ໜັງສືແຈ້ງເຊີນ

ເພື່ອຄັດເລືອກບໍລິສັດທີ່ປຶກສາດ້ານບັນຊີ  ເຂົ້າມາຊ່ວຍນໍາພາຈັດຕັ້ງປະຕິບັດ

ໂຄງການຫັນການຈັດຕັ້ງປະຕິບັດມາດຕະຖານສາກົນ ດ້ານການລາຍງານການເງິນແບບເຕັມສ່ວນຂອງ ທຄຕລ

ທະນາຄານການຄ້າຕ່າງປະເທດລາວ ມະຫາຊົນ ຂໍແຈ້ງມາຍັງບັນດາບໍລິສັດ​ທີ່ປຶກສາບັນຊີ ​ເພື່ອເຂົ້າຮ່ວມສະ ເໜີລາຄາ ໂຄງການຫັນການຈັດຕັ້ງປະຕິບັດມາດຕະຖານສາກົນ ດ້ານການລາຍງານການເງິນແບບເຕັມສ່ວນ (IFRS full version)  ຂອງ ທຄຕລ, ໂດຍອະນຸຍາດໃຫ້ທຸກໆບໍລິສັດທີ່ປຶກສາບັນຊີ ທີ່ມີຄຸນນະວຸດທິເໝາະສົມ ແລະ ຄົບເງື່ອນໄຂ ເຂົ້າຮ່ວມ ດັ່ງນີ້:

• ເປັນ​ບໍລິສັດ​ທີ່​ໄດ້​ມາດຕະຖານ ແລະ ​ເປັນ​ທີ່​ຍອມຮັບໃນລະດັບສາກົນ.
• ມີໃບອະນຸຍາດດໍາເນີນທຸລະກິດຢູ່ ສປປ ລາວ ຢ່າງຖືກຕ້ອງຕາມກົດໝາຍ.
• ໄດ້​ຮັບການຮັບຮອງ​ຈາກ​ສໍານັກງານ​ຄະນະ​ກໍາມະການ​ຄຸ້ມ​ຄອງ​ຫຼັກຊັບ (ສຄຄຊ) ​ໃຫ້​ສາມາດ​ກວດ​ສອບ​ບັນຊີຂອງບໍລິສັດ​ທີ່ຈົດ​ທະບຽນ​ໃນ​ຕະຫຼາດຫຼັກຊັບລາວ.

• ເງື່ອນໄຂຂອງບໍລິສັດທີ່ປຶກສາດ້ານບັນຊີ ທີ່ມີຄວາມຕ້ອງການຍື່ນຊອງປະມູນຕ້ອງປະກອບດັ່ງນີ້:

5. ເອກະສານຊອງທີ 1 (ບໍ່ປິດຊອງ):

1. ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດບໍລິສັດ ທີປຶກສາບັນຊີ, ຕ້ອງມີວິຊາການສະເພາະ ແລະ ດຳເນີນທຸລະກິດຢ່າງໜ້ອຍ 03 ປີຂຶ້ນໄປ, ສໍາເນົາໃບທະບຽນວິສາຫະກິດ, ໃບຢັ້ງຢືນການເສຍອາ ກອນປີ 2024-2025.
2. ບໍລິສັດ​ກວດສອບທີ່ມີຄວາມສົນໃຈ ແລະ ມີເງື່ອນໄຂຄົບຖ້ວນຕາມທີ່ລະບຸໄວ້ຂ້າງເທິງສາມາດ ເຂົ້າມາພົວ ພັນເອົາຂໍ້ມູນ (TOR) ໄດ້ທີ່ ທຄຕລ ສໍານັກງານໃຫຍ່ ຊັ້ນ 4 ຕຶກ C, ຫ້ອງຂາອອກ-ຂາເຂົ້າ, ເລີ່ມແຕ່ມື້ນີ້ ເຖິງວັນທີ 30/06/2025 ເວລາ 08:30 - 15:30 ໂມງ.
3. ບໍລິສັດທີ່ເຂົ້າຮ່ວມປະມູນຈະຕ້ອງເຂົ້າມານໍາສະເໜີ ແຜນວຽກການຈັດຕັ້ງປະຕິບັດວຽກຂອງຕົນ ໃນລະ ຫວ່າງວັນທີ 01-08/07/2025;
4. ກຳນົດຍື່ນຊອງລາຍລະອຽດໜ້າວຽກ ແລະ ຂໍ້ມູນຕ່າງໆ ແມ່ນໃຫ້ຍື່ນກ່ອນ ວັນສຸກ, ທີ 11/07/2025 ເວລາ 11:00 ໂມງ ໂດຍການສົ່ງຟາຍເຂົ້າ E-mail: procurement@bcel.com.la

5. ເອກະສານຊອງທີ 2 (ປິດຊອງ):

1. ໃບສະເໜີລາຄາໃຫ້ລະບຸລາຄາ ແລະ ລວມມູນຄ່າອາກອນທັງໝົດ ເປັນສະກຸນເງິນກີບໃຫ້ຄົບຖ້ວນ.
2. ໃນວັນອັງຄານ, ທີ 15/07/2025 ເວລາ 09:00 ໂມງ ແມ່ນມື້ເປີດຊອງປະມູນ ໃຫ້ບໍລິສັດຜູ້ບໍລິການຕ້ອງຖືຊອງໃບສະເໜີລາຄາມາດ້ວຍຕົນເອງ ຫຼື ສົ່ງຜູ້ຕາງໜ້າທີ່ໄດ້ຮັບມອບສິດຢ່າງເປັນລາຍລັກອັກສອນເຂົ້າຮ່ວມທີ່ຫ້ອງປະຊຸມໃຫຍ່ດອກຄູນ ຊັ້ນ 5 ຕຶກ C.
3. ຜູ້ສະໜອງຕ້ອງ​ລະບຸລາຍລະອຽດ, ​ເງື່ອນ​ໄຂ​ຕ່າງໆ ມາ​ໃຫ້​ຄົບ​ຖ້ວນ ​ແລະ ​ໃຫ້ກົງ​ກັບ​ຄວາມ​ຕ້ອງການ​ໃນ​ຂ້າງ​ເທິງ​ນັ້ນ.
4. ຜູ້ສະໜອງຕ້ອງວາງເງິນຄໍ້າປະກັນການປະມູນຢ່າງໜ້ອຍ 10% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກໂດຍທະນາຄານພາຍໃນ (ວັນໝົດອາຍຸໜັງສືຄໍ້າປະກັນຕ້ອງເຖິງ ວັນທີ 15/10/2025) ຫຼື ແຊັກທີ່ວີຊ້າແລ້ວ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນພາຍໃນ 15 ວັນ; ແຊັກ ຫຼື ໜັງສືຄໍ້າປະກັນການປະມູນແມ່ນໃຫ້ແຍກຊອງ ອອກຈາກຊອງໃບສະເໜີລາຄາ.

5. ໝາຍເຫດ:

• ທຄຕລ ຂໍສະຫງວນສິດປະຕິເສດ ຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳ ນົດຂ້າງເທິງ.
• ການຄັດເລືອກບໍ່ໄດ້ກຳນົດເງື່ອນໄຂເລືອກ ຈາກລາຄາພຽງຢ່າງດຽວ, ແຕ່ຈະອີງໃສ່ປະສົບການ ແລະ ຄວາມ ຊໍານານງານ ແລະ ອື່ນໆທີ່ກ່ຽວຂ້ອງ.

5. ເງື່ອນໄຂຂອງສັນຍາລະຫວ່າງ ທຄຕລ ແລະ ບໍລິສັດຜູ້ບໍລິການທີ່ຊະນະການປະມູນ:

• ຖ້າຜູ້ຊະນະການປະມູນປະຕິເສດການເຊັນສັນຍາ ຫຼື ບໍ່ຍື່ນເງິນຄໍ້າປະກັນການປະຕິບັດສັນຍາ ຜູ້ຊະນະການປະມູນຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ.

• ຜູ້ຊະນະການປະມູນຕ້ອງໄດ້ເຊັນສັນຍາກັບ ທຄຕລ ແລະ ຮັບຜິດຊອບຄ່າທຳນຽມໃນການຈົດທະບຽນສັນຍາ.
• ການຊໍາລະຄ່າບໍລິການຈະຈ່າຍເປັນງວດ ອີງຕາມໜ້າວຽກທີ່ສໍາເລັດ ພາຍຫຼັງການໃຫ້ບໍລິການແຕ່ລະຄັ້ງ ແລະ ໄດ້ຮັບການຢັ້ງຢືນຈາກ ທຄຕລ.

                                                                                ຜູ້ອຳນວຍການ

ທ່ານ ພອນນະລັດ ກອງວົງສາ ໂທ 020 22 223 455

ທ່ານ ຈອນນີ ວໍລະຈັກໂທ 020 22 314 894