ຂ່າວສານ ແຈ້ງເຊີນເຂົ້າຮ່ວມຍື່ນຊອງປະມູນລາຄາຜະລິດເຮືອນແດງຕູ້ ATM ແລະ CRM

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນປະມູນ

ເຖິງ : ບັນດາບໍລິສັດຮັບເໝົາກໍ່ສ້າງ, ຕົບແຕ່ງ ແລະ ຜະລິດປ້າຍ ທີ່ນັບຖື.

ເລື່ອງ :ແຈ້ງເຊີນເຂົ້າຮ່ວມຍື່ນຊອງປະມູນລາຄາຜະລິດເຮືອນແດງຕູ້ ATM ແລະ CRM.

ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍຖືເປັນກຽດແຈ້ງເຊີນມາຍັງບັນດາບໍລິສັດ ຮັບເໝົາກໍ່ສ້າງ, ຕົບແຕ່ງ ແລະ ຜະລິດປ້າຍ ກ່ຽວກັບການສະເໜີເງື່ອນໄຂ ແລະ ຂັ້ນຕອນໃນການປະກອບເອກະສານຢື່ນຊອງ ປະມູນລາຄາວຽກຜະລິດເຮືອນແດງ ATM ຈໍານວນ 28 ຫຼັງ ແລະ CRM ຈໍານວນ 05 ຫຼັງ ຂອງ ທຄຕລ ພາຍຫຼັງຜະລິດສໍາເລັດແລ້ວນໍາສົ່ງຢູ່ ສາງໂພນທັນຂອງ ທຄຕລ ຢູ່ບ້ານໂພນທັນ ເມືອງໄຊເສດຖາ ນະຄອນຫຼວງວຽງຈັນ ໂດຍມີລາຍລະອຽດດັ່ງລຸ່ມນີ້:

ລາຍການ ແລະ ສະເປັກ

ໂຄງສ້າງພື້ນຖານເຮືອນແດງ

ຂະໜາດ 265h*140w*260d ທີ່ເຮັດດ້ວຍເຫຼັກໜາ 02ມມ, ເຄືອບສານກັນໝ້ຽງ, ສີສັນຕາມເຕັກນິກ ແລະ ຄວາມຕ້ອງການຂອງ ທຄຕລ (ເຊິ່ງທຸກພາກສ່ວນຂອງໂຄງສ້າງພື້ນຕູ້ ແມ່ນເຊື່ອມຈອດກັນເປັນຊີ້ນສ່ວນດຽວ;
ປູພື້ນດ້ວຍແຜ່ນວີວ້າບອດໜາ 20ມມ ທັບດ້ວຍແຜ່ນອາລູມີນຽມລາຍຕີນໄກ່ໜາ 02ມມ ຮັບນໍ້າໜັກ 200kg/m² ຂະໜາດ 120ຊມ*140ມ ພັບລົງລຸ່ມດ້ານໜ້າ;
ເຮັດຢ່ວງຫິ້ວໃສ່ຫຼັງຄາຕູ້ 02 ອັນ ເພື່ອຍຶດເວລາເຄື່ອນຍ້າຍ ແລະ ຕິດຕັ້ງ.

ສ່ວນຂອງຕູ້

ເສົາສູງ 200ຊມ ທັງ 04 ດ້ານ ຂະໜາດ 20ຊມ*20ຊມ, ເຮັດດ້ວຍແຜ່ນເຫຼັກໜາ 02ມມ;

ປະຕູດ້ານໜ້າ ເຮັດດ້ວຍເຫຼັກໜາ 02ມມ ຂະໜາດ 110ຊມ*200ຊມ, ພ້ອມທັງພົ່ນສີຂາວ ແລະ ເຈາະປ່ອງເຮັດຂອບບົວສີຂາວ ຂະໜາດໜາ 04ຊມ ພ້ອມທັງຕິດແຜ່ນສະຕິກເກີໃສ່ດ້ານໜ້າ ສ່ວນໂຕໜັງສືເທິງປະຕູດ້ານໜ້າ ເຮັດເປັນນູນດ້ວຍແຜ່ນພາສວູດໜາ 02ມມ ຂະໜາດຕາມຄວາມເໝາະ;
ຝາປິດດ້ານຂ້າງຊ້າຍ ແລະ ຂວາ ເຮັດດ້ວຍເຫຼັກໜາ 02ມມ ຂະໜາດ 110ຊມ*200ຊມ ພ້ອມເຮັດເປັນສະຕິກເກີຕິດໃສ່ແຜ່ນອາຄີລິກໜາ 03ມມ ໃສ່ທັງ 02 ຂ້າງ;
ຝາກັ້ນດ້ານຂ້າງເຮັດດ້ວຍແຜ່ນອາຄີລິກໃສໜາ 10ມມ ຂະໜາດ 110ຊມ*197ຊມ ຂອບເຮັດດ້ວຍສະແຕນເຫຼດ, ດ້ານລຸ່ມໃຫ້ມີປ່ອງລະບາຍອາກາດ 03ຊມ ແລະ ໃສ່ໄລກອນເທິງ ແລະ ລຸ່ມ ສາມາດປິດ-ເປີດໄດ້;
ມີກະແຈ ປິດ-ເປີດ ໃສ່ປະຕູໜ້າ ແລະ ຫຼັງ;
ຕິດສະໜວນກັນຄວາມຮ້ອນ;
ເຈາະຮູວົງມົນເພື່ອແລ່ນສາຍໄຟເຂົ້າໃນເຮືອນແດງ 01 ຮູ ຂະໜາດເສັ້ນຜ່າກາງ 04ຊມ;

(ທັງໝົດນີ້ແມ່ນປະກອບກັນເປັນ 01 ຊີ້ນສ່ວນ)

ຜະລິດປ້າຍຫົວດ້ານໜ້າ ຂະໜາດ 50ຊມ*140ຊມ ເຮັດດ້ວຍແຜ່ນເຫຼັກໜາ 02ມມ ເປັນມູມໂຄ້ງເທິງ ແລະ ລຸ່ມ ເຮັດຮ່ອງກັນນໍ້າຝົນໄຫຼເຂົ້າໃນ ກວ້າງ 1.5ຊມ, ເລິກ 01ຊມ ແຜ່ນປ້າຍພົ່ນສີຂາວ ແລະ ຕິດສະຕິກເກີສີແດງທັບ ສໍາລັບໂລໂກ BCEL ແລະ ໂຕໜັງສື ATM 24/7 ເຮັດເປັນນູນດ້ວຍແຜ່ນອາຄີລິກໜາ 03ມມ ຂອບຊິ້ງ ແລ່ນໄຟໃສ່ທາງໃນ;
ຜະລິດປ້າຍຫົວດ້ານຂ້າງ ຂະໜາດ 50ຊມ*240ຊມ ເຮັດດ້ວຍແຜ່ນເຫຼັກໜາ 02ມມ ແຜ່ນປ້າຍພົ່ນສີ ຂາວ ແລະ ຕິດສະຕິກເກີສີແດງທັບ ສໍາລັບໂລໂກ BCEL ແລະ ໂຕໜັງສື ATM 24/7 ເຮັດເປັນນູນ ດ້ວຍແຜ່ນອາຄີລິກ ແລ່ນໄຟໃສ່ທາງໃນ;

(ທັງຫມົດນີ້ແມ່ນປະກອບກັນເປັນ 01 ຊີ້ນສ່ວນ)

ເຮັດຖ້ານຢອງອຸປະກອນໄວ້ໃນເຮືອນຕູ້ ຂະໜາດ 30ຊມ*50ຊມ ຈອດຕິດກັບເຮືອນແດງຕູ້;
ເຮັດຕັ່ງເກ້ນ້ອຍ 03 ຊັ້ນ ຂະໜາດ 30ຊມ*50ຊມ ແລະ ສູງ 100ຊມ.

ວຽກກລະບົບໄຟ

ລູກ CB Schneider 1P 20A ຈໍານວນ 02 ລູກ;
ລູກ CB Schneider 1P 16A ຈໍານວນ 02 ລູກ;
ລູກ CB Schneider 2P 63A ຈໍານວນ 01 ລູກ;
ຕູ້ໂຫຼດ Schneider 2P 04 ຊ່ອງ ຈໍານວນ 01 ໜ່ວຍ
ກ່ອງລອຍ 4*4 ຍີ່ຫໍ້ PANASONIC ຈໍານວນ 01 ກ່ອງ;
ບອກແຈກ 4*4 ຈໍານວນ 01 ໂຕ;
ສາຍ VCT 2*1.5 ຍີ່ຫໍ້ BANKKOK ຈໍານວນ 30M;
ສາຍ VCT 2*4.0 ຍີ່ຫໍ້ BANKKOK ຈໍານວນ 6M;
ສະວິກແສງ ຈໍານວນ 01 ໂຕ;
ໜ້າກາກ 6T ຍີ່ຫໍ້ PANASONIC ຈໍານວນ 01 ໂຕ;
ປັກກາວຄູ່ PANASONIC ແທ້ ຈໍານວນ 02 ລູກ;
ສາຍໄຟ THW 1*4 ສີຂຽວ ຈໍານວນ 6M;
ດອກໄຟມົນ LED ຍີ່ຫໍ້ PANASONIC 13W ຈໍານວນ 02 ຊຸດ;
TIMER 220V ຈໍານວນ 01 ຊຸດ;
ພັດລົມດູດອາກາດ ຂະຫນາດ 06 ນິ້ວ 04 ໜ່ວຍ.

ເງື່ອນໄຂການປະກອບເອກະສານການປະມູນ

ເອກະສານຊອງມີ 1 (ບໍ່ປິດຊອງ)

ປະກອບເອກະສານໃນນາມນິຕິບຸກຄົນ ທີ່ດໍາເນີນທຸລະກິດ (ສໍາເນົາໃບທະບຽນວິຫາສາຫະກິດ, ໃບຢັ້ງຢືນການເສຍອາກອນ ປີ 2023 ແລະ ໃບອະນຸຍາດດໍາເນີນທຸລະກິດ);
ເອກະສານກ່ຽວກັບມາດຕະຖານເຕັກນິກແມ່ນໃຫ້ລະບຸຄົບຖ້ວນກ່ຽວກັບວັດສະດຸທີ່ຈະຜະລິດ, ສະຖານທີ່ຜະລິດສິນຄ້າ, ກໍານົດເວລາສົ່ງເຄື່ອງ ແລະ ການຮັບປະກັນສິນຄ້າ;
ຄຸນວຸດທິຂອງບໍລິສັດ ແລະ ປະສົບການທີ່ເຮັດວຽກດັ່ງກ່າວ ຫຼື ວຽກທີ່ຄ້າຍຄືລັກສະນະດຽວກັນ;
ກໍານົດຍື່ນຊອງມາດຕະຖານເຕັກນິກ ຈະປິດຮັບວັນທີ 20/09/2024 ເວລາ 15:30 ໂມງ ທີ່ພະແນກຫ້ອງການບໍລິຫານ-ການເງິນ ທຄຕລ ສໍານັກງານໃຫຍ່ ທີ່ປ່ອງຂາອອກ-ຂາເຂົ້າ ອາຄານ C ຊັ້ນ 4;

ເອກະສານຊອງທີ 2 (ປິດຊອງ)

ໃບສະເໜີລາຄາໃຫ້ລະບຸລາຄາລວມອາກອນມູນຄ່າເພີ່ມ ທັງໝົດເປັນສະກຸນເງິນກີບ ໃຫ້ຄົບຖ້ວນ;
ໃນວັນທີ 01/10/2024 ເວລາ 9:00 ໂມງ ແມ່ນມື້ເປີດຊອງປະມູນແຈ້ງໃຫ້ບໍລິສັດ ຮ້ານຕົວແທນຈໍາໜ່າຍ ຈະຕ້ອງຖືຊອງລາຄາມາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມອາຄານ C ຊັ້ນ 5 ຫ້ອງ 5/2;
ຜູ້ສະໜອງ ຕ້ອງວາງເງິນຄໍ້າປະກັນການປະມູນຕໍ່າສຸດ 10% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກໃຫ້ໂດຍທະນາຄານພາຍໃນ (ວັນໝົດອາຍຸໜັງສືຄໍ້າປະກັນຕ້ອງເຖິງວັນທີ 31/12/2024) ຫຼື ແຊັກທີ່ວີຊ່າແລ້ວ (ທຄຕລ ບໍ່ຮັບເງິນສົດ) ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນ.

ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ຊະນະການປະມູນ

ຖ້າຜູ້ຊະນະການປະມູນປະຕິເສດການເຊັນສັນຍາ ຫຼື ບໍ່ຍື່ນເງິນຄໍ້າປະກັນການປະຕິບັດສັນຍາ ຜູ້ຊະນະການປະມູນຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 02% ຂອງມູນຄ່າລວມທີ່ສະເໜີປະມູນ;
ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ແລະ ຄ່າທໍານຽມໃນການຈົດທະບຽນສັນຍາ ແມ່ນຄວາມຮັບຜິດຊອບຂອງຜູ້ສະໜອງ.

ການຊໍາລະ ແບ່ງເປັນ 03 ງວດ

ງວດທີ 01: ຊໍາລະ 50% ຂອງມູນຄ່າທັງໝົດ ພາຍຫຼັງປະຕິບັດວຽກສໍາເລັດ 50% ໂດຍໄດ້ຮັບການກວດວຽກຈາກຄະນະກໍາມະການຕິດຕາມກວດກາ ຫຼື ຄະນະກໍາມະການກ່ຽວຂ້ອງ ທຄຕລ;
ງວດທີ 02: ຊໍາລະ 40% ຂອງມູນຄ່າທັງໝົດ ພາຍຫຼັງປະຕິບັດວຽກ 100% ໂດຍໄດ້ຮັບການກວດວຽກຈາກຄະນະກໍາມະການຕິດຕາມກວດກາ ຫຼື ຄະນະກໍາມະການກ່ຽວຂ້ອງ ທຄຕລ;
ງວດທີ 03: ຊໍາລະເງິນຄໍ້າປະກັນຄຸນນະພາບ ທີ່ຫັກໄວ້ 10% ຂອງມູນຄ່າທັງໝົດ ໄລຍະ 01 ປີ.

ດັ່ງນັ້ນ, ຈຶ່ງອອກແຈ້ງເຊີນມາຍັງທ່ານທີ່ມີຄວາມສົນໃຈເຂົ້າຮ່ວມຍື່ນຊອງປະມູນໃນຄັ້ງນີ້.

ຜູ້ອໍານວຍການ

ຜູ້ປະສານງານ: