BCEL I-Bank
BCEL One
ພິທີເປີດໂຕ OneX (ວັນເອັກສ) ພື້ນທີ່ ຊື້-ຂາຍ ສິນຄ້າອອນລາຍ ລະຫວ່າງ BCEL ແລະ ບໍລິສັດ Best Telecom ຈຳກັດ
21/12/2022
(Soft copy)
ໃນຕອນແລງຂອງວັນທີ 21 ທັນວາ 2022 ໃນງານ Lao Digital Week 2022 ທີ່ຫໍປະຊຸມແຫ່ງຊາດຫຼັກ 6 ໄດ້ມີການເປີດໂຕທົດລອງນໍາໃຊ້ OneX (ວັນເອັກສ) ພື້ນທີ່ ຊື້-ຂາຍ ສິນຄ້າອອນລາຍ ຟັງຊັ່ນໃໝ່ໃນ App BCEL One, ໃຫ້ກຽດເປີດພິທີໂດຍ ທ່ານ ນັນທະລາດ ແກ້ວປະເສີດ ຮອງຜູ້ອໍານວຍການ ທະນາຄານການຄ້າຕ່າງປະເທດລາວມະຫາຊົນ ແລະ ທ່ານ ລິດທິກອນ ພູມມະສັກ ປະທານ ກຳມະການກຸ່ມບໍລິສັດ AIF ແລະ ຜູ້ອຳນວຍການໃຫຍ່ ບໍລິສັດ Best Telecom Lao ເປັນກຽດເຂົ້າຮ່ວມເພື່ອເປັນສັກຂີພະຍານໂດຍທ່ານ ແກ້ວວິສຸກ ໂສລະພົມ ຮອງລັດຖະມົນຕີກະຊວງເຕັກໂນໂລຊີ ແລະ ການສື່ສານ ແລະ ພາກສ່ວນທີ່ກ່ຽວຂ້ອງພ້ອມດ້ວຍສື່ມວນຊົນຈາກຫຼາຍພາກສ່ວນ. ການເປີດໂຕໃນຄັ້ງນີ້ແມ່ນເພື່ອເປັນການປັບປ່ຽນຄັ້ງໃໝ່ຂອງການ ຊື້-ຂາຍອອນລາຍ ແລະ ເພື່ອຂັບເຄື່ອນສັງຄົມໃຫ້ກ້າວໄປຂ້າງໜ້າ ໂດຍການຮ່ວມເອົາສິນຄ້າ ແລະ ການບໍລິການທີ່ຫຼາກຫຼາຍ ມາໄວ້ພາຍໄວ້ໃນແອັບດຽວ ເພື່ອສ້າງຄວາມສະດວກສະບາຍໃຫ້ກັບສັງຄົມ.
OneX ມີເປົ້າໝາຍເປັນສູນການ ການຄ້າແບບດີຈີຕ້ອນທີ່ດີທີ່ສຸດໃນລາວ ມີສິນຄ້າ-ການບໍລິການທີ່ມີຄຸນນະພາບ, ຫຼາກຫຼາຍ, ແລະ ທຸກຄົນສາມາດເຂົ້າເຖິງໄດ້ທົ່ວປະເທດຜ່ານແອັບ BCEL One ອີກດ້ວຍ, ໃຊ້ງານງ່າຍ ແລະ ສະດວກ, ພ້ອມຍົກສູງ ແລະ ສ້າງມາດຕະຖານດ້ານຄວາມປອດໄພໃນການ ຊື້-ຂາຍ ອອນລາຍ ໃຫ້ມີຄວາມໂປ່ງໃສທີ່ສຸດ ແລະ ໄດ້ມາດຕະຖານສາກົນ. ເປັນການຄ້າອີເລັກໂທຼນິກທີ່ຄວບຄຸມຜູ້ຊື້, ຜູ້ຂາຍ ທັງພາຍໃນ ແລະ ຕ່າງປະເທດ ພາຍໃຕ້ຄໍາຂວັນ ຄົນຊື້ກໍ່ງ່າຍຄົນຂາຍກໍ່ສະດວກ.
ສາມາດທົດລອງ ຫຼື ສອບຖາມຂໍ້ມູນເພີ່ມຕື່ມໄດ້ທີ່:
ງານວາງສະແດງ Lao Digital Week 2022 ທີ່ຫໍປະຊຸມແຫ່ງຊາດ ວັນທິ 21-25 ທັນວາ 2022 ນີ້
ຫຼືໂທ: 020 8888 1516
(Soft copy)
Related link
BCEL-GLN Cross-border QR Payment ATM Services Launch...
20-12-2022
ການຊໍາລະຕົ້ນທຶນ ແລະ ດອກເບ້ຍ ພັນທະບັດ ທະນາຄານແຫ່ງ ສປປ ລາວ...
15/12/2022
