ໜັງສືແຈ້ງເຊີນ

ຄັດເລືອກບໍລິສັດກວດສອບເອກະສານລາຍງານການເງິນ ທຄຕລ

ປະຈໍາປີ 2026-2028

ທະນາຄານການຄ້າຕ່າງປະເທດລາວ ມະຫາຊົນ ຂໍແຈ້ງມາຍັງບັນດາບໍລິສັດ​ທີ່ປຶກສາກວດສອບ ​ເພື່ອເຂົ້າຮ່ວມສະເໜີລາຄາ ຄ່າບໍລິການກວດສອບເອກະສານລາຍງານການເງິນ ທຄຕລ ປະຈຳປີ 2026-2028, ໂດຍອະນຸຍາດໃຫ້ທຸກໆບໍລິສັດທີ່ກວດສອບ ທີ່ມີຄຸນນະວຸດທິເໝາະສົມ ແລະ ຄົບເງື່ອນໄຂ ເຂົ້າຮ່ວມ ດັ່ງນີ້:

• ເປັນ​ບໍລິສັດ​ທີ່​ໄດ້​ມາດຕະຖານ ແລະ ​ເປັນ​ທີ່​ຍອມຮັບ​​ຂອງສາກົນ.
• ມີໃບອະນຸຍາດດໍາເນີນທຸລະກິດຢູ່ ສປປ ລາວ ຢ່າງຖືກຕ້ອງຕາມກົດໝາຍ.
• ໄດ້​ຮັບການອະນຸຍາດ​ຈາກ​ສໍານັກງານ​ຄະນະ​ກໍາມະການ​ຄຸ້ມ​ຄອງ​ຫຼັກຊັບ (ສຄຄຊ) ​ໃຫ້​ສາມາດ​ກວດ​ສອບ​ບໍລິສັດ​ຈົດ​ທະບຽນ​ໃນ​ຕະຫຼາດຫຼັກຊັບ.

• ເງື່ອນໄຂຂອງບໍລິສັດກວດສອບ ທີ່ມີຄວາມຕ້ອງການຍື່ນຊອງປະມູນຕ້ອງປະກອບດັ່ງນີ້:

5. ເອກະສານຊອງທີ 1 (ບໍ່ປິດຊອງ):

1. ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດບໍລິສັດກວດສອບ, ຕ້ອງມີວິຊາການສະເພາະ ແລະ ດຳເນີນທຸລະກິດຢ່າງໜ້ອຍ 03 ປີຂຶ້ນໄປ, ສໍາເນົາໃບທະບຽນວິສາຫະກິດ, ໃບຢັ້ງຢືນການເສຍອາກອນປີ 2024-2025.
2. ບໍລິສັດ​ກວດສອບທີ່ມີຄວາມສົນໃຈ ແລະ ມີເງື່ອນໄຂຄົບຖ້ວນຕາມທີ່ລະບຸໄວ້ຂ້າງເທິງສາມາດ ເຂົ້າມາພົວພັນເອົາຂໍ້ມູນ (TOR) ໄດ້ທີ່ ທຄຕລ ສໍານັກງານໃຫຍ່ ຊັ້ນ 4 ຕຶກ C, ຫ້ອງຂາອອກ-ຂາເຂົ້າ, ເລີ່ມແຕ່ວັນທີ 16/02/2026 ຫາວັນທີ 20/02/2026 ເວລາ 08:30 ໂມງ ຫາເວລາ 15:30 ໂມງ.
3. ກຳນົດຍື່ນຊອງລາຍລະອຽດໜ້າວຽກ ແລະ ຂໍ້ມູນຕ່າງໆ ແມ່ນໃຫ້ຍື່ນກ່ອນ ວັນອັງຄານ ວັນທີ 03/03/2026 ເວລາ 15:00 ໂມງ ໂດຍການສົ່ງຟາຍເຂົ້າ E-mail: procurement@bcel.com.la

5. ເອກະສານຊອງທີ 2 (ປິດຊອງ):

1. ໃບສະເໜີລາຄາໃຫ້ລະບຸລາຄາ ແລະ ລວມມູນຄ່າອາກອນທັງໝົດເປັນສະກຸນເງິນກີບໃຫ້ຄົບຖ້ວນ.
2. ໃນວັນອັງຄານ ວັນທີ 17/03/2026 ເວລາ 09:00 ໂມງ ແມ່ນມື້ເປີດຊອງປະມູນ ໃຫ້ບໍລິສັດຜູ້ບໍລິການຕ້ອງຖືຊອງໃບສະເໜີລາຄາມາດ້ວຍຕົນເອງ ຫຼື ສົ່ງຜູ້ຕາງໜ້າທີ່ໄດ້ຮັບມອບສິດຢ່າງເປັນລາຍລັກອັກສອນເຂົ້າຮ່ວມທີ່ຫ້ອງປະຊຸມໃຫຍ່ດອກຄູນ ຊັ້ນ 5 ຕຶກ C.
3. ບໍລິສັດ​ຜູ້​ບໍລິການຕ້ອງ​ລະບຸລາຍລະອຽດ, ​ເງື່ອນ​ໄຂ​ຕ່າງໆ ມາ​ໃຫ້​ຄົບ​ຖ້ວນ ​ແລະ ​ໃຫ້ກົງ​ກັບ​ຄວາມ​ຕ້ອງການ​ໃນ​ຂ້າງ​ເທິງ​ນັ້ນ.
4. ບໍລິສັດ ຜູ້ບໍລິການຕ້ອງວາງເງິນຄໍ້າປະກັນການປະມູນຕໍ່າສຸດ 10% ຂອງມູນຄ່າທັງໝົດ ແລະ ໜັງສືຄໍ້າປະກັນດັ່ງກ່າວຕ້ອງອອກໂດຍທະນາຄານພາຍໃນປະເທດລາວ ແລະ ແຍກຊອງຂອງໃຜມັນ ບໍ່ໃຫ້ໃສ່ຊອງດຽວກັນນຳໃບສະເໜີລາຄາ (ວັນໝົດອາຍຸໜັງສືຄໍ້າປະກັນຕ້ອງເຖິງ ວັນທີ 17/06/2026) ຫຼື ແຊັກທີ່ວີຊ້າແລ້ວ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນ.

5. ໝາຍເຫດ:

• ທຄຕລ ຂໍສະຫງວນສິດ ປະຕິເສດບໍລິສັດຜູ້ບໍລິການທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ.
• ການຄັດເລືອກບໍ່ໄດ້ກຳນົດເງື່ອນໄຂເລືອກຈາກລາຄາພຽງຢ່າງດຽວ, ແຕ່ຈະອີງໃສ່ປະສົບການ ແລະ ຄວາມ ຊໍານານງານ ແລະ ອື່ນໆທີ່ກ່ຽວຂ້ອງ.
• ແຊັກ ຫຼື ໜັງສືຄໍ້າປະກັນການປະມູນແມ່ນໃຫ້ແຍກຊອງ.

5. ເງື່ອນໄຂຂອງສັນຍາລະຫວ່າງ ທຄຕລ ແລະ ບໍລິສັດຜູ້ບໍລິການທີ່ຊະນະການປະມູນ:

• ຖ້າຜູ້ຊະນະການປະມູນປະຕິເສດການເຊັນສັນຍາ ຫຼື ບໍ່ຍື່ນເງິນຄໍ້າປະກັນການປະຕິບັດສັນຍາ ຜູ້ຊະນະການປະມູນຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ.

• ຜູ້ຊະນະການປະມູນຕ້ອງໄດ້ເຊັນສັນຍາກັບ ທຄຕລ ແລະ ຮັບຜິດຊອບຄ່າທຳນຽມໃນການຈົດທະບຽນສັນຍາ.

• ການຊໍາລະຄ່າບໍລິການຈະຈ່າຍເປັນງວດ ອີງຕາມໜ້າວຽກທີ່ສໍາເລັດ ພາຍຫຼັງການໃຫ້ບໍລິການແຕ່ລະຄັ້ງ ແລະ ໄດ້ຮັບການຢັ້ງຢືນຈາກ ທຄຕລ.

                                                                                ຜູ້ອຳນວຍການ

ທ່ານ ນ. ມາລີຕາ ຈຳລອງເພັດ ໂທ 020 5679 6265