ຂ່າວສານ ແຈ້ງເຊີນເຂົ້າຮ່ວມຍື່ນຊອງປະມູນລາຄາອອກແບບ ແລະ ຄິດໄລ່ລາຄາກາງອາຄານ ທຄຕລ ສາຂາໂພນໂຮງ.

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນປະມູນ

ເຖິງ : ບັນດາບໍລິສັດອອກແບບກໍ່ສ້າງ ແລະ ຕົບແຕ່ງ ອາຄານສຳນັກງານ.

ເລື່ອງ: ແຈ້ງເຊີນເຂົ້າຮ່ວມຍື່ນຊອງປະມູນລາຄາອອກແບບ ແລະ ຄິດໄລ່ລາຄາກາງອາຄານ ທຄຕລ

ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍຖືເປັນກຽດແຈ້ງເຊີນມາຍັງບັນດາບໍລິສັດອອກ ແບບກໍ່ສ້າງ ແລະ ຕົບແຕ່ງ ກ່ຽວກັບການສະເໜີເງື່ອນໄຂ ແລະ ຂັ້ນຕອນໃນການປະກອບເອກະສານຢື່ນຊອງປະມູນລາຄາອອກແບບ ແລະ ຄິດໄລ່ລາຄາກາງອາຄານສໍານັກງານ ທຄຕລ ສາຂາໂພນໂຮງ ເຊິ່ງສະຖານທີ່ຕອນດິນຕັ້ງຢູ່ ບ້ານໂພນໝີ ເມືອງ ວຽງຄໍາ ແຂວງວຽງຈັນ ໂດຍມີເນື້ອໃນດັ່ງນີ້:

ເງື່ອນໄຂການປະກອບເອກະສານການປະມູນ\ດັ່ງນີ້:

ໃບສະເໜີລາຄາ 1 ຊຸດ, ການສະເໜີລາຄາໃຫ້ສະເໜີເປັນ %, ທຄຕລ ຈະຄິດໄລ່ຄ່າຈ້າງອອກແບບອີງ ໃສ່ມູນຄ່າການຮັບຮອງຂອງຜູ້ຮັບເໝົາ ຫຼື ລາຄາກາງທີ່ຄິດໄລ່ ໂດຍຖືເອົາລາຄາທີ່ຕໍ່າສຸດມາຄູນກັບ % ທີ່ ສະເໜີມາເປັນມູນຄ່າຈ້າງອອກແບບທີ່ລວມອາກອນມູນຄ່າເພີ່ມ;
ໄລຍະເວລາການອອກແບບ;
ໜັງສືຄໍ້າປະກັນການປະມູນ: ຜູ້ຮັບເໝົາຕ້ອງວາງເງິນຄໍ້າປະກັນການປະມູນຕໍ່າສຸດ 2% ຂອງມູນຄ່າທີ່ສະ ເໜີລາຄາທັງໝົດດ້ວຍໜັງສືຄໍ້າປະກັນທີ່ອອກໂດຍທະນາຄານພາຍໃນ (ວັນໝົດອາຍຸໜັງສືຄໍ້າປະກັນ ຕ້ອງເຖິງວັນທີ 11/05/2024) ຫຼື ແຊັກທີ່ວີຊາແລ້ວ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນປະ ມູນ ທຄຕລ ຈະສົ່ງໜັງສືຄໍ້າປະກັນ ຫຼື ແຊັກດັ່ງກ່າວຄືນ;
ໃບທະບຽນວິສາຫະກິດ;
ໃບອະນຸຍາດດຳເນີນທຸລະກິດປີ 2023 ຫຼື 2024;
ທຶນຈົດທະບຽນວິສາຫະກິດ 1 ຕື້ກີບຂຶ້ນໄປ;
ໃບຢັ້ງຢືນການເສຍອາກອນປີ 2022 ຫຼື 2023;
ໃບຢັ້ງຢືນຜົນງານ ແລະ ປະສົບການທີມງານທີ່ມີສີມືທາງດ້ານການອອກແບບ ແລະ ຕົບແຕ່ງອາຄານ ທະນາຄານ ຫຼື ອາຄານສໍານັກງານຫ້ອງການ 3 ຊັ້ນ ຢ່າງໜ້ອຍ 3 ໂຄງການ.

ວັນອັງຄານ, ວັນທີ 12/03/2024, ເວລາ 09:00 ໂມງ ແມ່ນມື້ເປີດຊອງປະມູນຊ່ອງໜ້າຄະນະກໍາ ມະການ ທຄຕລ, ບໍລິສັດຕ້ອງຍື່ນຊອງດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມເປີດຊອງປະມູນທີ່ ຫ້ອງປະຊຸມຊັ້ນ 05 ຕຶກ C;
ລາຄາທີ່ສະເໜີມາຕ້ອງເປັນລາຄາທີ່ສາມາດເປັນຜູ້ອອກແບບເອງ ແລະ ບໍ່ໃຫ້ເປັນການປະມູນໃນນາມ ນາຍໜ້າ ຫຼື ຂາຍຕໍ່ໃຫ້ບໍລິສັດອື່ນ;

ການຄິດໄລ່ລາຄາກາງແມ່ນໃຫ້ແຍກເປັນປະເພດອາຄານ ແລະ ໝວດວຽກຕາມຄວາມເໝາະສົມ, ກໍານົດເປັນສະກຸນເງິນກີບ

ການພົວພັນ ແລະ ໄລຍະເວລາການປະຕິບັດວຽກ

ສາມາດສອບຖາມລາຍສະອຽດເພີ່ມເຕີມກ່ຽວກັບລາຍລະອຽດການອອກແບບ ຫຼື ລົງສໍາຫຼວດສະຖານທີ່ ໂຄງການ ຈາກວັນທີ 12/02/2024-09/03/2024, ໃນຊ່ວງເວລາ 08:30-11:30 ໂມງ ແລະ 13:30-16:00 ໂມງ ທີ່ໝາຍເລກໂທລະສັບ 021 213200-414 ນອກຈາກເວລາດັ່ງກ່າວແລ້ວ ທຄຕລ ຈະຂໍສະຫງວນສິດໃນການຕອບຄໍາຖາມໃດໆ ທັງໝົດ.
ບໍລິສັດສາມາດພົວພັນເອົາຂໍ້ມູນກໍານົດຄວາມຕ້ອງການໂດຍພື້ນຖານດ້ານການອອກແບບ ເລີ່ມແຕ່ວັນທີ 12/02/2024-09/03/2024, ເວລາ 08:30-15:30 ໂມງ ທີ່ພະແນກຫ້ອງການບໍລິຫານ-ການເງິນ ຊັ້ນ 04 ຕຶກ C ສໍານັກງານໃຫຍ່.

ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

ຖ້າຜູ້ຊະນະການປະມູນປະຕິເສດການເຊັນສັນຍາ ທຄຕລ ຈະບໍ່ສົ່ງເງິນຄໍ້າປະກັນການປະມູນ 2% ຄືນ.
ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ, ຄ່າທໍານຽມຈົດທະບຽນສານ ແລະ ຈົດທະບຽນ ຊັບສິນຂອງສັນຍາແມ່ນມອບໃຫ້ເປັນຄວາມຮັບຜິດຊອບຂອງບໍລິສັດອອກແບບທີ່ຊະນະການປະມູນ.
ການຊໍາລະຄ່າອອກແບບ 100% ພາຍຫຼັງ ທຄຕລ ໄດ້ຜູ້ຮັບເໝົາການກໍ່ສ້າງອາຄານດັ່ງກ່າວ.

ດັ່ງນັ້ນ, ຈຶ່ງແຈ້ງເຊີນມາຍັງບັນດາບໍລິສັດເພື່ອຢື່ນຊອງປະມູນຕາມທີ່ກ່າວມາຂ້າງເທິງນັ້ນດ້ວຍ.

ປະທານຄະນະກໍາມະການ

ຈັດຊື້, ກໍ່ສ້າງ-ສ້ອມແປງ-ບໍລິການອື່ນໆ ທຄຕລ