ຂ່າວສານ ແຈ້ງເຊີນເຂົ້າຮ່ວມການປະມູນລາຄາອຸປະກອນ QR Onepay.

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນ

ເຖິງ: ບັນດາບໍລິສັດ/ຫ້າງຮ້ານ ຜະລິດປ້າຍໂຄສະນາ ແລະ ສິ່ງພິມ ຢູ່ໃນນະຄອນຫຼວງວຽງຈັນ.

ເລື່ອງ: ເຊີນເຂົ້າຮ່ວມການປະມູນລາຄາອຸປະກອນ QR Onepay.

ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍແຈ້ງມາຍັງບັນດາບໍລິສັດ/ຫ້າງຮ້ານຜະລິດປ້າຍໂຄສະນາ ແລະ ສິ່ງພີມ ເພື່ອເຂົ້າຮ່ວມການປະມູນລາຄາຊຸດ ຂາຕັ້ງ QR Onepay ຕາມລາຍລະອຽດລຸ່ມນີ້:

ລ/ດ	ລາຍການ	ຈຳນວນ / ຮູບພາບ
1	ຂາຕັ້ງ One pay: ຖ້ານຕັ້ງໄມ້ 12(W) * 3(H) * 6(D) cm + ສະກຼີນ 1 ຈຸດ ແຜ່ນອະຄີຣິກໃສສອງດ້ານ ສາມາດສອດເຈ້ຍໄດ້ ໜາ 2 mm / 1219.5 cm ຢາງສິລິໂຄນ ພິມເຈ້ຍອາດມັນ 160gsm ພິມ 4 ສີ 1 ດ້ານ/ 1219.5 cm ແຜ່ນສະຕິກເກີ້ໃສ ຕິດບາໂຄດ 10*10 cm ການຫຸ້ມຫໍ່: 50 ຊຸດ/ແກັດ, ພ້ອມລະບຸຕົວຢ່າງສິນຄ້າດ້ານນອກກ່ອງ ຈັດສົ່ງ 02 ຄັ້ງ: 50,000 ຊຸດ, 35,000 ຊຸດ; ຫ່າງກັນ 3-5 ເດືອນ	85,000 ຊຸດ
2	ປ້າຍຫ້ອຍ One pay: ແຜ່ນ Plastic PVC 1mm ພິມສີລົງແຜ່ນສອງດ້ານ / 1117.8 cm ສາຍໂສ້ເຫຼັກໜາເຄືອບກັນໝ້ຽງສູງ 8 cm + ແຜ່ນຕິດ ແຜ່ນສະຕິກເກີ້ໃສ ຕິດບາໂຄດ 1010 cm (2 ແຜ່ນ/ຊຸດ) ການຫຸ້ມຫໍ່: 100 ຊຸດ/ແພັກ, 05 ແພັກ/ແກັດ, ພ້ອມລະບຸຕົວຢ່າງສິນຄ້າດ້ານນອກກ່ອງ. ຈັດສົ່ງ 02 ຄັ້ງ: ຄັ້ງລະ 50,000 ຊຸດ, ຫ່າງກັນ 3-5 ເດືອນ.	100,000 ຊຸດ
3	Sticker One pay: ແຜ່ນ Sticker PVC ພິມ 4 ສີ / 10.813.2 cm ແຜ່ນສະຕິກເກີ້ໃສ ຕິດບາໂຄດ 77 cm ການຫຸ້ມຫໍ່: 100 ຊຸດ/ແພັກ, 05 ແພັກ/ແກັດ, ພ້ອມລະບຸຕົວຢ່າງສິນຄ້າດ້ານນອກກ່ອງ. ຈັດສົ່ງ 02 ຄັ້ງ: ຄັ້ງລະ 50,000 ຊຸດ, ຫ່າງກັນ 3-5 ເດືອນ.	220,000 ຊຸດ
ໝາຍເຫດ: ສາມາດເຂົ້າມາເບີ່ງຕົວຢ່າງແທ້ ຫຼື ຫາກຕ້ອງການຟາຍຮູບເພີ່ມຕື່ມ ສາມາດພົວພັນໄດ້ທີ່ ພະແນກຫ້ອງການບໍລິຫານ-ການເງິນ ທຄຕລ ສຳນັກງານໃຫຍ່ ຊັ້ນ 4 ຕຶກ C ແຕ່ວັນນີ້ ຈົນເຖິງ 11/02/2025 ໃນໂມງລັດຖະການ. ການຄັດເລືອກຜູ້ສະໜອງແມ່ນຈະຄັດເລືອກຈາກຫຼາຍເງື່ອນໄຂ (ບໍ່ໄດ້ຄັດເລືອກຈາກລາຄາພຽງຢ່າງດຽວ). ຜູ້ສະໜອງສາມາດເຂົ້າຮ່ວມປະມູນທັງໝົດ ຫຼື ສະເພາະບາງລາຍການ, ເຊິ່ງ ທຄຕລ ຈະພິຈາລະນາເປັນແຕ່ລະລາຍການ.

Ø ເງື່ອນໄຂຂອງຜູ້ສະໜອງທີ່ຕ້ອງການຮ່ວມຍື່ນຊອງປະມູນຕ້ອງປະກອບເອກະສານ ດັ່ງນີ້:

ເອກະສານຊອງທີ 1:

ປະກອບເອກະສານໃນນາມນິຕິບຸກຄົນ ສຳເນົາໃບທະບຽນວິສາຫະກິດ, ໃບອະນຸຍາດດຳເນີນທຸລະກິດປະຈຳ ປີ, ໃບຢັ້ງຢືນການເສຍອາກອນປະຈຳປີ 2022, 2023, 2024 ແລະ ສິນຄ້າຕົວຢ່າງ.
ຜູ້ສະໜອງຕ້ອງລະບຸລາຍລະອຽດສິນຄ້າ ພ້ອມທັງລະບຸເງື່ອນໄຂຕ່າງໆໃຫ້ຄົບຖ້ວນ ແລະ ກົງກັບຄວາມຕ້ອງ ການໃນຕາຕະລາງຂ້າງເທິງນີ້, ແຫຼ່ງຜະລິດສິນຄ້າ, ລະບຸໄລຍະເວລາໃນການຮັບປະກັນ, ລະບຸໄລຍະການຈັດສົ່ງ, ຜົນງານຜ່ານມາທີ່ເຄີຍສະໜອງສິນຄ້າປະເພດດັ່ງກ່າວໃຫ້ພາກສ່ວນອື່ນ (ຕາມແບບຟອມຄັດ ຕິດແຈ້ງເຊີນ).
ເອກະສານເງື່ອນໄຂຂໍ້ 1 ແລະ 2 ແມ່ນ ສົ່ງຟາຍສະແກນເຂົ້າມາທີ່ Email: procurement@bcel.com.la, ແລະ ສິນຄ້າຕົວຢ່າງ ແມ່ນໃຫ້ມາສົ່ງກ່ອນ ວັນທີ 14/02/2025 ເວລາ 11:00 ໂມງ ທີ່ພະແນກຫ້ອງການບໍລິຫານ-ການເງິນ ຊັ້ນ 4 ຕຶກ C.

ເອກະສານຊອງທີ 2 (ປິດຊອງ):

ທຄຕລ ຈະແຈ້ງສະເພາະຜູ້ທີ່ຜ່ານເງື່ອນໄຂ ຮອບທີ 01 ເທົ່ານັ້ນ ເພື່ອເຂົ້າມາຍື່ນຊອງລາຄາ ໃນວັນຄານ, ທີ 25/02/2025 ເວລາ 09:00 ໂມງ. ສະນັ້ນ, ຜູ້ສະໜອງຈະຕ້ອງຖືຊອງລາຄາມາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມຊັ້ນ 05 ຕຶກ C.
ໃບສະເໜີລາຄາໃຫ້ລະບຸລາຄາ/ໜ່ວຍ ແລະ ລວມມູນຄ່າອາກອນທັງໝົດເປັນສະກຸນເງິນກີບ, ພ້ອມທັງລະບຸມື້ໝົດກຳນົດເວລາໃນໃບສະເໜີລາຄາດັ່ງກ່າວ (Expire date) ຢ່າງໜ້ອຍ 20 ວັນລັດຖະການ.
ຜູ້ສະໜອງຕ້ອງວາງເງິນຄໍ້າປະກັນການປະມູນຕໍ່າສຸດ 10% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກ ໂດຍທະນາຄານພາຍໃນປະເທດ (ວັນໝົດອາຍຸໜັງສືຄໍ້າປະກັນຕ້ອງເຖິງ ວັນທີ 30/04/2025) ຫຼື ແຊັກທີ່ວີຊ້າແລ້ວ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນ/ແຊັກດັ່ງກ່າວຄືນ.

ໝາຍເຫດ: ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ.

Ø ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

ຜູ້ຊະນະການປະມູນຕ້ອງໄດ້ຜະລິດສິນຄ້າທີ່ສົມບູນ 01 ອັນ ທີ່ຖືກຕ້ອງຕາມ Spec ທີ່ ທຄຕລ ລະບຸມາຜ່ານຕາມ Artwork ທີ່ ທຄຕລ ກໍານົດພາຍໃນ 14 ວັນ ແລະ ຕ້ອງມີຄວາມສາມາດຈັດສົ່ງສິນຄ້າ ຈໍານວນທັງໝົດສໍາເລັດພາຍໃນ 30 ວັນລັດຖະການ ນັບຈາກມື້ຮອງຮັບແບບ ແລະ ໄດ້ຮັບໜັງສືສັ່ງຊື້.
ຖ້າຜູ້ຊະນະການປະມູນປະຕິເສດການເຊັນສັນຍາ, ຜູ້ຊະນະການປະມູນຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ.
ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ແລະ ຄ່າທຳນຽມໃນການຈົດທະບຽນສັນຍາ ແມ່ນມອບໃຫ້ເປັນຄວາມຮັບຜິດຊອບຂອງຜູ້ສະໜອງ.
ການຊໍາລະແມ່ນຈ່າຍເງິນງວດດຽວ 100% ຕາມມູນຄ່າສັ່ງຊື້ ພາຍຫຼັງໄດ້ຮັບເຄື່ອງຄົບຖ້ວນ ພ້ອມທັງໄດ້ຮັບການຢັ້ງຢືນຈາກພາກສ່ວນກ່ຽວຂ້ອງ ແລະ ກວດກາຄວາມຖືກຕ້ອງຈາກທັງສອງຝ່າຍ ພາຍໃນ 30 ວັນລັດຖະການ.

ດັ່ງນັ້ນ, ຈຶ່ງອອກແຈ້ງເຊີນມາຍັງທ່ານທີ່ມີຄວາມສົນໃຈເຂົ້າຮ່ວມຍືນຊອງປະມູນໃນຄັ້ງນີ້.

ຜູ້ອໍານວຍການ