ໜັງສືແຈ້ງເຊີນປະມູນ

•           ເຖິງ: ບັນດາບໍລິສັດ ແລະ ວິສາຫະກິດ ທໍາຄວາມສະອາດ ທີ່ນັບຖື.
•           ເລື່ອງ: ແຈ້ງເຊີນເຂົ້າຮ່ວມຍື່ນຊອງປະມູນລາຄາທໍາຄວາມສະອາດຕູ້ ATM.

            ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍຖືເປັນກຽດແຈ້ງເຊີນມາຍັງບັນດາ ບໍລິສັດ ແລະ ວິສາຫະກິດ ທໍາຄວາມສະອາດ ກ່ຽວກັບການສະເໜີເງື່ອນໄຂ ແລະ ຂັ້ນຕອນໃນການປະກອບເອກະສານຍື່ນຊອງປະມູນລາຄາທໍາຄວາມສະອາດຕູ້ ATM ຂອງ ທຄຕລ ຢູ່ພາຍໃນນະຄອນຫຼວງວຽງຈັນ ດັ່ງລາຍລະອຽດລຸ່ມນີ້:

1. ລາຍການໜ້າວຽກປະກອບມີ

1. ເຊັດຝຸ່ນ ແລະ ຄາບເປື້ອນຢູ່ອ້ອມຮອບຕູ້ ແລະ ຈໍຕູ້ ATM;
2. ເຊັດແກ້ວຂ້າງດ້ານໃນ ແລະ ດ້ານນອກ;
3. ປັດກວາດ ແລະ ອະນາໄມພື້ນຢຽບດ້ານໃນ ແລະ ດ້ານນອກ ພ້ອມອ້ອມຮອບຕູ້;
4. ປັດໄຍແມງມູມດ້ານໃນ ແລະ ດ້ານນອກ ພ້ອມອ້ອມຮອບຕູ້;
5. ມ້ຽນຂີ້ເຫຍື້ອທີ່ລູກຄ້າຖີ້ມບໍລິເວນຕູ້;
6. ຕັດງ່າໄມ້ທີ່ເຕື່ອຍລົງມາໃສ່ຕູ້ (ຖ້າມີ);
7. ອະນາໄມບໍລິເວນຕູ້ໃຫ້ມີຄວາມສະອາດຈົບງາມ;
8. ຕ້ອງປະຕິບັດວຽກ ວັນຈັນ-ວັນເສົາ ມື້ລະຄັ້ງ ກໍລະນີເປື້ອນ ຕ້ອງໄດ້ໄປອານາໄມຕື່ມ;
2. ຈໍານວນຂອງຕູ້ ATM

ປະຈຸບັນປະກອບມີທັງໝົດ 52 ຕູ້ ດັ່ງລຸ່ມນີ້:

3. ເງື່ອນໄຂການປະກອບເອກະສານການປະມູນ

1. ເອກະສານຊອງມີ 1 (ບໍ່ປິດຊອງ)

1. ປະກອບເອກະສານໃນນາມນິຕິບຸກຄົນ ທີ່ດໍາເນີນທຸລະກິດ (ສໍາເນົາໃບທະບຽນວິຫາສາຫະກິດ, ໃບຢັ້ງຢືນການເສຍອາກອນ ປີ 2024 ແລະ ໃບອະນຸຍາດດໍາເນີນທຸລະກິດ);
2. ເອກະສານກ່ຽວກັບມາດຕະຖານໃຫ້ລະບຸຄົບຖ້ວນກ່ຽວກັບວັດສະດຸ, ຍີ່ຫໍ້/ລຸ້ນ ຂອງນໍ້າຢາທໍາຄວາມສະອາດທີ່ຈະນໍາໃຊ້, ຜ້າແພທີ່ນໍາໃຊ້, ວິທີການປະຕິບັດວຽກ ເຊິ່ງບໍລິສັດຕ້ອງຮັບຜິດຊອບຖົງຢາງໃສ່ຂີ້ເຫຍື້ອ, ອຸປະກອນຮັບໃຊ້ທໍາຄວາມສະອາດ ແລະ ພາຫະນະເດີນທາງໄປແຕ່ລະຈຸດເອງ.
3. ຄຸນວຸດທິຂອງບໍລິສັດ ແລະ ປະສົບການທີ່ເຮັດວຽກດັ່ງກ່າວ ຫຼື ວຽກທີ່ຄ້າຍຄືລັກສະນະດຽວກັນ;
4. ກໍານົດຍື່ນຊອງມາດຕະຖານເຕັກນິກ ຈະປິດຮັບວັນທີ 13/02/2026 ເວລາ 15:30 ໂມງ ທີ່ພະແນກຫ້ອງການບໍລິຫານ-ການເງິນ ທຄຕລ ສໍານັກງານໃຫຍ່ ທີ່ປ່ອງຂາອອກ-ຂາເຂົ້າ ອາຄານ C ຊັ້ນ 4.

2. ເອກະສານຊອງທີ 2 (ປິດຊອງ)

1. ໃບສະເໜີ ຕ້ອງລະບຸແຍກເປັນລາຄາຕໍ່ໜ່ວຍຕໍ່ເດືອນ ແລະ ຕໍ່ປີ ພ້ອມທັງສະແດງລາຄາລວມອາກອນມູນຄ່າ ທັງໝົດເປັນສະກຸນເງິນກີບໃຫ້ຄົບຖ້ວນ;
2. ໃນວັນທີ 17/02/2026 ເວລາ 9:00 ໂມງ ແມ່ນມື້ເປີດຊອງປະມູນ ແຈ້ງໃຫ້ບໍລິສັດຈະຕ້ອງຖືຊອງລາຄາມາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມອາຄານ C ຊັ້ນ 5 ຫ້ອງ 5/2;
3. ຜູ້ຮັບເໝົາ ຕ້ອງວາງເງິນຄໍ້າປະກັນການປະມູນຕໍ່າສຸດ 10% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກໃຫ້ໂດຍທະນາຄານພາຍໃນ (ວັນໝົດອາຍຸໜັງສືຄໍ້າປະກັນຕ້ອງເຖິງວັນທີ 17/05/2026) ຫຼື ແຊັກທີ່ວີຊ່າແລ້ວ (ທຄຕລ ບໍ່ຮັບເງິນສົດ) ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນ.

4. ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ຊະນະການປະມູນ

1. ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ໄລຍະເວລາ 02 ປີ ນັບແຕ່ວັນທີ 01/04/2026-31/03/2028  ແລະ ຄ່າທໍານຽມໃນການຈົດທະບຽນສັນຍາ ແມ່ນຄວາມຮັບຜິດຊອບຂອງຜູ້ຮັບເໝົາ;
2. ການຊໍາລະຄ່າບໍລິການແມ່ນເປັນສະກຸນເງິນກີບເປັນລາຍເດືອນລວມອາກອນມູນຄ່າເພີ່ມ ຕາມຈໍານວນຕູ້ ATM ທີ່ໄດ້ອານາໄມຕົວຈິງ.

ດັ່ງນັ້ນ, ຈຶ່ງອອກແຈ້ງເຊີນມາຍັງທ່ານທີ່ມີຄວາມສົນໃຈເຂົ້າຮ່ວມຍື່ນຊອງປະມູນໃນຄັ້ງນີ້ດ້ວຍ.

                                                                                   ຜູ້ອໍານວຍການ

ຜູ້ປະສານງານ:

ທ່ານ ພູວອນ ສໍອິນໄຊ 020 5955 9889

ທ້າວ ຄໍາຫຼ້າ ເພັດມີໄຊ 020 77777096