ຂ່າວສານ ແຈ້ງເຊີນປະມູນຄາລາ ຮັບຈັດງານຄົບຮອບ 35 ປີ ທຄຕລ

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນ

ເຖິງ: ບັນດາ ບໍລິສັດ ຮັບຈັດງານ (Organizer) ຢູ່ພາຍໃນ ສປປ ລາວ.

ເລື່ອງ: ເຊີນເຂົ້າຮ່ວມການປະມູນລາຄາ ຮັບຈັດງານຄົບຮອບ 35 ປີ ທຄຕລ;

ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍແຈ້ງມາຍັງບັນດາ ບໍລິສັດ ທີ່ມີຄວາມສົນໃຈເຂົ້າຮ່ວມການປະມູນລາຄາ ຮັບເໝົາຈັດງານ ສະເຫຼີມສະຫຼອງ ທຄຕລ ຄົບຮອບ 35 ປີ:

ມື້ຈັດງານ ວັນສຸກ, ທີ 08/11/2024, ສະຖານທີ່: ຫໍປະຊຸມແຫ່ງຊາດ, ນະຄອນຫຼວງວຽງຈັນ.
ການຈັດງານ ຕາມລາຍລະອຽດລຸ່ມນີ້:

ລ/ດ	ເນື້ອໃນ	ຈໍານວນ	ໝາຍເຫດ
I	ໂຄງສ້າງ ແລະ ລະບົບ ແສງ ສີ ສຽງ
1	ເນັ້ນການອອກແບບໃຫ້ມີຄວາມທັນສະໄໝ ແລະ Digital	-
2	ຕົກແຕ່ງທາງເຂົ້າ ແລະ ໜ້າງານໃຫ້ມີຈຸດເດັ່ນບົ່ງບອກເຖິງງານ	-	ໃສ່ປ້າຍ J-flag …
3	ມີຈຸດລົງທະບຽນ ດ້ານນອກ ທາງເຂົ້າງານ	-
4	ສໍາລັບການລົງທະບຽນ: ໃຫ້ເປັນແບບ (Online ຫຼື Electronic)	-
5	ປູພົມທາງຍ່າງ	-
6	ໃຫ້ມີທາງເຂົ້າດຽວ ແລະ ອີກ 1 ທາງອອກ (ຕໍ່ໜ້າຫ້ອງຈັດງານ) ແມ່ນໃຫ້ເປີດໄດ້ຫລັງ 20:00 ໂມງ ເປັນຕົ້ນໄປ	-	ແຕ່ງສາກກັ້ນທາງອອກທີ່ຢູ່ຕໍ່ໜ້າຫ້ອງຈັດງານລ້ຽງໄວ້
7	ເສີມຈໍ LED ເທິງເວທີທັງ 2 ຂ້າງ	2
8	ມີກົດປຸ່ມ ສະເຫຼີມສະຫຼອງ 35 ປີ (Gimmick)	1	(ເປັນລັກສະນະໜ່ວຍມົນໃຫຍ່ ຫຼື ລູກໜ່ວຍໂລກປະມານ 4-5 ທ່ານ)
9	ສາກຕົກແຕ່ງ ທາງເຂົ້າ ແລະ ພາຍໃນງານ	-
10	ສາກຖ່າຍຮູບໜ້າງານ (BackDrop)	1
11	ຈຸດສະແດງຜົນງານ ແບ່ງເປັນ 3 ໄລຍະ	3	ຜະສົມຜະສານຈໍ LCD ແລະ ສື່ສິ່ງພິມ
12	ຊຸ້ມວາງສະແດງລາງວັນ ຫຼື ສັງລວມຜົນງານພົ້ນເດັ່ນຂອງ ທຄຕລ	1
13	ເຄົາເຕີ ຫຼຶ ຈຸດແຈກເຄື່ອງທີ່ລະນຶກ	1
14	ປ້າຍ Prop	5
15	Photo Frame	1
16	ອອກແບບບັດເຊີນ	1
17	ລະບົບໄຟ ແສງ ສີ	1	ຕົກແຕ່ງໜ້າງານ ແລະ ພາຍໃນງານໃຫ້ມີຄວາມອະລັງການ
18	ທິມງານຄວບຄຸມ ລະບົບແສງ, ສີ, ສຽງ	1
II	ທິມງານຖ່າຍພາບນິ້ງ ແລະ Video	-
1	Live ບັນຍາກາດງານຂຶ້ນຈໍ	1
2	ຖ່າຍຮູບໜ້າງານ, ຮູບພາຍໃນງານ ແລະ ຖ່າຍວິດີໂອພາບບັນຍາກາດ ແລະ Highlight ຂອງງານ	1
III	ທິມຄວບຄຸມງານ, ຈັດຄິວ ...	-

ເງື່ອນໄຂຂອງຜູ້ສະໜອງທີ່ຕ້ອງການຍື່ນຊອງປະມູນຕ້ອງປະກອບເອກະສານ ດັ່ງນີ້:

*ເອກະສານຊອງທີ 1:

ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດທີ່ກ່ຽວຂ້ອງ ຢ່າງໜ້ອຍ 2 ປີຂຶ້ນໄປ ແລະ ໃຫ້ສໍາເນົາໃບທະບຽນວິສາຫະກິດ, ໃບອະນຸຍາດດຳເນີນທຸລະກິດປະຈຳປີ, ໃບຢັ້ງຢືນການເສຍອາກອນປີ 2023 ແລະ ເອກະສານກ່ຽວກັບຜົນງານຜ່ານມາຂອງບໍລິສັດ.
ສາມາດຍື່ນເອກະສານຂ້າງເທິງໄດ້ ນັບຈາກວັນນີ້ຈົນເຖິງ ວັນຈັນ, ວັນທີ 30/09/2024 ກ່ອນເວລາ 11:00 ໂມງ ໂດຍການສົ່ງຟາຍສະແກນເປັນ PDF ເຂົ້າມາທີ່ Email: procurement@bcel.com.la.
ຜູ້ສະໜອງຕ້ອງມານໍາສະເໜີຮູບແບບການຈັດງານ ໃນວັນພຸດ, ທີ 02/10/2024.

*ເອກະສານຊອງທີ 2 (ປິດຊອງ):

ທຄຕລ ຈະແຈ້ງສະເພາະຜູ້ທີ່ຜ່ານເງື່ອນໄຂ ແລະ ຖືກຄັດເລືອກຈາກຮອບທີ 01 ເທົ່ານັ້ນ ເພື່ອເຂົ້າມາຍື່ນຊອງລາຄາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າມາຮ່ວມໃນ ວັນພຸດ, ທີ 09/10/2024 ເວລາ 09:00 ໂມງ, ທີ່ຫ້ອງປະຊຸມຊັ້ນ 3 ຕຶກ C ສໍານັກງານໃຫຍ່ ທຄຕລ.
ໃບສະເໜີລາຄາໃຫ້ລະບຸລາຄາຫົວໜ່ວຍ ແລະ ລວມມູນຄ່າອາກອນທັງໝົດເປັນ ສະກຸນເງິນກີບ.
ຜູ້ສະໜອງຕ້ອງວາງເງິນຄໍ້າປະກັນການປະມູນຕໍ່າສຸດ 10% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກໂດຍທະນາຄານພາຍໃນ ສປປ ລາວ (ວັນໝົດອາຍຸໜັງສືຄໍ້າປະກັນຕ້ອງເຖິງວັນທີ 01/11/2024) ຫຼື ແຊັກທີ່ວີຊ້າແລ້ວ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນ/ແຊັກດັ່ງກ່າວຄືນ.

ໝາຍເຫດ: ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ, ການຄັດເລືອກຜູ້ສະໜອງແມ່ນຈະຄັດເລືອກຈາກຫຼາຍເງື່ອນໄຂ (ບໍ່ໄດ້ຄັດເລືອກຈາກລາຄາພຽງຢ່າງດຽວ).

ເງື່ອນໄຂການປະມູນສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

ຖ້າຜູ້ຊະນະການປະມູນປະຕິເສດການເຊັນສັນຍາ ຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ.
ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ແລະ ຄ່າທຳນຽມໃນການຈົດທະບຽນສັນຍາ ແມ່ນມອບໃຫ້ເປັນຄວາມຮັບຜິດຊອບຂອງບໍລິສັດ.
ການຊໍາລະແມ່ນຈ່າຍເງິນ 02 ງວດ: ພາຍຫຼັງເຊັນສັນຍາທັງສອງຝ່າຍສໍາເລັດ ຊຳລະ 15% ແລະ ສຳເລັດວຽກແມ່ນຊຳລະອີກ 85%.

ດັ່ງນັ້ນ, ຈຶ່ງອອກແຈ້ງເຊີນມາຍັງທ່ານທີ່ມີຄວາມສົນໃຈເຂົ້າຮ່ວມຍືນຊອງປະມູນໃນຄັ້ງນີ້.

ຜູ້ອໍານວຍການ

ຕິດຕໍ່ພົວພັນ:

021 213200 ຕໍ່ 417

020 28 828 222 (ໂມງລັດຖະການ)