BCEL I-Bank
BCEL One
(Soft copy)
ໜັງສືແຈ້ງເຊີນ
ເຖິງ: ບັນດາບໍລິສັດ ຫ້າງຮ້ານຕົວແທນຈໍາໜ່າຍເຄື່ອງໄອທີ ໃນນະຄອນຫຼວງວຽງຈັນ.
ເລື່ອງ: ແຈ້ງເຊີນເຂົ້າຮ່ວມຍືນຊອງປະມູນລາຄາເຄື່ອງໄອທີອຸປະກອນເຄືອຂ່າຍ (Core Switch Network).
ທະນາຄານການຄ້າຕ່າງປະເທດລາວ ມະຫາຊົນ ຂໍແຈ້ງມາຍັງບັນດາບໍລິສັດ ແລະ ຫ້າງຮ້ານຕົວແທນຈຳ ໜ່າຍເຄື່ອງໄອທີ ຊາບວ່າ ທຄຕລ ມີຄວາມຕ້ອງການ ອຸປະກອນໄອທີ ເຄື່ອຂ່າຍ Core Switch Network ໃໝ່, ເພື່ອມານຳໃຊ້ເຂົ້າໃນວຽກງານວິຊາສະເພາະຂອງ ທະນາຄານ, ຈຶ່ງໄດ້ແຈ້ງເຊີນມາຍັງທ່ານເພື່ອຍືນຊອງເຂົ້າຮ່ວມປະມູນລາຄາ ດັ່ງມີລາຍລະອຽດຂ້າງລຸ່ມນີ້:
|
ລ.ດ |
ລາຍການ |
ຍີ່ຫໍ້/ລຸ້ນ ເປົ້າໝາຍ |
ຈໍານວນ |
ບ່ອນຕິດຕັ້ງ |
|
1 |
Core Switch (Spine) |
Huawei/Cisco |
2 |
DC |
|
2 |
Router |
Huawei/Cisco |
2 |
DC |
|
3 |
Aggregation/Distributed Switch (Leaf) |
Huawei/Cisco |
6 |
DC |
|
4 |
Electrical Aggregation/Distributed Switch |
Huawei/Cisco |
2 |
DC |
|
5 |
DR Site Core Switch |
Huawei/Cisco |
2 |
DR |
|
6 |
DR Site Electrical Aggregation/Distributed Switch |
Huawei/Cisco |
2 |
DR |
|
7 |
SDN Controller Server |
Huawei/Cisco/Other |
3 |
DC/DR |
|
ການສະໜອງລາຍການທັງໝົດ ແມ່ນໃຫ້ລວມຄ່າຕິດຕັ້ງ, ເຝິກອົບຮົມໃຊ້ງານ ແລະ ຄ່າບໍາລຸງຮັກສາ (MA&License) ສໍາລັບ 03 ປີ ລາຍລະອຽດຂໍ້ມູນກ່ຽວກັບສະເປັກຄັດຕິດດ້ານຫລັງ |
||||
- :
- ເອກະສານ ຊອງທີ 1:
- ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດຈໍາໜ່າຍເຄື່ອງອຸປະກອນໄອທີ, ດຳເນີນທຸລະກິດ ຢ່າງໜ້ອຍ 03 ປີຂຶ້ນໄປ, ສໍາເນົາໃບທະບຽນວິສາຫະກິດ, ໃບຢັ້ງຢືນການເສຍອາກອນ ປີ 2023 ແລະ ໃບຢັ້ງຢືນການເປັນຕົວແທນຈໍາໜ່າຍທີ່ມີໃບຮັບຮອງ ຫຼື ເປັນໂຕແທນຂາຍຢ່າງເປັນທາງການຂອງຜະລິດຕະພັນດັ່ງກ່າວ.
- ມີທີມງານທີ່ຊ່ຽວຊານໃນການອອກແບບ, ຕິດຕັ້ງ ແລະ ຄຸ້ມຄອງອຸປະກອນດັ່ງກ່າວ ທີ່ສາມາດໃຫ້ຄໍາປຶກສາ ແລະ ແກ້ໄຂບັນຫາທາງດ້ານເຕັກນິກ.
- ເອກະສານລາຍລະອຽດສະເປັກສິນຄ້າ, ການຮັບປະກັນສິນຄ້າ, ໄລຍະເວລາການຈັດສົ່ງສິນຄ້າ ແລະ ຂໍ້ມູນຕ່າງໆ ຕາມ format ທີ່ຕິດຄັດມາພ້ອມນີ້.
- ເອກະສານຂ້າງເທິງແມ່ນໃຫ້ຍື່ນກ່ອນ ວັນຈັນ ວັນທີ 03/06/2024 ເວລາ 11:00 ໂມງ ໂດຍການສົ່ງຟາຍເຂົ້າ E-mail: procurement@bcel.com.la ແລະ inspect-it@bcel.com.la ເພື່ອໃຫ້ສູນໄອທີໄດ້ກວດສະເປັກ.
- ເອກະສານ ຊອງທີ 2: (ປິດຊອງ)
- ໃບສະເໜີລາຄາ ໃຫ້ລະບຸລາຄາຫົວໜ່ວຍແຕ່ລະລາຍການໃຫ້ລະອຽດ ແລະ ຕ້ອງລວມມູນຄ່າອາກອນທັງ ໝົດເປັນສະກຸນເງິນກີບໃຫ້ຄົບຖ້ວນ.
- ຜູ້ສະໜອງຕ້ອງວາງເງິນຄໍ້າປະກັນການປະມູນຕໍ່າສຸດ 2% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກໂດຍທະນາຄານພາຍໃນ (ວັນໝົດອາຍຸໜັງສືຄໍ້າປະກັນຕ້ອງເຖິງ ວັນທີ 13/09/2024) ຫຼື ແຊັກທີ່ວີຊ້າແລ້ວ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນ.
- ໃນວັນພະຫັດ ວັນທີ 13/06/2024 ເວລາ 13:30 ໂມງ ແມ່ນມື້ເປີດຊອງປະມູນ ສະນັ້ນ, ໃຫ້ຜູ້ສະ ໜອງທີ່ຜ່ານການຄັດເລືອກຈາກເອກະສານຊອງທີ 1 ມາຍື່ນຊອງລາຄາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມໃຫຍ່ຊັ້ນ 5 ອາຄານ C ຫ້ອງ 5/2 ສໍານັກງານໃຫຍ່ ທຄຕລ.
- ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ.
- ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:
- ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ແລະ ຮັບຜິດຊອບຄ່າທຳນຽມໃນການຈົດທະບຽນສັນຍາ.
- ຖ້າຜູ້ຊະນະການປະມູນປະຕິເສດການເຊັນສັນຍາ ແມ່ນຕ້ອງຮັບຜິດຊອບຄ່າເສຍຫາຍໃຫ້ແກ່ ທຄຕລ ໃນອັດຕາ 2% ຂອງມູນຄ່າລວມທີ່ສະເໜີປະມູນ.
- ການຊໍາລະຈະແບ່ງຈ່າຍເປັນ 02 ງວດ ລຸ່ມນີ້:
- ງວດທີ 1: ຊໍາລະ 90% ຂອງມູນຄ່າ ພາຍໃນ 25 ວັນ ລັດຖະການ ພາຍຫຼັງໄດ້ຮັບເຄື່ອງ ແລະ ກວດກາຄວາມຖືກຕ້ອງຈາກຄະນະກຳມະການຕິດຕາມກວດກາ.
- ງວດທີ 2: ຊໍາລະ 10% ຂອງມູນຄ່າ ພາຍຫຼັງຄົບກໍານົດການຄໍ້າປະກັນຄຸນະພາບສິນຄ້າ 12 ເດືອນ.
ດັ່ງນັ້ນ, ຈຶ່ງອອກແຈ້ງເຊີນມາຍັງທ່ານທີ່ມີຄວາມສົນໃຈເຂົ້າຮ່ວມຍືນຊອງປະມູນໃນຄັ້ງນີ້.
ຜູ້ອຳນວຍການ
(Soft copy)
Related link
Notice to invite participants to submit a bid package for de...
02/05/2024
Invitation to participate in the price bidding package for M...
09/04/2024
