ຂ່າວສານ ໜັງສືແຈ້ງເຊີນບໍລໍສັດຮັບເໝົາທ່ອງທ່ຽວ ວຽງຈັນ-ຊຽງໄຮ້-ຊູໂຈວ

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນ

ເຖິງ: ບັນດາ ບໍລິສັດພາກລັດ ແລະ ເອກະຊົນ ຢູ່ພາຍໃນ ສປປ ລາວ.

ເລື່ອງ: ເຊີນເຂົ້າຮ່ວມການປະມູນລາຄາ ຮັບເໝົາທ່ອງທ່ຽວ ວຽງຈັນ-ຊຽງໄຮ້-ຊູໂຈວ 05 ວັນ 04 ຄືນ.

ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍແຈ້ງມາຍັງບັນດາ ບໍລິສັດພາກລັດ ແລະ ເອກະຊົນ ທີ່ມີຄວາມສົນໃຈເຂົ້າຮ່ວມການປະມູນລາຄາ ຮັບເໝົາທ່ອງທ່ຽວ ວຽງຈັນ-ຊຽງໄຮ້-ຊູໂຈວ 05 ວັນ 04 ຄືນຕາມລາຍລະອຽດລຸ່ມນີ້:

ຈຳນວນ ຄົນ

ໂຮງແຮມລະດັບ 4 ດາວ 2 ຄົນ/ຫ້ອງ, ຄ່າອາຫານ, ປີ້ຍົນໄປ-ກັບ ສາຍການບິນໄຊນາ ເອັດເຕີນ ທີ່ນັ່ງຊັ້ນ economy.
ອາຫານທຸກຄາບຕາມໂປຣແກມທົວ, ຄ່າວີຊ່າໄປຈີນ, ລົດນໍາທ່ຽວ, ໄກ້ນໍາທ່ຽວ, ຖົງຜ້າ, ຄ່າເຂົ້າຊົມສະຖານທີ່ທ່ອງທ່ຽວ.
ຄ່າປະກັນໄພ ແລະ ອາກອນ 10%.

18 ທ່ານ

ເມືອງຊຽງໄຮ້: ລ່ອງເຮືອຊົມເມືອງບູຮານຈູເຈີຍຈຽວ, ວັດສົງຍວນ, ໂຮງງານໄຂ່ມຸກ, ຊ໋ອບປິ້ງຢຸ່ຊິງໝິງ ຊຽວ, ຊົມວິວຫໍຄອຍໄຂ່ມຸກ, ຮ້ານຂາຍບົວຫິມະ.
ຮ້ານຢາ, ໂຮງງານຢົກ, ອຸໂມງເລເຊີ, ຊົມວິວຫາດໄຫວ້ທານ, ຖ່າຍຮູບຕຶກເຕັ້ນລະບໍາ, ເຮືອນນໍ້າຊາ, ເມືອງຈໍາລອງຖ່າຍທໍາໜັງ, ຊອບປີ້ງຫ້າງດັງ.
ເມືອງອູຊີ: ວັດພະໃຫຍ່ຫຼິງຊານຕ້າຟໍ, ສາລາຟ່າງກົງ, ໂຮງງານຜ້າໄໝ, ເມືອງຈຳລອງອັງກິດ, ຍ່ານທ່ຽວຊິນຊຽນຕິ, ຊ໋ອບປິ້ງ, ພິພິຕະພັນໄຂ່ມຸກ, ຊອບປິ້ງ.

ເງື່ອນໄຂຂອງຜູ້ສະໜອງທີ່ຕ້ອງການຍື່ນຊອງປະມູນຕ້ອງປະກອບເອກະສານ ດັ່ງນີ້:

ເອກະສານຊອງທີ 1 (ບໍ່ປິດຊອງ):

ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດ ດຳເນີນທຸລະກິດຢ່າງໜ້ອຍ 2 ປີຂຶ້ນໄປ ແລະ ໃຫ້ສໍາເນົາໃບທະບຽນວິສາຫະກິດ, ໃບອະນຸຍາດດຳເນີນທຸລະກິດປະຈຳປີ, ໃບຢັ້ງຢືນການເສຍອາກອນຢ່າງໜ້ອຍ 2022 ແລະ ເອກະສານກ່ຽວກັບຜົນງານ ຜ່ານມາຂອງບໍລິສັດ.
ສາມາດຍື່ນເອກະສານຂ້າງເທິງໄດ້ ນັບຈາກວັນນີ້ຈົນເຖິງ ວັນພຸດ ວັນທີ 21/08/2024 ກ່ອນເວລາ 11:00 ໂມງ ໂດຍການສົ່ງຟາຍສະແກນເປັນ PDF ເຂົ້າມາທີ່ Email: procurement@bcel.com.la ຫຼື ສົ່ງຊອງເອກະສານ ທີ່ຂາເຂົ້າຂາອອກ ທຄຕລ ຊັ້ນ 4 ຕຶກ C ສໍານັກງານໃຫຍ່ ທຄຕລ.

ເອກະສານຊອງທີ 2 (ປິດຊອງ):

ທຄຕລ ຈະແຈ້ງສະເພາະຜູ້ທີ່ຜ່ານເງື່ອນໄຂ ຮອບທີ 01 ເທົ່ານັ້ນ ເພື່ອເຂົ້າມາຍື່ນຊອງລາຄາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າມາຮ່ວມໃນວັນຄານ, ທີ 27/08/2024 ເວລາ 09:00 ໂມງ ເຊິ່ງບັນດາບໍລິສັດຈະຕ້ອງຖືຊອງລາຄາມາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມຊັ້ນ 5 ຕຶກ C ສໍານັກງານໃຫຍ່ ທຄຕລ.
ໃບສະເໜີລາຄາໃຫ້ລະບຸລາຄາຫົວໜ່ວຍ ແລະ ລວມມູນຄ່າອາກອນທັງໝົດເປັນ ສະກຸນເງິນກີບ ແລະ ໂດລາ ໃຫ້ຄົບຖ້ວນ .
ບໍລິສັດຜູ້ສະໜອງຕ້ອງກໍານົດ ພ້ອມທັງລະບຸເງື່ອນໄຂຕ່າງໆ ມາໃຫ້ຄົບຖ້ວນ ແລະ ໃຫ້ກົງກັບຄວາມຕ້ອງ ຂອງ ທຄຕລ ໃນຕາຕະລາງຂ້າງເທິງນັ້ນ.
ຜູ້ສະໜອງຕ້ອງວາງເງິນຄໍ້າປະກັນການປະມູນຕໍ່າສຸດ 10 % ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກໂດຍທະນາຄານພາຍໃນ ສປປ ລາວ (ວັນໝົດອາຍຸໜັງສືຄໍ້າປະກັນຕ້ອງເຖິງວັນທີ 30/09/2024) ຫຼື ແຊັກທີ່ວີຊ້າແລ້ວ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນ.

ໝາຍເຫດ:

ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ, ການຄັດເລືອກຜູ້ສະໜອງແມ່ນຈະຄັດເລືອກຈາກຫຼາຍເງື່ອນໄຂ (ບໍ່ໄດ້ຄັດເລືອກຈາກລາຄາພຽງຢ່າງດຽວ).

ເງື່ອນໄຂການປະມູນສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

ຖ້າຜູ້ຊະນະການປະມູນປະຕິເສດການເຊັນສັນຍາ ຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ.
ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ແລະ ຄ່າທຳນຽມໃນການຈົດທະບຽນສັນຍາ ແມ່ນມອບໃຫ້ເປັນຄວາມຮັບຜິດຊອບຂອງບໍລິສັດ.
ການຊໍາລະແມ່ນຈ່າຍເງິນງວດດຽວ 100% ພາຍຫຼັງເຊັນສັນຍາທັງ 2 ຝ່າຍສໍາເລັດ.

ດັ່ງນັ້ນ, ຈຶ່ງອອກແຈ້ງເຊີນມາຍັງທ່ານທີ່ມີຄວາມສົນໃຈເຂົ້າຮ່ວມຍືນຊອງປະມູນໃນຄັ້ງນີ້.

ຮອງຜູ້ອໍານວຍການ