ຂ່າວສານ ເຊີນເຂົ້າຮ່ວມການປະມູນລາຄາ ອອກແບບ-ຜະລິດປະຕິທິນ ທຄຕລ ປະຈຳປີ 2027

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນ

ເຖິງ: ບັນດາ ບໍລິສັດ/ຜູ້ສະໜອງ ຢູ່ພາຍໃນນະຄອນຫຼວງວຽງຈັນ.

ເລື່ອງ: ເຊີນເຂົ້າຮ່ວມການປະມູນລາຄາ ອອກແບບ-ຜະລິດປະຕິທິນ ທຄຕລ ປະຈຳປີ 2027.

ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍແຈ້ງມາຍັງບັນດາ ບໍລິສັດ/ຜູ້ສະໜອງ ທີ່ມີຄວາມສົນໃຈເຂົ້າຮ່ວມປະມູນລາຄາ ອອກແບບ-ຜະລິດປະຕິທິນ ປະຈຳປີ 2027 ໃຫ້ ທຄຕລ ຕາມລາຍລະອຽດໜ້າວຽກລຸ່ມນີ້:

ລ/ດ	ລາຍການ	ໜ້າວຽກ
I	ຈັດທຳ-ອອກແບບປະຕິທິນ	ຄິດ Concept ປະຕິທິນ. ອອກແບບຊຸດແຕ່ງກາຍຂອງນາງສາວປະຕິທິນ (ຂຶ້ນກັບຄອນເຊັບ). ເຄື່ອງປະດັບ (ຂຶ້ນກັບຄອນເຊັບ). ຊ່າງແຕ່ງໜ້ານາງສາວປະຕິທິນ. ສະຖານທີ່ຖ່າຍທໍາ Location (ຂຶ້ນກັບຄອນເຊັບ). ຖ່າຍທໍາ-ຖ່າຍຮູບນາງສາວປະຕິທິນ. ປະສານ-ຊອກຫາປະຕິທິນລາວ ພສ 2569-2570 (ປີ 2027). ອອກແບບ, ຈັດໜ້າວັນເດືອນປີ (ວັນສິນ ແລະ ວັນສໍາຄັນຂອງຊາດ). ຜ່ານແບບປະຕິທິນ ນຳກະຊວງຖະແຫຼ່ງຂ່າວ-ວັດທະນະທໍາ.
II	ຈັດພິມ	ຈັດພິມປະຕິທິນ ທຄຕລ
	ປະຕິທິນແຂວນຝາ	ຈຳນວນ 40,000 ອັນ. ຂະໜາດ: 45*70 cm (2 ເດືອນ/ໜ້າ), ເຈ້ຍໜາ 160 ແກຼມ. ພິມ 4 ສີ: ພິມ 1 ໜ້າ/ໃບ, ທັງໝົດ 7 ໃບ/ຊຸດ ລວມໜ້າປົກ. ໃສ່ຢ່ວງສີຂາວ ເຕັມຫົວ. ການຫຸ້ມຫໍ່: ແຕ່ລະອັນກໍ້ໃສ່ຖົງຢາງໃສ, 50 ອັນ/ແກັດ, ລະບຸລາຍລະອຽດສິນຄ້າໃສ່ທຸກໆໜ້າແກັດ.
	ປະຕິທິນຕັ້ງໂຕະ	ຈຳນວນ 70,000 ອັນ. ຂະໜາດໃບປະຕິທິນ: 17219 cm (2 ເດືອນ/ໜ້າ), ໜາ 200 ແກຼມ. ຂະໜາດຖານຕັ້ງສີແດງ: 18,5219 cm, ໜາ 1,200 ແກຼມ. ພິມ 4 ສີ: ພິມ 2 ໜ້າ/ໃບ, ທັງໝົດ 7 ໃບ/ຊຸດ ລວມໜ້າປົກ. ໃສ່ຢ່ວງສີຂາວ ເຕັມຫົວ. ການຫຸ້ມຫໍ່: 50 ອັນ/ແກັດ, ລະບຸລາຍລະອຽດສິນຄ້າ ໃສ່ທຸກໆໜ້າແກັດ.
ໝາຍເຫດ: ຜູ້ສະໜອງທີ່ມີຄວາມສົນໃຈເຂົ້າຮ່ວມປະມູນ ຕ້ອງມີຄວາມສາມາດປະຕິບັດໜ້າວຽກທັງສອງຂໍ້ດ້ານເທິງ (ຂໍ້ I, II), ແຕ່ ທຄຕລ ຈະພິຈາລະນາດ້ານລາຄາ ແຍກຕາມໜ້າວຽກ (ຂໍ້ I, II); ການຄັດເລືອກຜູ້ສະໜອງແມ່ນຈະຄັດເລືອກຈາກຫຼາຍເງື່ອນໄຂ (ບໍ່ໄດ້ຄັດເລືອກຈາກລາຄາພຽງຢ່າງດຽວ). ສາມາດສອບຖາມຂໍ້ມູນເພີ່ມຕື່ມ ແລະ ມາເບິ່ງຕົວຢ່າງສິນຄ້າຂອງ ທຄຕລ ໄດ້ນັບຈາກວັນນີ້ເປັນຕົ້ນໄປ ຈົນເຖິງວັນທີ 20/05/2025 ທີ່ ພະແນກຫ້ອງການບໍລິຫານ-ການເງິນ, ສໍານັກງານໃຫຍ່ ທຄຕລ, ຊັ້ນ 4 ອາຄານ C.

8 ເງື່ອນໄຂຂອງຜູ້ສະໜອງທີ່ຕ້ອງການຍື່ນຊອງປະມູນຕ້ອງປະກອບເອກະສານ ດັ່ງນີ້:

*ເອກະສານຊອງທີ 1:

ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດທີ່ກ່ຽວຂ້ອງ ຢ່າງໜ້ອຍ 3 ປີຂຶ້ນໄປ ແລະ ໃຫ້ສໍາເນົາໃບທະບຽນວິສາຫະກິດ, ໃບຢັ້ງຢືນການເສຍອາກອນປີ 2023, 2024, 2025 ແລະ ເອກະສານກ່ຽວກັບຜົນງານຜ່ານມາຂອງບໍລິສັດ.
ສາມາດຍື່ນເອກະສານຂ້າງເທິງໄດ້ ນັບຈາກວັນນີ້ຈົນເຖິງ ວັນພຸດ, ທີ 20/05/2026 ກ່ອນເວລາ 11:00 ໂມງ ໂດຍການສົ່ງຟາຍສະແກນເປັນ PDF ເຂົ້າມາທີ່ Email: procurement@bcel.com.la.
ຜູ້ສະໜອງຕ້ອງມານໍາສະເໜີຮູບແບບປະຕິທິນ ໃນວັນຈັນ, ທີ 25/05/2026 ຕອນເຊົ້າ.

*ເອກະສານຊອງທີ 2 (ປິດຊອງ):

ທຄຕລ ຈະແຈ້ງສະເພາະຜູ້ທີ່ຜ່ານເງື່ອນໄຂຮອບທີ 01 ເທົ່ານັ້ນ ເພື່ອເຂົ້າມາຍື່ນຊອງລາຄາ ໃນວັນອັງຄານ,ທີ 09/06/2026 ເວລາ 09:00 ໂມງ. ສະນັ້ນ, ຜູ້ສະໜອງຈະຕ້ອງຖືຊອງລາຄາມາດ້ວຍຕົວເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມຊັ້ນ 5/2 ຕຶກ C ສໍານັກງານໃຫຍ່ ທຄຕລ.
ໃບສະເໜີລາຄາໃຫ້ລະບຸແຍກ ຕາມໜ້າວຽກ ຂໍ້ I, II ແລະ ລວມມູນຄ່າອາກອນທັງໝົດເປັນສະກຸນເງິນກີບ (ທຄຕລ ຈະພິຈາລະນາແຍກ).
ຜູ້ສະໜອງຕ້ອງວາງເງິນຄໍ້າປະກັນການປະມູນບໍ່ໃຫ້ຫຼຸດ 10% ຂອງມູນຄ່າທັງໝົດລວມອາກອນ ດ້ວຍໜັງສືຄໍ້າປະກັນທີ່ອອກ ໂດຍ ທຄຕລ (ວັນໝົດອາຍຸໜັງສືຄໍ້າປະກັນຕ້ອງເຖິງວັນທີ 30/09/2026) ຫຼື ແຊັກທີ່ວີຊ້າແລ້ວ (ບໍ່ຮັບເງິນສົດ); ພາຍຫຼັງປະກາດຜົນ ທຄຕລ ຈະສົ່ງແຊັກ/ໜັງສື ຄໍ້າປະກັນດັ່ງກ່າວຄືນໃຫ້ຜູ້ສະໜອງທີ່ບໍ່ໄດ້ຮັບການຄັດເລືອກ, ສຳລັບຜູ້ສະໜອງທີ່ໄດ້ຮັບການຄັດເລືອກ ແມ່ນຈະສົ່ງຄືນຫຼັງຈາກສຳເລັດວຽກທັງໝົດຕາມສັນຍາ.
ຖ້າຜູ້ສະໜອງບໍ່ວາງເງິນຄໍ້າປະກັນການປະມູນ ຕາມທີ່ລະບຸໄວ້ໃນຂໍ້ທີ 2.3 ແມ່ນ ທຄຕລ ຈະປະຕິເສດການຮັບຊອງໃບສະເໜີລາຄາ.

ໝາຍເຫດ: ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ.

8 ເງື່ອນໄຂສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

ຖ້າຜູ້ຊະນະການປະມູນປະຕິເສດການເຊັນສັນຍາ ຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ.
ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ແລະ ຄ່າທຳນຽມໃນການຈົດທະບຽນສັນຍາ ແມ່ນມອບໃຫ້ເປັນຄວາມຮັບຜິດຊອບຂອງບໍລິສັດ.
ການຊໍາລະແມ່ນອີງຕາມໜ້າວຽກ:

ຊຳລະ 100% ຂອງໜ້າວຽກຂໍ້ທີ I ພາຍຫຼັງສຳເລັດໜ້າວຽກທັງໝົດຕາມໜ້າວຽກ ຂໍ້ I.
ຊຳລະ 100% ຂອງໜ້າວຽກຂໍ້ທີ II ພາຍຫຼັງສຳເລັດການຈັດພິມ ແລະ ສົ່ງ ທຄຕລ ສຳເລັດຕາມໜ້າວຽກ ຂໍ້ II.

ດັ່ງນັ້ນ, ຈຶ່ງອອກແຈ້ງເຊີນມາຍັງທ່ານທີ່ມີຄວາມສົນໃຈເຂົ້າຮ່ວມຍື່ນຊອງປະມູນໃນຄັ້ງນີ້.

ຜູ້ອໍານວຍການ

ຕິດຕໍ່ພົວພັນ: ຂະແໜງສະໜອງວັດຖຸເຕັກນິກ

021 213200 ຕໍ່ 414 (ໂມງລັດຖະການ)