ຂ່າວສານ ແຈ້ງເຊີນເຂົ້າຮ່ວມຍື່ນຊອງປະມູນ ຜະລິດເສື້ອ ໂປໂລ ( ສີແດງ ແລະ ຂາວ ) ແລະ ເສື້ອຍືດຄໍມົນ ສີຂາວ ທຄຕລ .

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ຄວາມຮູ້ & ຂ່າວສານ

ສາທາລະນະລັດ ປະຊາທິປະໄຕ ປະຊາຊົນລາວ

ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນາຖາວອນ

ເລກທີ : 3980 /ທຄຕລ: 2023.

ນະຄອນຫລວງວຽງຈັນ, ວັນທີ: 17/10/2023.

ສໍານັກງານໃຫຍ່

ໜັງສືແຈ້ງເຊິນ

ເຖິງ: ເຈົ້າຂອງໂຮງງານຕັດຫຍິບ, ຜູ້ປະກອບການທຸລະກິດກ່ຽວກັບການຜະລິດເສື້ອຜ້າ, ປັກແສ່ວ, ຕັດຫຍິບ

ແລະ ພິມລາຍ ທີ່ນັບຖື.

ເລື່ອງ: ແຈ້ງເຊີນເຂົ້າຮ່ວມຍື່ນຊອງປະມູນ ຜະລິດເສື້ອ ໂປໂລ ( ສີແດງ ແລະ ຂາວ ) ທຄຕລ ຈໍານວນ 4.500 ຜືນ

ແລະ ເສື້ອຍືດຄໍມົນ ສີຂາວ ທຄຕລ ຈໍານວນ 5.000 ຜືນ.

ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍແຈ້ງເຊີນມາຍັງທ່ານຜູ້ສະໜອງ ທີ່ມີຄວາມສົນໃຈເຂົ້າຮ່ວມປະມູນລາຄາ ຜະລິດເສື້ອ ໂປໂລ( ສີແດງ ແລະ ຂາວ ) ທຄຕລ ຈໍານວນ 4.500 ຜືນ ແລະ ເສື້ອຍືດຄໍມົນ ສີຂາວ ທຄຕລ ຈໍານວນ 5.000 ຜືນ ລາຍລະອຽດສິນຄ້າ ມີດັ່ງຕາຕະລາງລຸ່ມນີ້:

ຮູບແບບເສື້ອ ໂປໂລ ຍີງ-ຊາຍ ລວມ 4.500 ຜືນ ( ສີແດງ ແລະ ຂາວ )

ໜາຍຫດ : Size ອາຊີ : ຍີງ 2.300 ຜືນ ແລະ ຊາຍ 2.200 ຜືນ

ຮູບແບບເສື້ອຍືດຄໍມົນ ສີຂາວ ຈຳນວນ 5.000 ຜືນ

ໜາຍຫດ : Size ອາຊີ ຂະໜາດ S - XL

ໝາຍເຫດ: ເນື້ອຜ້າ( ທັງເສື້ອໂປໂລ ແລະ ເສື້ອຍືດຄໍມົນ ) ແມ່ນ 87% Nylon 13% Spandex, ພ້ອມປັກແສ່ວ 35 years BCEL 02 ຈຸດຕາມ Artwork, ຜະລິດຕາມ Spec ຜ້າທີ່ ທຄຕລ ກຳນົດ, ສາມາດເຂົ້າມາຮັບຕົວຢ່າງເນື້ອຜ້າໄດ້ທີ່ ທຄຕລ ສຳນັກງານໃຫຍ່, ພະແນກຫ້ອງບໍລິຫານ-ການເງິນ ຊັ້ນ 04 ອາຄານ C (ໃນໂມງລັດຖະການ ).

ເງື່ອນໄຂຂອງບໍລິສັດ, ຫ້າງຮ້ານຜູ້ສະໜອງທີ່ຈະຢືນຊອງປະມູນຕ້ອງປະກອບມີລາຍການດັ່ງນີ້:

ເອກະສານຊອງທີ 1 (ບໍ່ປິດຊອງ):

ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດ ຜະລິດ ແລະ ຈັດຈໍາໜ່າຍ ເສື້ອຜ້າ ແລະ ມີປະສົບການດ້ານທຸລະກິດດັ່ງກ່າວ ຢ່າງໜ້ອຍ 02 ປີ ຂຶ້ນໄປ: ສໍາເນົາໃບທະບຽນວິສາຫະກິດ, ໃບຢັ້ງຢືນການເສຍອາກອນ ປີ 2022.
ລະບຸຄຸນສົມບັດຂອງແພເສື້ອຢ່າງລະອຽດ, ກຳນົດເວລາສົ່ງເຄື່ອງ, ເງື່ອນໄຂການຮັບປະກັນສິນຄ້າຂອງຕົນ ແລະ ເງື່ອນໄຂອື່ນໆໃຫ້ລະບຸລະອຽດ (ຖ້າມີ) ຕາມຮ່າງເອກະສານຄັດຕິດມາພ້ອມນັ້ນ ພ້ອມທັງ ເອົາຜ້າທີ່ຈະຜະລິດຕົວຈິງ ຫຼື ຜະລິດເສື້ອຕາມແບບຂ້າງເທິງມາພ້ອມ.
ກຳນົດຍື່ນລາຍລະອຽດຂ້າງເທິງນັບຈາກວັນນີ້ຈົນເຖິງ ວັນສຸກ ວັນທີ 27/10/2023 ກ່ອນເວລາ 11.00 ໂມງ ທີ່ພະແນກຫ້ອງການບໍລິຫານ-ການເງິນ ສຳນັກງານໃຫຍ່ ທີ່ປ່ອງບໍລິການຂາເຂົ້າ-ຂາອອກ ຊັ້ນ 04 ອາຄານ C ຫຼື ສົ່ງຜ່ານຊ່ອງທາງ E-mail: procurement@bcel.com.la (ສໍາລັບການປະກອບເອກະສານ).

ເອກະສານຊອງທີ 2 (ປິດຊອງ):

ທຄຕລ ຈະແຈ້ງສະເພາະຜູ້ທີ່ຜ່ານເງື່ອນໄຂ ຮອບທີ 01 ເທົ່ານັ້ນ ເພື່ອເຂົ້າມາຍື່ນຊອງລາຄາດ້ວຍຕົນເອງ ຫຼື ສົ່ງຜູ້ຕາງ

ໜ້າເຂົ້າມາຮ່ວມ ເປີດຊອງຊ້ອງໜ້າຄະນະກໍາມະການ ໃນ ວັນສຸກ, ທີ 03/11/2023 ເວລາ 09:00 ໂມງ ທີ່ສໍານັກງານໃຫຍ່ຫ້ອງປະຊຸມ ຊັ້ນ 05, ອາຄານ C.

ການສະເໜີລາຄາຕ້ອງເປັນສະກຸນເງິນກີບ ແລະ ລວມອາກອນມູນຄ່າເພີ່ມ 07%, ໃບສະເໜີລາຄາຂອງຜູ້ສະໜອງມີອາຍຸຢ່າງໜ້ອຍ 01 ເດືອນ ຫຼັງຈາກມື້ຍື່ນຊອງປະມູນ.
ຜູ້ສະໜອງຕ້ອງວາງເງິນຄໍ້າປະກັນການປະມູນຢ່າງໜ້ອຍ 2% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກໃຫ້ໂດຍທະນາຄານພາຍໃນ ຫຼື ແຊັກທີ່ວີຊ້າແລ້ວ ( ວັນໝົດອາຍຸໜັງສືຄໍ້າປະກັນຕ້ອງເຖິງ ວັນທີ 08/12/2023 ) ທຄຕລ ບໍ່ຮັບເງິນສົດ, ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນ.

ໝາຍເຫດ:

ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ, ການຄັດເລືອກຜູ້ສະໜອງແມ່ນຈະຄັດເລືອກຈາກຫຼາຍເງື່ອນໄຂ (ບໍ່ໄດ້ຄັດເລືອກຈາກລາຄາພຽງຢ່າງດຽວ).
ຜູ້ສະໜອງສາມາດເຂົ້າຮ່ວມປະມູນທຸກລາຍການ ຫຼື ລາຍການໃດໜຶ່ງ ກໍ່ໄດ້, ສ່ວນການພິຈາລະນາແມ່ນ ທຄຕລ ຈະຄັດເລືອກເປັນແຕ່ລະລາຍການ.
ການຊໍາລະແມ່ນຈ່າຍເງິນງວດດຽວ 100% ຕາມມູນຄ່າສັ່ງຊື້ ພາຍຫຼັງໄດ້ຮັບເຄື່ອງຄົບຖ້ວນ ພ້ອມທັງໄດ້ຮັບການຢັ້ງຢືນຈາກພາກສວ່ນກ່ຽວຂ້ອງ ແລະ ກວດກາຄວາມຖືກຕ້ອງຈາກທັງສອງຝ່າຍ ພາຍໃນໄລຍະ 30 ວັນລັດຖະການ.

ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

ຜູ້ຊະນະການປະມູນຕ້ອງໄດ້ຜະລິດເສື້ອ ຕົວຈິງ 01 ຊຸດ ມາຜ່ານຕາມ Artwork ທີ່ ທຄຕລ ກໍານົດ ພາຍໃນ 14 ວັນນັບຈາກມື້ຮອງຮັບແຈ້ງຊະນະການປະມູນ.
ຖ້າຜູ້ຊະນະການປະມູນປະຕິເສດການເຊັນສັນຍາ ທຄຕລ ຈະບໍ່ສົ່ງເງິນຄໍ້າປະກັນ 2% ຂອງມູນຄ່າລວມທີ່ສະເໜີປະມູນ.
ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ແລະ ຄ່າທຳນຽມໃນການຈົດທະບຽນສັນຍາ ແມ່ນມອບໃຫ້ເປັນຄວາມຮັບຜິດຊອບຂອງຜູ້ສະໜອງ.

ດັ່ງນັ້ນ, ຈຶ່ງອອກແຈ້ງເຊີນມາຍັງທ່ານທີ່ມີຄວາມສົນໃຈເຂົ້າຮ່ວມຍືນຊອງປະມູນໃນຄັ້ງນີ້.

ຜູ້ອຳນວຍການ

ທະນາຄານການຄ້າຕ່າງປະເທດລາວ ມະຫາຊົນ

ຕິດຕໍ່ພົວພັນ:

ຂະແໜງສະໜອງວັດຖຸເຕັກນິກ

021 213200 ຕໍ່ 414