ຂ່າວສານ ແຈ້ງເຊີນເຂົ້າຮ່ວມຍືນຊອງປະມູນລາຄາເຄື່ອງ smart POS Terminal ຍີ່ຫໍ້ Tianyu ລຸ້ນ P30.

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນ

ເຖິງ: ບັນດາບໍລິສັດ ຫ້າງຮ້ານຕົວແທນຈໍາໜ່າຍເຄື່ອງໄອທີ ໃນນະຄອນຫຼວງວຽງຈັນ.

ເລື່ອງ: ແຈ້ງເຊີນເຂົ້າຮ່ວມຍືນຊອງປະມູນລາຄາເຄື່ອງ smart POS Terminal ຍີ່ຫໍ້ Tianyu ລຸ້ນ P30.

ທະນາຄານການຄ້າຕ່າງປະເທດລາວ ມະຫາຊົນ ຂໍແຈ້ງມາຍັງບັນດາບໍລິສັດ ແລະ ຫ້າງຮ້ານຕົວແທນຈຳ ໜ່າຍເຄື່ອງໄອທີຊາບວ່າ ທຄຕລ ມີຄວາມຕ້ອງການ ເຄື່ອງຮູດບັດ ຍີ່ຫໍ້ Tianyu ລຸ້ນ P30 ຈຳນວນ 1.100 ເຄື່ອງ, ເພື່ອມານຳໃຊ້ເຂົ້າໃນວຽກງານວິຊາສະເພາະຂອງ ທະນາຄານ, ຈຶ່ງໄດ້ແຈ້ງເຊີນມາຍັງທ່ານເພື່ອຍືນຊອງເຂົ້າຮ່ວມປະມູນລາຄາ ດັ່ງມີລາຍລະອຽດຂ້າງລຸ່ມນີ້:

ລ.ດ

ລາຍລະອຽດ

ຈໍານວນ

ໝາຍເຫດ

1.100

ທຄຕລ ຈະອອກໜັງສືສັ່ງຊື້ ເຄື່ອງຮູດບັດ ຍີ່ຫໍ້ Tianyu ລຸ້ນ P30 ແບ່ງອອກເປັນ 02 ຄັ້ງ

(ຄັ້ງລະເຄີ່ງໜື່ງຂອງແຈ້ງເຊີນປະມູນ)

ຕ້ອງເປັນຕົວແທນຈໍາໜ່າຍທີ່ໄດ້ ຮັບອະນຸຍາດຈາກ ບໍລິສັດ WUHAN TIANYU INFORMATION INDUSTRY CO., LTD ຢ່າງໜ້ອຍ 3 ປີ;
ສາມາດເຂົ້າເຖິງວິຊາການລະບົບເຕັກນິກຂອງເຄື່ອງຮັບບັດໂຮງງານໄດ້ໂດຍກົງ ແລະ ມີການຊັບພອດ ພັດທະນາລະບົບເຄື່ອງຮູດ ຈາກໂຮງງານ;
ສາມາດສະໜັບສະໜູນເຕັກນິກການເຊື່ອມຕໍ່ຮອງຮັບບັດປະເພດຕ່າງໆຂອງ ທຄຕລ ໃນເຄື່ອງຮັບບັດໄດ້ສະດວກ ແລະ ສະດວກໃນການປະສານງານ;
ຮັບຜິດຊອບການໃຊ້ຈ່າຍ training ພາຍໃນປະເທດ ຫຼື ຕ່າງປະເທດ ແລະ ຕ້ອງໄດ້ເອົາວິສະວະກອນຈາກ ໂຮງງານມາຝຶກໃຫ້ ຫຼື ນໍາເອົາທີມງານ BCEL ຢ່າງໜ້ອຍ 3 ຄົນ, ໄປຝຶກອົບຮົມຢູ່ໂຮງງານປີລະຄັ້ງໃນຊ່ວງໄລຍະຮັບປະກັນ;
ສາມາດສະໜອງອາໄຫຼ່ອຸປະກອນເຄື່ອງດັ່ງກ່າວໃນກໍລະນີເຄື່ອງເປ່ເພຕ້ອງການສ້ອມແປງ ແລະ ປ່ຽນແທນ;

ເອກະສານ ຊອງທີ 1:

ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດຈໍາໜ່າຍເຄື່ອງອຸປະກອນໄອທີ, ດຳເນີນທຸລະກິດ ຢ່າງໜ້ອຍ 03 ປີຂຶ້ນໄປ, ສໍາເນົາໃບທະບຽນວິສາຫະກິດ, ໃບຢັ້ງຢືນການເສຍອາກອນປີ 2021 ຫຼື 2022.
ເອກະສານລາຍລະອຽດສະເປັກສິນຄ້າ, ການຮັບປະກັນສິນຄ້າ, ໄລຍະເວລາການຈັດສົ່ງສິນຄ້າ ແລະ ຂໍ້ມູນຕ່າງໆ ຕາມ format ທີ່ຕິດຄັດມາພ້ອມນີ້.
ເອກະສານຂ້າງເທິງແມ່ນໃຫ້ຍື່ນກ່ອນ ວັນຈັນ ວັນທີ 11/09/2023 ເວລາ 11:00 ໂມງ ໂດຍການສົ່ງຟາຍເຂົ້າ E-mail: procurement@bcel.com.la ແລະ ເອກະສານສະບັບແທ້ ເພື່ອກວດສະເປັກ ມາທີ່ ຂາອອກ-ຂາເຂົ້າ ພະແນກຫ້ອງການບໍລິຫານ-ການເງິນ ຊັ້ນ 4, ຕຶກ C.

ເອກະສານ ຊອງທີ 2: (ປິດຊອງ)

ໃບສະເໜີລາຄາໃຫ້ລະບຸລາຄາຫົວໜ່ວຍແຕ່ລະລາຍການໃຫ້ລະອຽດ ແລະ ຕ້ອງລວມມູນຄ່າອາກອນທັງໝົດເປັນສະກຸນເງິນກີບໃຫ້ຄົບຖ້ວນ.
ຜູ້ສະໜອງຕ້ອງວາງເງິນຄໍ້າປະກັນການປະມູນຕໍ່າສຸດ 2% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກໂດຍທະນາຄານພາຍໃນ (ວັນໝົດອາຍຸໜັງສືຄໍ້າປະກັນຕ້ອງເຖິງ ວັນທີ 20/10/2023) ຫຼື ແຊັກທີ່ວີຊ້າແລ້ວ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນ.
ໃນວັນພຸດ ວັນທີ 20/09/2023 ເວລາ 09:00 ໂມງ ແມ່ນມື້ເປີດຊອງປະມູນ ສະນັ້ນ, ໃຫ້ຜູ້ສະໜອງທີ່ຜ່ານການຄັດເລືອກຈາກເອກະສານຊອງທີ 1 ມາຍື່ນຊອງລາຄາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມຊັ້ນ 5 ອາຄານ C.

ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ.

ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ແລະ ຮັບຜິດຊອບຄ່າທຳນຽມໃນການຈົດທະບຽນສັນຍາ.
ຖ້າຜູ້ຊະນະການປະມູນປະຕິເສດການເຊັນສັນຍາ ແມ່ນຕ້ອງຮັບຜິດຊອບຄ່າເສຍຫາຍໃຫ້ແກ່ ທຄຕລ ໃນອັດຕາ 2% ຂອງມູນຄ່າລວມທີ່ສະເໜີປະມູນ.
ທຄຕລ ຈະອອກໜັງສືສັ່ງຊື້ ເຄື່ອງຮູດບັດ ຍີ່ຫໍ້ Tianyu ລຸ້ນ P30 ແບ່ງອອກເປັນ 02 ຄັ້ງ (ຄັ້ງລະເຄີ່ງໜື່ງຂອງແຈ້ງເຊີນປະມູນ) ໃນໄລຍະເວລາ 03 ເດືອນ/ຄັ້ງ

ການຊໍາລະຈະແບ່ງຈ່າຍເປັນ 02 ງວດ ລຸ່ມນີ້:

ງວດທີ 1: ຊໍາລະ 90% ຂອງມູນຄ່າ ພາຍໃນ 25 ວັນ ລັດຖະການ ພາຍຫຼັງໄດ້ຮັບເຄື່ອງ, ທົດລອງການຕິດຕັ້ງສຳເລັດ ແລະ ກວດກາຄວາມຖືກຕ້ອງຈາກຄະນະກຳມະການຕິດຕາມກວດກາ.
ງວດທີ 2: ຊໍາລະ 10% ຂອງມູນຄ່າ ພາຍຫຼັງຄົບກໍານົດການຄໍ້າປະກັນຄຸນະພາບສິນຄ້າ 06 ເດືອນ.

ດັ່ງນັ້ນ, ຈຶ່ງອອກແຈ້ງເຊີນມາຍັງທ່ານທີ່ມີຄວາມສົນໃຈເຂົ້າຮ່ວມຍືນຊອງປະມູນໃນຄັ້ງນີ້.

ຜູ້ອຳນວຍການ