ຂ່າວສານ ເຊີນເຂົ້າຮ່ວມຍື່ນຊອງລາຄາເຊົ່າ ເຄື່ອງຈັກນັບ ຄັດໄຈ້ ກວດເງິນປອມ

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນ

ເຖິງ: ບັນດາທ່ານຜູ້ສະໜອງ ທີ່ເປັນຕົວແທນຈຳໜ່າຍປະເພດເຄື່ອງຈັກຄັດໄຈ້ເງິນ.

ເລື່ອງ: ເຊີນເຂົ້າຮ່ວມຍື່ນຊອງລາຄາເຊົ່າ ເຄື່ອງຈັກນັບ-ຄັດໄຈ້-ກວດເງິນປອມ.

ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍແຈ້ງເຊີນມາຍັງທ່ານ ຜູ້ສະໜອງເຄື່ອງຈັກ ຍື່ນຊອງປະມູນ ເຄື່ອງຈັກທີ່ສາມາດ: ນັບເງິນ-ຄັດໄຈ້ເງິນ-ກວດເງິນປອມໄດ້ຫຼາຍສະກຸນ ເພື່ອປະກອບເປັນເຄື່ອງ ມືຮັບໃຊ້ເຂົ້່າໃນວຽກງານວິຊາສະເພາະຂອງທະນາຄານ ຢູ່ພາຍໃນນະຄອນຫຼວງ ແລະ ສາຂາຕ່າງແຂວງ, ດັ່ງລາຍການລຸ່ມນີ້:

ລ/ດ	ລາຍການສິນຄ້າ / ສະເປັກສິນຄ້າ	ຈ/ນ (ເຄື່ອງ)	ໝາຍເຫດ
1	ເຄື່ອງຈັກນັບ-ຄັດໄຈ້ເງິນລຸ້ນ 2 (1+1) ຊ່ອງ ຄວາມໄວຢ່າງໜ້ອຍ: ໂໝດນັບ-ຄັດ 600 ໃບ/ນາທີ ແລະ ສາມາດໃຊ້ງານເຄື່ອງຈັກຕໍ່ເນື່ອງໄດ້ ເກີນ 5 ຊົ່ວໂມງ. ຊ່ອງວາງເງິນນັບໄດ້ ຢ່າງໜ້ອຍ 500 ໃບ. ຊ່ອງ Reject ຮັບເງິນໄດ້ ຢ່າງໜ້ອຍ 100 ໃບ. ຊ່ອງຮັບເງິນທີ່ນັບແລ້ວ ຢ່າງໜ້ອຍ 200 ໃບ. ສາມາດກວດນັບ, ຄັດແຍກ ປະເພດໃບເງິນປົນ ແລະ ລຸ້ນປີ (ລຸ້ນເກົ່າ-ໃໝ່) ອອກຈາກ ກັນໄດ້. ສາມາດຮັບປະກັນໃນການກວດນັບໃຫ້ຖືກຕ້ອງຄົບຖ້ວນ (ຈຳນວນ 100) ໂດຍບໍ່ມີບັນຫາເກີດຂື້ນເຊັ່ນ: ເງິນເກີນ ຫຼື ເງິນບໍ່ພໍ. ນັບເງິນ ກວດເງິນປອມ ໄຈ້ເງິນ, ຈັດລຽງໜ້າເງິນໄດ້, ກວດຈັບເງິນທີ່ບໍ່ສົມບູນໄດ້ (ເງິນທີ່ຖືກຕັດຂອບ, ເງິນທີ່ຕິດສະກ໋ອດ). ສາມາດຮັບເງິນລຸ້ນເກົ່າ-ໃໝ່ ທັງເງິນກີບ ແລະ ເງິນຕາຕ່າງປະເທດ. ສາມາດຮັບຮອງການກວດ-ນັບເງິນ ໄດ້ທຸກສະກຸນເງິນ ທີ່ຂື້ນຢູ່ກະດານອັດຕາແລກ ປ່ຽນ ຂອງ ທຄຕລ (USD, THB, EUR, GBP, AUD, CAD, JPY, CHF, CNY, DKK, NOK, SEK, SGD, HKD, VND, KRW). ສາມາດອັບເດດຊ໋ອບແວເຄື່ອງ ເພື່ອຮອງຮັບເງິນລຸ້ນໃໝ່ ຕະຫຼອດອາຍຸສັນຍາ. ມີຈໍນອກເສີມ. ການຮັບປະກັນການເຄຼມຄືນ ໃນກໍລະນີທີ່ເງິນປອມສາມາດຜ່ານຈັກໄດ້: ໃຫ້ຜູ້ສະໜອງລະບຸວົງເງິນທີ່ຮັບເຄຼມແທນຄືນ ເພື່ອເປັນເງື່ອນໄຂໃຫ້ ທຄຕລ ພິຈາລະນາ. ມີຄູ່ມືການນຳໃຊ້ຈັກ ຂັ້ນພື້ນຖານໃຫ້ແກ່ ທຄຕລ.	15	ພາຍໃນນະຄອນຫຼວງ
1		39	ຕ່າງແຂວງ
2	ເຄື່ອງຈັກນັບ-ຄັດໄຈ້ເງິນລຸ້ນ 4 ຊ່ອງ ຄວາມໄວໃນການນັບຢ່າງໜ້ອຍ: 750 ໃບ/ນາທີ ແລະ ສາມາດໃຊ້ງານເຄື່ອງຈັກຕໍ່ເນື່ອງໄດ້ ເກີນ 5 ຊົ່ວໂມງ. ຊ່ອງວາງເງິນນັບໄດ້ ຢ່າງໜ້ອຍ 2,000 ໃບ. ສາມາດກວດນັບ, ຄັດແຍກ ປະເພດໃບເງິນປົນ ແລະ ລຸ້ນປີ (ລຸ້ນເກົ່າ-ໃໝ່) ອອກຈາກກັນໄດ້. ສາມາດຮັບຮອງການກວດ-ນັບເງິນ ແລະ ຄັດແຍກ (ໄຈ້ປົນ, ເກົ່າ-ກາງ-ໃໝ໋) ໄດ້ທຸກສະກຸນ ທີ່ຂື້ນຢູ່ກະດານອັດຕາແລກ ປ່ຽນ ຂອງ ທຄຕລ (USD, THB, EUR, GBP, AUD, CAD, JPY, CHF, CNY, DKK, NOK, SEK, SGD, HKD, VND, KRW). ນັບເງິນ ກວດເງິນປອມ ໄຈ້ເງິນ, ຈັດລຽງໜ້າເງິນໄດ້, ກວດຈັບເງິນທີ່ບໍ່ສົມບູນໄດ້ (ເງິນທີ່ຖືກຕັດຂອບ, ເງິນທີ່ຕິດສະກ໋ອດ). ສາມາດຄັດແຍກຕ່າງສະກຸນເງິນພ້ອມກັນໄດ້. ສາມາດຮັບເງິນລຸ້ນເກົ່າ-ໃໝ່ ທັງເງິນກີບ ແລະ ເງິນຕາຕ່າງປະເທດ. ສາມາດອັບເດດຊ໋ອບແວເຄື່ອງ ເພື່ອຮອງຮັບເງິນລຸ້ນໃໝ່ ຕະຫຼອດອາຍຸສັນຍາ. ສາມາດຄັດແຍກເງິນໄດ້ຕາມສະພາບ ທີ່ທະນາຄານຕ້ອງການເກົ່າ, ກາງ, ໃໝ່. ການຮັບປະກັນການເຄຼມຄືນ ໃນກໍລະນີທີ່ເງິນປອມສາມາດຜ່ານຈັກໄດ້: ໃຫ້ຜູ້ສະໜອງລະບຸວົງເງິນທີ່ຮັບເຄຼມແທນຄືນ ເພື່ອເປັນເງື່ອນໄຂໃຫ້ ທຄຕລ ພິຈາລະນາ. ມີຄູ່ມືການນຳໃຊ້ຈັກ ຂັ້ນພື້ນຖານໃຫ້ແກ່ ທຄຕລ.	1	ພາຍໃນນະຄອນຫຼວງ
2		3	ຕ່າງແຂວງ
3	ເຄື່ອງຈັກນັບ-ຄັດໄຈ້ເງິນລຸ້ນ 8 ຊ່ອງ ຄວາມໄວໃນການນັບຢ່າງໜ້ອຍ: 750 ໃບ/ນາທີ ແລະ ສາມາດໃຊ້ງານເຄື່ອງຈັກຕໍ່ເນື່ອງໄດ້ ເກີນ 5 ຊົ່ວໂມງ. ຊ່ອງວາງເງິນນັບໄດ້ ຢ່າງໜ້ອຍ 2,000 ໃບ. ສາມາດກວດນັບ, ຄັດແຍກ ປະເພດໃບເງິນປົນ ແລະ ລຸ້ນປີ (ລຸ້ນເກົ່າ-ໃໝ່) ອອກຈາກກັນໄດ້. ສາມາດຮັບຮອງການກວດ-ນັບເງິນ ແລະ ຄັດແຍກ (ໄຈ້ປົນ, ເກົ່າ-ກາງ-ໃໝ໋) ໄດ້ທຸກສະກຸນ ທີ່ຂື້ນຢູ່ກະດານອັດຕາແລກ ປ່ຽນ ຂອງ ທຄຕລ (USD, THB, EUR, GBP, AUD, CAD, JPY, CHF, CNY, DKK, NOK, SEK, SGD, HKD, VND, KRW). ນັບເງິນ ກວດເງິນປອມ ໄຈ້ເງິນ, ຈັດລຽງໜ້າເງິນໄດ້, ກວດຈັບເງິນທີ່ບໍ່ສົມບູນໄດ້ (ເງິນທີ່ຖືກຕັດຂອບ, ເງິນທີ່ຕິດສະກ໋ອດ). ສາມາດຄັດແຍກຕ່າງສະກຸນເງິນພ້ອມກັນໄດ້. ສາມາດກວດນັບເງິນລຸ້ນເກົ່າ-ໃໝ່ ທັງເງິນກີບ ແລະ ເງິນຕາຕ່າງປະເທດ. ສາມາດອັບເດດຊ໋ອບແວເຄື່ອງ ເພື່ອຮອງຮັບເງິນລຸ້ນໃໝ່ ຕະຫຼອດອາຍຸສັນຍາ. ສາມາດຄັດແຍກເງິນໄດ້ຕາມສະພາບ ທີ່ທະນາຄານຕ້ອງການເກົ່າ, ກາງ, ໃໝ່. ການຮັບປະກັນການເຄຼມຄືນ ໃນກໍລະນີທີ່ເງິນປອມສາມາດຜ່ານຈັກໄດ້: ໃຫ້ຜູ້ສະໜອງລະບຸວົງເງິນທີ່ຮັບເຄຼມແທນຄືນ ເພື່ອເປັນເງື່ອນໄຂໃຫ້ ທຄຕລ ພິຈາລະນາ. ມີຄູ່ມືການນຳໃຊ້ຈັກ ຂັ້ນພື້ນຖານໃຫ້ແກ່ ທຄຕລ.	1	ພາຍໃນນະຄອນຫຼວງ
3		1	ຕ່າງແຂວງ
ເງື່ອນໄຂການເຊັນສັນຍາສຳລັບຈັກ 3 ລຸ້ນຂ້າງເທິງແມ່ນ: ການເຊັນສັນຍາເຊົ່າ ແມ່ນ 03 ປີ/ເຄື່ອງ. ການຊຳລະເງິນແມ່ນ 06 ເດືອນ/ຄັ້ງ (2 ຄັ້ງ/ປີ). ການບຳລຸງຮັກສາຈັກ 03 ເດືອນ/ຄັ້ງ (4 ຄັ້ງ/ປີ), ສຳລັບການເຄື່ອນຍ້າຍຈັກຢູ່ຕ່າງແຂວງ ແມ່ນມອບໃຫ້ເປັນຄວາມຮັບຜິດ ຊອບຂອງຜູ້ສະໜອງ. ໄລຍະເວລາການແກ້ໄຂ ກໍລະນີຈັກເພ່ສຸກເສີນ: ນະຄອນຫຼວງແມ່ນບໍ່ໃຫ້ເກີນ 1 ວັນ, ຕ່າງແຂວງບໍ່ເກີນ 3 ວັນ. ໝາຍເຫດ: ຜູ້ສະໜອງສາມາດເຂົ້າຮ່ວມປະມູນທຸກລາຍການ ຫຼື ລາຍການໃດໜຶ່ງກໍ່ໄດ້, ສ່ວນການພິຈາລະ ນາແມ່ນ ທຄຕລ ຈະຄັດເລືອກເປັນແຕ່ລະລາຍການ, ຄັດເລືອກຈາກຫຼາຍເງື່ອນໄຂ, ບໍ່ໄດ້ພິຈາລະນາພຽງແຕ່ມູນຄ່າພຽງຢ່າງດຽວ

*ເງື່ອນໄຂສໍາລັບຜູ້ທີ່ສົນໃຈເຂົ້າຮ່ວມປະມູນຕ້ອງປະກອບເອກະສານໃຫ້ຄົບຖ້ວນດັ່ງລຸ່ມນີ້:

Ø ເອກະສານ ຊອງທີ 1 (ບໍ່ປິດຊອງ):

ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດຈໍາໜ່າຍເຄື່ອງຈັກນັບເງິນ, ຕ້ອງມີວິຊາການ ກ່ຽວກັບເຄື່ອງຈັກດັ່ງກ່າວໂດຍສະເພາະ, ສໍາເນົາໃບທະບຽນວິສາຫະກິດ (ດໍາເນີນທຸລະກິດຢ່າງໜ້ອຍ 03 ປີຂຶ້ນໄປ), ໃບຢັ້ງຢືນການເສຍອາກອນປີ 2021, 2022, 2023 ແລະ ໃບຢັ້ງຢືນການເປັນຕົວແທນຈໍາໜ່າຍ.
ເອກະສານຂ້າງເທິງແມ່ນໃຫ້ຍື່ນກ່ອນ ວັນສຸກ, ທີ 11/04/2025 ເວລາ 11:00 ໂມງ ໂດຍການສົ່ງຟາຍ pdf ເຂົ້າ E-mail: procurement@bcel.com.la

Ø ເອກະສານ ຊອງທີ 2 (ປິດຊອງ):

ໃບສະເໜີລາຄາໃຫ້ລະບຸເປັນເງິນກີບ, ລວມອາກອນມູນຄ່າເພີ່ມ (ລາຄາ/ໜ່ວຍ, ລາຄາລວມ)
ຜູ້ສະໜອງຕ້ອງວາງເງິນຄໍ້າປະກັນການປະມູນຢ່າງໜ້ອຍ 10% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກໂດຍທະນາຄານພາຍໃນ (ວັນໝົດອາຍຸໜັງສືຄໍ້າປະກັນຕ້ອງເຖິງ ວັນທີ 30/07/2025) ຫຼື ແຊັກທີ່ວີຊ້າແລ້ວ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງແຊັກ/ໜັງສືຄໍ້າປະກັນດັ່ງກ່າວຄືນພາຍໃນ 10 ວັນ.
ວັນພະຫັດ, ວັນທີ 24/04/2025, ເວລາ 13:30 ໂມງ ແມ່ນມື້ເປີດຊອງປະມູນ, ສະນັ້ນ ໃຫ້ຜູ້ສະ ໜອງທີ່ຜ່ານການຄັດເລືອກຈາກເອກະສານຊອງທີ 1 ມາຍື່ນຊອງລາຄາມາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມຊັ້ນ 5/2 ອາຄານ C.

ໝາຍເຫດ:

ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານບໍ່ຄົບຖ້ວນ ຫຼື ບໍ່ຖືກ ຕ້ອງຕາມການກຳນົດຂ້າງເທິງ.
ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ແລະ ຮັບຜິດຊອບຄ່າທຳນຽມໃນການຈົດທະບຽນສັນຍາ.
ຖ້າຜູ້ຊະນະການປະມູນ ປະຕິເສດການເຊັນສັນຍາ ແມ່ນຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ.

ດັ່ງນັ້ນ, ຈຶ່ງແຈ້ງເຊີນມາຍັງທ່ານ ທີ່ມີຄວາມສົນໃຈເຂົ້າຮ່ວມຍືນຊອງປະມູນລາຄາໃນຄັ້ງນີ້ດ້ວຍ.