ໜັງສືແຈ້ງເຊີນປະມູນ

   ເຖີງ:ບັນດາບໍລິສັດ, ວິສາຫະກິດ ຈັດຈຳໜ່າຍ, ຕິດຕັ້ງ ແລະ ສ້ອມແປງແອເຢັນ.

   ເລື່ອງ :ແຈ້ງເຊີນປະມູນຮັບເໝົາບໍາລຸງຮັກສາແອເຢັນຫ້ອງເກັບອຸປະກອນໄອທີ ທຄຕລ.

•               ທະນາຄານການຄ້າຕ່າງປະເທດລາວ  ມະຫາຊົນ (ທຄຕລ) ຂໍຖືເປັນກຽດແຈ້ງເຊີນມາຍັງບັນດາທ່ານ ເຂົ້າຮ່ວມຍື່ນຊອງປະມູນລາຄາບຳລຸງຮັກສາແອເຢັນຫ້ອງເກັບອຸປະກອນໄອທີ ທຄຕລ ຈໍານວນ 45 ຊຸດ ດັ່ງລາຍລະອຽດລຸ່ມນີ້:

1. ລາຍລະອຽດໜ້າວຽກ:

      ໜາຍເຫດ: ສະເໜີໃຫ້ບໍລິສັດເຂົ້າມາສຳຫຼວດຕົວຈິງ

2. ລາຍລະອຽດການປະກອບເອກະສານ:
3. ເອກະສານ ຊອງທີ 1 (ບໍ່ປິດຊອງ):

• ປະກອບເອກະສານໃນນາມນິຕິບຸກຄົນທີ່ດຳເນີນທຸລະກິດໃຫ້ບໍລິການຈັດຈຳໜ່າຍອຸປະກອນໄອທີ ຫຼື ໄຟຟ້າດໍາເນີນທຸລະກິດຢ່າງໜ້ອຍ 3 ປີຂຶ້ນໄປ (ສໍາເນົາໃບທະບຽນວິສາຫະກິດ ແລະ ໃບຢັ້ງຢືນການເສຍອາກອນ ປະຈຳປີ 2023/2024) ພ້ອມໃບຢັ້ງຢືນຜົນງານ ແລະ ປະສົບການທີ່ຜ່ານມາ;
• ກຳນົດຍື່ນ ຊອງທີ 1 ລະຫວ່າງວັນທີ 19/05/2025-06/06/2025 ເວລາ 8:30 – 15:30 ໂມງ ທີ່ພະແນກ ຫ້ອງການບໍລິຫານ-ການເງິນ ສຳນັກງານໃຫຍ່ ທີ່ປ່ອງຂາເຂົ້າ-ຂາອອກ ອາຄານ C ຊັ້ນ 4.

Ø ເອກະສານ ຊອງທີ 2 (ປິດຊອງ):

• ໃບສະເໜີລາຄາ 1 ຊຸດ ເຊິ່ງລາຄາແມ່ນໃຫ້ ລະບຸລາຄາສະເລ່ຍຕໍ່ໜ່ວຍ/ຄັ້ງ ໂດຍບໍ່ແຍກຍີ່ຫໍ້ ແລະ ຄວາມແຮງຂອງແອ, ການສະ​ເໜີລາຄາຕ້ອງເປັນ​ສະກຸນ​ເງິນ​ກີບ​ ແລະ ລວມອາກອນ ມູນ​ຄ່າ​ເພີ່ມ 10% ເຊິ່ງລາຄາດັ່ງກ່າວແມ່ນສະເພາະແຕ່ຄ່າແຮງງານ ໂດຍບໍ່ລວມຄ່າອາໄຫຼ່ ໃນການສ້ອມແປງ ຫຼື ປ່ຽນຖ່າຍ;
• ຜູ້ສະໜອງຕ້ອງວາງເງິນຄໍ້າປະກັນການປະມູນຕໍ່າສຸດ 10% ຂອງມູນຄ່າທັງໝົດຕາມສັນຍາ (ມູນຄ່າທັງໝົດ = ລາຄາຕໍ່ໜ່ວຍ x ຈໍານວນແອ x 1 ປີ) ໂດຍໜັງສືຄໍ້າ ປະກັນທີ່ອອກໂດຍທະນາຄານພາຍໃນ (ວັນໝົດອາຍຸໜັງສືຄໍ້າປະກັນຕ້ອງເຖິງ ວັນທີ 20/09/2025) ຫຼື ແຊັກທີ່ວີຊ່າແລ້ວ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນ ດັ່ງກ່າວຄືນ;
• ໃນວັນທີ 10/06/2025 ເວລາ 09:00 ໂມງ ແມ່ນມື້ເປີດຊອງລາຄາປະມູນ, ໃຫ້ຜູ້ສະໜອງທີ່ຜ່ານການຄັດເລືອກຈາກເອກະສານຊອງທີ 1 ມາຍື່ນຊອງລາຄາດ້ວຍ ຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມຊັ້ນ 5 ອາຄານ C.

3. ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

1. ເຮັດສັນຍາກັບບໍລິສັດທີ່ຄົບເງື່ອນໄຂມາດຖານ ແລະ ຊະນະການປະມູນ ເປັນເວລາ 1 ປີ.
2. ສຳຫຼັບເຄື່ອງມືຮັບໃຊ້ທີ່ຕິດພັນກັບການບໍາລຸງຮັກສາ ເຊັ່ນ : ນ້ຳຢາ, ນ້ຳມັນຄອມ ແລະ ອື່ນໆ ແມ່ນ ບໍລິສັດເປັນຝ່າຍຮັບຜິດຊອບ ແຕ່ລະຄັ້ງທີ່ທໍາການບຳລຸງຮັກສາ;
3. ມີການສຳຮອງອາໄຫຼ່ແອເຢັນ ເພື່ອແກ້ໄຂເຫດສຸກເສີນໃຫ້ໄດ້ໄວທີ່ສຸດພາຍໃນ 1-4 ຊົ່ວໂມງ ເປັນຕົ້ນແມ່ນແອຫ້ອງ Server ຂະໜາດ 48.000 BTU ຫາ ຂະໜາດ 120.000 BTU ທີ່ ທຄຕລ ນຳໃຊ້ຢູ່;
4. ຕ້ອງມີພະນັກງານຊັບພອດແກ້ໄຂບັນຫາເຕັກນິກຂອງບໍລິສັດເອງ ພາຍໃນ 1-2 ຊົ່ວໂມງ ຕະຫຼອດ 24 ຊົ່ວໂມງ;
5. ສຳຫຼັບເຄື່ອງອຸປະກອນອາໄຫຼ່ຕ່າງໆໃນການແກ້ໄຂບັນຫາເວລາເປ່ເພໃຫ້ບໍລິສັດ ຊີ້ແຈງລາຍລະອຽດເປັນລາຍລັກອັກສອນໃຫ້ຄົບຖ້ວນ ຫາ ທຄຕລ ເພື່ອຈະເປັນຜູ້ຈັດຊື້ ສ່ວນບໍລິສັດບຳລຸງຮັກສາຕ້ອງເປັນຜູ້ຕິດຕັ້ງ ແລະ ແກ້ໄຂໃຫ້;
6. ການບໍາລຸງຮັກສາດ້ວຍການລ້າງອັດສີດແຝງຮ້ອນ ແລະ ແຝງເຢັນ;
7. ກວດສອບອື່ນໆຕາມຄວາມຈຳເປັນໃນການບຳລຸງຮັກສາແບບປ້ອງກັນລະບົບ (Preventive Maintenance);
8. ຖ້າເກີດມີບັນຫາໃນຊ່ວງໄລຍະການບໍຳລຸງຮັກສາ ທີ່ມາຈາກການກວດສອບທີ່ບໍ່ຄົບຖ້ວນ ບໍ່ຮອບຄອບຂອງບໍລິສັດ ມີການປ່ອຍປະລະເລີຍ ຫຼື ແກ່ຍາວໃນການແກ້ໄຂບັນຫາທີ່ທາງບໍລິສັດບໍ່ສາມາດ ອະທິບາຍ ຫລື ຊີ້ແຈງໄດ້ ທຄຕລ ມີສິດປັບໃໝໂດຍຄິດໄລ່ຈາກຄວາມເສຍຫາຍຕົວຈິງ;
9. ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ເປັນເວລາ 1 ປີ  ແລະ ຄ່າທໍານຽມໃນການຈົດທະບຽນ ສັນຍາ ແມ່ນມອບໃຫ້ເປັນຄວາມຮັບຜິດຊອບຂອງຜູ້ຮັບເໝົາ;
10. ການຊໍາລະຄ່າບໍລິການແມ່ນຊຳລະຕາມຈຳນວນແອຕົວຈິງທີ່ບຳລຸງຮັກສາໃນຊຸດນັ້ນ, ຈໍານວນແອອາດມີການເພີ່ມຂຶ້ນ ຫຼື ຫຼຸດລົງ ຕາມການໃຊ້ງານຕົວຈິງໃນແຕ່ລະໄລຍະ ເຊິ່ງຊໍາລະພາຍຫຼັງທີ່ສໍາເລັດການກວດວຽກໃນແຕ່ລະຄັ້ງ.

    4. ເງື່ອນໄຂການກວດເຊັກຄວາມພ້ອມການທຳງານຂອງແອເຢັນ

1. ກວດການເຮັດວຽກຂອງແຜງຮ້ອນ ແລະ ແຜງເຢັນ, ວັດແທກອຸນະພຸມຄວາມເຢັນ, ວັດແທກກະແສໄຟຂອງຄອມເພຼດເຊີ;
2. ກວດເຊັກປະລິມານນ້ຳຢາແອເຢັນ ຫຼື ເຕີມໃຫ້ຢູ່ໃນລະດັບຄ່າມາດຕະຖານ;
3. ກວດເຊັກສາຍພານຂອງໂມເຕີແຜງເຢັນ ຂອງແອດັກ;
4. ມີການສົ່ງພະນັກງານເຂົ້າມາກວດເຊັກ ການທຳງານຂອງແອເຢັນເປັນປະຈຳທຸກເດືອນ, ໄຕມາດ ຕາມມາດຕະຖານເຕັກນິກ ທີ່ລະບຸໄວ້ໃນສັນຍາຮ່ວມກັນ.

ດັ່ງນັ້ນ, ຈຶ່ງແຈ້ງເຊີນມາຍັງທ່ານ ທີ່ມີຄວາມສົນໃຈເຂົ້າຮ່ວມຍືນຊອງປະມູນໃນຄັ້ງນີ້ດ້ວຍ.

                                                                           ຜູ້ອໍານວຍການ              

ຜູ້ປະສານງານ

ຕິດຕໍ່ຍື່ນຊອງລາຄາ

ທ່ານ ພູວອນ ສໍອິນໄຊ 020 59559889

ຕິດຕໍ່ລົງເບິ່ງສະໜາມຕົວຈິງ

ທ້າວ ຈັນທະພອນ ຈັນທະວົງ

020 55334674