ໜັງສືແຈ້ງເຊີນ

ເຖິງ:   ບັນດາບໍລິສັດ ຫ້າງຮ້ານຕົວແທນຈໍາໜ່າຍເຄື່ອງໄອທີ ໃນນະຄອນຫຼວງວຽງຈັນ.

ເລື່ອງ: ​ແຈ້ງເຊີນເຂົ້າຮ່ວມຍື່ນຊອງປະມູນລາຄາເຄື່ອງຮູດບັດ Smart POS ຈຳນວນ 1,000 ເຄື່ອງ.

ທະນາຄານການຄ້າຕ່າງປະເທດລາວ ມະຫາຊົນ ຂໍແຈ້ງມາຍັງບັນດາບໍລິສັດ ແລະ ຫ້າງຮ້ານຕົວແທນຈຳ     ໜ່າຍເຄື່ອງໄອທີຊາບວ່າ ທຄຕລ ມີຄວາມຕ້ອງການ ເຄື່ອງຮູດບັດ Smart POS ຈຳນວນ 1,000 ເຄື່ອງ, ເພື່ອມານຳໃຊ້ເຂົ້າໃນວຽກງານວິຊາສະເພາະຂອງ ທະນາຄານ, ຈຶ່ງໄດ້ແຈ້ງເຊີນມາຍັງທ່ານເພື່ອຍືນຊອງເຂົ້າຮ່ວມປະມູນລາຄາ ດັ່ງມີລາຍລະອຽດຂ້າງລຸ່ມນີ້:

• SmartPOS Terminal:

• 6.745" TFT HD+ 720x1600, IPS Capacitive multi-touch Display
• Omni-channel Payment Supported
• Dual Camera for 1D/2D Code Scanning
• Complete Wireless with 4G and WiFi

• ພ້ອມທັງມີ:  ASmart OS  Bank, Card support, High Performance Processor, 1D/2D Code Reader, Printer, 4G connectivity

• Hardware Specs:

• :

• ຕ້ອງເປັນຕົວແທນຈໍາໜ່າຍທີ່ໄດ້ ຮັບອະນຸຍາດຈາກບໍລິສັດ New POS Technology Limited ຢ່າງ    ໜ້ອຍ 1 ປີ;
• ສາມາດເຂົ້າເຖິງວິຊາການລະບົບເຕັກນິກຂອງເຄື່ອງຮັບບັດໂຮງງານໄດ້ໂດຍກົງ ແລະ ມີການຊັບພອດ ພັດທະນາລະບົບເຄື່ອງຮູດຈາກໂຮງງານ;
• ຕ້ອງ ສາມາດສະໜອງ Surnia Terminal application & Managmenet Platform ໃຫ້ແກ່ ທຄຕລ ໄດ້
• ສາມາດສະໜັບສະໜູນເຕັກນິກການເຊື່ອມຕໍ່ຮອງຮັບບັດປະເພດຕ່າງໆຂອງ ທຄຕລ ໃນເຄື່ອງຮັບບັດໄດ້ສະດວກ ແລະ ສະດວກໃນການປະສານງານ;
• ຮັບຜິດຊອບການໃຊ້ຈ່າຍ training ພາຍໃນປະເທດ ຫຼື ຕ່າງປະເທດ ແລະ ຕ້ອງໄດ້ເອົາວິສະວະກອນຈາກ ໂຮງງານມາຝຶກໃຫ້ ຫຼື ນໍາເອົາທີມງານ BCEL ຢ່າງໜ້ອຍ 3 ຄົນ,  ໄປຝຶກອົບຮົມຢູ່ໂຮງງານປີລະຄັ້ງໃນຊ່ວງໄລຍະຮັບປະກັນ;
• ສາມາດສະໜອງອາໄຫຼ່ອຸປະກອນເຄື່ອງດັ່ງກ່າວໃນກໍລະນີເຄື່ອງເປ່ເພຕ້ອງການສ້ອມແປງ ແລະ ປ່ຽນແທນ;

• ເອກະສານ ຊອງທີ 1:  

1. ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດຈໍາໜ່າຍເຄື່ອງອຸປະກອນໄອທີ, ດຳເນີນທຸລະກິດ ຢ່າງໜ້ອຍ 03 ປີຂຶ້ນໄປ, ສໍາເນົາໃບທະບຽນວິສາຫະກິດ, ໃບຢັ້ງຢືນການເສຍອາກອນປີ 2022 - 2024.  
2. ເອກະສານລາຍລະອຽດສະເປັກສິນຄ້າ, ການຮັບປະກັນສິນຄ້າ, ໄລຍະເວລາການຈັດສົ່ງສິນຄ້າ ແລະ ຂໍ້ມູນຕ່າງໆ ຕາມ format ທີ່ຕິດຄັດມາພ້ອມນີ້.
3. ເອກະສານຂ້າງເທິງແມ່ນໃຫ້ຍື່ນກ່ອນ ວັນສຸກ ວັນທີ 06/06/2025 ເວລາ 11:00 ໂມງ ໂດຍການສົ່ງຟາຍເຂົ້າ E-mail: procurement@bcel.com.la   ແລະ ເອກະສານສະບັບແທ້ ເພື່ອກວດສະເປັກ ມາທີ່ ຂາອອກ-ຂາເຂົ້າ ພະແນກຫ້ອງການບໍລິຫານ-ການເງິນ ຊັ້ນ 4, ຕຶກ C.

• ເອກະສານ ຊອງທີ 2: (ປິດຊອງ)

1. ໃບສະເໜີລາຄາໃຫ້ລະບຸລາຄາຫົວໜ່ວຍແຕ່ລະລາຍການໃຫ້ລະອຽດ ແລະ ຕ້ອງລວມມູນຄ່າອາກອນທັງໝົດເປັນສະກຸນເງິນກີບໃຫ້ຄົບຖ້ວນ.
2. ຜູ້ສະໜອງຕ້ອງວາງເງິນຄໍ້າປະກັນການປະມູນຕໍ່າສຸດ 10% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກໂດຍທະນາຄານພາຍໃນ (ວັນໝົດອາຍຸໜັງສືຄໍ້າປະກັນຕ້ອງເຖິງ ວັນທີ 24/09/2025) ຫຼື ແຊັກທີ່ວີຊ້າແລ້ວ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນ.
3. ໃນວັນອັງຄານ ວັນທີ 24/06/2025 ເວລາ 09:00 ໂມງ ແມ່ນມື້ເປີດຊອງປະມູນ ສະນັ້ນ, ໃຫ້ຜູ້ສະໜອງທີ່ຜ່ານການຄັດເລືອກຈາກເອກະສານຊອງທີ 1 ມາຍື່ນຊອງລາຄາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມຊັ້ນ 5 ອາຄານ C.

• ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ.

5. ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

1. ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ແລະ ຮັບຜິດຊອບຄ່າທຳນຽມໃນການຈົດທະບຽນສັນຍາ.
2. ຖ້າຜູ້ຊະນະການປະມູນປະຕິເສດການເຊັນສັນຍາ ແມ່ນຕ້ອງຮັບຜິດຊອບຄ່າເສຍຫາຍໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ.

• ການຊໍາລະຈະແບ່ງຈ່າຍເປັນ 02 ງວດ ລຸ່ມນີ້:

• ງວດທີ 1: ຊໍາລະ 90% ຂອງມູນຄ່າ ພາຍໃນ 25 ວັນ ລັດຖະການ ພາຍຫຼັງໄດ້ຮັບເຄື່ອງ, ທົດລອງການຕິດຕັ້ງສຳເລັດ ແລະ ກວດກາຄວາມຖືກຕ້ອງຈາກຄະນະກຳມະການຕິດຕາມກວດກາ.
• ງວດທີ 2: ຊໍາລະ 10% ຂອງມູນຄ່າ ພາຍຫຼັງຄົບກໍານົດການຄໍ້າປະກັນຄຸນະພາບສິນຄ້າ 06 ເດືອນ.

ດັ່ງນັ້ນ, ຈຶ່ງອອກແຈ້ງເຊີນມາຍັງທ່ານທີ່ມີຄວາມສົນໃຈເຂົ້າຮ່ວມຍືນຊອງປະມູນໃນຄັ້ງນີ້.

                                                                                     ຜູ້ອຳນວຍການ