ໜັງສືແຈ້ງເຊີນປະມູນ

•          ເຖິງ:  ບັນດາບໍລິສັດ ແລະ ວິສາຫະກິດ ຮັບເໝົາກໍ່ສ້າງ, ຕົບແຕ່ງ ແລະ ຕິດຕັ້ງແກ້ວ ທີ່ນັບຖື.
•          ເລື່ອງ: ແຈ້ງເຊີນເຂົ້າຮ່ວມຍື່ນຊອງປະມູນລາຄາປັບປຸງແກ້ວໜ້າອາຄານສໍານັກງານ.

  ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍຖືເປັນກຽດແຈ້ງເຊີນມາຍັງບັນດາບໍລິສັດ ແລະ ວິສາຫະກິດ ຮັບເໝົາກໍ່ສ້າງ, ຕົບແຕ່ງ ແລະ ຕິດຕັ້ງແກ້ວ ກ່ຽວກັບການສະເໜີເງື່ອນໄຂ ແລະ ຂັ້ນຕອນໃນການປະກອບເອກະສານຍື່ນຊອງປະມູນລາຄາ ວຽກປັບປຸງແກ້ວໜ້າອາຄານ ທຄຕລ ສໍານັກງານໃຫຍ່ ຕັ້ງຢູ່ ຖະໜົນປາງຄໍາ ບ້ານຊຽງຍືນ ເມືອງຈັນທະບູລີ ນະຄອນຫຼວງວຽງຈັນ ໂດຍມີລາຍລະອຽດດັ່ງລຸ່ມນີ້:

1. ລາຍການທີ່ຈະປັບປຸງປະກອບມີ

1. ໜ້າວຽກຫຼັກ

1. ລອກກາວເກົ່າຢູ່ຮ່ອງແກ້ວດ້ານນອກອອກທັງໝົດ;
2. ອະນາໄມຮ່ອງແກ້ວໃຫ້ສະອາດ;
3. ສີດກາວໃໝ່ໃສ່ ຕ້ອງເປັນກາວທີ່ໃຊ້ກັບງານແກ້ວສະເພາະ ທີ່ຮັບປະກັນ ແລະ ມີຄຸນນະພາບ ຍີ່ຫໍ້ Dow Corning 791 ສີໃສ ສໍາລັບກາວເກົ່າທີ່ຈັບຢູ່ກັບໂຄງສ້າງດ້ານໃນແມ່ນຮັກສາໄວ້ຄືກົ່າ;
4. ໃຊ້ກິບອາລູມິນຽມຍຶດແກ້ວໄວ້ທັງສີ່ແຈຂອງແກ້ວແຕ່ລະແຜ່ນ ແລະ ຕິດຂອບໂລອາລູມິນຽມຍີ່ຫໍ້ BGF ຄວາມໜາ 1.2mm ຂະໜາດອາລູມິນຽມ 1.5 cm *3.5cm ທັບຕາມຮ່ອງແກ້ວແຕ່ເທິງລົງລຸ່ມເປັນລວງຕັ້ງ;
5. ອະນາໄມແກ້ວດ້ານນອກທັງໝົດໃຫ້ສະອາດພາຍຫຼັງປະຕິບັດວຽກສໍາເລັດ.

2. ຂະໜາດ ແລະ ບໍລິມາດຂອງໜ້າວຽກ

1. ຕຶກ A ຈໍານວນ 144 ແຜ່ນ ຂະໜາດຂອງແກ້ວ ລວງສູງ 107cm/ແຜ່ນ ລວງກວ້າງ 60cm/ແຜ່ນ ຄວາມໜາ 06mm:
2. ຕຶກ B ຈໍານວນ 104 ແຜ່ນ ຂະໜາດຂອງແກ້ວ ລວງສູງ 95cm/ແຜ່ນ ລວງກວ້າງ 66cm/ແຜ່ນ  ຄວາມໜາ 06mm;
3. ຕຶກ C ຈໍານວນ 336 ແຜ່ນ ຂະໜາດຂອງແກ້ວ ລວງສູງ 106.2cm/ແຜ່ນ ລວງກວ້າງ 72.5cm/ແຜ່ນ ຄວາມໜາ 06mm;
4. ຕຶກ D ຈໍານວນ 45 ແຜ່ນ ຂະໜາດຂອງແກ້ວ ລວງສູງ 120cm/ແຜ່ນ ລວງກວ້າງ 101cm/ແຜ່ນ ຄວາມໜາ 06mm.

2. ເງື່ອນໄຂການປະກອບເອກະສານການປະມູນ

1. ເອກະສານຊອງມີ 1 (ບໍ່ປິດຊອງ)

1. ປະກອບເອກະສານໃນນາມນິຕິບຸກຄົນ ທີ່ດໍາເນີນທຸລະກິດ (ສໍາເນົາໃບທະບຽນວິຫາສາຫະກິດ, ໃບຢັ້ງຢືນການເສຍອາກອນ ປີ 2023 ແລະ ໃບອະນຸຍາດດໍາເນີນທຸລະກິດ);
2. ເອກະສານກ່ຽວກັບມາດຕະຖານເຕັກນິກແມ່ນໃຫ້ລະບຸຄົບຖ້ວນກ່ຽວກັບວັດສະດຸ, ຍີ່ຫໍ້/ລຸ້ນ ຂອງກາວທີ່ຈະນໍາໃຊ້, ວິທີການປະຕິບັດ, ກໍານົດໄລຍະເວລາສໍາເລັດວຽກ (ສາມາດປະຕິບັດວຽກໄດ້ສະເພາະວັນເສົາ-ວັນອາທິດ) ແລະ ໄລຍະເວລາການຮັບປະກັນ;
3. ຄຸນວຸດທິຂອງບໍລິສັດ ແລະ ປະສົບການທີ່ເຮັດວຽກດັ່ງກ່າວ ຫຼື ວຽກທີ່ຄ້າຍຄືລັກສະນະດຽວກັນ;
4. ກໍານົດຍື່ນຊອງມາດຕະຖານເຕັກນິກ ຈະປິດຮັບວັນທີ 13/12/2024 ເວລາ 15:30 ໂມງ ທີ່ພະແນກຫ້ອງການບໍລິຫານ-ການເງິນ ທຄຕລ ສໍານັກງານໃຫຍ່ ທີ່ປ່ອງຂາອອກ-ຂາເຂົ້າ ອາຄານ C ຊັ້ນ 4.

2. ເອກະສານຊອງທີ 2 (ປິດຊອງ)

1. ໃບສະເໜີລາຄາໃຫ້ລະບຸລາຄາລວມອາກອນມູນຄ່າເພີ່ມ ທັງໝົດເປັນສະກຸນເງິນກີບ ໃຫ້ຄົບຖ້ວນ;
2. ໃນວັນທີ 17/12/2024 ເວລາ 9:00 ໂມງ ແມ່ນມື້ເປີດຊອງປະມູນ ແຈ້ງໃຫ້ບໍລິສັດຈະຕ້ອງຖືຊອງລາຄາມາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມອາຄານ C ຊັ້ນ 5 ຫ້ອງ 5/2;
3. ຜູ້ຮັບເໝົາ ຕ້ອງວາງເງິນຄໍ້າປະກັນການປະມູນຕໍ່າສຸດ 10% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກໃຫ້ໂດຍທະນາຄານພາຍໃນ (ວັນໝົດອາຍຸໜັງສືຄໍ້າປະກັນຕ້ອງເຖິງວັນທີ 14/03/2025) ຫຼື ແຊັກທີ່ວີຊ່າແລ້ວ (ທຄຕລ ບໍ່ຮັບເງິນສົດ) ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນ.

3. ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ຊະນະການປະມູນ

1. ຖ້າຜູ້ຊະນະການປະມູນປະຕິເສດການເຊັນສັນຍາ ຫຼື ບໍ່ຍື່ນເງິນຄໍ້າປະກັນການປະຕິບັດສັນຍາ ຜູ້ຊະນະການປະມູນຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ;
2. ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ແລະ ຄ່າທໍານຽມໃນການຈົດທະບຽນສັນຍາ ແມ່ນຄວາມຮັບຜິດຊອບຂອງຜູ້ຮັບເໝົາ.

4. ການຊໍາລະ ແບ່ງເປັນ 03 ງວດ

1. ງວດທີ 01: ຊໍາລະ 50% ຂອງມູນຄ່າທັງໝົດ ພາຍຫຼັງປະຕິບັດວຽກສໍາເລັດ 50% ໂດຍໄດ້ຮັບການກວດວຽກຈາກຄະນະກໍາມະການຕິດຕາມກວດກາ ຫຼື ຄະນະກໍາມະການກ່ຽວຂ້ອງ ທຄຕລ;
2. ງວດທີ 02: ຊໍາລະ 40% ຂອງມູນຄ່າທັງໝົດ ພາຍຫຼັງປະຕິບັດວຽກສໍາເລັດ 100% ໂດຍໄດ້ຮັບການກວດວຽກຈາກຄະນະກໍາມະການຕິດຕາມກວດກາ ຫຼື ຄະນະກໍາມະການກ່ຽວຂ້ອງ ທຄຕລ;
3. ງວດທີ 03: ຊໍາລະເງິນຄໍ້າປະກັນຄຸນນະພາບ ທີ່ຫັກໄວ້ 10% ຂອງມູນຄ່າທັງໝົດ ໄລຍະ 01 ປີ.

ດັ່ງນັ້ນ, ຈຶ່ງອອກແຈ້ງເຊີນມາຍັງທ່ານທີ່ມີຄວາມສົນໃຈເຂົ້າຮ່ວມຍື່ນຊອງປະມູນໃນຄັ້ງນີ້.

                                                                                   ຜູ້ອໍານວຍການ

ຜູ້ປະສານງານ:

ທ່ານ ພູວອນ ສໍອິນໄຊ 020 5955 9889