອກເປັນກ້ອນລາຍການດຽວ.
ຈ່າຍ Online ສຳລັບບິນ ຄ່າໄຟຟ້າ, ນ້ຳປະປາ, ຄ່າໂທລະສັບ ໄດ້ທຸກທີທຸກເວລາ ສາມາດກວດຍອດໜີ້, ກວດປະຫັວດການຈ່າຍຄືນຫຼັງ, ແບ່ງຈ່າຍ ຫຼື ຈ່າຍເຕັມໄດ້.
ໜັ້ນໃຈເມື່ອເຮັດທຸກທຸລະກຳການເງິນຜ່ານ i-Bank ມີໃບບິນຢັ້ງຢືນ ຫຼັງສຳເລັດທຸກຄັ້ງ.
ສາມາດຕິດຕາມເບິ່ງລາຍລະອຽດຕ່າງໆຂອງບັນຊີ ໄດ້ເຊັ່ນ: ບັນຊີຝາກປະຢັດ, ບັນຊີຝາກມີກຳນົດ, ບັນຊີິກະແສລາຍວັນ, ບັນຊີເງິນກູ້, ບັນຊີສະສົມບຳນານ ແລະ ບັນຊີສະສົມເພື່ອລູກຫຼານ.
ພີມລາຍການບັນຊີສຳຮອງ ບັນຊີຕ່າງໆ ໄດ້ຕະຫຼອດເວລາທ່ານຕ້ອງການ ແລະ ສາມາດກຳນົດວັນທີເດືອນປີໄດ້.
ຕິດຕາມການນຳໃຊ້ ແຊັກ.
ເບິ່ງອັດຕາແລກປ່ຽນປະຈຳວັນ.
ຄວາມປອດໄພຂອງລູກຄ້າ:
ສາມາດແຍກສິດທິການໃຊ້ງານ i-Bank ໃຫ້ມີການອະນຸມັດລາຍການໂດຍຜ່ານຫຼາຍຂັ້ນຕອນ ເຊັ່ນມີ: ຜູ້ສ້າງລາຍການ, ຜູ້ກວດສອບລາຍການ ແລະ ຜູ້ອະນຸມັດ ເຊິ່ງແຕ່ລະກຸ່ມມີ User ID, ລະຫັດຜ່ານ ແລະ ອຸປະກອນອອກລະຫັດ ເປັນຂອງຕົນເອງ ເພື່ອເຮັດໃຫ້ໝັ້ນໃຈໄດ້ວ່າ ລາຍການທີ່ສ້າງມາ ມີຄວາມປອດໄພສູງ.
ນຳໃຊ້ ລະຫັດ ຈາກອຸປະກອນລະຫັດ OTP Token ຫຼື OTP SMS ເຂົ້າໃນການຢັ້ງຢືນການເຮັດທຸລະກຳເພື່ອຢັ້ງຢືນຄວາມເປັນເຈົ້າຂອງທຸລະກຳ.
ນຳໃຊ້ເທັກໂນໂລຊີ SSL ເວີຊັ້ນລ່າສຸດຂອງ VeriSign ໃນການເຂົ້າລະຫັດຂໍ້ມູນລູກຄ້າ ເມື່ອສື່ສານຜ່ານລະບົບ Online.
ມີ Audit Detail ເພື່ອຕິດຕາມລາຍການທຸລະກຳ ທີ່ໃຫ້ທ່ານກວດກາໄດ້ທຸກຂັ້ນຕອນວ່າ ໃຜເປັນຄົນສ້າງລາຍການໂອນ, ໃຜເປັນຄົນອະນຸມັດ ລາຍການໂອນ, ເວລາໃດ ແລະ ສະຖານະຂອງລາຍການດັ່ງກ່າວ.
ມີ Call Center ທີ່ຮັບຟັງຂໍ້ຄິດເຫັນ ແລະ ຮັບແກ້ໄຂບັນຫາລູກຄ້າ ໃນກໍລະນີເກີດຂໍ້ຜິດພາດໃນການນຳໃຊ້ BCEL i-Bank ໄດ້ທັນສະພາບການ ຫຼັງໄດ້ຮັບການແຈ້ງຈາກລູກຄ້າ.