ຂ່າວສານ ແຈ້ງເຊີນເຂົ້າຮ່ວມຍືນຊອງປະມູນລາຄາ ອຸປະກອນ Alarm ຍີ່ຫໍ້ Risco.

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ເຖິງ: ບັນດາບໍລິສັດ ຫ້າງຮ້ານຕົວແທນຈໍາໜ່າຍອຸປະກອນໄອທີ ໃນນະຄອນຫຼວງວຽງຈັນ.

ເລື່ອງ: ແຈ້ງເຊີນເຂົ້າຮ່ວມຍືນຊອງປະມູນລາຄາ ອຸປະກອນ Alarm ຍີ່ຫໍ້ Risco.

ທະນາຄານການຄ້າຕ່າງປະເທດລາວ ມະຫາຊົນ ຂໍແຈ້ງມາຍັງບັນດາບໍລິສັດ ແລະ ຫ້າງຮ້ານຕົວແທນຈຳ ໜ່າຍເຄື່ອງໄອທີຊາບວ່າ ທຄຕລ ມີຄວາມຕ້ອງການຜູ້ສະໜອງ ອຸປະກອນ Alarm ຍີ່ຫໍ້ Risco, ເພື່ອມານຳໃຊ້ເຂົ້າໃນວຽກງານວິຊາສະເພາະຂອງ ທະນາຄານ ຈຶ່ງໄດ້ແຈ້ງເຊີນມາຍັງທ່ານເພື່ອຍືນຊອງເຂົ້າຮ່ວມປະມູນລາຄາ ດັ່ງມີລາຍລະອຽດຂ້າງລຸ່ມນີ້:

No	Brand	Model	Description	Quantity
1	Risco	Lightsys Plus	LightsysPlus+Box+PS+Battery+Elegant keypad+Red Siren	1 set
2	Risco	RP432EW8000A	Wireless Receiver 32 Zone (868MHz)	1 unit
3	Risco	RP128T4Z	4-Button Zone KeyFob (868MHz)	1 unit
4	Risco	RWX332KF800B	Panda 2-Way KeyFob (8688MHz)	1 unit
5	Risco	RP432KP	LightSYS LCD Keypad	1 unit
6	Risco	RPKELPW0000A	Elegant Keypad with Proximity - White	1 unit
7	Risco	RK815DTB2	iWISE DT Grade 2	1 unit
8	Risco	RK515DT	BWare Bus DT Grade 2, 15m	1 unit
9	Wizmart	NB758SH-4	Thermal 59 C, Voltage DC 9~33V	1 unit
10	SENTEK	SD-388	4 Wire Conventional Smoke & Heat Detector	1 unit
11	Risco	RP128EPS000A	Switched PS-3A SMPS+LargeBox+TRS+TMP	1 Set
12	Risco	RP432EZ8000A	LightSYS 8 Zone Expander	1 unit
13	Risco	Eaton Moeller SW1	Emergency Panic Button	1 unit
14	walmart	Push Button Switch	NC NO Emergency Button	1 unit
15	Maxwell	MWA12	Red Siren indoor	1 unit
16	Risco	RK66S000000A	Risco Seismic Detector	1 unit
17	LINK	CB-0244A 4 Core, 24 AWG	Control Cable 4Core,24AWG, 100M	1 unit
18	BELDEN	5504FE 008U500	6Core, 22AWG, 100M	1 unit

ຫ້າງຮ້ານຕົວແທນຈຳໜ່າຍ ມີຄວາມຕ້ອງການຍື່ນຊອງປະມູນລາຄາຕ້ອງປະກອບເອກະສານໃຫ້ຄົບຖ້ວນດັ່ງລຸ່ມນີ້:

ເອກະສານ ຊອງທີ 1:

ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດຈໍາໜ່າຍເຄື່ອງອຸປະກອນໄອທີ, ດຳເນີນທຸລະກິດ ຢ່າງໜ້ອຍ 02 ປີຂຶ້ນໄປ, ສໍາເນົາໃບທະບຽນວິສາຫະກິດ, ໃບຢັ້ງຢືນການເສຍອາກອນປີ 2022 ແລະ ໃບຢັ້ງຢືນການເປັນຕົວແທນຈໍາໜ່າຍ (ຖ້າມີ).
ເອກະສານລາຍລະອຽດສະເປັກສິນຄ້າ, ການຮັບປະກັນສິນຄ້າ, ໄລຍະເວລາການຈັດສົ່ງສິນຄ້າ ແລະ ຂໍ້ມູນຕ່າງໆ ຕາມ format ທີ່ຕິດຄັດມາພ້ອມນີ້.
ເອກະສານຂ້າງເທິງແມ່ນສາມາດຍືນໄດ້ນັບຈາກວັນນີ້ຈົນເຖິງ ວັນສຸກ ວັນທີ 27/10/2023 ເວລາ 11:00 ໂມງ ໂດຍການສົ່ງຟາຍເຂົ້າ E-mail: procurement@bcel.com.la ແລະ inspect-it@bcel.com.la ເພື່ອໃຫ້ສູນໄອທີໄດ້ກວດສະເປັກ.

ເອກະສານ ຊອງທີ 2: (ປິດຊອງ)

ໃບສະເໜີລາຄາໃຫ້ລະບຸລາຄາຫົວໜ່ວຍແຕ່ລະລາຍການ ແລະ ລວມມູນຄ່າອາກອນທັງໝົດເປັນສະກຸນເງິນກີບໃຫ້ຄົບຖ້ວນ, ພ້ອມທັງລະບຸມື້ໝົດກຳນົດໃນໃບສະເໜີລາຄາດັ່ງກ່າວຍ່າງໜ້ອຍ 30 ວັນ.
ຜູ້ສະໜອງຕ້ອງວາງເງິນຄໍ້າປະກັນການປະມູນຕໍ່າສຸດ 2% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກໂດຍທະນາຄານພາຍໃນ (ວັນໝົດອາຍຸໜັງສືຄໍ້າປະກັນຕ້ອງເຖິງ ວັນທີ 07/12/2023) ຫຼື ແຊັກທີ່ວີຊ້າແລ້ວ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນ.
ໃນວັນອັງຄານ ວັນທີ 07/11/2023 ເວລາ 09:00 ໂມງ ແມ່ນມື້ເປີດຊອງປະມູນ ສະນັ້ນ, ໃຫ້ຜູ້ສະໜອງທີ່ຜ່ານການຄັດເລືອກຈາກເອກະສານຊອງທີ 1 ມາຍື່ນຊອງລາຄາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມໃຫຍ່ (ຫ້ອງດອກຄູນ) ຊັ້ນ 5 ອາຄານ C.

ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ.

ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ເປັນເວລາ 01 ປີ, ສະໜອງອຸປະກອນ Alarm ໃນລາຄາເດີມບໍ່ມີການປ່ຽນແປງ ແລະ ຮັບຜິດຊອບຄ່າທຳນຽມໃນການຈົດທະບຽນສັນຍາ.
ຖ້າຜູ້ຊະນະການປະມູນປະຕິເສດການເຊັນສັນຍາ ແມ່ນຕ້ອງຮັບຜິດຊອບຄ່າເສຍຫາຍໃຫ້ແກ່ ທຄຕລ ໃນອັດຕາ 2% ຂອງມູນຄ່າລວມທີ່ສະເໜີປະມູນ.
ທຄຕລ ຈະຊຳລະເງິນງວດດຽວ 100% ຕາມການສັ່ງຊື້ໃນແຕ່ລະຄັ້ງ.

ດັ່ງນັ້ນ, ຈຶ່ງອອກແຈ້ງເຊີນມາຍັງທ່ານທີ່ມີຄວາມສົນໃຈເຂົ້າຮ່ວມຍືນຊອງປະມູນໃນຄັ້ງນີ້.

ຜູ້ອຳນວຍການ

ເບີປະສານງານດ້ານຂໍ້ມູນ

ທ້າວ ສິດຕິພົງ ອຸ່ນສະຫວັນ 020 96101063