ຂ່າວສານ ພິທີເຊັນສັນຍາລະຫວ່າງ 𝐁𝐂𝐄𝐋 ແລະ ບໍລິສັດ 𝐆𝐋𝐍 𝐈𝐧𝐭𝐞𝐫𝐧𝐚𝐭𝐫𝐢𝐨𝐧𝐚𝐥 𝐈𝐧𝐜 ສ. ເກົາຫຼີ ພ້ອມດ້ວຍການເປີດໂຕ ການໃຫ້ບໍລິການໂອນເງິນຂ້າມແດນ ລະຫວ່າງ ສປປ ລາວ ແລະ ສ. ເກົາຫຼີ ຢ່າງເປັນທາງການ ຢູ່ທີ່ ໂຮງແຮມລາວພຣາຊາ ນະຄອນຫຼວງວຽງຈັນ.

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ທຄຕລ ເປັນທະນາຄານທຳອິດໃນ ສປປ ລາວ ທີ່ໄດ້ຮັບການຄັດເລືອກ ແລະ ອະນຸຍາດໃຫ້ເປີດບໍລິການ

ລະບົບໂອນເງິນຂ້າມແດນຈາກ ສ. ເກົາຫຼີດ້ວຍມືຖື ຜ່ານແອັບ 𝐁𝐂𝐄𝐋𝐎𝐧𝐞

ໃນຕອນບ່າຍຂອງວັນພຸດ ວັນທີ 25 ຕຸລາ 2023, ໄດ້ມີການຈັດພິທີເຊັນສັນຍາລະຫວ່າງ 𝐁𝐂𝐄𝐋 ແລະ ບໍລິສັດ 𝐆𝐋𝐍 𝐈𝐧𝐭𝐞𝐫𝐧𝐚𝐭𝐫𝐢𝐨𝐧𝐚𝐥 𝐈𝐧𝐜 ສ. ເກົາຫຼີ ພ້ອມດ້ວຍການເປີດໂຕ ການໃຫ້ບໍລິການໂອນເງິນຂ້າມແດນ ລະຫວ່າງ ສປປ ລາວ ແລະ ສ. ເກົາຫຼີ ຢ່າງເປັນທາງການ ຢູ່ທີ່ ໂຮງແຮມລາວພຣາຊາ ນະຄອນຫຼວງວຽງຈັນ.

ເປັນກຽດເຂົ້າຮ່ວມເປັນສັກຂີພະຍານໂດຍ ທ່ານ ພົງໄຊສັກ ອິນຖາລາດ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ທ່ານ ນາງ ຂັນແກ້ວ ຫຼ້າມະນີເງົາ ຮອງຜູ້ວ່າການທະນາຄານແຫ່ງ ສປປ ລາວ, Mr Jung Yung Soo ເອກອັກຄະລັດຖະທູດ ສາທະລະນະລັດ ເກົາຫຼີ ປະຈຳ ສປປ ລາວ, ພ້ອມດ້ວຍບັນດາຫົວຫນ້າກົມ, ຄະນະກົມ ຈາກກະຊວງແຮງງານ ແລະ ສະຫວັດດີການສັງຄົມ ແລະ ທະນາຄານແຫ່ງ ສປປ ລາວ ພ້ອມດ້ວຍຄະນະອໍານວຍການ, ຄະນະພະແນກ ແລະ ພະນັກງານຂອງ BCEL ພາຍໃນນະຄອນຫຼວງວຽງຈັນ ພ້ອມດ້ວຍສື່ມວນຊົນຈາກຫຼາຍພາກສ່ວນກໍ່ໄດ້ໃຫ້ກຽດເຂົ້າຮ່ວມຢ່າງພ້ອມພຽງ.

ໃຫ້ກຽດຕາງຫນ້າລົງນາມການຮ່ວມມືໃນຄັ້ງນີ້ໂດຍ ທ່ານ ສາຍຈິດ ສິມມະວົງ ຮອງຜູ້ອຳນວຍການ 𝐁𝐂𝐄𝐋 ແລະ ທ່ານ Kim Kyung-ho ຜູ້ອຳນວຍການ ບໍລິສັດ 𝐆𝐋𝐍 𝐈𝐧𝐭𝐞𝐫𝐧𝐚𝐭𝐫𝐢𝐨𝐧𝐚𝐥 𝐈𝐧𝐜.

ການພັດທະນາລະບົບການໂອນເງິນຂ້າມແດນລະຫວ່າງ ສປປ ລາວ ແລະ ສ. ເກົາຫຼີ ໃນຄັ້ງນີ້, ກໍ່ເພື່ອເປັນການອຳນວຍຄວາມສະດວກໃຫ້ລູກຄ້າທີ່ຢູ່ ສ. ເກົາຫຼີ ໃຫ້ສາມາດໂອນເງິນຂ້າມແດນ ຈາກ ສ. ເກົາຫຼີ ສປປ ລາວ ໄດ້ຢ່າງສະດວກສະບາຍ, ມີຄວາມປອດໄພ, ມີຄ່າທຳນຽມທີ່ຕ່ຳກວ່າ, ພ້ອມທັງສາມາດເຮັດທຸລະກໍາໄດ້ຕະຫລອດ 24 ຊົ່ວໂມງ .